مسامحك لو تقطعين المواصيل

خانتني الدمعه وقطع المواصيل
دمعة حبيبٍ فارقك ..! مايعوفك

مدري سبايبها الاسى والبهاذيل
والا تزايد سكة الحب .! خوفك ..

وش يمنعك لا ترسلين التفاصيل
وافهم سبايبها واراعي ظروفك

عجزت لا القى في صدودك تحاليل
وارسلت لك عينٍ شغفها تشوفك

عينٍ كسيره عذبتها التهاويل
في كل ركن وركن تلمح طيوفك

قلبي لحونه والشعر والمواويل
اغلب معانيها بكت من عزوفك

ماكنت اظن الحب كله ولاويل
لين اجرحتني بالمشاعر سيوفك

مسامحك لو تقطعين المواصيل
بس طمنيني كان تسمح ظروفك

ناطق العبيدي معجب بهذا

الموضوع الأصلي: مسامحك لو تقطعين المواصيل || الكاتب: فارس الشهباء || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر