أنا آسف أني فبت عنْك و قلب لونك .. (:

أنا أسف اني غبت عنك وقلب لونك
وصارت ورود خدودك الحمر مصفرّه

وأنا في غيابي يومي إشغل لك جفونك
فلا ألعين مرتاحه ولا الروح مسترّه
...
غيابي صراعٍ داخليّ{ أترك ظنونك}
أكابر !!! وأنا إلي مانسيتك ولا مرّه

على كثر ما أروح اتناساك وأخونك
على كثر ما أشعر من خطاياي بالحرّه

قراري الأخير أعيش وأموت مجنونك
ولا راح أفكّر ب اني اعاود الكرّه

دروب المدينه كل ما جيت من دونك
طويله عريضه موحشه مظلمه مرّه

وأنا فعلا ليا غبت توحشني عيونك
{حلا الدنيا} إلي كلّها كلّها ... مرّه

يبيعونك بها إلي تهقا ما يبيعونك
ويشرونك إلي مالهم داخلك ذرّه

وأنا بعتها بالي بها { بضحكة سنونك }
زعل من زعل ولا تشرّه من تشرّه

محد يعرف طبوع العرب كثر مظنونك
ياوجدي من الجرّه ،،، ومن تابع الجرّه

ف يا قلبي أهدأ واستريح وعلى هونك
زمنك ...... يتحدّى نبضك ابّرده وحرّه

ولا ينفعونك جمعا ولا يضرّونك
لك إلي كتب ربّك بخيره وشرّه

اعاهدك مأخونك وإعاهدك ل آصونك
وإعاهدك أردّ خدودك الصفر محمرّه

الموضوع الأصلي: أنا آسف أني فبت عنْك و قلب لونك .. (: || الكاتب: مہلہك الہعہيہونے || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر