يارب تهديني قبل لحظة الفوت
وتغفر ذنوبي ياكريم العطايا ..~
اشكيك هم داخل الصدر مكبوت
وأيامي اللي بالخطايا ملايا ..!
أنلاذ بك من كان طايع ومبخوت
في من يلوذ المرتكب للخطايا ..!
رحماك لامنا صحينا من الموت
وإليا وقفنا عند بابك عرايا ..!
خلونا نتخيل شوي ..!
لو احد منا نقط عليه نقطه من صمغ المسدس الحار
وش بيسوي؟؟
بيقوم الدنيا ولا يقعدها ..!
طيب نتخيل هالمره شياشد
لو انكب عليك مويه مغليه او شاهي حار وش بيصير؟؟.
استنفار كامل ..!
فما بالك بـ رصاص مصهور
يغلي من حرارته ..!!
ينصب داخل اذنك ؟؟
/
/
تلقون كل واحد منكم لمس اذنه
بمجرد انك[تخيلت] الموقف ..!
/
/
طيب ليه نسمعها ؟
ناقصين ذنوب وآثام؟
ولا متساهلين العقاب لهالدرجه؟
وعشان ايش !!
عشان ساعه ولا ساعتين اسمع بها كم اغنية
تضيق خلقي وتغضب علي ربي .!!
ربــّي ..!!!
يالله ..!! سبحانك !!
انعمت علينا بـ نِعَم ما تحصى..!
وفوق هذا قاعدين نستغل هالنعم عشاننعصيك ..!!
السمع..
نعمه مايحس فيها الا اللي فقدها ..
قاعدين نستغله بغضبك يارب..!
/
/
طيب ويننا عن القرآن ..؟
نقرآه..؟!!
لا الحمدللهكويس مازال فينا خير ..،
بس للاسف
ماعرفنا انه مايجتمع القرآن والاغاني في قلب واحد ..!
كلآم الله سبحانه وكلآمالشياطين ..!
مستحيل تجتمع بمكان واحد ..!
الأغاني قرآن الشيطان .. وهو رقية الزنا !!
/
/
طيب فيه منكم بيقولون..!
لو تركت الاغاني ,، اللي حولي يسمعونها
وراح اتأثر فيهم وأرجع ..
راح اقولكم :
الانسانفي هالدنيا شي من اثنين:
يا أما تتأثر بالناس ..!
او تؤثر فيهم ..
ليه امشي ع كيفهم وامشي معهم عالغلط ؟
ليش ماتكون الثانيه.. تؤثر فيهم ..!
وفوق هذا
تعلن لهم قرآرك..!
وراح تكبر بعيونهم ..!
حتى لو حكوا فيك
من داخل انفسهم راح يعترفون انك انت اقوى منهم ..!
ليه هم الليع غلط يكابرون ويجاهرون
وحنا الصح نستحي ونخجل
الحق معنا.. احنا الصح..
واذا فيه احد مفروض يستحي فهو :
هم ..!
/
/
عندنا البديل ..!
الحمد لله الاناشيد موجوده و متوفره بشكل كبير..!
بكل مكان بالنت .. بالتسجيلات كاسيت وسي دي ..
بقنوات التلفزيونحتى ..!
كنا نقول ماتجذبنا الكلمات الفصحى
وطلعت اناشيد باللهجه العاميه وانتشرت بعنف ..!
/
/
اتركوا الاغاني ...!
اتركوا عنكم الهم و الضيقه..!
لاتقولون مانقدر..!
بالإصرار و إخلاص العزيمة انك تتركها عشان رضا الله
..!
صدقوني بتقدرون ..!
احنا اقوى من الشيطان و إقناعه لنا باننا مانقدر ..!
ابعدوا كل شي يساعدكم انكم تسمعونها ..!
الآي بود -الجوال- اللاب توب
طهروها من الاغاني ..!
ولو حسيتوا انكم ماتقدرون تستغون عنها مره وحده
خذوها بالتدريج ..!
[زي حالتي اول ..!!
حذفت النغمات لاني ماني ناقصه ذنوب غيري
بعدها شلت اللي بالجوال عشان ماتثقل ع الجهاز
بعدها جت من ربي و ضاع الايبود
و قمت حذفت كل اللي بالاب توب ..!
وآخر شي حتى المواقع اللي بالمفضله حذفتها
ولما قعدت حوالي شهر من حذف المواقع لقيت الايبود
و ع طول سويت لهتهيئه..!
وعبيته من الاناشيد اللي ماليه مجلدات اللاب توب (= ]
تجربتي بعد تركي الاغاني :
سبحان الله اول شي واهم شي
* الضيقه اللي كنت احس فيها
- طبعا بدون ظروف تمر فيني - زالت ولله الحمد
* صارت ماتهمني الاغاني ابد ..
بالعكس حتى اني اتكهرب منها لما اسمعها كـ نغمه جوال احد
او لما تجي ع التلفزيون .. ومن غير شعور القاني اكتم الصوت
بعد ماكنت اول مااهتم اني اكتمه
وعادي عندي لو اسمع موسيقى او اغنيه بس اللحين لآ بالعكس اتضاايق وكثير بعد
وقمت انصح اللي حوولي واتكلم لهم عن هالشي وضره وانه ماراح ينفعك بقبرك ابدآ
* صرت اناقش و انقد المبادئ اللي ماتعجبني
وخاصه لما تكون شي في الدين
من بعد ما كنت اطنش واقول بالطقاق
كلمتي لكـم حبـآيبي =)
جوالك فيه اغاني او الابتوب تبعك او اي شي خاص فيك
بقولك امسحهآ واتركهآ ومااراح تنفعك بقبرك ..... ومن هالكلام
بتقولي هي موجودهـ بجهازي بس مأسمعها كثير او من فتره لفتره
بقولك شي حلوو , بس انت مو ضاامن عمرك ولا تدري متى يومك
ومدام انت تسمعها من فتره لفتره ومو كثير ليش ماتحاول تتركها مره وحده
لآنهآ هي بجهآزك راح تشهد عليك يوم القياامه يوم الفزع الاكبر والحساب والعقاب
لآن اي شي يخصك ,, جوالك , لابتوبك لو فيه شي حراام مثلآ اغاني , صور , مقاطع فيديوا محرمه ومخله بالاداب
كل هالشي اللي حوولك راح يشهد لك او عليك يوم القياامه
لكـن انت حااول ان الاشياء اللي تستعملها تكون شاهده لك لا عليك
مثل لو حطيت فيه قرآآن , اناشيد , اذكاار , كل هذا بإذن الله راح يشهد لك ويرفع من درجـآتك ..
ونصيحتي للي يسون تواقيع فيهآ آغاني او صور مخله بالاداب
آنت عليك ذنب واللي سويت له التوقيع كمان عليه ذنب لآنه رااضي وحطه بتوقيعه وشووف عاد كم زائر او عضو بالمنتدى راح يشوف توقيعك ويسمع الاغنيه اللي فيه
وشوف كم واحد بياخذ التوقيع ويسمعه ويرسله لآصحابه
باللهي تقدر تحسب كم ذنب صار بصفحاتك بس مجرد مأنت حطيت هالاغنيه بالتوقيع
تخيلتوا معااي كيف المسأله مو سهله
لآزم كل شي نسووويه نعرف وشلون وكيف بيصير بعدين
لو عكست هالموضوع وحطيت شي ينفعك
مثلآ صوت دعاء , او صوت شيخ يقرآ سوره من السور , او محاضره , او انشودهـ
رااح يكون عكس المسأله اللي قبل وبالعكس رااح تنفعك وزياده بصفحآتك حسنااات ..
لو شي بسسسيط تسويه راح ينفعك كثيير وبيوم لآظل الا ظله سبحآنه ..
حبـآيبي
خلونا نقرب من ربنا
نتوب ونطلب عفوه ومغفرته..
ونفكر بحالنا ونطلب جنته ..!
تقربوا من الله وبتلقون قريب يمكم ..!
ولاتنسوني من دعائكم ..
إن اصبت في شي فمن الله
وإن اخطئت فمن نفسي والشيطان ..!
● •مخرج • ●
حياتك لا تمللها
من ذنوب تضللها ..!
لأجل هذا ياباغي الراي
على الطاعات بدلها
بدلها على الايمان
بدلها على الاحسان
قبل وقت لا ينفع ندم
ومعانق الاحزان ..~
بدلها ولا تسلى ..!
وفرحه خافقك أولى
بدلها وشد الحيل
وشوف الدنيا كم تحلى
م//ن
لرووعه الفائدة به...
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
الانسان إما يؤثر أو يتأثر
العرض الشجري