سيف العشق

كيف أطفي الريح بثيابك وكيف اشعلك
كيف اتنثر على جمـرك وكيـف احتويك

نقضت ليل الحرير وجيت ماانت لـهـلــك
سمّيت باللي فتني بـك وقلت ابتديـك

هذا اول الدرب او هذا الطــريق اولك
جيت آتوقّا عذابات المدى..واهتديك

شوقـي مسافـة وهمساتـك مـدار وفلك
ان ماظميتك غلى 00ياعلني ماارتويك

إية اعرفك واعرف اني من غلاك اجهلك
مرات اضمّـك واخـاف اني مشبة عليك

مـرات اشوفـك بنفس الوقت واتخيـلك
وانشد كفـوفي عن اخر سالفة من يديك

أعـنّ لك لـو تصّـب المـوت 000واتهيّلك
واجـوع لـك وآتمـنى خنجـرك واشتهيـك

ماقلـت لك عمر سيـف العشق مايقتلك
ماتشوفني حي قدامك وانا امـوت فيك

اشتقت لك قبل اجيك وجيت واشتقت لك
البارحة طول ليلي بين هذي..وذيـك

مليت جمـر انتظارك واستحيت أسألـك
واحسبتني ما بعد جيتك وفكرت اجيـك

اثرك بقلبي من البارح وانا استعجلك
واثري نسيتك من الفرحة وقمت احتريك

الموضوع الأصلي: سيف العشق || الكاتب: فارس الشهباء || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر