الله يسامحك والله لا يسامحني
إن قلت غير الحقيقه لا سألتيني
زعلك لا من تمادى فيك يذبحني
وشلون اجل وانتي بشكك طعنتيني
دمعك وهو دمع لامن طاح يجرحني
والله كنّه يقطّع في شراييني
ماهي غريبه يبين الحزن في لحني
تمرني آهتين وتشتعل فيني
لا من زعل قلبك وعيّا يصالحني
ومن غربتي قمت أسألني : انا ويني!!
واللي يكدّرك لايمكن يفرّحني
والا عساها توّقف فيني سنيني
حبك هو اللي ليا من ضقت يمنحني
أجمل شعورٍ يرتب لي عناويني
مادام طيفك يمسيّني يصبّحني
اسألك بالله توّك ما عرفتيني ؟؟
انا حبيبك ولو كذّبت يفضحني
صدقي وعشقي وشوقٍ ما يخليني
طيفك وانا في مكاني ما يبارحني
والله مرات من نومي يصحيني
يكتبني الشوق والدمعات تمسحني
والمشكله ما اذكر انك قد ظلمتيني
الله يسامحك والله لا يسامحني
ان قلت غير الحقيقه لا سألتيني
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف