دلعونة فلسطينة تراث فلسطين الحبيبة

عَلـى دَلْعونـا وْعَلـى دَلْعـونـا
فْلِسْطيـن بْــلادي إمِّ الزَّيْتـونـا
***
عايِد يَ بـلادي ي بْـلادي عايِـدْ
وكُلّـي أشْـواق وحُـب وقَصايِـدْ
فيكِ اتْرَبّينـا عَ بأحْلـى العََوايِـدْ
عِـلـم وثَقـافِـة وْأدَب وِفْنـونـا

راجِع يَ بْـلادي وانـا الجِنينـي
العُروبِة بْدَمّي ، واسْمي فْلِسْطينـي
وفي حَلْقِ العِـدا شوكِـة وْسِكّينِـه
والله أعْطانـي القُـوِّة وِالعـونـا

أنا مِـن جَبَـل جَرْزيـمِ العالـي
لاعَبْني الهَـوى وعيبـال قْبالـي
وِجْبـالِ النّـار تْلَبّـي طَـوّالـي
لَمّـا بِتْنـادي إمّــي الحَنـونـا

أنا مْنِ القُدْس مْنِ الجُرْحِ النّـازِفْ
أقْوى مْنِ القَلْعَة بْوِجْهِ العَواصِـفْ
مِتْوكِّل عَ الله ، غيرو مِش خايِـفْ
خَلّي اللّي يْكيـدو يْظَلّـو يْكيدونـا

أنا مْنٍِ كْـروم وعِنَـبِ الخَليلـي
ومَيِّـة ، وْبَيّـارَة بْسَهَِـل قَلْقيلِـه
راجِع مِـن بَعِـد غيبِـة طَويلِـه
بِتْـراب ِ بْـلادي كَحِّـل لِجْفونـا

سامِـع رام الله تْنـادي عَالبـيـرِه
ومِن حُبِّ بْلادي قَتْلَتْنـي الغيـرِه
طيري يَ مْهيرَه ، يَ مْهيرَه طيري
لَ عِـنْـدِ حْبـابـي إلْيُذْكُـرونـا

نِحْنا مْنِ الأقْصى ، وْعَالأقْصى جينا
غايِـة أمَلْنـا وْحَـبِّـة عينيـنـا
مِنْظَـلِّ انْغَنّـي لاجْـلِ فْلِسْطينـا
جَفْرا ، وْعَ اليادي ، وْعَلى دَلْعونـا

راجِع عَ بْلادي وطولْكَـرِم بِدْهـا
أحْلى الشَّبـاب تْـروح وتِوْرَدْهـا
بْـعَــزْم وإرادِة الله أيَّــدْهــا
وعِشْتي يَ بْلادي ومَجْدَِك مَصونـا

يـا بَحَـر يافـا موجَـك بينـادي
وِالرَّمْلِة وْحيفـا عَـروسِ بْـلادي
وِاللِّـد وعَكّـا صـورَه بْفُـؤادي
عاشَت في قَلْبـي وجُـوّا لِعْيونـا

يا صَحْرا النَّقَـب مَحْـلا رِمالِـكْ
بَعْـدو عالمُهْـرَه راكِـب خَيّالِـكْ
صَفْحَة مْنِ الذَّهَب لَوْحِـة جَمالِـكْ
وأغلى مْنِ التِّبْر وكَنْزو المَدْفونـا

علـى دَلْعونـا عَـلـى دَلْعـونـا
يـا رَبـي جـازي للّـي بيخونـا

الموضوع الأصلي: دلعونة فلسطينة تراث فلسطين الحبيبة || الكاتب: دفرنت || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر

سلم الله يمنااك
ع روعه طرحك
نترقب المزيد من جديدك الرائع
دمت ودامت لنا روعة مواضيعك
كلنا شوق لجديدك القادم
لروحك اكاليل الورد

طــرح رائع وجميـــــل
دام التألق ... ودام عطاء نبضك
كل الشكر لهذا الإبداع والتميز
لك مني كل التقدير

يَعَطَيَكَ اَلَعَآفَيَـهَ عَلَىَّ اَلَإنَتَقَآء اَلَرَوًّعَـهَ
شَكَرَاًَ لَكَ مَنَ اَلَقَلَبَ عَلَىَّ هَذآ اَلَمَجَهَُوًّدَ ,
مَاَأنَحَرَمَ مَنَ عَطَـآءكَ اَلَمَمَيَزَّ يََ رَبَ !
دَمَتَ بَحَفَظَ اَلَلَهَ وًّرَعَآيَتَهَ

منورين

شـكــ وبارك الله فيك ـــرا لك

على الموضوع الطيب

والتميز

دام مداد قلمك .... ننتظرجديدكم

خالص تحياتى

منورين

منورين