كني ظلاله..

ليت الهوى مافيه فرقا ' و لا حزن وادموع زرقا ..
اللي تخلي العين غرقا ' ( وتذكرك لا صرت داله )

فرقا الوليف اللي تحبه ' لا فارقك من دون سبه ..
وماخاف فيك الله ربه ' ( و لا تهيا لك و صاله )

يا دمعتي بالله كفي ' و ياضيقتي بالله خفي ..
الصدر فيه اللي يكفي ' ( والقلب فاقد راس ماله )

الليل لا هبهب نسيمه ' ترى عواقيبه و خيمه ..
المشتحن بيذوق ضيمه ' ( من واحدٍ قفى بفاله )

وانا لامن هب الهبيّب ' على شوي شوي اغيّب ..
في ذمتي مانيب طيّب '( ولا هقيت انها سهاله )

الله ياذيك . الليالي ' اللي مضت ياويل حالي ..
قبل الهوى يقفي بغالي ' ( وموادعه ماجاء مجاله )

اضيق واهوجس واغني ' واهتم واحاتي واوني ..
من واحدٍ من راح عني ' ( لي حالتن ماهيب حاله )

من بعد ماشتاء وقيض ' في قلبي اللي له تهيض ..
اموادعه ماهوب ريض ' ( ومنول اقول استحاله )

يجفاني ويرحل فديته ' وانا ماخون اللي هويته ..
ومن بين خلق الله شريته ' ( ولا يحل أحدٍ بداله )

يا حيه و ياحي عاما ' يوم الغلا والشوق لاما ..
محبتن فيها اهتماما ' ( للي عنا لي واعنا له )

ابيه يرجع لي تراني ' من سبة الفرقا معاني ..
واعاهده لامنهْ جاني ' ( لامشي معهْ كني ضلاله )

غيابه الزايد تعدّى ' اكثر من الواجد وجدّى ..
ان طول غيابه ترّدى ' ( واذا رجع سوى جماله )

الموضوع الأصلي: كني ظلاله.. || الكاتب: ملاك بكلمتي || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر