تدلـل والبسـاط قلب

تدلـل والبسـاط قلبي , وأنـا لرضـاك مديـتـه على طاري مساء الورد, وإسمك, والحـلا والـذوق ذكرتك يـا أجمـل أحلامـي , بقافـي واستهليتـه على درب القصيد أسوق , قلبي والخطـاوي شـوق وإذا مالت بـي الخطـوة , علـى دربـك تناسيتـه يهز الشـوق بأعماقـي , عناقيـد الغـرام عـذوق ويقطف بالغلا فيني , غـرامـ(ن) خنـت وأخفيتـه أحبك كثر ما يشعل , غرامك فـي حشـاي حـروق وشبٌه زود لو يحرق , ضلوعي مـت مـا اطفيتـه أحبك دمعتـ(ن) طاحت , على خد الصباح اشـروق يموت النور لـو طاحـت علـى كفـي , وضميتـه أحبك , إيه أحب إسمك . وأمـوت بجيـدك المنتـوق و تخيل كثـر مـا أكـره صـدودك , قمـت حبيتـه تموت من البطا غيمه,طعنها مـن جفـاك بـروق وغشى روض الحشا وسمي , جفافك وإنت ما أرويته رحلت , وما بقى منك سواك إنت , و عنـا مفهـوق عنـا ذاك الربيـع اللـي , غشانـي مـا تمنيـتـه تعال , إجرح على كيفك , تربـع واستحـل عـروق تدلـل والبسـاط قلبي , وأنـا لرضـاك مديـتـه قم إسهج لآخر ضلوعـي, تغلغـل داخلـي برفـوق حلالك ما بقى منـي , مـع اللـي لأجلـك أفنيتـه من اللي من غديت أجمل قصيدة ما غـدا لـه ذوق ومن اللي كتـب باسمـك قصيـده وإنكسـر بيتـه وربي , من كتبت إسمـك وبروزتـه بقلبـي فـوق وأنـا مـا دار فـي بالـي , قصيـد مـا تحاليتـه دخيل الدمعتين اللي, غـدت منهـا الخـدود شقـوق ترفق سامحك ربي , علـى قلـب(ن) لـك أهديتـه إذا لك حق في قلبي , فأنا لي فـي غـلاك حقـوق و حقوق الشوق محفوظـة , وحـدي مـا تعديتـه يذكرني صباح الورد , وإسمـك , والحـلا والـذوق وأردد يا ( أجمـل أحلامـي ) بقافـي يـوم هليتـه

اشراق ,الزين كله معجبون بهذا

الموضوع الأصلي: تدلـل والبسـاط قلب || الكاتب: ريآن || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر