ممنون للضيقه وممنون للكبت *** وممنون للي يرتشف من خلاياي
الفاتن اللي من سواياه رتبت *** معزوفة حروفي على بحة الناي
للضيق طبت ومن عنا الضيق ماطبت *** ناوي على ذبحي وطردي ومنفاي
أقسى حزن باأقسى دروبه تشعّبت *** مهموم تاهت سكة الدرب بخطاي
يانزاحن بي لين ضعت وتغرّبت *** من رحت مادري وش مكاني وميناي
هدمت قصر القلب بالبعد وألهبت *** احساس نار الشوق من نار الأقفاي
ياطولهن يومين لين اصبح النبت *** ذاوي يباس وحر فرقاك شــــوّاي
ألاربعاء روّحت عن هايمك غبت *** ووعدتنى بالسبت من سفرتك جاي
واليوم قفا سبت مع سبت مع سبت *** سبتين والثالث حداني على اقصاي
ذبحنى غيابك وطوّلت واسبهت *** ورغم المواجع انت ياطربة مناي
تكفا تراك اسرفت واخطيت وأذنبت *** تعال لاتذبح بقايا بقاياي
مما بقلبي من حزن قلت واعربت *** وترف القصايد منك تسكن زواياي
لاتلومنى الأربعاء أقلق السبت *** والسبت من طوله حداني على أقصاي
كلمات البحث العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر
ألاربعاء
العرض الشجري