كيفكم ياابنات
انا لقيت خلطة في إحدى المنتديات وقمت بتعديلات عليها على حسب اللي يناسبني
وأحلى شي بالموضوع ان الخلطة يتشربها الجسم وتقدري تلبسي اي شي وتجلسي براحة
مو مثل الخلطات الثقيلة والنتايج روووعه انا من ثالث يوم بين فيني
والله بس أخليها 3 ساعات قبل الاسحمام والنتايج بانت
كان جسمي مبقع لاني حامل ولا صرت اهتم وكل ما ابي احط كريم قالوا لي خطيرة الكريمات على النونو
والحمد لله جربت هالخلطة واحس نفسي بعد تغيرت واحس بنظافة ونعومة ولمعة بجسمي
وبعد في اثار حب شباب والله خفت كثير معاها انا بستمر عليها ان شاء الله واخليها دائما قبل الاستحمام
هذي هي الخلطة الصابونية وباللون الوردي تعديلاتي عليها
ولا ابي منكم سوى الدعاء الصالح وتسهيل الولادة وصلاح الذرية
خلطة صابونة دوف
وهي تستخدم 5 ساعات في اليوم وتغسلينها بعدين طبعا يوميا تستخدمينها ..
والخلطة هي ..
المقادير..
صابونة دوف تبشرينها بالمبشرة ..<< صابونة دوف ماتناسبني انا غيرت الصابونة واخذت لايف بوي وانتم بعدخذوا اللي متعودين عليه ومرتاحين مو شرط صابونة دوف
نص كوب موية ورد..
5 ملاعق جلسرين سائل ..
عصير ليمونة وحده ..<< ليمون زهير استخدمت لان فعاليتة أقوى
لوشن فير اند لفلي للجسم أصغر حجم(مفتح ومرطب للجسم) << انا استخدمت لوشن عادي بالصبار وانتي شوفي اللي يناسبك
5ملاعق زيت اللوز الحلو (هذا مفتح للجسم)
نجي للطريـقــــــــــــــــــة ..
انقعى صابونة دوف فى موية الورد طول الليل والصبح حطية على النار مع التقليب لغاية ماتلاقى الصابون زى الكريم ضيفى زيت اللوز وومكن لومالقيتيه تضيفين زيت زيتون بداله والجلسرين وقلبى شويه واطفى النار وبعدين ضيفى عصير الليمونة والوشن و وقلبى مظبوط وحطى الخليط فى علبة زجاج ..
طريقة أستخدامها ..
أدهني كل جسمك بالخلطة لأنها زي الكريم راح يتشربها جسمك خليها لمدة 4 ساعات على جسمك بعدين بللي الليفة بمويه حارة بس وأدعك جسمك منطقة منطقة تلاحظين أنها طلعت رغوة ماعليك كملي الى أن تنتهي وبعدين آخر شي لاخلصتي من الدعك أغسلي جسمك بالمويه وشوفي كل الشوائب اللي في الجلد تخرج مع الدعك رووووعه بصراحه وحتى ريحتها حلوووووه يعني ماتضايق أبدا والأستمرار عليها يصفي وينعم الجسم بجانب تبيضه أصلا من أول مره تلاحظين جسمك يلمع بعد الأستحمام ..
وتكفي هذي الكمية مدة طويلة يمكن لمدة شهر ونص ..
وبالنسبة للملاعق أقصد بها ملاعق الأكل اللي ناكل بها ..
وكل ماأستمريتي راح تعطيك جسم لامع وأبيض من المره اللي قبلها ..
وتنفع لتصفية وتبيض الجسم للعرايس ..
__________________
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
خلطات قبل الاستحمااام
العرض الشجري