لو تطلب اسنين العمر .. جاتلـك سـوق

وين أنت ياللي .. تذبح القلب بالشـوق
العقل من بعد ( اللقاء ) منك مـا فـاق

ليتك تحـس بواقعـي بـس .. وتـذوق
من كاسك اللي منه ( نشفـن ) الأريـاق


دنياي من دونك تـرى مالهـا ( ذوق )
خليتني عايش علـى ( حـد ) الإرهـاق

إليـا متـى .. ببقـى اطالبـك بحقـوق
ماتشوف كل الكون .. في غيبتك ضـاق

وراك كنـي تايـه الـدرب .. ملحـوق
خايف تكون .. إنهاية الحـب لفـراق !!


يكفي عذاب اللي ( غدا ) منك محـروق
غيرك وربي بالبشـر مـا بعـد .. لاق


جيتك جروح .. وباقي .. الحال مسروق
من سِبّتك ضاقت بي ( افجوج ) وآفـاق


أنا دخيلـك .. تفهـم الوضـع برفـوق
ما عاد صبري لو تصورت .. ينطـاق !!


تعـال بعـدك حالتـي كلهـا .. عـوق
عقبك ودربي بالهوى صـار .. منعـاق


تدري مكانـك ( غايتـي ) دايمـا فـوق
فيك انولد ( حلمي ) وكبـرن الأشـواق


تاخذني ايامـك .. لهـا حيـل واتـوق
دامك هناي .. ورغبتي .. ليـه مشتـاق


لو تطلب اسنين العمر .. جاتلـك سـوق
والروح لجلك دايـم الـدوم .. تنسـاق


في عيني اكبر .. من ( غلا ) كل معشوق
مثلي لحبـك ماعتقـد ( مـر ) عشـاق


والله ما ياصـل غـلاك أي ( مخلـوق )
وحدك سكنت بداخلي ( وسط الأعمـاق )

الموضوع الأصلي: لو تطلب اسنين العمر .. جاتلـك سـوق || الكاتب: محروم || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر