العـلاج الأنعكاسى Reflexology ( خاص بموضوع المسابقة )
Reflexology
(العلاج الأنعكاسى )
طريقه بتستخدم لعـلاج بعض حالات زى صداع وشعور بالألم من خلال تدليك باطن القدم عن طريق الأبهام بالضغط ع نقط معينه ف باطن القدم وكل نقطه من نقط دى بتمثل جزء معين ف جسم الأنسان وليكن مثلا صباع رجلك الاوسط بيمثل العين او صباع رجلك الأكبر بيمثل الرقبه وهكذا والنظريه دى قايمه ع ان الأقدام مرأه الجسم وان كل عضو ليه زى جهاز تنشيط خاص بيه وان قدم الأنسان بتحتوى ع مئات النهايات العصبيه اللى متصله بشكل مباشر مع كل اجزاء الجسم من اعضاء واجهزه وغدد وبالتالى يمكن الأتصال بأى عضو او جهاز اوغده داخليه عن طريقه تدليك النقط الأنعكاسيه اللى حددو اماكنها ف القدم
وجدير بالذكر انو يعتقد ان اصل العلاج الأنعكاسى فرعونى
فوائد العلاج الانعاكسى - Benfits : بيستبدل شعورك بالألم للأرتياح وبيعمل ع تحفيز اعضاء الجسم
وبيخليها تقوم بوظيفها بشكل فعال اكتر وبيحسن جميع انظمه وظايف الحيويه زى الجهاز عظمى وعضلى ودوره الدمويه والتنفسى والعصبى ووظايف القلب والليمفاوى والبولى والغددى
1-بتقلل شعورك بالألم والضغط والأرهاق وبتستبدله بشعور براحه 2-بتزود وبتعمل ع تحسين دورتك الدمويه 3- بتزود وتحسن عمليات الهضم 4- بتحسن تجدد خلايا الجسم 5- بتبنى مناعه قويه لجسمك
موانع استخدامه - Contraindications : بيمنع استخدام طريقه عند الناس اللى بتعانى من مرض السكر ومشاكل الجهاز البولى - Urinary system وكبار السن او العواجيز بالأضافه للأشخاص اللى بيعانو من مشاكل ف الأوعيه الدمويه- Vascular problem
احتياطات - precaution: بنتجنب او بنمنع عمل ريفسولوجى اوعلاج الانعكاسى لمده ساعه بعد اى وجبه وبنراعى واحنا بنضغط اننا منضغطش بشكل عنيف او جامد ع اماكن اللى فيها عظم - Bones وبعد حوالى 30 دقيقه من علاج بنشرب حوالى 500 cc (سنتيمتر مكعب ) من المايه الدافيه وف حاله انك لولاقدر الله عندك مشاكل ف قلب او الكلى متشربش اكتر من 150 cc من المايه الدافيه
Foot Reflexology Map ( خريطه العلاج الأنعكاسى )
الخريطه دى اللى هتبينلنا او هتظهرلنا كل جزء ف بطن قدمنا بيشير او متعلق بأيه ف جسمنا ولما نبقى عارفين كل جزء بيمثل ايه هنقدر سعتها ان نضغط ع مكان اللى نقدر نأثر فيه ع الجزء اللى محتاجين نحسن من وظايفه ف جسم الخريطه مترقمه من 1 لـ 35
ملحوظه : هتلاقو ف حجات مشتركه او متكرره ف رجلين اليمين والشمال بس هتلاقو بردوا ف اختلافات بين الرجل اليمين والشمال زى مثلا القلب لأنه مايل لجزء الشمال ف جسم الأنسان وعشان كدا هتلاقو ليه نقطه ف رجل الشمال ومش هتلاقو نقطه ف رجل اليمين عكس مثلا الكلى معروف ان الأنسان ليه كليتين واحده ف اليمين والتانيه ف شمال ف هتلاقو نقطه ف شمال ونقطه فل يمين فاهمنى ولا توهتووو منى
كيفيه او طريقه الضغط ع نقط الأنعكاسيه : لازم تستخدم دايما ابهامك ف ضغط ع نقط عكسيه بعد كدا هتبتدى تتنى صباعك وتثبته ع وضع ده ممكن تفضل ضغط بالشكل ده او تبتدى تعملى دواير بأبهمك ع نقط وده بيستمر لحوالى 1 دقيقه كامله وبعد كدا بتنقل برفق ع نقطه اللى بعدها وهكذا فيديو عشان تتقنو التكنيك بالظبط
تقدرو بعد ماتتفرجو ع فيديو وتتقنووو طريقه تستخدموه وتجربوا ع اخواتكو مثلا وتشوفوا مدى تأُثيره وردود افعالهم وشعورهم بالأرتياح وكدا طبعا هو ممكن انتا تعمله لنفسك بس يفضل طبعا ان حد غيرك هو اللى يعملهولك عشان انتا تكون ف حاله Complete rest او راحه او استرخاء تااااااام انا حاسسة انكم هتيجووو ع اخر التووووبيك وهتنامووو
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف