ياشين نبش الجرح من عقب ما طاب

ياشين نبش الجرح من عقب ما طاب
نزفه مضاعف والالم جاير حيل

اجور من جرح القرايب ولانساب
واجور من حمل الجمل في سند ميل

واجور من بعض الاسامي واللاقاب
الي على غير اهلها عام وتحيل

قال المثل لا تامن السيل والداب
الداب سمه موت والغدر بالسيل

ياليت ابن برمان عن رحلته غاب
ولا رافقه طيره مع الخرج والخيل

ماني بحب اهل المظاهر ولاكذاب
الي لهم وجهين في الصبح والليل

الي على وقت الرخاء كانهم اصحاب
وكلا يقول انه ولد ذيب واشعيل

يلي تخضون اللبن ما بعد راب
يدينكم تبخس موازين بالكيل

من لا يغبر شاربه عاد هو شاب
ما دسمه لاقل من جسمه الحيل

وملا يهاب الناس ما هو بمنهاب
ايعيش باوهامه ووقته غرابيل

ومن عيب الاشراف لابد ينعاب
لابد دورات الليالي له تميل

العلة الي مالها حل واطباب
اما قلعها الله جابت تعاليل

شخصتها والي ظهر بعض الاسباب
تقفي تهاويل وتقبل تهاويل

ياصقر يالي معتلي فوق مرقاب
سج النفس وافرد جناحيك بالحيل

بعض الصداقه من حديدين واجناب
اخير من ربع على القول والقيل

الموضوع الأصلي: ياشين نبش الجرح من عقب ما طاب || الكاتب: سمو الروح || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر