الـشـاعــر مـحـمـد بـن فـطـيـس

بشت الليل

الامنه كسى ذا الناس بشت الليل صـدري لـج
مثل لجة حجيج البيـت طيلـة تاسـع الحجـه
توارد به هواجيـس تزاحـم تجتمـع وتعـج
مثل عجعاج ريش من مصيد بساكـر العجـه
سبب ما والله اني داري انه لو رحـل ماسـج
ولو يملك رصيد الناس في الدنيا مـن السجـه
انا حر توسـط عابـر فـوق البحـور اللـج
عبر ثم كـل متنـه ثـم تبـرة منـه اللجـه
هلا ياناقل بالفرخ قوته من حشـى امـه مـج
دخيلك يا منجـي نـوح عبـدك مبتلـى نجـه
الامنه ركدقلبي وعـن درب الهواجـس هـج
حصله من مقاريد العـرب منجـاه ثـم رجـه
اغيب مـع خيالـه واليالـي الماضيـه وادج
الاياماحـلا الضيعـات مـع ذكـراه والدجـه
خطير الحال من فرقاه اخاف ان العقل يرتـج
اهوجس به ولو كثرت علي الاصوات والصجه
والا من قيل وشبك يا محمد ضاربن لـك فـج
ادور عذر من حكي العواذل والتمـس حجـه
ابين ضحكتي بالسن ولا القلب ضحكـه هـج
غزى الحزن الفرح فالقلب واستالانـي وهجـه
هذا حظي يا بو عينين تزج الدمع لاجلـي زج
هذا مالله كتب لي في مكان لي بسفـل الحجـه
عسى الله لي ولك وسط الدروب المغلقات يفـج
مثل حطه لموسى فالبحر يـا صاحبـي فجـه
بلشت بقلب عن درب الهوى وأهل الهوى ماخج
وذكره ماغفـل عنهـا معـه ومنيـن ماوجـه

ترَى الكِبد فَاحت

البارحـه ربـي كتـب لـي ومريـت
درب ٍ عليه بـروق الاحبـاب لاحـت
جيت المكـان اللـي جمعنـا وخفيـت
وقامت جروحي للجـوارح وصاحـت
يا ليتنـي فـي لفـة الـدرب زليـت
كان العيون مـن الدمـوع استراحـت
اللتم غيـم الدمـع مـن يـوم لفيـت
وورقا القصيد لشوفـة الغيـم ناحـت
و ضحكت ما ابغي الناس تدري يبالفيت
لكنها غصب ٍ علـى العيـن ساحـت
حارت دموعي في عيونـي وصديـت
وارمشت ابيهـا ماتبيّـن... وطاحـت
وعقبه برق فالعيـن بـراق واسقيـت
خـدي ووناتـي بصـدري تـلاحـت
وانا احسب اني فـي فراقـه تعافيـت
وان عبرتي من مدخل الـزاد زاحـت
اللي يحسب اني علـى البعـد سجيـت
والا ان عيونـي للرقـاد استبـاحـت
ياليتنـي مـن قبـل لا احبـه اقفيـت
والا ان دروبي عـن دروبـه تناحـت
اهون علـي مـن البكـا والتناهيـت
واشلا من سدود ٍ على النـاس باحـت
عرفت كيف الحي يفرق عـن الميـت
وعرفت قيمـة نعمتـي يـوم راحـت
قولوا له انـي عقـب بعـده تدانيـت
ورجلي عن دروب المعافيـن شاحـت
البعد نـار وطاعـة العـذل كبريـت
يقصر على بعده... ترى الكبد فاحـت

إتصال إاللي سواتك عن زياره

إتصال إاللي سواتك عن زياره
والزياره من سواتك ماتقاس
ليه لا؟ مادمت شهم وساس أماره
طيب راس وعز ساس وقو باس
قد لك بصدري من الحشمه عماره
موقفك وزيارتك كانت الأساس
موقفك لكسورنا مثل الجباره
بث في صدري وفي الشعر الحماس
يايمين اللي تردت به يساره
وياحزاام اللي شكا في الوقت ياس
وياعديم يذهل الباخس شناره
أشقر كن في عيونه لمع ماس
(( مايهد الا ايلا قدهي شراره
لاغدى عند الصقاقير ألتباس
تختلف في الجو لاشافت طياااره
علمها به تحت ويجيها إنتكاس))
ولايشاف الا مع فتحت غماره
صامل ماعين لسبقه قياااس
فيه حزات الهدد قطع وحراره
بالكفوف اللي سكاكين وفاس
(( وظربته تنبيك وش معنى الجساره
وصيدته دايم تحول دون راس))
وانت مثله بالجساره والنداره
والله انك اخير فعل وخير ساس
انت للتايه مثل نور المناره
وانت مثل الماء على العرق اليباس
وانت لك في قمة المجد الصداره
ولك حما من هيبتك ماهو يداس
في لزومك عدني رهن الأشاااره
دام روحي فوقها جسمي لباااااس
سقت يانهيان في شوفك بشاااااره
وجيت أسوق الشعر يدفعني حماااس

ريقـك عســل

وش قومك ؟ وش فيك ؟ وإلا عـلامك؟
قد لك معي كم يوم و أعلومك أعلوم ..
وأنا أدري أنــي يــآ مرآمي مرآمـك..
لـو تقعـد الدنيـــآ و لآ تقـدر تقــوم ..
عطيتني قلب !! .. و بخلت بسلآمك ..!
"وش فآيدة حبك و أنــآ منــك محروم ؟"
لآ عـاد تـزعل و أحـيـيني ببتسآمك
ضحكك يزيل أوجاع و جروح و هموم
و كــلآم عينــك مآ يهمش كلآمــك
كلآم عينك كوم و حكاك لي كــــوم
لآغبت عن عيني رح انشد غرآمــك
تـلقاك في قلبي مـقـلط و محشـوم
بعدين يآ أغلى الناس وفــر ملآمـك
ترى الغــلآ يجفل على كثرة اللـــوم
دونك خفوقي ممتلي من سـهـامك
و لآ شكيتك جرحه و قلـة النــوم
القلب مـثل الطير .. وفر حمامــك
إن افلس اقفى لسماء يقلب الحوم
لكن قـبـل لآ انـسـى بنبهك دآمـك
مسلم و باقي كم شهر و يدخل الصوم
لآ يذبح الموضـوع قـل اهتمامــك
طعني وشف لك شيخ يفتي لك اليوم
مآ ظـنـتـي يآ زين يقبل صيآمـك
ريقك عسل .. علمني و شلون بتصوم ؟