الدنيا مش بالفتونة ولا بالدراع
ياما كانوا ناس ياما قبلنا دلوقتي وداع
نفض لاي جرح قديم وارمي اللي باع
خلي قلبك صافي سليم وانسى اللي ضاع
طب خمسة علينا ربنا يحمينا
من عين بصاصة بتحسد فينا
اصل انا واخوتي مع بعضنا
ومحدش يوم هيفرقنا
على طول بنصون ولا يوم بنخون
والعشرة علينا عمرها ما تهون
وبنبعد عن الصاحب الملعون
ابطال ومحدش يكسرنا
تتحطو معايا انا هرنكوا
طول عمركم ياض هفضل عمكو
ده لو سالكين كنت اسلكلكوا
مصاحبش صحاب مؤذية
عمري ما كرهت لحد الخير
ضيعت كتير وصرفت كتير
كله بيكرم لأجل التقدير
واللي في جيبي انا مش ليا
هعمل ايه واسوي ايه في الدنيا ديا
المجدع متحط عليه نسي الحنية
شغل الخيانة بيعمل بيه ويميني مش ماشية
واللي خاني انا لازم أأذيه ده انا جاتلي الكافية
طب اسد الدايرة صاحب صاحبو
في الجيهة كل الناس بتحبه
دا رجولة يابا طيب قلبه
حاتم ابو اسد الرياسة
الصفا والمروة دول وحوش
رجالة على الاصلي ميهيبوش
من عين الناس يارب حوش
تعادينا هنضربك رصاصة
مبحبش انا شغل المنظرة
ولا كتر الحك ولا الافورة
منظرتك يله هتجيبك ورا خليك نزاهة وتوب
ضارب الخيانة الفين مطرقة
فارس على ارضي واخد على الشقا
والعين قناصة يا اسطى مرشقة في كل متر مطب
لو الغراب كان سابق الصقر
عمر الحقود مايبطل قر
ميكتفيش لو يشرب بحر هيعيش ويموت نمرود
ماتعيشها وتسيبها على اللي خلقك
ماتفرطش في مرة ف حقك الحرامي لو مد ايدو سرقة
تلاقيه من الجوع معضوض
مليون سلامة لكل صاحب مش جدع
باعني وسابني ماحبنيش راح وخلع
وجوه قلبي اللي شالني في الوجع
لو هيزعل مرة مني انا هتوجع
الفلوس رقاصة سحرت كلوا
والخلق علينا مش بيحلوا
على الشر بقينا بنضلوا
والصح بقى الممنوع
الحب غرامة ممنوع تداين
تطلع خاين مع انك صاين
كل اللي فات قدره مش باين
وخلاص مفيش رجوع
ابن الناس بقى ليه مدمن
حتى الابطال صبحت تركن
مش لاقي لقلبي يابا مسكن
مجروح لكن اسد
خمسة استرليني على اللي راح ناسيني
بعدك ياخسيسة مش هيبكيني
ده انا الف واحدة بتتمناني
ورسايل ملهالش عازة
امشي روحي مش بريدك مش بحبك
كرهتيني في كلمة حب بسببك
مجنونة هبلة كلامها مدب مابتراعيش
انا مزعلتش لما سيبتك ده انا لازم اعيش
بدماغي بحل اي عقدة
بدماغي بحل اي عقدة
حكاويكوا بخلصها في قعدة
متكترش وتعمل فرده انا عقلي اكبر منك
الراجل كده مش بلسانه أفعاله هتعليله كيانه
ومعاتبة الغبي نسيانو وده لو فهمته يجنك
الحال دوار ومبيدومشي ومفيش مراضية ومعلش
ع الدنيا ضيوف وراح نمشي على ايه هنجرح بعضينا
لازم نخاف على بعض شوية نعمل ما بينا قانون صحوبية
خلي العلاقة تكون ودية ونفوق شوية لنفسينا
مهرجان خمسة استرليني
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
خمسة استرليني .. عصام صاصا
العرض الشجري