04-09-2020, 08:31 PM
|
#18
|
رد: رواية صيته ظبي النفود بقلم نبض أفكاري
كايد ووليد : ههههههههههههههههه
كايد واهو باقي يضحك اول مره اشوف ملك بريالين
وليد ادخلو راسه الشباب وقرر يتعرف عليهم
رد بضحك : واطلق ملك بعد يالله خلنا نخسر
الحاتمي ذا الي في مخباه كله
سلمان : ولايهمك نخسره الي في مخباه ونخليه
يستعين بالسيد الوالد
كايد بعد ماضمن انهم بيجون معه : بتمشون والا امشي
واخليكم
وليد : خلاص كل واحد يروح بسيارته علشان مانتعطل
امش انت قبلنا الاانت وش اسمك يسئل كايد
كايد رد بابتسامه : انا كايد
سلمان توسعت عيونه بدهشه : انا احسبنكم اخويا
وليد : توني شفته الحين وانا اسمي وليد
سلمان : انا سلمان
راحو يتغدون او يتعشون موب مشكله المسمى
وفي المطعم اصر كايد انه يعرف سالفة وليد
وسلمان صف معه بعد ماعرف ان وليد كان يغسل
قزاز السيارات من جد وتحت الحاحهم خبرهم وليد
بقصة الوصيه كامله
كايد : انا اعطيك الفلوس ومنغير اهلك مايدرون
وليد : لاتشيل هم باجيب مهرها وبجهدي
سلمان : واذا ماقدرت تجمع المهر
وليد : وقتها يحلها الف حلال المهم اني اكون قد كلمتي
واجيب المهر بجهدي حتى لوكان ناقص مستحيل
اخلي احد غيري ياخذها
عند الجازي قامت من النوم قبل المغرب بشوي
كعادتها مؤخراً ولمى ادخلت الحمام اكتشفت
انه ماعليها صلاه عصبت كثير طبعا موب
على الصلاه الي صارت تسحب على صلاتين
منها بسب النوم في النهار والي تصليه
في الليل تصليه بسرعه ومن غير تركيز
اما الي خلاها تعصب هو انها راح تنحرم
من المضاد الحيوي الي ادمنته الفتره الاخيره !!
في الشرقيه
الوقت بعد المغرب نمر جايب مقاضي البيت
ونزلها كلها قدام باب المشب ونادى شيخه
تدخلها داخل للمطبخ
شيخه صاكها البرد لابسه تنوره جنز ازرق ولابسه
تحتها سروال قطن اسود لاصق على الجسم طويل
وبلوزه صوف سوداء ومن فوقها جاكيت مشجر
يوم قالها نمر تطلع تدخل الاغراض امسكت تنورتها
واسحبتها فوق وثنتها على فخوذها يعني طلعت
قصيره من تحت الركبه شافت قبوع صوف احمر طايح
على المركى حق الصاله البسته واطلعت تجيب
الاغراض وشكلها حفله من الالوان جت لقت
الاغراض وش كثرها احتارت وش تبدى فيه
قامت تعد عليها حقره بقره بصوت عالي واستظراف
جت العشره على خيشة البصل شالتها بعبط وحطتها
فوق راسها وقامت تفحط فيها في الحوش اخذت لفه كامله
على الاغراض ماتدري وش فيها اليوم عندها طاقة
سخافه لامحدوده اول مخذت لفه على الاغراض وصارت
مقابله لباب المشب اشهقت بروعه من الي طاحت
عينها في عينه
عدم التفاعل الحقيقي مع احداث البارت يحجب البارت الي بعده
اخذت لفه كامله
على الاغراض ماتدري وش فيها اليوم عندها طاقة
سخافه لامحدوده اول مخذت لفه على الاغراض وصارت
مقابله لباب المشب اشهقت بروعه من الي طاحت
عينها في عينه اختبصت ماتدري وش اتسوي احذفت
خيشة البصل الي على راسها جهته واهي تتمني انها
تصيبه لاكن لثقل الخيشه وضعف الرميه يادوب تجاوزتها
بمتر وطاحت في نفس الوقت الي احذفت فيه خيشة البصل بعدم وعي اصرخت الله ياخذك يالسربوت واركضت
داخل اوصلت غرفتها ادخلت واصقعت الباب وراها وتسندت عليه وبدت تستوعب وش صار عماد شافها
واهي مخلقنه وملابسها كل قطعه من ديره ولابعد
شافهاواهي تستظرف نفسها ياربي اهي اهي اهي
وبدت تبكي بفشله الحين وش بيقول عني هبله وماتفهم
عوده لحظات ورى في نفس الوقت الي اطلعت فيه
شيخه للحوش كان عماد جالس مقابل لباب المشب
باتفاق مع نمر علشان يشوف شيخه وهذا الي خلى
نمر ينزل الاغراض قدام باب المشب بالتحديد
اما نمر كان واقف ورى شباك المشب ويراقبها من الشباك
عماد بعمره ماشاف شيخه وكان وده يشوفها لولمحه
على الاقل يكون عنده فكره لوبسيطه عن الانسانه الي ارتبط فيها ويرتاح من القلق الي عذبه
عماد ياترى كيف شكلها طويله قصيره نحيفه دبه
اهم شي راح ارتاح لها لاشفتها اولا قطع تفكيري
الظهور المفاجي لبنت مدري وش اقول عنها لاني
انشغلت بالي قاعده تسويه كانت واقفه تتامل الاغراض
وفجأه بدت تعد عليها حقره بقره ياربي اول مره
اشوف بنت بظرافتها والاخبصة الملابس الي لابستها
شي ثاني كنت اتأملها برواقه لحد ماشافتني
انفجعت مسكينه واحذفت البصل الي على راسها
وانا ونمر انفرطنا ضحك بس والله كان ودي اقوم
احضنها على الفجعه الي صابتها
صحى من افكاره على صوت نمر الي اخيرا قدر يسيطر
على نوبة الضحك الي صابته
نمر : وهاذي حرمتك الرجه وشفتها عسى مافجعتك بس
عماد : هههههه والله انها خطيره بنت عمي انا خلاص
باعرس
نمر : اقول تركد بس مافيه عرس تدري انها متاخره في
الدراسه عطها سنتين ثلاث
عماد بجديه : الدراسه تكملها في بيتها زين اذا صبرت
لين تجي العطله الطويله يمكن استعجل واخلي العرس
في عطلة منتصف العام الدراسي
نمر : والله عاد منك لعمك مالي دخل بروح اشوف شيوخ
هالحين تلقاها حاقده علي
عماد رجع يضحك على شكلها وقام قعد عند الوجار والقهوه
نمر دخل يدورها وقالتله امه انها ادخلت تركض وصكت
غرفتها عليها
وقف في الصاله يناديها : شيخه ياشيخه
شيخه ماصدقت اسمعت صوته امسحت دموعها واطلعت
اول ماشافت نمر قامت تلقط من الشباشب والجزم
وتحذفه : ياحيوان ياوصخ فشلتني طيحت وجهي
هالحين وش تبي الرجال يقول عني والله انك مخفه
تتكلم وتحذفه واهو يرواغ ويبعد عن طريق قذايفها
واهو يضحك ويركض في الصاله واهي تركض وراه
وتسبه
نمر واهو باقي يتنحش عن شيخه
: ابشرك اعجبتيه حتى يقول نادها الي بنسري لبيتنا
شيخه عصبت زود : مالت عليك انت وياه
واحذفته بالشبشب الي اخيرا اصابته في ساقه
انحاش للمشب واهو يحك ساقه
: الشرهه على الي يسعالك في شي حرمتك اكسرت رجلي
بنعال
عماد فرط ضحك وهو يشوف نمر يحك ساقه
: ياعساك فدوه لحرمتي
|
|
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن » 03:35 PM.
Powered by vBulletin® Version 3.8.11 Copyright ©2000 - 2024, Jelsoft Enterprises Ltd. new notificatio by 9adq_ala7sas HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
|