تعال قهوتك تبيك

فاحـــت دلالك يالغلا قــــرّب الهيل
من غبت ريح الهيل مافـــاح فــــيها

نبــي نحرك راكـــدات الفناجـــيل
مبطـــي تحرى ريحـــتك تحتويـها

تـــعال اقهويك الولـه لأخر اللـــيل
واســـقي عروقن ناشــف الدم فيها

كنت اتحرى من الضمى لمعة السـيل
شحّــت غيومك ماروتنـــي يديـــها

لاشفت في حضن السما نجمة سهيل
يطري علي ارقـــى المعالي واجيها

والا انت لاشــفتك تشفـّـقت بالحيل
مـــثل الـغريب ليا لـقــا دارٍ يبــيها

ربــي طلــبتك حالنا صابه الـــميل
وين الـــدروب اللي ترده واجـــيها

وهـــذي دلالي جبتــها وينــه الهيل
ابطــت وريــح الهيل مافــاح فيــها

الموضوع الأصلي: تعال قهوتك تبيك || الكاتب: نسمات || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر