في يوم اخر عند ام ابراهيم
كانت في المطبخ تجهز معجنات واقهوه وشاهي
ادخلت عليها انوار شافت كيف مجهزه مجموعه كبيره
من ترامس القهوه والشاهي وارض المطبخ فيها يجي عشر
اسلال افتحت اعيونها على وسعها
: يمه وش ذا عندنا حفله وانا مدري
ام ابراهيم : لا بس دقيت على عمتك سلمى وقلتلها
نروح انا وياها نزور المرضى المنومين في المستشفى
ومايزورهم احد ياني متشوقه لروحه
انوار ابتسمت امها تغيرت تغير جذري وغيرتها معها
صارت تتطوع في حلقات القرآن صارت ماتجلس
الاوهي مشغله عندها محاضره دينيه لاحد العلماء
صارت تصوم الاثنين والخميس تغيرات كثيره
صارت لها حتى تفكيرها تغير ولى من يصدق
ان امي تنصح ابوي يطلع النايفه ويمشيها
علشان تغير نفسيتها وتطلع من جو الحزن
الي هي فيه من يصدق ان امي تدعي لنايفه
وتقول الله يفرج عنها ويعوظها خير
ام ابراهيم انتبهت لسرحان انوار هزت كتفها
:انوار وش فيك سرحتي
انوار : يمه انتي كيف صرتي تدعين لنايفه وتوصين ابوي
عليها موب انتي تكرهينها
ام ابراهيم اضحكت ضحكه قصيره : صدقيني
ماعاد اكرها والاشي بلعكس شفقانه عليها
مسكينه من كلام ابوك عرفت انها ادخلت اكتئاب النفاس
وابوك ماعنده صبر ولايعرف يتصرف في هالمواقف
الله يعينها ويفرج عنها
انوار والاستغراب مازال معشش في راسها :طيب وش تغير قبل كنتي تكرهينها
ام ابراهيم : الي تغير انه صار عندي هم وهمه اعلى بكثير
من مستوى علي يعني بدل ماكنت افكر اغلب وقتي بعلاقتي بابوك صرت كل وقتي افكر في علاقتي بربي
كيف اتقرب لربي الي خلقني كيف احسن من اعمالي
واخلاقي حتى يرضى ربي عني كيف احس بهموم الناس
وحاجاتهم اشياء كثيره ماراح تعرفينها والاتحسين فيها
الااذا خليتي رضى الله هو اهتمامك الاول
هنا في دار اختبار ماهي دار استقرار لازم نبذل للجاي
صدقيني ماعاد احس بكره لنايفه ولاعاد احس انها
ظلمتني ربي حلل لرجل اربع زوجات وابتلاني بزواج
زوجي علي صحيح اني وقتها كنت معترضه وناقمه
بس وقتها كان اهتمامي علي اما الحين انا راضيه
كل الرضى ولو تزوج الثنتين الباقيات ماراح ازعل
لان اهتمامي الحين اكبر من علي بكثير علي
مجرد جزء من حياتي ماهو حياتي كلها
لاكن الله وعبادته ورضاه علي حياتي كلها
انوار ابتسمت برضى بعمرها ماكانت فخوره بامها
قد الحظه ذي تحس امها من الداخل صارت قويه
وصلبه والااهم نضيفه نضيفه حيل
عند النايفه وجوزاء
جوزاء : قومي امشي حركي ارجولك طول الوقت نايمه
ولامنسدحه على الفراش
النايفه بكسل وتعب : مالي نفس في شي شغلي التلفزون
بس خلينا نشوف فلم والاشي
جوزاء بمحاولت اقناع : يابنت الحلال طيعيني الجو
مطر وشين يهول خلينا بس نمشي تحت مظلة الحوش ونتفرج في المطر
النايفه بعدم مبالاه : ماني طالعه مالي نفس خلاص
عاد شغلي التلفزون وخلينا نجلس
جوزاء فكرت خلوني اطلع واطنشها يمكن تمل وتلحقني
بتذبح نفسها بالنوم والكسل ماعاد تتعدى الفراش
: والله الي يترك الجو الممطر الي براء علشان التلفزيون
خبل وانا بطلع اتمشى واحرك جسمي اخاف تعقد ارجولي
من طول الجلسه
النايفه بكسل ماتدري ليه صايره مره خامله ودايم
فيها النوم : ايه من كثر ماتجلسين طول اليوم تكرفين
في ذا البيت
جوزاء : والله لو ماعمليتك والاكان رحت لبيتي وخليت
الكرف كله لك على الاقل تحركين دمك الي جمد في اعروقك من الخمله
قالته واطلعت للحوش من غير ماتشغل التلفزيون
النايفه بدل ماتقوم تشغل التلفزيون تلحفت ونامت
او سوت نفسها نايمه
في بيت حمود الصاله
صيته جالسه وعناد وزياد جالسين جنبها واحد عن يمينها
والثاني عن يسارها والكتب قدامهم وقاعده تذاكر
لهم وتساعدهم في حل واجباتهم
عناد يمد لها دفتره :شوفي خلصت
اخذت الدفتر : بطل حبيبي كل الكلمات الي كتبتها
صح يالله انت خلصت دخل كتبك ودفاترك في الشنطه
استانس عناد وبدى يدخل اغراضه : نبي نلعب كوره
صيته : طيب بعد مايخلص زياد تلعبون
زياد بفرحه : وانا خلصت
اخذت دفتره وشيكت عليه : بطل حبيبي يالله شل اغراضك
وروحو العبو كوره في الحديقه اياني واياكم تطلعون برا
العيال بدو يشيلون اغراضهم
وصيته راحت تستاذن من امها بتروح لساره
لقت امها في غرفة الجلوس مشغله الدفايه وجالسه تطرز
مفرش طاوله
صيته : الله الله اشتقتي لتطريز والحركات الجميله
ابتسمت اغزيل : ايه طفشت من الجلسه
خليني اتسلا واوريكم المفارش السنعه بدل هالبلاستيك
الي ماله منظر ولاشكل
صيته ابتسمت لامها : يمه باروح لساره اذاكر معها
غزيل : طيب روحي والبسي عباتك قبل تطلعين
صيته واهي تمشي للباب : يمه دايم تقولين البسي عباتك
وانا من متى اطلع بدون عباتي
غزيل : من خوفي عليك اذكرك
راحت صيته لساره واهي داخله شافت الجازي
جالسه في الصاله تاكل ومبين عليها توها قامت من النوم
: السلام عليكم
الجازي من غير نفس
: وعليكم السلام
تعدتها صيته واصعدت لساره
الجازي تذكرت روحتها امس للكوافيره
ووش قالت لها لمى شكت لها من صيته
وكيف انصحتها تعطيها شريط فديو من الي عندها
وتخليها تشوفه واهي لاشافته اكيد بتطلب غيره
هنا تقولها الجازي عن مكان الكوافيره وهي تصرف معها
وبتعرف كيف تبعدها عن طريقها
ايه هي ماقالت وش بتسوي معها لاجتها
وانا وش علي منها هي ذهينه وتعرف اكثر مني
خلها تدبرها زي ماتبي المهم اني اعطيها
الشريط واقول انه فلم علشان تاخذه زي
ماقالت لي الكوافيره ابتسمت للفكره واصعدت
فوق اخذت شريط فديو وحطته في جيب بالطوها
الداخلي والي كان واسع ونزلت تحت تحتري
صيته تطلع من عند ساره
الكوافيره كانت تضن ان صيته من نفس خامت الجازي
الساذجه البسيطه ففكرة ان الجازي تجيبها لها
علشان تبيعها على الشخص الي تشتغل معه في الجراره
والبغاء وهم كل بعد كم شهر يطيحون وحده من زوار
المشغل في اشباكهم علشان مايلفتون الانتباه
وبشرط تكون بنت ماهي متزوجه وهذا الي مخليهم
يكتفون ببيع الاشرطه للجازي باسعار خياليه
وطبعن البنت الي يصيدونها يصورونها في اوضاع
مخله ويهددونها بالصور لوفكرة انها ترفض اي شي
يطلبونه منها اوفكرت تبلغ عنهم
ولحد الان والاوحده من الضحايا تجرأت انها تبلغ
في مكان ثاني عند وليد واخوياه الجدد
كانو داخلين سوبرماركت ياخذون مويه وعصير وشوية اغراض لمى وصلو عند الكاشير طلع وليد بوكه بيحاسب
وانفجع من صيحة سلمان وكايد عليه
:لا لاتدفع
سلمان تقدم بسرعه وسحب البوك من يده قبل لايطلع شي
وكايد دفه عن الكاشير وحاسب هو
اخيرن استوعب الي سووه اخوياه وانفرط ضحك
:ههههههههههههههههههههه
اطلعو ووليد باقي يضحك
وكايد وسلمان انقهرو منه
وقف سلمان واسحبه مع عضده علشان يوقف
وبعصبيه : ممكن تكركرنا معك يالاخو
كايد سمع كلمت سلمان وشبك مع وليد في الضحك
والي ضحكه زاد
وليد : جديده ياولد وش كركرنا ذي
سلمان : مالي حيله طقت كبدي لك ساعه تكركر ماندري
وش عليه
وليد : ياخي بعذري اكركر ماشفتو اشكالكم كيف
خميتوني ياخي ترا ماني مطفر لهادرجه وبعدين البوك
الي كنت بحاسب منه البوك الاسود
كايد يرفع حاجب لاياشيخ يعني فرق الون اسود والاازرق
وليد طلع من مخباه بوك بني : ايه فرق هذا البوك الي
احط فيه دخلي
اول شي سواه ابوي يوم سمع الوصيه عطاني وحده
من صرافاته علشان اصرف منها ولابعد يهدد لاشوفك
تصرف هلله من فلوسك
وطبعا ماتهون الست الناظره قبل لاشافتني تنشدني
عن صحتي ولاتبي اكل ووش مضيق خاطرك
هالحين اول شي تنشد عنه معك فلوس وكل اشوي
حاطه في مخباي مبلغ وقدره
سلمان : وش الست الناظره ذي اشوفك قلبت مصري
وليد بضحكه : هذي امي مديرة مدرسه
وقبل كانت حاطه لنا قوانين وش كثرها وممشيتنا عليها
بلقلم والمسطره لحد ماجت الحرب ورحنا عند عمي
طول مدة الحرب وهناك اهل عمي اخترقو كل انظمتها
وصارت مرنه كثير موب زي قبل
كايد : اجل تفضلو عليكم اهل عمك
عند فهد في محله كان جالس على مكتبه سرحان البارح الجازي قالت له انها بتطهر اليوم وكانت متحمسه لهالوقت الانسانه هذي عجيبه قبل كانت تستحي حتى من الاكل قدامه والحين الحياء انفصخ مره وحده في البدايه قلت تبي تتقرب مني بس الي شفته بعدين يثبت انها تسوي كل شي لنفسها وانها مستمتعه بالي تسويه اصلا ماكانت تهتم برايي حتى لوبينت لها اني متقرف المهم عندها متعتها بالي تسويه وش الفجعه الغريبه الي ظهرت عليها وش سبب هالتغيير صرت احس انها تفرح بجيتي بس علشان تستمتع فيني دائما اهي الي تبادر ومرات تفرض نفسها علي فرض اف انا لازم اعرف وش قصتها بحاول اليوم وبكره اخلص اهم الاشغال الي عندي واخذلي يومين اجازه اشوف وش وراها وبعدها اقلعها لبيت اهلها بس المهم اني ماعاد اقرب لها دامه ثبت انها موب حامل هذي نعمه من ربي الي رحمني من ذرها
عند الجازي وصيته اجلست في الصاله لحد ماشافت صيته نازله كان يفترض انها تستدرجها وتخطط وتشتغل على خطتها وقت طويل علشان تنجح خطتها بس طبعا هالخطوات تسويها وحده ذكيه خبيثه وحيلتها واسعه اما الجازي وان كان لاينقصها خبث الاانها لاتملك الذكاء والحيله فالجازي مثل ماعرفناها دائما ساذجه بسيطه مباشره وهذا الي خلاها تعترض طريق صيته بكل بساطه وتمد لها شريط الفديو صيته استغربت من حركة الجازي وبتعجب :وش ذا الجازي : فلم جديد ويهبل اخذيه شوفيه صيته : لاشكرن عندي مدرسه مابي اضيع وقتي في الخرابيط الجازي بالحاح : حلفت انك تاخذين فلم يهبل بيعجبك صيته استغربت اصرارها واخذته بس عشان تفتك من الحنه الجازي استانست ان صيته اخذت الشريط واركضت لجناحها واو اليوم اطهرت وموقادره تنتظر فهد لحد مايرجع ودها تدق عليه وتقوله تعال بس تخاف منه والاكان سوتها اقفلت باب الجناح وراحت تشوف اخر الاشرطه الي اشترتها فهد تعمد انه يرجع متأخر وصل البيت على اثناعشر ونصف بعد منتصف اليل دخل الجناح ولقى الجازي في انتظاره واهي حدها هايجه
:انت وينك من اليوم فهد ببرود : عندي شغل الجازي بوقاحه : ياسلام وانا وش متزوجتك اله لاصرت بتقعد في الدوام طول اليل والنهار فهد بعصبيه : على تبن انا راجع تعبان وبدخل انام بكره وراي جامعه وبعدها شغل دخل غرفت النوم ورقع الباب وراه وقفله بالمفتاح الجازي انقهرت من اليوم تحتريه واخرتها يدخل ويقفل الباب على كيفه ذا راحت تطق الباب : فهد افتح فهد ترا طهرت خلاص افتح فهد فهد يسمع ومتقرف منها وش الوقاحه زوجته ايه بس اشوية حيا مافيه انثى ناضجه تتصرف كذا حتى لوعندها رغبه في زوجها تتصرف بذرابه وحياء موكنها هي الرجال انا لازم افك عمري منها باسرع وقت هذي وقحه لدرجه لاتطاق اليوم الثاني كان يوم عادي فهد قام وراح لجامعته وقرر انه اول مايطلع من الجامعه بيروح لمتجره ويقعد اهناك لاخر اليل ويسوي نفس البارح عاد بكره يتفرغ للجازي بيتكلم معها ويحاول يعرف من وين جابت السوالف ذي كلها بعدها راح يتصرف معها الافضل يطلقها بكره وخلاص لمتى ينتظر صح بكره يطلقها ويفتك الجازي من قو زعلها على فهد ماقدرت تكمل سهرتها للفجر كالعاده علشان كذا نامت قبل الفجر وقامت قبل صلات العصر انزلت تنشد اهل البيت عن فهد قالو انه راح لدوام من الجامعه على طول من غير مايرجع للبيت تأملت انه سواء كذا علشان يخلص شغله بسرعه ويرجع للبيت بدري واستانست على هالطاري
في بيت حمود غزيل صلت العصر والبست وراحت لجاراتها الي عازماتها للقهوه واخذت عناد وزياد معها لان عند جيرانهم اعيال كبرهم وتبيهم يلعبون معهم
عند وليد نزل من درج بيتهم واهو لابس بيطلع
سلمى الي كانت جالسه في الصاله : وين رايح وليد : باروح لمكتب عمي محمد توه كلمني يبيني انفذ طلب لمكتبهم سلمى : الله يوفقك وليد : امين
عند الجازي تذكرت الشريط الي اعطته صيته ودقت على بيتهم بتعرف هي شافته او لا صيته كانت جالسه في صالت بيتهم مسويه شاهي وماخذه مكسرات وقاعده تتفرج على فلم وثائقي دق التلفون وردت
الجازي : شفتي الفلم الي عطيتك صيته : لاماشفته ليه الجازي : وش تحترين روحي شوفيه يهبل صيته استغربت من اصرارها على انها تشوف الفلم
: طيب يصير خير الجازي : لازم تشوفينه مع السلامه
صيته استغربت خير وش الي لازم تشوفينه انا لازم اعرف وش سالفتها ذي مع الفلم اصعدت لغرفتها وادخلت مكتبها واخذت شريط الفديو من فوق المكتب ماكان عندها نيه تشوفه بس بعد الاصرار الغريب من الجازي تبي تعرف وش سر هالاصرار
راحت للمقلط شغلت التلفزيون وجهاز الفديو ودخلت الشريط ومع اول صوره اشهقت صيته بصدمه وقرف كانت واقفه قريب من التلفزيون سكرت اعيونها بيدها ومدة يدها لزر التلفزيون بسرعه تطفيه
: يع اسغفر الله ياربي الله ياخذك ياحقيره ياوصخه حست بغثيان واركضت للمغاسل تستفرغ انقهرت وعصبت حدها وش قصدها الحقيره الواطيه والله والله لاخذ حقي منها حسبي الله عليك يالسربوته اركضت للمقلط وطلعت الشريط من الفديو واقعدت تبرم في المقلط بقهر وتفكر كيف تصرف مافيه الافهد ياخذ حقي منها هو زوجها والوحيد الي يقدر يتصرف معها اركضت لتلفون ودقت على مكتب فهد بعد كم رنه رد فهد : الو اصرخت عليه بعصبيه وقهر : تعال للبيت بسرعه فهد عرف صوت صيته والرقم اساسا رقم بيت خاله فز واقف بروعه : وش صاير تكلمي صيته بنفس العصبيه : قلت تعال للبيت بسرعه فهد ماعاد تشيله ارجوله من الخرعه : خالي صايرله شي صيته واهي تطبخ من القهر تحس جسمها كله يشتعل نار من كثر ماهي معصبه ومقهوره
: محد فيه شي تعال شف الحقيره حرمتك وش امسويه قبل اطلع لها انا واذكيها واشرب دمها النجس الصايعه فهد وصل حده من العصبيه هو بدون شي يكره الجازي وشلون واهي متعرضه لصيته هذى لاقالو حفر قبره بيده
: لالاتروحين لها جاي حذف السماعه وركض لسياره ومايدري كيف قدر ياصل للبيت حي من السرعه الجنونيه الي كان يسوق ابها اما صيته اركضت لدولاب العبايات البست عباتها ونقابها واخذت الشريط في يدها واطلعت تنتظر فهد في حديقة بيتهم كلها عشر دقايق وجاها فهد يركض وجهه اسود وحالته حاله وكل تفكيره وش مسويه هالحقيره لصيته
: وش صاير تكلمي صيته ماكانت اقل منه قهر وعصبيه رمت الشريط عليه بعصبيه وقهر وظرب في صدره
: شف الحقيره وشهي معطيتني امس رايح لساره ويوم طلعت من عندها واهي تبلشني بذا الشريط اخذيه شوفيه فلم يهبل ووش زينه ومن الخراط الفاضي واخذته بس علشان افتك من هذرتها واليوم تدق علي تقول شفتيه والا وروحي شوفيه لازم تشوفينه شككتني في الوضوع ورحت شغلته وماشفت الا اول صوره اشتغل عليها بس والله والله انها لتدفع ثمنها الحقيره الواطيه ماهو انا صيته الي تشوف الحقاره ذي هذى هو الشريط وحقي عندك بتاخذه لي والا اخاذه بذراعي وانا بنت ابوي كانت تتكلم بانفعال وعصبيه وقهر عمره ماشافها تتكلم كذا وهذا يعني ان الشريط فيه مصيبه ماهي هوينه زاد اقهره قهر الاصيته الا صيته يالجازي جنيتي على نفسك انحنى على الشريط الي طاح في الارض يوم احذفته صيته عليه واخذه والتفت على صيته : ابشري بعزك حقك انا اطلعه من بين اعيونها وانطلق يركض لجناحه وصيته ارجعت لحديقة بيتهم تنتظره يطلع مره ثانيه وتشوف وش صار مستحيل تخلي شي زي كذا يمر بسهوله لازم تعرف هالحقيره مع من تتعامل وش شايفتني سربوته والاماوراي اهل يربوني والاعلى بالها بسكت لها هين انا لك يالجازي وهذا انا انتظر ان ماجاب فهد حقي انا اخذه ان مادخلت مجلس ابوك ودفنت راسك في التراب قدمه ماكون صيته بس انتي ادعي ان فهد يبرد حرتي فيك لان ماهو من مصلحتك انك تقابليني فهد دخل البيت مثل المجنون شافته امه الي كانت جالسه في الصاله والحقته رجف الباب برجله افتحي الباب بسرعه الجازي ماتوقعت انه يجي هالوقت كانت تفرج على الفديو فزت من قو الرجف المتواصل على الباب واركضت تفتح الباب فهد دفها من قدامه وطاحت في الارض اشهقت من قو الطيحه وماتدري وش القصه امه ادخلت وراه تبي تفرق بينهم وتبي تعرف وش صاير معه علشان يتصرف كذا الغريب انه تعدى الجازي وركض لغرفة الجلوس الي فيها الفديو كان بيشغل الفديو الي معه علشان يعرف وش في الشريط الي معه وانفج من الي شافه يشتغل اساسا عقد حواجبه وش قبضته بقوه ووقف مكانه مصدوم امه ادخلت وراه وشافت الي شافه اشهقت بروعه وتفشلت من ولدها وفي نفس الوقت حست معدتها بتطلع مع حلقها من قذارت المشهد اركضت للمغسله واستفرغت مره وثنتين وثلاث وخلاص ماعاد في بطنها شي يطلع حسبي الله ونعم الوكيل حسبي الله ونعم الوكيل الفساد والخنى هذا يشغل في بيتي ياربي داخلتن عليك لاتعاقبني فهد طلع الشريط الي في الفديو بقرف واهو خلاص فهم كل شي حط الشريط الي معه وطلع نفس القذاره ترك الفديو شغال وفصخ العقال من راسه وركض للجازي الي لهالحين طايحه مكانها تبكي نزل فيها ضرب بالعقال والقهر ياكل قلبه الايالخسيسه يالحقيره يالواطيه امه اركضت له وحاولت توقفه : بس خلاص اقلعها لهلها فهد : باقلعها يمه بس مهوب قبل لاخذ حق صيته قمرا اشهقت وش دخل صيته فهد : روحي شوفي الفديو وش فيه السربوته مرسلتين الشريط لصيته تبيها تفرج عليه قمرا اركضت للفديو مره ثانه واشهقت بروعه نفس الوصخ الي قبل اشوي شافته حسبي الله عليك الله ينتقم منتس الجازي تلوى وتصرخ في الارض وفهد يضرب بالعقال ويسب ويشتم قمرا مرتها واطلعت وهالمره شافت انها تستاهل اكثر اركضت بخوف لغرفة بنتها افتحت الباب بهستيريا من خوف انها تكون شافت شي من هالمصايب ساره كانت جالسه على سريرها تذاكر واصلا مافي غرفتها لاتلفزيون والافديو ارتعبت من الطريقه الي ادخلت فيها امها عليها قمرا خمتها بشعرها : علميني الجازي قدها عطتك افلام والاشفتي معها شي ساره عورها شد امها لشعرها وخافت من هجومها ماتدري وش فيها عليها : يمه وش افلامه انتي خابرتني ماحب الجازي والاجلس معها قمرا انفظتها بعصبيه وخوف على بنتها احلفي احلفي انك ماقط شفتي معها شي : ساره بكت احلف يمه اني ماشفت معها والاشي صدقيني يمه رمتها على سريرها واطلعت من عندها تركض بتشوف بنت اخوها وش شافت اطلعت من غرفت ساره تركض تحت وصياح الجازي واصل اخر الدنيا اطلعت ساره تشوف وش فيه راحت ركض لغرفت الجازي وشافت فهد يضربها بجنون واهي تلوى بين ايدينه كنها حيه من قو تلويها
عند وليد راح لعمه ومحمد في المكتب اعطوه تفاصيل الارض الي يبونه يدورها وبعد ماخلصو شغل اصرو عليه انه يروح معهم للبيت يتقهوون سوي ادخلو مع الحديقه وشافو صيته رايحه جايه قدام الباب ومبين عليها القلق والغريب ان قمرا جتها تركض من بيتها وامسكتها بعضدها اركضو كلهم يم صيته يشوفون وش صاير وانصدمو بالكلام الي سمعوه قمرا تنفض صيته بيدها وتصرخ عليها : علميني وشهي معطيتك السربوته وش شفتي علميني وش شفتي ومن متا واهي تعطيتس الوصخ ذا تكلمي صيته تفاجأت من هجوم عمتها : ماشفت شي صدقيني هذي اول مره قمرا بعصبيه اكثر نزلت النعال من رجلها واضربت صيته وش الي خلاك تاخذينه منها علميني تكلمي حمود ماقدر يتحمل اكثر واهو يشوف بنته تضرب قدامه صرخ وش فيه قمراء بصراخ : انشد بنتك السلقه الجازي معطيتها فلم كله مفاصيخ وقلت حيا هنا محمد ووليد اوصلو لصيته في خطوه وحده وخموها مع بعض بنحر عباتها : وش قصت الشريط انطقي صيته انفجعت اول مره اهلها يتعاملون معها كذا عباتها اشوي وتنشق من قبضة وليد ومحمد الي ينفضونها مع بعض والشرر يتطاير من اعيونهم
حمود صرخ عليهم : فكوها احسلكم مابقى الاتمدون ايدينكم على بنتي وانا واقف وتقدم ودف وليد ومحمد عنها واخذها في حظنه
: علميني يابوتس وش فيه صيته استجمعت قوتها وتكلمت بثقه رغم حشرجة الغضب الي طغت على صوتها
: يبه انا ماسويت شي غلط امس كنت عند ساره ويوم طلعت من عندها امسكتني الجازي وعطتني شريط فديو رفضته ولزمت اني اخذه اخذته بس علشان افتك من حنتها رميته في البيت والااهتميت فيه واليوم دقت علي تلزم علي اني اشوفه استغربت رحت اشغله بشوف وش هالشي المهم الي تبيني اشوفه بس احلف ماشفت الا الصوره الاولى الي اشتغل عليها الشريط طفيته بسرعه وكلمت فهد علشان يجي ياخذ حقي من حرمته ويوم جاء فهد عطيته الشريط وبس وليد ومحمد انقهرو وقامو يسبون ويشتمون في الجازي والود ودهم انها رجال بس علشان يبردون حرتهم فيها عدل حمود ماهو اقل منهم قهر التفت على قمرى : انتي شفتي وش فيه الشريط قمراء : ايه شفت وصدت عن اخوها واعيال اخوها من الفشيله ناس مفاصيخ وقلت حياء حمود حس بقهر يشتعل في صدره وشلون ترسل وصاخه مثل كذا لبنته وبكل قهر : حسبي الله ونعم الوكيل حسبي الله ونعم الوكيل وضم بنته لصدره اقوى شي :والايهمك فهد بياخذ حقك منها الله حسيبها بعدي بنتي الي ماترضى بالرديه تعلقت صيته في حضن ابوها وخبت وجهها في صدره رغم انها متنقبه حست بعار وفشيله وابوها واخوها وخطيبها كلهم صارو يعرفون انها شافت صوره مخزيه ودها ان الارض انشقت وابلعتها قبل تنحط في هالموقف
قمراء حست فيها هي نفسها تحس بعار وفشيله انها شافت مناظر كذا وتكلمت قدام اخوها واعيال اخوانها عنه اسحبت صيته بيدها وادخلت معها داخل البيت
اماحمود ومحمد ووليد بقو في الحديقه ياكل القهر اقلوبهم والمصيبه انها حرمه مايقدرون يسوون لها شي كانو يتحركون بعشوائيه رايحين جايين واهم تحسبون على الجازي ويسبونها وينتظرون فهد بيشوفون وش سوى معها
اما فهد ضربها لين تعب من الضرب ثم وقف وتفل عليها انتي طالق كومي لمي عفشك لايبقي عندي منه ابره وحده وبصرخه بسرعه الجازي منهاره تصرخ وتبكي من قو الضرب الي اكلته تحس انها ماعاد تقدر تقوم ومع ذالك صرخته اجبرتها انها تقوم للغرفه واهي تلوى من الوجع وكل اشوي تطيح وترجع تقوم وتطيح فهد نادى الخدم يلمون معها اغراضها ورجع لغرفة الجلوس شاف كمية اشرطه طايحه ودرج المكتبه حقت التلفزيون مفتوح ومتروس اشرطه شغل كم واحد بيشوف اذا كلها نفس بعض ومع كل شريط يشغله يكرها اكثر ويحتقرها الى مالا نهايه قال لوحده من الشغالات تجيب كيس ازباله اسود وجمع فيه كل الاشرطه واربطه ووداه السياره علشان يرميه في حاوية اقمامه مستحيل يخلي هالإباحيات تجلس في بيته دقيقه وحده وليد وحمود ومحمد شافوه واركضو له بيعرفون منه وش صار وعلمهم بكل شي من كلمته صيته لين جاء ووش شاف في الشريط وضربه لها وطلاقه لها
حمود ووليد ومحمد هديو اشوي بعد ماعرفو انه ضربها وطلقها وليد بقهر : الله لايردها الحيوانه حمود تذكر شي ورفع راسه لفهد برعب : لاتكون حامل فهد : لا الحمد لله ربي نجاني من ذرها الله لايبارك فيها السربوته فهد رجع صعد لقاها جامعه اغراضها بمساعدة الخدامات تذكر شنطة ذهبها راح فتح التجوري طلع الشنطه ورماها عليها اضربت في صدرها واشهقت بوجع تحس جسمها تضاعف حجمه من الظرب الي علم فيه وورمه طلع واطلعت وراه واهي تنتحب بوجع وقهر وخوف ركب السياره وجت اركبت وراء التفت عليها وبكره الدنياء كلها : انتي طالق مشى ولمى اوصلو لبيت جدتها نزل وانزلت بعده واهي باقي تشاهق التفت عليه وبكره اكبر من الي قبله : انتي طالق
كانت تستمع لطلاقها الي جزاءه لاجزاء وكانه يقولها شوفي وش كثر اكرهك وقلبها يحترق من القهر طلقني علشان صيته اه يالقهر كل ذا بس علشان عطيتها شريط الحيوانه الكلبه الله ياخذها
دق جرس بيت الجده وفتحله رعد واول ماشاف حاله كيف مقلوب شعره طاير وازرته مفتحه وماعليه اشماغ والجازي وراه تبكي عرف ان فيه مصيبه دخل مع رعد للمجلس وتعدت الجازي داخل مرت عمتها واهي تبكي وانفجعت وصايف من دخلتها عليها وبكاها وش فيك وفي نفس الحضه اسمعت اصوات رعد وفهد ارتفعت من المجلس صاحت على الجازي : وش صاير الجازي ببكى طلقني وصايف طار عقلها من القهر الخسيس الوصخ انا ادري ليش طلقك اركضت لدولاب العبي البست عباتها ونقابها بسرعه وخمت اورقه من درج مدخل الصاله وراحت تركض للمجلس ادخلت على صوت رعد يصرخ : وش السبب الي خلاك اتطلقها وصايف اصرخت : انا اعرف ليش طلقها وقربت من فهد ورمت الورقه في وجهه ممكن اعرف وش ذا يالخسيس
وصايف اصرخت : انا اعرف ليش طلقها وقربت
من فهد ورمت الورقه في وجهه ممكن اعرف وش ذا يالخسيس
فهد عصبيته اوصلت حدها وبصرخه : اعقبي واخسي
مهوب انا الي ينقاله هالكلام
رعد صرخ هو الثاني :فهميني وش صاير
وصايف : الإستغلالي ذا مستولي على رصيد الجازي
وامس اكتشفت سرقته ووقفت البطاقه وشفه اليوم طلقها
رعد نط في وجه فهد وامسكه بنحر ثوبه : الايالنذل
فهد دف رعد عنه بعنف : حدك انت وياها مهوب انا الي
يرد نفسه لفلوس امرته شوفو عاد السلقه بنتكم وين اصرفتها واذا مره متحمسين تبون تعرفون ليه طلقتها
اصبرو دقيقه وتشوفون بعيونكم سواد وجه بنتكم
رعد صرخ : مااسمحلك
فهد طنشه وركض لسياره سحب كيس الاشرطه من شنطة السياره ورجع لهم دخل مع باب المجلس وحذف
الكيس قدامهم بقرف وبعصبيه أشر للكيس بيده
: هذا الي طلقتها علشانه بنتكم المصون مدخله افلام
اباحيه لبيتي
قاله وطلع من البيت بدون ماينتظر رد من احد
رعد ووصايف ناظرو في بعض بصدمه
رعد انتبه من صدمته سحب الكيس قريب من التلفزيون
وطلع شريط شغله وهو يقول والله ان طلع كلامه كذب
لاذبحه واشرب من دمه
كان بيكمل شتم لاكن عيونه توسعت على المنظر البشع الي
طلع قدامه على الشاشه
وصايف اشهقت بفجعه ودارت وجها عن رعد بفشله
واطلعة من المجلس بسرعه
ياربي لاتخزينا ياربي لاتخزينا راحت مسرعه لغرفت امها
ومالقتها لا اكيد راحت لغرفة الجلوس ياخوفي يصيرلها
شي من ورى هالمصيبه
راحت لغرفة الجلوس ولقت امها جالسه تسبح اجلست
جنبها بهم واهي تنتظر ثورة رعد متى بتبدا
عند رعد ماحس بعمته لمى اطلعت من عنده من قو القهر
الي يحس فيه والسب الي كان موجه لفهد تحول
لل الجازي طلع الشريط الي في الفديو بقرف وحط
الثاني طلعه ورماه حط الثالث ورابع ووووو مايدري
كم جرب من شريط وكلها يشوف منها لمحات تثبت
له محتوى الشريط الجنسي ومازال في الكيس
الكثير غيرها بس خلاص لحد هنا كفايه نزع العقال
من على راسه وانطلق لجناح الجازي واهو مايشوف الدرب
لقى الباب مسكر افتحه بقوه خلته يضرب في الجدار
شافها متكومه على سريرها تبكي استلمها ضرب
وتحقيق في نفس الوقت واي سؤال يسئله وماترد
عليه يزيد عليها الضرب واهي تلوى وتصيح بين ايدينه
وترد عليه وتبكي وضعها ماساوي
عند وصايف تسمع اصياح الجازي وماكان عندها نيه
تدخل لانها مقتنعه انه جزاها واقل من جزاها
ام عبد الكريم جت تطلع بتشوف وش الصياح ووصايف
امنعتها لمى شافت انها مصره تطلع علمتها بالي صار
ام عبد الكريم امسكت راسها بفجعه واستدارت
وارجعت لمكانها الي كانت جالستن فيه بعد ماكانت
واقفه على باب الغرفه بتطلع اجلست بهم حسبي الله ونعم الوكيل لاحول والاقوة الابالله واقعدة تذكر الله ودموعها
متعلقه في عيونها وصايف خافت عليها واهي تجلس
جنبها وتضم كتفها وتبوسها عليه : لاتخافين يمه ازمه
واتعدي وهالبنت انا الي باربيها من اول وجديد
لاتشيلين هم انتي صدقيني كل شي بيتصلح
ام عبد الكريم تهز راسها وتذكر الله وفي قلبها قهر
على حال بنت ولدها
رعد عرف كل شي من الجازي الكوافيره وبطاقة الصراف
الي انسرقت وحتى سالفة الشريط الي اعطته صيته
بعذره فهد يطلقها ماكفاها العفن الي قاعده تشوفه
بعد بتفسد بنت الناس معها
اعطاها نظرت احتقار اخيره
وطلع لصالة جناحها شال التلفزيون الموجود فيها
وطلع برا الجناح واول ماطلع من الباب حذف التلفزيون
على السيراميك
وصايف جته
:رعد تكفى لاتعلم عبد الكريم وانا بتصرف معها
رعد بغضب : لازم اعلم ابوي ولا راح يتهاوش مع الرجال
مانا ناقصين فضايح والكلبه ذي تقفلين عليها في
الجناح ماتطلع منه شبر والاكل تجيبينه لها بنفسك
وخليني اسمع انك طلعتيها من غير علمي
وصايف هزت راسها :طيب زي ماتبي
رعد طلع للمجلس لم الاشرطه في الكيس
وحطها في سيارته ورجع لسواق الي كان يوصل الجازي
اخذ منه عنوان المشغل وراح يبلغ عنهم
وصايف ادخلت على الجازي لقتها طايحه على الارض
ماتتحرك قربت منها تقومها لقتها مغمى عليها
انفجعت وقامت اخذت عطر من التسريحه ورشت
في يدها وشممتها اياه كحت الجازي وافتحت عيونها
بوهن قومتها عمتها وسدحتها على سريرها واطلعت
من عندها راحت جابت المفاتيح سكرت عليها الباب
واقفلته
الجازي كل عضله في جسمها تصيح وجع فهد ورعد
اجرمو فيها واهي خلاص ماعاد عندها طاقه لشي
تكورت على نفسها فوق السرير وماعاد ينسمع الاونين
متواصل
وصايف راحت لامها تطمنها واهي قلبها متقطع عليها
بس ماقدرت تدخل وتبعد رعد عنها لانها هي من داخلها
مقتنعه انها تستاهل هالعقاب
ام عبد الكريم : وديني الها بشوفها وكاد ان رعد صلخ
جلدها من الضرب
وصايف خافت ان امها تشوف حالت الجازي الي ماتسر
وتتعب : يمه تكفين خليها ترتاح الحين مسكينه تبكي
وماتبي تشوف احد خليها لين تهدا ونروح نشوفها
وبعد طول اقناع من وصايف رظت ام عبد الكريم انها تجلس
وصايف اخذت حبوب مسكن واكريم عضلات وراحت
للجازي ساعدتها تسند نفسها على ظهر السرير
وتاخذ المسكن وبعدها افصخت بلوزتها وبدت
تدهن لها جسمها بالكريم المهدي واهي تتوجع من شكل
اثار العقال على جلدها
في بيت حمود ارجعت غزيل للبيت وحتى سالم الي كان مع اخوياه رجع واعرفو سالفة الجازي وصيته حمود اكد عليهم محد يفتح معها هالموضوع ولايجيبون لها سيرته لاكن اغزيل ومع كل التحذيرات ماقدرت الاانها تروح تشوف بنتها لقتها في صالة جناحها تقراء قرآن في محاوله انها تنسى المشهد القذر الي شافته غزيل اجلست جنبها وبدت تحقق معها وصيته تجاوب بصبر مع ان امها تعيد السؤال اكثر من مره بعدة اساليب مختلفه يالله اشكثر استجوبوها اليوم تحس انها مجرم خطير من كثر الاستجواب والتحذيرات من الي شافته ماخلو دليل شرعي ماجابوه لها طيب انا ماشفت شي سكرت التلفزيون بسرعه وعلمتهم يعني ذا كله مايعني اني اعرف انه حرام ومايجوز ليه اجل كل من شافني اعطاني محاضره طويله عريضه بالادله ليه مايحسون ان مجرد فتح الموضوع يقرفني ويحوم كبدي يعوه الله يعيني بس
عند فهد رجع للبيت واهو حده معصب الحيوانه ماكفاها سواد وجهها بعد متهمتني اني سارق افلوسها الي ماتستحي دخل جناحه واهو متلطم حس بغثيان بمجرد مارجعت له الذكرى اه يالقهر الحين بس فهمت كل تصرفاتها الوقحه استدار وطلع من جناحه وراح لغرفة ساره مسكينه شافته واهو يضرب ذيك العله وبغت تموت من الخوف خلني اشوفها وصل الغرفه لقى الباب مفتوح واهي واقفه عند التسريحه ترتب اغراضها
ساره حست ان احد دخل عندها التفتت للباب وانرعبت لمى شافت فهد باقي مانست هجوم امها عليها من غير ذنب والحين فهد ارجعت خطوه ورى والخوف مبين على وجهها
فهد استغرب خوفها : وش فيك كان يتكلم عادي بس من قو الغظب الي مازال يشتعل في صدره اطلعت الكلمه بنفزه زادت خوف ساره
ساره : مافيني شي والله ماقربت منها والاعرف شي عن خرابيطها
فهد يعرف ان مالها دخل في خرابيط الجازي لانه سئل الجازي اذا كانت اعطت ساره زي ماعطت صيته : وانا ماقلت ان لك دخل ليش خايفه
ساره : امي اهجمت علي واضربتني وتنشد عن افلام وخرابيط وانا مالي دخل في ذا كله
فهد : ماعليه ساره استحملي عصبية امي هي خايفه عليك وتراها اضربت صيته بعد وبابتسامه امك اليوم بس تمشي وتضرب والحين متوهقه وشلون اتراضي اخوها الغالي
ساره لمى شافت فهد يسولف معها عادي نست خوفها وابتسمت بقوه : وينك يابو فهد تشوف قمور واخوها متزاعلين
فهد ابتسم على الي قالته : كلها دقايق ويجي ويمكن قيده وصل امشي خلينا نشوف وناسته على زعلتهم
ابوفهد قيده عرف بالسالفه كلها من قمرا الي اتصلت فيه تعلمه وتبيه يجي يروح معها لاخوها حمود من بعد ماضربت بنته ماعاد شافته وخايفه يكون زعلان عليها وماعندها شجاعه تروحله الحالها
ابوفهد دخل البيت وشاف قمراء رايحه جايه في الصاله واهي تفرك ايديها في بعض هومتاكد انها تحب هالحمود اكثر منه واكثر حتى من اعيالها علشان كذا ورغم كل الي صار ماقدر يخفي ابتسامته على حال قمراء دخل في نفس الوقت الي نزلو فيه فهد وساره ولمى شافوه داخل واقفو في نص الدرج
فهد وساره ابتسمو امهم ماتنادي ابوهم باسمه الااذا كانت واصله معها انزلو عندهم فهد سلم على راس ابوه وبنذاله : يبه ابيك في موضوع ابوفهد التفت على فهد : تعال اقعد علمني وش بلاك على الحرمه وقعدو يسولفون وقمراء طقت خايفه يكون حمود زعل عليها علشان ضربتها لصيته تعرفه حياته هالبنت ومايرضى عليها بشي
تصبرت لين فهد خلص سالفته قامت واقفه واسحبت يده معها : خلاص عرفت سالفت ولدك امش معي لحمود
رفع راسه لها واهي متمسكه في يده : طيب روحي انتي لحمود انا وش دخلني
قمراء بترجي : حمود يحبك اذا شافك معي بيرضى
ابوفهد واعياله اضحكو
: طيب زين انك عرفتي انه يحبني اكثر منك والاكان ماسامحك علشاني
قمراء حست انهم يتمسخرون على مشاعرها اتركت يده بزعل وتجمعت الدموع في عينها بعمرهم ماراح يفهمون وشو حمود بنسبه لها هي عاشت عمرها بين جفاف ابوها واخوها محمد حمود هو الوحيد الي قلبه حنين ويشيل الكل بعمرها محتاجت شي الاوهو الي يجيبه لها ماعمرها بكت الاوهو الي يمسح دموعها ماعمرها حست بخوف الاوتلقاه يخبيها ورى اظهره ويحميها
فهد لاحض الدمعه في عين امه حس انهم زودوها فز واقف باس راسها : افا اخت حمود ازعلت علينا والايهمك يالغاليه انا اروح معك ابوفهد قام ووخر اولده من قدام زوجته :انت وخر عن حرمتي مسكها بيدها : امشي معي انا اوريك في حميدان خليه بس يطري الزعل امسحت دمعتها بسرعه ومشت معه من غير والاكلمه فهد لحقهم : ياهوه انتظروني
ادخلو بيت حمود وشافو انوار المشب فاتحه والدخان يتصاعد من المدخنه اتجهو للمشب ولقوهم كلهم فيه ماعادا صيته اول مادخلت تعلقت عيونها في حمود الي كان مشغول بمواسات دلة القهوه على جال النار ابوفهد دخل وجلس جنبه : هاه يقولون انك زعلان علينا
رفع راسه وشاف اخته كيف مختبصه واهو يدري انهم يقصدون ضربها لصيته ماينكر انه زعل حتى من محمد ووليد الي هبو في وجهها وانفزو عليها بس قمراء تبقى اخته ولازم يكون صدره وسيع لها وحتى مايخلي صديقه يحس ان اخته محتاجه واسطه بينها وبينه ابتسم لها : ماكنت زعلان بس هالحين بزعل وش دخل مضحي وولده بينا جايبتهم واسطه هذا مكانك ومحلك تدفين الباب وتدخلين واتعرفيني مازعل منك
ابوفهد ابتسم : افا طاحت هيبتي بينك انت واختك كل من تحرك قال مضحي فهد بضحكه يلطف الجو : يبه يذكرونك باسمك حمود ابتسم لصديق عمره : ماعجبك مضحي وش رايك في امضيح (كان يناديه كذا ايام شبابهم اذا بغى يستفزه)
ابوفهد ابتسم : لاياخوك مضحي زين مازالت واقفه وتسمع مزحهم كانت تحاول تسيطر على مشاعرها واخيرا لمى حست انها استجمعت نفسها قربت من حمود وابتسم في وجهها واشر لها جنبه من الجهه الثانيه اجلست في المكان الي اشر عليه لف يده من ورى اكتوفها ومسك يدها بيده الثانيه زي مايسوي مع صيته
: هلا بقمراء حياتي عسى الجلوف ذولا مازعلوك يقصد ولدها وابوه الي كانو يناظرون تعامل حمود معها وكنها بنته ومبتسمين قمراء شايله عليهم عقب مسخرتهم عليها داخل
: انت تدري انه جلف من اول ليش تزوجني اياه فهد فقع ضحك :هههههههههههههههههههههه يمه لوني موجود في ذاك الوقت كان دورت لك واحد مثل خالي حمود ابوفهد اضربه بيده على فخذه : انكتم انت حمود بضحكه : وش اسوي ماكان عندي اغلى منك انتي وياه علشان كذا زوجتكم ابوفهد سوى نفسه زعلان وصد عنها بس قمراء والاهمها دام اخوها حمود راضي خل الناس كلها تزعل اخذت القهوه من جال النار وبدت تصبها لهم وتقهويهم واهي مستانسه صحيح انها كبرت واعيالها طولها بس عند حمود تحس انها باقي صغيره
محمد يتأمل عمته وابوه هذي هي عمتي وش كبرها وللحين متعلقه في ابوي كانه ابوها لانه دايم يحسسها انه معها في كل حالاتها على صح والاعلى غلط وانا وش سويت من سمعت كلمتين عن اختي هبيت في وجهها وبغيت اذبحها اذا بعاملها كذا لو احد غلط عليها ماراح تجيني محمد حس بندم حقيقي على انه رفع صوته في وجه اخته ونافخ عليها قام وراح يراضيها
عند الجازي توها قامت من النوم بعد الضرب الي اكلته جالسه على السرير ضامه ارجولها لصدرها ومريحه راسها على اركبها وتفكر ليش سوو فيني كذا كل ذا علشان صيتوه العفنه ايه اكيد اجل وش علشانه اثنينهم يحبونها والود ودهم يذبحوني علشانها ياجعلها تموت دايم منكده علي حياتي ومخربتها وفهيدان طلقني علشانها اه يالقهر بس ازين شي انهم انحرمو منها الاثنين وياجعلها تنحرم من وليد وتاخذ اخوه الحريقه اذنه يحرق فيها الكلبه
في الجنوب حاولت تقوم بس رجلها ماساعدتها ماتدري وش فيها لها كم يوم تعورها وكل يوم وجعها يزيد ومن امس تشوفها منتفخه كانت تضن انه عوار عادي بسبب العمليه بس الي تحس فيه الحين يثبت انه موب عادي ابد ارجعت تحاول انها تقوم لحد ماقامت بصعوبه راحت للحمام وهناك شافت ان النفخ زايد بقوه راحت لغرفتها غيرت ملابسها ومشطت شعرها اربطته خلف ارقبتها بربطه واجلست على السرير خلاص ماعاد تقدر تقف اكثر من كذا الوجع الي في اعلى فخذها ويمتد في رجلها كلها تحسه يقطع لحمها عظت السانها بوجع ونادت بصراخ
: جوزاء ياجوزاء الحقي علي جوزاء الي كانت ترتب الصاله اسمعت النايفه تناديها ومبين من صوتها ان فيها شي راحت تركض لها والخوف مسيطر عليها شافتها منكبه على السرير ومتمسكه في فخذها وتبكي وجع اشهقت من الروعه واجلست جنبها : وش فيك وش يعورك النايفه بوجع : رجلي مقدر احركها منتفخه وتعورني بلحيل جوزاء خمت جلابيت النايفه ارفعتها عن افخوذها وشافت كيف فخذها منتفخ مع ان النايفه لابسه سروال قطن طويل الاان النفخ مبين من وراه وبقوه عصبت جوزاء من خوفها عليها : ياما قلت قومي امشي تحركي لاتجيبين لنفسك مصيبه بس ماش مايفيد فيك
اركضت لتلفون البيت دقت على بيت ابوها وقالو لها ان علي عندهم كلمته وقالت له يوديهم للمستشفى
كلها دقايق ووصل علي دخل للبيت يركض والخوف ضاهر عليه شاف النايفه متمدده على السرير واهي تتوجع وجوزاء واقفه عندها بعبايتها اول ماشافت علي دخل اخذت عباية النايفه وجابتها لها تلبسها
علي جلس جنب النايفه بخوف
: بسم الله عليك وش فيك وش يعورك ردت عليه جوزاء بعصبيه
: قم نوديها المستشفى موب وقت اسئله
لبست النايفه عباتها ونقابها جاء علي بيشيلها بس ماقدر من ثقل وزنها اسندوها علي وجوزا واطلعو لسياره ركبت جوزاء ورى المعاون وعلي ركب النايفه وراه اسحبتها جوزاء تسدحها على رجلها واهي تقراء عليها والنايفه تون من الوجع ركب علي وشغل السياره وشخط بسرعته كلها
عند انس ومناير كان لابس بيطلع
: هامنورتي تبين شي بروح للمزرعه مناير : ابروح عند خالتي ترفه انس ابتسم : خالتك ترفه صارت شريك بلمناصفه مناير اضحكت : ياحبيلها والله انها مونستني وبعدين انت بتروح لشغلك وانا اقعد اقلب راسي بين الجدران
قرب منها انس وحظنها وباس جبينها : تخسى الجدران يالله البسي عباتك خليني اوصلك على دربي
راحت تلبس عباتها دقيقه وارجعت حياتها مع انس تحولت لنعيم تعجز عن اداء شكره خاصه انه ماعاد جاب طاري ولد خالها ووين ماراحت معه تحس بثقته فيها واهي متاكده لوكان اي واحد ثاني مكانه ماراح يعاملها بهالاحترام والثقه بعد كل الي صار
عند ترفه بعد ماوصلتها مناير وتقهون وخلصن ترفه : يالله بنتي على المطبخ اشوف مناير : لاكذا تحسسيني بالذنب ياما قالتها لي امي والاجيتها يالله يوم افكر كيف كنت اعصي امي واتهرب من طلباتها احس اني حقيره ترفه : طاعت الوالدين ورضاهم من افضل الاعمال واحبها الى الله والفرصه قدامك هذا انتي بتروحين لها نهاية الاسبوع طيحي على ارجولها واستسمحي منها واكيد بتسامحك وتفرح باعتذارك لها مناير :ان شاء الله الاوش رايك تروحين معي لها ترفه بأبتسامه : انا نخله ماتعيش الى في مزرعه مناير : خالتي شايفتني بزر تلعبين علي النخيل تارسن البيوت وحتى الشوارع العامه مزينينها بنخل
ترفه : ههههههههههه المهم مالي درب على الرياض ولاني برايحتن له
امام احد المستشفيات وصل الاسعاف لتو ودخل قسم الطواري ثلاثه اسره يدفونها الممرضات احد الدكاتره يسئل وش وضع المصابين جاه الرد من احدى الممرضات الي يدفون الاسره رجال وحرمتين حالتين خطره
وحالة وفاه
مفلح خلص شغله في المزرعه وراح لبيت علي بيشوف
اخته وحرمته طق طق ومحد فتح سيارة علي ماهي موجوده
رجع طق ومحد فتح راح لبيت عمه
سلم وجلس
: علي واهله وين توني جاي من عند بيته مافيه احد
ابومطلق بقلق : كلمت جوزاء قبل اذان المغرب بشوي
تقول النايفه رجلها تعيبانه وودوها المستشفى
مفلح قلق على اخته : وش فيها رجلها اليوم انا جايها
ماشكت من شي
ابومطلق : الله يصلحا ماتشكي تسكت على وجعها لين
يتعبها ماخلت عنها جوزاء كل يوم تسحبها تبيها تقوم تمشي وتحرك دمها مافاد فيها العلم
مفلح : اي والله الله يصلحها هذا طبعها لاحست بشي
التوت على نفسها ماعاد تعرف وش وراها
جلس ابومطلق واعياله كالعاده لحد مأذن العشاء
ثم قامو لصلاه وبعدها كلن راح لبيته
بعد الصلاه راح مفلح لبيت علي وطق الباب من غير
فايده وزاد اقلقه تحرك من عند الباب واهو يفكر
وين يروح ماله نفس يرجع للبيت ماله طعم من دونها
طولت عند النايفه كان ناوي ياخذها الليله
ماعاد يصبر على افراقها بس دام النايفه تعبانه
ماعاد يقدر ياخذها ويخلي النايفه الحالها
رجع لبيت عمه
ابومصعب اول ماشافه انشده : مارحت لبيت علي تدري
جاء والا
مفلح : الا رحت ولالقيته
بدى القلق يتصاعد عند الجميع
بعد ساعه من الانتضار ارسلو مصعب لبيت علي
راح ولالقى احد
هنا وصل قلقهم لذروه وفيما كانو يتشاورون في اي
مستشفى يدورونهم
وصلهم ضابط يخبرهم عن حادث علي
فبسبب اسم العائله الرنان كان من السهل ان يتعرف
الشرطه على علي بمجرد مشاهدة بطاقته الشخصيه
وهكذا تبرع احد الضباط الي يعرف العائله معرفه
شخصيه بنقل خبر الحادث لهم
الخبر نزل على ال مطلق مثل الصاعقه
ابومصعب حاول ان يتماسك
وسئل الضابط : وش صار عليهم
الضابط : علي ووحده من الحريم في المستشفى وان شاء الله انهم بخير والحرمه الثانيه تطلبكم الحل
مفلح حس بطعنه مسمومه تخترق صدره وحده زوجته
ووحده اخته وكل وجع امر من الثاني
ابومطلق مايقل عنه نزف كلهن بناته وقطعه من روحه
احمدو الله على كل حال
الحمد لله على كل حال انا لله وانا اليه لاراجعون
اللهم اجرنا في مصيبتنا واخلفنا خيرا منها
اسئلو كيف صار الحادث وقالهم الضابط ان سياره اقطعت
الاشاره في احد التقاطعات في نفس الوقت الي
عبرت فيه سيارة علي من امامه فاصتدم فيها
انتقلو رجال ال مطلق للمستشفى فورا
واهناك اعرفو ان الي ماتت هي جوزاء
اماعلي مصاب بظربه في الراس
وعدت جروح سطحيه منتشره في جسمه
لم يستفق بعد ويخشى عليه من النزيف الداخلي
في العنايه المركزه
النايفه اكتشفو وجود جلطه في الرجل من قبل الحادث
ويخشون انتقالها الى اماكن ثانيه مازالت في العنايه
لمتابعة حالة الجلطه عندها اما الحادث تسبب لها
في جروح سطحيه
مفلح ارجوله ماعاد تشيله من الفجعه زوجته ماتت اخته
وولد عمه في العنايه احساس مولم اجتاح صدره
انس الي مايقل عنه الم بسب وجود صاحبه وابو زوجته
في العنايه وحتى بنات ال مطلق ماكنهن الاخواته
ووجعهن يؤلمه قرب من مفلح وربت على كتفه عزاه في
جوزاء وحاول يصبره على الثانين وهونفسه في حاجة
من يصبره اذا كان قبل يحب علي مره فبعد مازوجه
بنته زاد غلاه وارتفعت مكانته عنده ميئة مره
ابومطلق جالس على الكرسي بهم يوازي الجبال
موت بنته وحالت اولده وبنت اخوه ضربتين في الراس
توجع وثلاث تذبح كان راكزن عصاه قدامه ومسندن
ايدينه الثنتين عليها ومنزلن جبينه على ايدينه
مصعب جالس عند ارجوله ويحاول يهديه مع انه مايقل
عنه صدمه وحزن ابو مصعب جالس عن يمين ابو مطلق
بصمت اعيال ابو مطلق واعيالهم تارسين الممر الي
واقف والي جالس والي رايح جاي وكلهم ينتظرون
اي خبر عن الاثنين الي في العنايه
الدكاتره بدو يتضايقون من وجودهم وكل اشوي جايهم
واحد يطلب منهم يطلعون ومايلقون اي تجاوب
رعد بانفعال : بلاك ماتدرين وش سوت فيني اليوم
فهيدان الكلب قاعد يكلمني من طرف خشمه بسبتها
وسبة سواياها اخ انتي ماتدرين وش كثر دورت عليه
زله قانونيه والاحتى اي فضيحه لو صغيره استغلها
ضده واخرتها الفضيحه تجي على راسي انا ويجي
الاخ يقولي اختك واختك الله ياخذها من اخت
ام يزن : رعد لاتخلي كرهك لفهد يكرهك في اختك
وبعدين هي اخطت صحيح بس عاد تراك مضخم
الموضوع ومايستاهل كل الي سويته فيها
رعد كشر بقرف : الا يستاهل انا طول عمري اقرف
من هالمشاهد واحتقر الي يتفرج عليها
مانكر ان لي علاقات وخرابيط بس اني اشوف غيري
شي مقرف وقذر وبعدين ترا حتى البنات تركتهم
وناوي اتزوج
ابتسمت ام يزن على اعترافه : طيب شي حلو انك
تركت البنات والخرابيط على قولتك
بس من تبي تتزوج
رعد تذكر كلام صيته يوم قالت ان تقييمها لنفسها
ظ،ظ ظ ظھظ،ظ ظ واعطته تقييم ظ،ظ ظھظ،ظ ظ
للحين كلامها يرن في اذنه
: ابي وحده انضف من ماء المطر وقت نزوله من الغيم
ابي وحده ماتعرف قبلي والابعدي احد غيري
وحده اكون محور حياتها والفلك الي تدور فيه
ابتسمت ام يزن واحساسها يخبرها ان صيته وسالفتها
معه ورى هالطلب
: وهذي وين بنلقاها
رعد بجديه : هذي عاد مهمتك انا مااثق في احد غيرك
واعرف زين وش كثر انتي حياديه ومتاكد انك بتدورين
لي المواصفات الي ابيها بضبط
ام يزن : ابشر بدورلك الي تبي بس طلبك صعب ويبيله
وقت يمكن يطول
رعد : موب مشكله اخذي الوقت الي تبين
في اليوم الثاني وصل خبر حادث علي والي معه لاهل
الرياض واتفقو ال حمدان وابوفهد انهم يروحون كلهم
يعزون ال مطلق في جوزاء ويزورون علي
غزيل وصيته وقمراء وساره بمجرد ماعرفو الخبر
راحو لسلمى يعزونها واهم من بعد صلاة الفجر
عندها الخبر وصل محمد اخر الليل والاخبرهم
الاالفجر على الساعه ست الصبح راحت قمراء وغزيل
لام ابراهيم مع وليد يخبرونها بلي صار وبيجيبونها
معهم لبيت محمد علشان يمشون للجنوب
هياء وهيفاء اعرفن بالخبر وتوهن واصلات لبيت
ابوهن علشان يروحن معهم سلمى الخبر اوجعها
كثير دائما الاخوان الاشقاء لهم مكانه اكبر واعمق
من مكانة الاخوان من الاب او الاخوان من الام
كانت جالسه في الصاله تحمد الله وتسترجع
وتصبر نفسها هذي اختها الصغيره الاخت الي
كانت تشوف فيها تناقضات تخلي شخصيتها
بعدة نكهات متنوعه ياكثر ماكانو يشوفونها خوافه
وجبانه بس هالخوافه قدرت تناطح عملاق ال مطلق
وتخبره عن قصة النايفه وعلي هي سلمى الي
طول عمرها معروفه بالصلابه وقوت الباس
ماتقدر تقول هالكلام عند ابوها
اه صداقتها لنايفه مافيه مثلها ماخلت شي الاوسوته
علشانها وهذي هي ماتت واهي خايفه عليها
اه الله يرحمها ويقوم النايفه بالسلامه
عند ام ابراهيم تقبلت الخبر بصبر
واخذت تحمد الله وتسرجع وتذكر الله
حزينه على موت جوزاء رغم انها تعرف ان جوزاء تكرها
لاكن موت شخص تعرفه وتعايشت معه لفتره طويله
في حياتك شي ماهو سهل ابد
حتى النايفه حست بحزن على حالها مسكينه نفاس
وحالتها النفسيه تعبانه
اما علي اه ياعلي كانت تضن انه ساوا العدم عندها
لاكن الحرقه الي تحسها في قلبها عليه تخبرها بشي
ثاني
انوار منكبه على وجهها تبكي مافي قلبها وخيالها
الاابوها وبس اذا كان ابوي بخير لامانع ان يموت
كل البشر
اغزيل وقمراء وحتى ام ابراهيم يحاولن يهدن انوار
واهي كل مالها تزيد بكى خايفه ابوها يموت
موب متخيله كيف بتكون الحياه من غيره
الساعه سبع الصباح حركت السيارات المتجهه
للجنوب حمود واعياله كلهم حتى اعناد وزياد
اخذهم
ابوفهد واعياله الاثنين
وليد وراكان ومعهم امهم وخواتهم وام ابراهيم وانوار
مابقى الاغزيل وقمراء وبناتهن الي مالهن معرفه
بحريم ال مطلق فجلسن غير ان ام ابراهيم وسلمى
خلن خدمهم عندهن
اما ابووليد جلس يخلص اوراق نقل علي والنايفه
لمستشفى الملك فهد وبمجرد مايخلص اجراءت النقل بيلحقهم
الي راحو يعزون اوصلو يجي الساعه خمس قبل المغرب
عزو ال مطلق وبعد الصلاه راحو يزاورون علي والنايفه
الي تجاوزو مرحلة الخطر وطلعوهم من العنايه المركزه
لقسم التنويم علي منتظرين فحوصاته تكتمل
ويتطمنون على راسه بشكل كامل بعدها يطلعونه
اما النايفه مازال قدامها وقت طويل من العلاج وبينقلونها
لمستشفى الملك فهد
عند النايفه بعد ماتجاوزت مرحلة الخطر ونقلت لقسم
التنويم واعرفت ان جوزاء ماتت
اه يارب رحمتك اناشفت الموت بعيوني ومثل كل
الناس التفت على صحيفة اعمالي ادور اي عمل
اتشبث فيه واقول هذا هذا بلقى معه النجاه
بس ياحسرت قلبي كل مالتفت مالقى الاعلي
معقوله اربعه وعشرين سنه ضاعت من عمري
مافيها الاعلي علي وبس حتى في صلاتي
اهوجس فيه حتى لاشديت حيلي في عباده
اشد حيلي علشان ادعي ربي يعطينياه
يالله يالنايفه ياكبر خسارتك ياكبر ذنبك
ياكبرمصيبتك في دينك يالله انك تعفي عني يالله
وينك ياجوزاء تشوفين وش صار فيني
ياما قلتي علي مايستاهل العنوه اتركيه
عنك وعيشي حياتك اه ثم اه ياليتني
عشت حياتي معك ان كان علي
مايستاهلني مثل ماكنتي تقولين لي دايم
انا انا مااستاهلك ياجوزاء عشتي عمرك تداريني
وتدورين سعادتي بس انا وش سويت علشانك
حتى في عرسك مافرحت فيك ماهتميت بسعادتك
ماحسيت انها اجمل ليله في عمرك كذبت على
الكل وقلت بجلس مع صديقة عمري في ليلة عمرها
بس ماجلست علشانك جلست ابكي على علي
ماذكر انتي وش لبستي تكفين سامحيني
يوم قلت فستانك حلو ماشفته والاشفتك
انا كنت ماشوف الاعلي
تكفين ارجعي بقولك من العايدين ياما قلتيها لي بفرحه
صادقه وياما رديتها لك بارده سامجه مالها طعم والاروح
تكفين ارجعي بلعب معك لعبتك الي دايم تقولين
انا احب هالعبه تعالي العبيها معي وانا والامره
لعبتها معك حتى اني مدري وش كانت هالعبه الي تحبينها
تكفين ارجعي ابعرف وش كانت الطبخه الي كل ماسويتيها تقولين هالطبخه ماشبع منها وكل مره احبها اكثر وانا اكل معك واهزلك راسي وانا ماحس لها طعم
لاني كنت افكر بعلي ياليتني عرفت وشهي اكلتك
وطبختها بايديني لك
تكفين ارجعي بسولف معك عنك مثل ماكنتي دايم
تسولفين معي عني ولي
تكفين ارجعي بقولك اني من غيرك مسوى شي
تكفين ارجعي انا ماعشت معك ماستانست بصحبتك
تكفين ارجعي بأملى عيني من ملامحك
تكفين ارجعي بس باقول اني احبك
تكفين ارجعي انتي بس الي تستاهلين اني احبك
ماهو علي
اه ياعلي حبيتك وحبيت اعيونك السود
حبيتك وحبيت هجرك وتعذيبك
الا ياليت الليالي تعود واقضيها بين سجده وتكبيره
بعد الحادث باسبوع
علي طلع من المستشفى والضربه الي في راسه خلفت
جرح بست غرز واهو طيب ومافيه شي الاجرح في
كفه باقي ماطاب اما باقي الجروح كلها سطحيه
وخفت
النايفه انتقلت لمستشفى الملك فهد وسلمى وام ابراهيم
يتناوبن على مرافقتها
ابراهيم عرف بالحادث وجاء حضر العزاء وكان ناوي
يجلس بس ابوه اجبره يرجع لشغله بعد مارجعو لرياض
وليد رجع يتنقل من شغله لشغله
واليوم راح مع سلمان وكايد لضرماء يدورون الارض
الي طلبها مكتب عمه
عند النايفه في المستشفى وام ابراهيم عندها
من كان يصدق ان نفس الحرمه الي اضربتني
وكان ودها تذبحني علشان علي اليوم مرافقه معي
وتخدمني اول ماشفتها قلت اكيد جايه تشمت في
بس الصدق ماشفت في اعيونها شماته والاحاولت
تضايقني بشي بلعكس مرات كثيره سويت نفسي
نايمه بشوف وش بتسوي وكانت دايم تقرب مني
وتحط يدها على رجلي الي فيها الجلطه وتقعد
ترقيني هذا غير انها كل يوم تمر على المنومات
الي ماعندهم احد حتى الدكاتره والممرضات
اعرفوها وصارو ينادونها كل ماشافو مريضه
مكتئبه وماعندها احد يواسيها
ام ابراهيم
الحمد لله بعمري ماتصالحت مع نفسي والي حولي
زي وقتي ذا فعلا الدنياء ماتستاهل انا نضيع اعمارنا
في الحقد والكره مافيه اجمل من السلام الداخلي
اذا كان رضى الله هو المقياس الوحيد لتعاملك
مع البشر وقتها بس راح تحس ان كل ابتسامه
تنرسم على وجه اي نسان تقابله انرسمت لك انت
احساس بسعاده وراحه ماله مثيل
توقعت اني باكره خدمت النايفه والعنايه فيها
لاكن الحمد لله الي قدرني اني احتسب
عملي هذا لوجهه الكريم ومن فضل ربي
ماحسيت باي مشاعر سلبيه اتجاها
اقنعت نفسي انها مسلمه لها علي حق الاخوه في الاسلام
والمسلمين مثل الجسد الواحد اذا اشتكى منه عضو
تداعى له الباقى بالسهر والحمى
وياسبحان الله سويتها من اجل ربي وشفت كيف
علي صار يبديني على نفسه
مع انه كان يفضلها علي بس الحين اشوف انها
صارت شخص عادي بنسبه له حتى هي
ماعاد تنشد عنه والاتهتم فيه يمكن حزنها على
جوزاء باقي مأثر عليها الله يلهمها الصبر والسلوان
عمي ومفلح وحتى انس ومناير جو اليوم من الجنوب
تغدو عند ابو وليد وبيجون في الزياره
انا لازم اطلع من عندها قبل يجون واروح الف على
هالحريم الي ماعندهن احد يونسهن
اخبر عمي يكرهني ماله داعي اثقل عليه مسكين
يكفيه موت بنته ومرض بنت اخوه الله يعينه
ويصبره يكفي امره وهو طالع اسلم عليه
اذا كانت ام ابراهيم تصالحت مع نفسها وماعاد
تعني لها النايفه شي اعيالها باقي مانسو ان
النايفه في يوم من الايام كانت سبب في تعاستها
وبكاها وثلاثتهم عجزو يحبونها او حتى يتقبلونها
ابراهيم زارها مره وحده اما انوار تجي
كل يوم علشان امها المرافقه معها موب علشانها
اما مناير جايه من الجنوب علشان تجلس
مع انوار الي صارت تنقل بين بيتهم وبيت
عمتها سلمى على حسب المرافقه مع النايفه
والي غالبا تكون امها
وراح تجي لزياره اليوم علشان امها بالدرجه الاولى
ثم لزيارت النايفه كواجب ديني والا لوهي على القلب
مازارتها ابد واهي سبق وزارتها في مستشفى الجنوب
وصلو مفلح وابومطلق للمستشفى وادخلو عند النايفه
ابومطلق دخل وهو يناضرها بحب هذي بنت اخوه
وصديقة بنته الي مابعد ابردت حرقة فقدها
امامفلح ناضرها بحزن كل شي فيها يذكره بجوزاء
الغاليه
سلمو عليها واجلسو على الكراسي قريب منها
ابومطلق : وين ام ابراهيم مايقولون مرافقه معك
النايفه ردت بصوت يظهر فيه الحزن
شوفتهم قلبت عليها المواجع : راحت تمر على الحريم
الي مايجيهن زوار
مفلح بتخوف : وشلونها معك
النايفه : جزاها الله خير ماتقصر
ابومطلق ابتسم الحين تاكد انها تغيرت هولاحظ يوم
احظرو العزاء انها متستره وتاركتن العبي المنقشه
كان سعيد بتغيير ام ابراهيم لانها ام ابراهيم
وابراهيم يعز عليه كثير
النايفه واهي تناضر مفلح تعلقت اعيونها في عيونه
والاقدرت تستحمل اكثر من كذا انزلت ادموعها على
خدها سوايل : سامحني ياخوي جوزاء ماتت بسببي
مفلح بلع غصته : كل شي مقدر ومكتوب ولحد يموت قبل
يومه
النايفه بصوت كله حسره :اه يامفلح كانت خايفه علي
مفلح في نفسه كانت تخاف مني
النايفه : كانت تقولي قومي امشي تحركي بس ماطعتها
مفلح كانت تقول شكلك يخوفني ليه كبير كذا ووجهك فيه
مصارع بس بعمري ماقصدت اني اخوفها
النايفه : ليتني جلست معها وسولفت الها والاخليت
حزني على حملي يبعدني عنها
مفلح ليتني خبيتها بين اضلوعي والاخليت احد ياخذها
مني اويقرب لها
النايفه : اه ياشين الحياه من دونها
مفلح اه يابرد الحياه من دونها
النايفه :راحت واهي حاضنتني
مفلح راحت من غير ماتودعني
النايفه : الله يرحمها
مفلح المعت في عينه دمعه وبوجع : الله يرحمها
ابومطلق الي كان يسمع كلام النايفه ويتذكر جوزاء
مسح دمعه طاحت من عينه وهمس : الله يرحمها
علي وبناته اوصلو للمستشفى وادخلو شايلين مجموعة
اسلال اقهوه ادخلو عند النايفه سلمو عليها ونزلو عندها
وحده من السلال
ابومطلق يناضر علي وبناته انوار ومناير : وش هالسلال
هذي كلها
علي : هذي طالبتها ام ابراهيم علشان توزعها على
الحريم الي مايجيهن احد
ابومطلق ابتسم : الله يجزاها خير
مناير وانوار اخذن اسلال القهوه وراحن يدورن امهن
اسئلن وحده من الممرضات عنها وورتهن الغرفه الي هي
فيها ادخلن عندها سلمن عليها وعلى المريضه الي هي
عندها وبدن يوزعن معها السلال على المنومات
بعد ماخلصن راحن لغرفة النايفه سلمت ام ابراهيم
على ابومطلق ولاول مره تحس انه يسلم عليها بنفس
دايم يبين كرهه لها حتى في سلامه استغربت
واستغربت اكثر يوم قعد يدعيلها ويمدحها
ام ابراهيم معقوله كل هالكلام لي انا لايكون عمي
غلطان يمكن من التعب يحسبني سلمى
بس هو قال يام ابراهيم ايه ناداني اكثر من مره
معناته يدري انه انا اجل وش الي تغير
يمكن خايف على بنت اخوه مني قال
خلوني اعطيها كم كلمه زينه عشان تزين معاملتها الها
استغفر الله قمت اضن ضن سوء
خلاص هو كلمني زين الله يجزاه خير ماقصر
ماله داعي افسر تصرفاته
عند وصايف اليوم افتحت الباب للجازي وقررت ان الوقت الي اخذته في جناحها كافي انها تعيد حساباتها وتفكر عدل في كل الي صار لها وهذا هن جالسات في غرفة الجلوس وصايف : رعد بلغ عن المشغل الي كنتي تشترين منهم الاشرطه وامسكوهم الشرطه الجازي اشهقت بروعه : حرام عليه ضعيفونه ترزق الله ليه يوم يقطع رزقها
وصايف استعجبت من ردها : حرمت عليها عيشتها الفاجره
الجازي بحزن حقيقي : ياويلك من ربي والله انها طيبه واخلاقها تهبل ولاتسوي شي لين تنشد الشيخ فيها دين وصلاح عمري ماشفته على احد
وصايف توسعت عيونها بتعجب وش الي متدينه هذي وينها ووين الدين : انتي وين عقلك الحرمه فاسقه تبيع اشرطة اباحيه وفاتحتن بيت دعاره وتقولين متدينه مفارقها الدين هذا كلام تلعب عليك فيه ويوم تقولك ناشده شيخ تكذب عليك مانشدت احد ومافيه انسان عاقل يقول ان مشاهدت العورات حلال وشلون عاد الشيخ
الجازي : والله انها ناصحه واهي ماعطتني هالاشرطه الاعلشان اتعلم لزوجي مافيها شي الشيخ قايل لها اي شي تسوينه علشان زوجك حلال
وصايف انقهرت من جهل هالادميه ماتخيلت ان مخها مقفل لهالدرجه
الجازي انفجعت : لاوالله ماجبت طاري الاغتصاب عمه ترى ماني كافره انا علشان اخلي احد يغتصب بنت المسلمين
وصايف ماتدري وين تروح فيها من كثر ماتعيد وتزيد وتشرح من غير فايده
: الكوافيره قالت خليها تجي علشان هي تمسكها وتوديها لشلة شباب يغتصبونها الشرطه امسكوها هي والي يشتغلون معها ولقوهم حاطين بيت دعاره ويجرون على بنات المسلمين واحمدي ربك الي نجاك منها لاتروحين في مصيبه
الجازي ماهي مصدقه كل الي انقال ماهي معقوله تسوي كذا واهي ماتكلم الا بذكر الله وكل شي تعلمها فيه تقول انها انشدت شيخ قبل تسويه لا لا اكيد يلعبون علي علشان ماعاد اروح لها : ياوك ياكبرها ياعبرها الحرمه مايطيح اسم الله من فمها خافي الله لاتبلين عليها
وصايف جت في بالها فكره : طيب انتي تقولين انها انشدت شيخ وقال ان مشاهدت هالافلام حلال صح
الجازي : ايه صح
وصايف طيب هالحين التلفزون عليه شيخ يفتي الناس وش رايك ننشده حنا ونسمع رد الشيخ بانفسنا وكذا انعرف اذا الكوافيره ناشده شيخ صدق والاتكذب
الجازي تحمست وكاد ان براءت هالمسكينه بتظهر لعمتي : موافقه وبتشوفين انها راعية صلاح
وصايف : انا برسلهم السوال على الفاكس بس بقول اني رجال والله اني مستحيه اقول اني حرمه حتى وهم مايعرفوني المهم اذا قال انه حرام معناته الكوافيره كذابه اتفقنا
الجازي :اتفقنا
وصايف ارسلت السؤال وجاها الجواب
السوال : ما حكم الدين في النظر إلى أفلام الجنس لرجل متزوج وذلك لنية تعلم بعض الأوضاع الجنسية فقط لا غير ودون التلذذ بذلك؟ وما حكم مشاهدتها لغير المتزوجين بغرض التخفيف من حدة الشهوة؟ وشكرا.
الجواب
الحمد لله والصلاة والسلام على رسول الله وعلى آله وصحبه أما بعد:
فإنا لله وإنا إليه راجعون على ما وصل إليه حال المسلمين من ردة في الأخلاق وانقلاب في المفاهيم، وصدق الرسول الكريم صلى الله عليه وسلم في قوله: "لتتبعن سنن من كان قبلكم شبراً بشبر وذراعاً بذراع حتى لو دخلوا جحر ضب تبعتموهم. قلنا: يا رسول الله اليهود والنصارى قال: فمن؟. رواه البخاري. فاتبع المسلمون عادات الغرب الوقحة وتركوا شريعة الله تعالى السمحة التي تأمر بالفضيلة وتحث على مكارم الأخلاق. وقد أمر الله تعالى بغض الأبصار عن محارم الناس وعوراتهم فقال: (قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون* وقل للمؤمنات يغضضن من أبصارهن ويحفظن فروجهن…) [النور: 30/31]. ولا يجوز النظر إلى عورة أحد إلا عند الضرورة الملجئة كنظر الطبيب إلى العورة ونحو ذلك.
وأما دعوى التعلم من هذه المناظر القبيحة، أو التغلب على الفتور، فإنها دعوى متهافتة إذ بإمكانه التعلم والتغلب على الفتور بالقراءة في كتب السنة والفقه في كتب النكاح منها، ففيها بعض التفاصيل في هذا الجانب.
أما الأضرار التي يقع فيها الناظر إلى هذه المناظر من إفساد مزاجه على زوجته، وقسوة قلبه،وزهده في الحلال، واشتياقه لمواقعة المحرم.. وغيرها فهي أمور محققة. فلا يجوز النظر إلى هذه الأفلام ولا إدخالها البيوت حيث إن الله تعالى أمر بغض الأبصار وأمر النبي صلى الله عليه وسلم بحفظ العورات إلا من الأزواج وملك اليمين. قال صلى الله عليه وسلم: "احفظ عورتك إلا من زوجتك أو ما ملكت يمينك" رواه الترمذي.
وإذا كانت هذه المفاسد ثابتة في حق المتزوج، فإن إفسادها لغير المتزوجين أعظم، وخطرها عليهم أكبر، لأنها تجرئهم على الفواحش، وتهونها في نفوسهم، وتفقدهم المناعة، وتقضي على صبرهم عنها.
وهذه كلها أمور مناقضة لحالهم، ولما هو مطلوب منهم عقلاً وشرعاً، وهو البعد عن مواطن الإثارة، وغض البصر والتعفف. قال تعالى: (وليستعفف الذين لا يجدون نكاحاً حتى يغنيهم الله من فضله) [النور: 33].
هذا والله نسأل أن يصلح أحوال المسلمين وأن يرزقهم الرشد في دينهم. والله تعالى أعلم.
السوال والجواب ماخوذه من موقع اسلام ويب
وصايف : شفتي الشيخ يقول حرام الجازي : طيب هي طول الوقت تذكر الله وصايف : تذكر الله علشان تصدقينها ماتذكره حبن في التقرب لله هي شافت انك متدينه قالت لازم اسوي نفسي متدينه واذكر الله قدامها واقول انا انشد شيخ علشان تصدقينها لونها تعرف الله ماقادت على بنات المسلمين اقولك الشرطه ماسكتها ولاقيتن عندها بلاوي شرطان وخمور وبلاوي مالها حصر
الجازي اخيرا اقتنعت ان الي سوته حرام
: استغفر الله استغفر الله العظيم
وصايف انا لازم اجيب لها اخصائيه اجتماعيه تعالجها من اثار البلاوي الي شافتها وعلشان تفهمني كيف اتصرف معها في الايام الجايه
عند علي بعد مانتهت الزياره ورجع لبيته هو وانور ومناير راحت مع انس وبتجيهم بعد العشاء بيبات انس عندهم والصباح يروح للجنوب ومناير بتقعد عندهم علشان انورا ترجع تنتظم في مدرستها واهو الحين في غرفة نومه متمدد على سريره
الله يرحمك ياجوزاء كنتي السبب في انك جمعتيني بحب حياتي ياه ياسبحان الله عشت عمري وانا احس حياتي ناقصه من دونها ويوم اخذتها وعشت معها فقدت بريقها واكتشفت ان حرمتي الي طول عمرها معي احسن منها بمراحل والحب الي كان صار شي عادي وماله ذاك الاهميه هي هالحين هاجده وفاكتني من ابكاها الي مايخلص والاهم تنفست اشوي بدل ماهي ناشبه في حلقي كان مافي حياتي الاهي اما ام ابراهيم الله عليك يام ابراهيم طلع معدنك الطيب وغرقتيني في جمايلك يكفي انك ملازمتن النايفه وتدارينها وانتي مانك مكلوفتن ابها يكفي انك سامحتيني على زواج مناير الي كان حارقن قلبك يكفي انك سامحتيني على كل اهمالي طول السنين الي راحت مقدر اقول الااني اليوم من فضل الله في نعيم بوجودك في حياتي
عند ابومطلق بعد صلاة المغرب قرر يروح يتقهوى عند حمود ويسلم على صيته هالبنت حبها من اول مره سلمت عليه والحين زاد غلاها بعد ماصارت خطيبة حفيده وقريب بتكون حفيدته بعد ماتتزوج وليد اما ليه محد عزم اهل الجنوب بعد ماغداهم ابووليد محد قصر حمود عزم وابوفهد عزم لاكن هم احلفو عن العزايم لان مالهم عنهم وقت وماهم في ظروف تسمح بالعزايم والمات بعد ماتقهوى ابومطلق التفت على حمود
: نادولي بنتي باسلم عليها ابتسم له حمود وحب انه يمزح معه
: باقي ماصارت بنتك لاصارت بنتك ناديناها لك ابومطلق
: الا بنتي من هالحين لولا تشرطات حمدان الي مالها وجه والاكان اخذتها معي للجنوب وانا رايح
ابوفهد ضحك :زين ان عمي حمدان تشرط على ابناخيك وخلى ابنيتنا تقعد عندنا
حمود : ياخوفي اني الحقها لاجتك في الجنوب ابومطلق : الله يحييك ابد كل ماجتنا تعال معها حمود بابتسامه : الله يبقيك قم يازياد ناد اختك
راح زياد ينادي صيته عند وليد الي له يومين هو واخوياه في اضرما يدورون ارض خلصو شغلهم وكلن رجع لبيته ووليد لقى مفلح عندهم في البيت سلم عليه وتقهوا معهم وراح لبيت عمه حمود يوم عرف ان جده اهناك وعلى دخلته للبيت شاف صيته طالعه من الفيلا متجهه للمشب راح لها
: وين رايحه
صيته : بروح اسلم على جدك
وليد : معه احد
صيته : لا
وليد دخل ايديه في جيوب جاكيته : لي زمان عنك وشلونك
صيته تذكرت كيف هجم عليها هو ومحمد ايام سالفة الجازي : ايه من يوم مديت يدك علي وليد عقد حواجبه وجمع شفايفه علامة استياء
: انتي دايم زعلانه مني ماتعرفين اطوفين شي ماتشوفين الاسلبياتي صيته : سمعت ان الي مايشوف الا ايجابيات الشخص ينقال عنه يحب بس الي مايشوف الاالسلبيات باقي ماسمعت وش ينقال عنه وش اتهقى انت
وليد تنرفز منها حده : هقوتي ان اخرتك بتخسرين هالي ماتشوفين الاسلبياته
قاله وتركها وراح للمشب وهومعصب
صيته اوقفت تناظره لحد مادخل المشب واهي باقي تهوجس لمى توقعت ان قيده سلم وجلس راحت لهم ادخلت بثقه وعينها على ابو مطلق الي ابتسم اول ماشافها داخله حركت نظرها يمين اشوي شافت وليد جالس قريب من جده يتقهوى والاالتفت يمها
:السلام عليكم ورحمة الله ردو السلام جميعهم وصيته عزت ابومطلق بما انها اول مره تشوفه بعد الحادث
ابومطلق : وين انتي ورى ماجيتي مع الي جو للجنوب
صيته : الي جوكم يسدون عنا وحنا جلسنا نسد محلهم غير ان خدم الي راحو اجلسو عندنا
ابومطلق : هم يسدون عنكم فهمناها انتي كيف بتسدين عنهم
صيته ابتسمت من تحت النقاب : افا ياجدي وش هقوتك فيني انا فاتحتن بيت ال حمدان اكرم الضيف واداري الضعيف (الخدم) واشرف على مكتب ابوي وشغله
حمود ضحك لها : وانا اشهد انها تسد محل من اخذت محله
ابومطلق اعجبه ردها هالبنت فطين وقلبها حي ابتسم لها : اتقولين وتطولين يابنت حمود صيته : ياعساك تسلم ياجدي انت راعي الطولات وانا اتعلم من طيبك الله يطول عمرك
كان يسمع حوارها مع جده من غير مايلتفت لها حاول يمثل الجمود لاكنه ماقدر الاانه يبتسم مع كل كلمه تنطقها لحدمالتفت بسرعه على صرخة صيته
بسم الله عليك وش الدم الي مغرق اثيابك وش صايرلك
صيته الي كانت واقفه على باب المشب وتكلم مع ابومطلق
لفت انتباها بكاء زياد الي واضح منه انه متوجع
التفتت على صوته بخرعه وشافت الدم مغرق اثيابه
وعناد يمشي بعده بمسافه والرعب مبين في عيونه
خمت زياد تدور مصدر الدم الي واضح انه من راسه
:بسم الله عليك وش الدم الي مغرق اثيابك وش صايرلك
وليد التفت على صوتها وفز واقف حمود واعياله فزو
كلها دقايق والتف الجميع على زياد يشوفون وش فيه
واحدهم يقف على مسافه من التجمع عيونه ممتلئه
بالدموع وهو يجاهد حتى لايشاهدها احد هكذا
تعلم كبرياء الرجوله كأل حمدان وربما كرجال عائلته
المجهوله
صيته الي بعدت عن زياد لمى شافت ان الجرح سطحي
بس لأنه في الراس نزف كثير
لتبتعد عن زحام الرجال حوله شافت عناد كيف خايف
راحت له وضمته تطمنه لاتخاف جرح بسيط الحين
اخذه انضفه والف عليه شاش وان شاء الله يطيب
بسرعه
عناد هز راسه بايه وعيونه على التجمع حول زياد
والكل يسئل وش فيك واخيرا سكت بكاء زياد
وقالهم وش صار
: عناد حذفني بالحصاه وجت في راسي
عناد عقد حواجبه وتقدم لدفاع عن نفسه
: انا كنت باحذف البسه بس هو جاء قدامها وجت فيه
الحصاه ماقصدت اعوره
عناد بدفاع : وانا وش اسوي يوم جاء قدام البسه
قيدني حذفت الحصاه
حمود الي ماسك على جرح زياد منديل
: عناد تعال قل لاخوك اسف وانت معاقب بعد
ماتعتذر من اخوك تجلس في زاوية المشب من غير
والاحركه وتستغفر ربك علشان يسامحك على اذية البسه
وعلى عوار اخوك لمدة نصف ساعه
عناد تقدم لزياد : انا اسف انت تعرف اصلا اني مابغى
اعورك
حمود هز راسه لزياد يعني سامحه
زياد الي باقي يحس بألم الضربه
: انا سامحتك بس ماني لاعب معك
عناد طنش وراح يجلس في الزاويه زي ماقال ابوه ويستغفر
صيته اخذت زياد تنضف جرحه وتلف عليه شاش
والجميع ارجعو لاماكنهم
ابو مطلق كان مركز على حمود واعياله كيف يعاملون
اعناد نفس مايعاملون زياد ولدهم لوكان عند احد
غيرهم وش بيكون عقابه
عناد جلس خمس دقايق وطفش : يبه خلصت النص ساعه
حمود ابتسم : لاماخلصت
سالم بضحكه : توك ردد ياليل مطولك
وليد : يمدينا نلعب شوط كيرم وانت باقي في مكانك
فهد : ياعزتيلك تبيني اجي اجلس معك
عناد ابتسم : بتحشرني في الزاويه يالدب
ضحكو عليه
فهد : الشرهه على الي يفزعلك
عناد : ماقلت افزعلي وبعدين انا مستانس الحالي
والصدق انه حده طفشان مع انه معهم وقاعد يسولف
بس احكاية اقعد مكانك ولاتحرك تخلي كل انواع الحركه
تدور في راسه
وليد : احرجت نفسك يافهد
عناد : اصلا انا مبغى اتعبه واقومه من مكانه
فهد استانس : ههههههههههههه بعدي اعنادي والله انك كفو
وليد :هههههههه طيب يالدب مسوي فزعه
عناد وصل حده من الطفش مع انه ماله عشر دقايق
: يبه خلصت صح
حمود ابتسم : قم الله يصلحك ومره ثانيه انتبه لاخوك
الصغير انت الكبير ولازم تخاف عليه وتنتبه له
السلام عليكم كان هذا راكان توه طالع من مكتبته وجاي ياخذ جده ردو عليه السلام جميع
: جدي يالله مشينا حمود : لاوين تمشي يابومطلق تعش معنا ابومطلق : متلاحقين على خير باروح اشوف سلمى ماجلست معها منيوم جيت يالله اسلم عليكم الجميع الله يسلمك وليد قام هوالثاني لحقهم في سيارة راكان ابومطلق : وشلون الشغل معك راكان : الحمد لله زين ان شاء الله كلها كم شهر وافتح فرع ثاني واوسع شغلي ابومطلق : ماشاء الله اجل ترى حرمتك عندي متى مانويت العرس راكان عقد حواجبه وش قصتهم جداني كأن ماعندهم احفاد الاانا ووليد جدي حمدان حطنا وقف لصيته ومع ان خواتي اربع ترك اعيال عمي حمود على راحتهم وجدي ابراهيم عنده قبيلة احفاد وتركهم كلهم وجاي يزوجني انا يعني موب من حقنا نختار الي نبي والاوش القصه بالضبط
ابومطلق شاف كيف راكان عاقد حواجبه وسرحان عرف ان السالفه ماعجبته
: وراك سكتت
راكان كشر وع مابقى الا الماصخه ذي ياحومة الكبد هالحين وش اقول لجدي
: توني صغير على الزواج بكمل ادراسه وبعدين قررت اصير تاجر قرطاسيه وابي اركز في شغلي علشان ااسسه صح وكل ذا يبيله وقت قبل ست سبع سنوات ماعندي نيه اتزوج
ابومطلق عرف انه يتهرب من الزواج ولاحظ تكشيرته يوم قاله من البنت شكله مايبيها
: بكيفك بغيتلك الزين
راكان :ياعساك تسلم ياجدي بس انا مبي ارتبط باحد الحين وانا ماعندي نيه اعرس اخاف اروح اخطب اي وحده واعلقها ويوم يجي وقت الزواج يتغير رايي فيها واروح اخذ غيرها والااتزوجها وانا ماابيها واظلمها معي
ابومطلق هز راسه واهو ساكت فعلا الغصيبه شينه بدليل الي صار لمى حاول يزوج مصعب وانوار
بعد يجي ثلاثه ايام ابومطلق ومفلح ارجعو للجنوب والنايفه اطلعت اليوم من المستشفى عند ام ابراهيم وبتقعد كم يوم لين تتحسن حالتها وترجع لبيتها واهي مازالت تاخذ ابر الهيبارين المسيله لدم واسبوعيا تروح تفحص مستوى سيولة الدم لحد ماتستقر سيولة الدم عند حد معين بعدها راح يكون الفحص مره كل شهر ويمكن تتحول لاخذ حبوب الوارفرين كبديل للأبر
عند وصايف راحت لمختصه في الاستشارات الاسريه واطلبت منها تساعدها في حل مشكلة الجازي
الاخصائيه الاجتماعيه : شوفي يااخت وصايف مافيه شي ينتهي مره وحده وكأنه شريط نقصه ونخلص العلاج السلوكي يبيله برنامج واضح ووقت علشان يجيب فايده واكيد صبر على المعالجه وتنفيذ البرنامج
وصايف : طيب والجازي وش المفروض يكون البرنامج الي اتبعه معها
الاخصائيه : خلينا نبدا بالمعالجه الدينيه قبل اي شي قلتي انها تترك الصلاه وتتهاون فيها بشكل كبير وعلشان تتاكدين انها تصلي في الوقت المحدد لازم انتي تبادرين وتنادينها في كل فرض وتطلبين منها تصلي معك جماعه بحجة ان صلاة الجماعه افضل من صلاة الفرد وهذا صحيح وراح يعالج مشكلة تركها لصلاه باقي سالفة اثر الافلام الي شافتها على نفسيتها وخيالها هنا لازم تشغلينها طوال الوقت ياليت لوتشركينها في دار تحفيظ القران تطلعين معها تتمشىون المهم تبقى طول اليوم تحت عينك وفي نفس الوقت مشغوله ليه لانها بقت لمده من الوقت تشاهد افلام جنسيه وفي هالوقت كان عندها متنفس بس الحين توقفت المشاهده بس مازالت قادره على استعادت هالمشاهد في خيالها وممكن تتفاعل معها بطريقه تؤدي الى انحرافها خاصه ان البيت مليان خادمات وقد تجد بينهن من يستغلها فلازم نسكر الثغره ذي من قبل لاتنفتح والحل في دمجها في الحياه الاجتماعيه واشغالها لاطول وقت ممكن وانصحك تجيبين لها اشرطة محاضرات دينيه عن حرمة مشاهدة الاباحيات عن خطورة وحرمة ممارسة العاده السريه وعن حرمة العلاقات المحرمه بشكل عام هالمحاضرات راح تبني عندها الوعي الديني وتعزز الجانب الايماني في نفسها لانها تستند بشكل رئيس على القرآن والسنه النبويه
وصايف تحمست لخوض الحرب وبدت تعد العده لاولى المعارك
لاباس ان لم تستطع اعادة تشكيل الحديد من جديد ولاكن لا ترضى باقل من اذابت الصدى الملتصق به
بعد اربعه اشهر الاحداث المستجده الترم الدراسي الثاني بدى من شهر الوقت بداية الصيف
النايفه ارجعت في بيتها ومازالت تستعمل ابر الهيبارين ومستمره على مراجعة المستشفى مره كل شهر ورجلها ذابت منها الجلطه وامورها تمام بنسبه لحياتها مع علي صارت حياه روتينيه عاديه وعلي فقد السواد الاعظم من اسهمه عندها لمى يكون علي عندها تجي لبيتها ولمى يروح علي لرياض تروح لبيت مفلح
مناير وانس عايشين حياتهم من اجمل مايكون وفيه بيبي في الطريق ترفه عايشه بسعاده مع مناير وابومطلق والمزرعه الي تشرح النفس
ام ابراهيم تطوعها في الاعمال الخيريه في تزايد رغم متاعب الحمل واهي الحين داخله شهرها السابع وحياتها مع علي واعيالها اجمل مماتتمنى
محمد تملك على حلا وفهد تملك على هلا والزواج لم يحدد بعد لاي واحد منهم هيفاء حامل في الشهر الرابع
صيته ووليد مازالو في شد وجذب وعملية جمع المهر مستمره والباقي من المهله شهر
فهد ووليد في مكتب فهد
فهد : قلتلك هذي البضاعه تصفيه اذا ماخذتها انت بياخذها غيرك وحنا متعودين نوزعها على محلات متفقين معهم من قبل ياخذونها تقريبا بربع القيمه ويبيعونها بنصف القيمه واهي عاده بضاعه يكون فيها عيوب تصنيع بسيطه وغير واضحه اورجيع بضاعه اخذت اكثر من وقتها والاتصرفت وفيه بضاعه جديده جايه فنصرفها حتى نستفيد من المخازن واماكن العرض للبضاعه الجديده
وليد : طيب اذا ماراحت عندك ومحلك له شنه ورنه كيف بصرفها انا فهد : انت بتاخذها بربع القيمه وبتبيعها بنصف القيمه وبتبيعها على الناس الي مايقدرون يشترون من الماركات الي يعرضها محلي بسب ارتفاع سعرها فلما يلقونها بنصف السعر تكون فرصه لاتعوض بالنسبه لهم وليد : وانت وش بتستفيد فهد ابتسم : باستفيد اني بصرف البضاعه على شخص واحد واريح راسي بدل ماقابل عدة اشخاص واضيع وقتي عليهم وليد اشترى البضاعه من فهد واتصل بسلمان وكايد علشان يجون ينقلونها معه البضاعه كانت عباره عن شحنتين في حوض سيارت سلمان فقررو يودون شحنه للاستراحه والشحنه الثانيه يروحون فيها قدام احد المراكز التجاريه الكبيره ويبيعونها مباشره في الاستراحه وكايد وسلمان ينزلون البضاعه من السياره سلمان : ياولد البضاعه فخمه ضحك كايد :وانت صدقت انها تصفيه سلمان : ليه الرجال بايعها بربع القيمه اكيد تصفيه كايد : اسمع انا مدري اذا الجد قاصد هذا الشي او لا لاكن الاكيد ان كل العائله قاعدين يتحايلون على الوصيه ويساعدون وليد بطرق غير مباشره عندك الام والابو الي متكفلين بكل مصاريفه حتى علبة المويه يشريها على حسابهم على عمه وولده سلمان قاطعه : عاد عمه لوماسوى كذا مافيه خير مكتبهم ماينفذ عمليات برى الرياض وش المشكله اذا عطو وليد هالشغل كايد : هههههههه الي ماتعرفه اني اعرف مكتب عمه قبل لاعرفه وابوي مشتري من عندهم ارض وانا بنفسي الي خلصت البيعه والي جابلي الارض محمد شخصيا وكانت في المزاحميه وقبلها جاب لابوي مزرعه في الخرج يعني سالفة انهم ماينفذون عمليات برى الرياض تصريفه سلمان : طيب كيف وليد مايدري عن مكتب عمه اذا ينفذ عمليات برى الرياض او لا
كايد : لاتنسى انا يوم تعرفنا عليه توه راجع من برى ومن رجع واهو مشغول بوضيفته ثم سالفت الوصيه ومن ذاك الوقت سلموه الشغل
سلمان : طيب وفهد وبضاعته وش قصتهم كايد : ابد طال عمرك هذي بضاعه عالية الجوده ولو نبيعها بثلاث اضعاف القيمه تمشي زي الحلاوه والتصفيه الي يقول عنها مجرد تمثليه علشان يساعد قريبه اهو صحيح حاط اشياء من بضايع التصفيه بس يادوب ربع الشحنه تصفيه الباقي لا انا تاجر واعرف وش اتكلم عنه سلمان : طيب نعلم وليد علشان يرفع السعر كايد : طبعا لا انت بتخرب على الرجال اذا عرف ان الرجال متخسر ومعطيه بضاعته مستحيل ياخذها فابلع السانك واياني واياك تنطق بحرف خلصو تخزين البضاعه الي معهم في الاستراحه وراحو لوليد يحملون الشحنه الثانيه ويروحون يبيعونها عند فهد بعد مامشى من عنده وليد اه من يصدق اني اساعد وليد علشان ياخذك ياصيته لاكن دامي انحرمت منك على الاقل انتي اخذي الي تبينه وعيشي سعيده حتى لومع غيري خلي وجع القلب الي وانتي تهني في حياتك ياجعل حياتك كلها هناء
في الجنوب في مزرعة ابومطلق كانت ترفه تشتغل في المزرعه وسعيده بوقتها مر مفلح من المزرعه رايح لعمال مزرعة عمه الي هالوقت يكون ابومطلق بينهم يتطمن عليهم ويشرف على شغلهم وكان تقريبا كل يوم يروح لعمه في الوقت الي يتواجد فيه مع العمال حتى انس يكون معهم وكانت اتلاحظ العبوس على وجهه كل مامر يالله وجهه يشكي من كثر ماهو معبس عاد حرمته ماتت الله يرحمها لمتى بيقعد قالب خلقته اف وانا وش دخلني فيه دارت له ظهرها وارجعت تشتغل لحظه وارفعت راسها تشوف لوين وصل شافته وقف عند اشجرة ورد وقام يتأملها ودايما يمر هالشجره ويقف عندها وبتهور طلعت مسدسها وصوبت الورده المقابله لمستوى نضره تماما وبما انه ماكان بعيد كانت تشوف الورد بوضوح مع انها تقدر تصوب على اهداف بعيده وبرصاصه واحده تجيد ايجاد طريقها الى الهدف بنفس مهارة ابوها
مفلح كان واقف يتأمل شجرة الورد الي ازرعتها جوزاء قبل كم سنه وكانت دايما تمرها لمى تكون معه في المزرعه وتقطفله ورده من اورودها وتهديها له وكانت دايما تقول انازرعت هالورده علشان اهديها لك كان سرحان في شكل الورده وتكوينها وجمال لونها وفجأه وردته انفجرت وتطايرت اوراقها او بقايا اوراقها في الهواء في نفس الوقت الي سمع فيه طلق ناري التف بغضب للجهه الي جت منها الرصاصه وشاف ترفه ماسكه مسدسها وتلوحبه في يدها بمعنى انا الي اطلقت الرصاصه انقهر واعتبره تحدي منها تمنى لو مسدسه معه ويصوب على مسدسها متاكد انه راح يطيحه من يدها بطلقه وحده
ترفه ابتسمت : تعجبني الردود الي تكون بقصد انها ماتعجبني
مفلح : وش يسمونه ذا محاولت لفت انتباه
ترفه : لا بس بغيت اصحي واحد من غيبوبه طولت على غير سنع
مفلح ابتسم اعجبه ملاعبها : وانتي يهمك انه يصحى
ترفه تورطت تلفتت يمين شمال تحاول تخفي توترها وبينته اكثر
مفلح توسعت ابتسامته لخمتها واضحه
ترفه : تبرع القادر للمحتاج مغنم
مفلح : ومن المحتاج الي بتصحيني علشانه
ترفه طلع موب هين لاماصدق ان ذا كان متزوج ذيك ياسبحان الله احظوظ بعض البشر تجي اكبر منهم
: ابوي ابراهيم شايل همك وانت شايل الدنياء على راسك
قطع كلامها صوت مناير تنادي
: ياخاله تعالي جاي مفلح يوم شاف مناير راح وخلاهن
ترفه ارتاحت ان مناير جت وفكتها منه
قدام احد المراكز التجاريه الكبيره موقفين ونيت سلمان ووقفين في صندوق السياره ينادون على بضاعتهم وليد : قرب قرب شنط وجزم ماركه الي بثلاث ميه تاخذه بميه وخمسين والي بميتين تاخذه بميه
كايد : عنك مناسبه بتلقين الي يكمل اناقتك هنا ومن ارقى الماركات تصفيه كل شي بنصف السعر
سلمان : رجلك متزوج عليك اقهري ضرتك وخليك اشيك منها هنا وليد وكايد فرطو ضحك هههههههههههههه وليد :ياخي انت جاي تبيع والاتسوي مشاكل كايد بضحك : ياخي خله والله انه يجيب العافيه بتنكيته ذا وكملو بيع وضحك وتنكيت مع بعض والاانتبهو للي عينه عليهم
كان في سيارته مار مع الطريق وشاف الزحمه الي مسكره الشارع صارله يجي ربع ساعه عالق في الزحمه واخيرين شاف الزحمه وشهي عليه سياره وانيت وعليها ثلاثه شباب يحرجون على بضاعتهم شهق يوم طاحت عينه عليه بينهم : وش جابه هنا
وقف سيارته على جنب ونزل منها سحب عصاه الفاخره
والي يشيلها في يده كااكسسوار وسلاح لان في راسها
سكين مخفي تحت قطعه مزخرفه من الفضه اذا ازال هذه
القطعه ظهرت السكين في راس العصاء
في الوانيت كايد مد وحده من الشنط على الحرمه الي اطلبتها واخذ منها الفلوس اعتدل في وقفته
وتفاجاء بظربة عصاء على ظهره التفت بعصبيه
:من الك قطع كلامه لمى شاف الشخص الي ضربه
هلا هلا طال عمرك
وليد وسلمان التفتو على الي ظرب كايد باستغراب
كانو مستعدين للفزعه بس يوم اسمعو رد كايد
اعرفو انه يعرفه وقفو ينتظرون وش ترسي عليه بينهم
عقد حواجبه بغضب وبصوت عصبي
: تارك محلك وقاعد تبيع في الشوارع
كايد خاف يفشله قدام اخوياه : يبه الله يهداك
انت بس اصبر دقايق وافهمك كل شي قاله وهو ينزل من السياره
وليد وسلمان انزلو بعده رغم اعتراض الزباين الي
يبونهم يخلصونهم ويشوفون طلباتهم
وليد قرب من ابوكايد بثقه : السلام عليكم
رد عليه ابو كايد وتقدم سلمان وسلم وباس راس ابوكايد
ابوكايد كان انطباعه الاولي عن العيال انهم ناس محترمين
بس سالفت ان اولده تارك متجره وشغله وقاعد يبيع
على الرصيف خلته يعصب
: وهالحين وش جايبك هنا ومدير متجرك مشغلنا من اليوم يدورك
وليد تفشل شكله عطل كايد عن اشغاله
: انا اسف طال عمرك البضاعه الي تشوفها لي
وانا اسف مره ثانيه لاني عطلت كايد عن اشغاله
ابوكايد حس الموضوع فيه شي ماهو واضح
وجه كلامه لوليد : ماله داعي تعتذر وكايد
ادرى بشغله بعد اذنكم اشوي بس
ابي كايد في موضوع
ارجعو وليد وسلمان يبيعون بعد ماتكدر مزاجهم
اما كايد راح ركب مع ابوه في سيارته وعلمه بسالفة
وليد كلها وليش قاعدين يبيعون هنا
ابوكايد : قلتلي انه يقرب لابومحمد
كايد : ايه ابومحمد عمه وخطيبته اخت محمد
ابوكايد : خلاص ارجع لاخوياك وانا بمر المتجر اشوف
وش عندهم
كايد انبسط وخم راس ابوه يقبله : الله يخليك لي
يااحلى ابو انت
ابوكايد ابتسم اولده له فتره متغير ومبينه السعاده
في وجهه الي صار لها مده غايبه مع غياب ماجد
واضح ان هالاثنين الي معه هم السبب
:بس موب تترك شغلك من غير والي
كايد : ابشر يبه اصلا انا متابع شغلي بس هالمدير
النكد مدري وش يبي الصبح ماره يقول كل شي تمام
ابوكايد : لوماعنده شي ماتصل عموما انا بروحله
واشوف وش عنده خويك ماجد وش صار عليه
كايد رد واهو ينزل من السياره : امه طابت وبيرجعون
الاسبوع الجاي
في الجنوب وفي مزرعة ابومطلق
كان وقت جني بعض المحاصيل الزراعيه
علشان كذا ابو مطلق استعان بزيادة عمال
غير المزارعين الدائمين من اهل المنطقه الي يشتغلون
في مزرعة ابومطلق طوال العام
ترفه لاحضت ان احد هالعمال مايعرف يقطف الثمار
بشكل صحيح ومركزه عليه من امس وعلى كثر
ماعلمته بالطريقه الصحيحه يرجع يشتغل غلط
في هالاثناء مر مفلح على موعده التفتت عليه
ترفه وشافته مكشر كالعاده وانقهرت
وحطت حرتها في العامل : انت بتشتغل صح والااطردك
من الشغل
العامل عصب مناشبته من امس وكل ماسوى شي قالت
غلط مع انه مايشوف انه غلط هم يبون الثمر خلاص اقطع
وارمي وانتهينا صرخ عليها: انتي مالك دخل صح غلط هذا شغلي انا
ترفه الي تعودت تحمي غيرها واخر من يحتاج حمايه
اودفاع من احد بس في هالحظه ومفلح قريب منها
ماتدري ليه تخلت عن هالقوه وكانت تتمنى لاول مره
انه احد يفزع لها لا هو واحد بس الي تتمنى فزعته
وماخاب رجاء ترفه
مفلح الي كان مار من جنب ترفه سمع توجيهها للعامل
وسمع صرخته عليها فرجع له
: انت وشلون ترفع صوتك على معزبتك
العامل : كل ماسويت شي تقول غلط
مفلح : واهي صادقه شغلك غلط وبعدين اذا عندك
اعتراض على شي تروح لاانس والاابومطلق ماترفع صوتك
العامل خاف انه ينطرد التفت على ترفه :اسف
مفلح : امش قدامي اشتغل مع العمال الي في الجهه الثانيه
طاعه العامل ومشى قبله
مفلح التفت على ترفه الي كانت ساكته ومستمتعه بدفاعه
عنها : وانتي خلي اشرافك على الحريم العمال انس
الي يشرف عليهم
كانت من داخل سعيده من قلب اول مره تحس بشعورذا طول عمرها تعتز بقوتها وشجاعتها الي يهابها الكل
بس من شافت ابو هالوجه العبوس ماتدري ليه
بدت تحن لرجل يجن ويثور من دونها
صحيح انها استخدمت هالقوه
عشان تلفت انتباهه بس في الحظه ذي ودها تعطي
العامل الي صرخ عليها مكافئه تغنيه عمره كله
بس بعد ابوطبيع مايخلي طبعه وبتكبر
: انا محد يامر علي الاابوي ابراهيم وهذي مزرعته
اشرف عليها من اولها لتاليها
مفلح موب متعود احد يرادده عقد حوجبه وصرخ عليها
علشان يخوفها : لاتخليني احبسك في بيتك لاماتتعدين
سوره
في الواقع ضن ان هالصرخه المرعبه قادره انها
تنفض اعظامها بس تفاجاء بالرد
ترفه بتحدي : ماعاش والاكان الي يصك علي بيتي
وتوكل قبل خنجري يلعب في جنبك
مفلح استغرب قوتها ومع ان تهديدها ماله اهميه
عنده بس حسسه انه قدام حرمه غير عن كل الحريم
الي يعرفهن فيها شي مختلف وممتع
اعطاها نظره من فوق لتحت وببرود الواثق
: صوتك لايرتفع قدامي علشان يبقى السانك لك
ترفه شافت ان تهديدها ماهزه حبت تختبر
قوته وثباته وتشوف اذا فعلا الي تشوفه ثبات شجاعه
اسحبت خنجرها وبحركه استعراضيه فيها تهديد
طيرت الخنجر في الهواء فوق والمفروض ان الخنجر
اذا ارتد تخطفه وتطعن الخصم واهي اكيد ماراح
تطعن مفلح بس بتهوب عليه وتشوف ردت فعله
لاكنها اشهقت بصدمه لمى شافت خنجرها في يد
مفلح وانقهرت من قلب هذي اول مره خصمها يستولي
على خنجرها اول مره على الاطلاق
اما مفلح شافها لمى اسحبت الخنجر وكان مستعد
لاي حركه تسويها ولمى احذفت الخنجر فوق تقدم بحركه
سريعه واخطفه قبل يوصل ليد ترفه
قعد يبرم الخنجر بين اصابعه واهو يضحك من قلب
ورجع طيره في الهوى زي ماسوت ولمى ارتد عليه
امسكه بسلاسه وكانه يسخر من قدراتها ويقولها
بشكل عملي حذفتيه ولارجع لك وحذفته ومسكته
:ههههههه ماهو كل واحد ينلعب معه
ترفه انقهرت منه زود : رجع خنجري
مفلح ابتسم وحط الخنجر في احزامه واستدار ببساطه
وراح
ترفه مخها قام يغلي من العصبيه والقهر
طلعت مسدسها وصوبت جنب رجله اليمين
ثم صوبت جنب رجله اليسار
ضنت انه بيخاف بيلتفت بيرجع
بيسوي اي شي يدل على انه خاف بس والاشي
من ذا كله صار بلعكس الاطنشها وراح لشجرة جوزاء
والاكنها سوت شي
اما عند مفلح سمع صوت الطلق وشافه يضرب قريب
من رجله وبعده بلحظه ضربت الطلقه الثانيه قريب
من رجله الثانيه ومفلح يعرف انها قناصه ومستحيل
تخطيه لوكانت فعلا تبيه علشان كذا ابتسم
وكمل طريقه من غير مايهتز فيه اشعره
لمى وازن شجرة جوزاء اتسعت ابتسامته ولأول مره
يروح لهالشجره بغير دافع الحنين لجوزاء واستعادة
ذكراياتها
هالمره الهدف كان اغاظة ترفه الي توقع انها تغار
من جوزاء وذكراها
ترفه اويلي بيذبحني هالعبوس ياعليه ثبات كأنه صخر وشجاعته ماعمري شفت مثلها ماعمري اطلقت ورى احد الاواقل شي يسويه انه يلتفت بحذر ذا ولا حتى تغيرت مشيته ولابعد راح لشجره ياجعلها تحترق هالشجره
عند علي والنايفه النايفه في غرفتها تبدل ملابسها وتناظر جسمها في المرايه بعد ماخفت سمنته كثير الحمد لله بدي يزين جسمي بعد ذيك السمنه الي تخوف دخل عليها علي وبستغراب : وش عندك تلبسين النايفه : بروح معك لبيت عمي اذا رحت لمجلسه وياليتك تخلينا نسمر عندهم
علي مستغرب وضعها حزنت على جوزاء كم شهر لين بغت تموت ثم انطلقت مثل الحصان يامازارت افلانه وعلانه وياما اعزمت وياما راحت وياما جت وين الي قبل اذا جاء ماتطلع من البيت الحين مالها شغله الاودني جبني
: طيب مهوب مشكله البسي عباتك خلينا نمشي لاتاخريني عن مجلس ابوي
النايفه ايه هذي الحياه اشوف الناس واعيش معهم موب حاكرتن عمري على علي عاد طلعت خبله والرجال مافيه هاك المزايا الي تخليني اشيله على راسي السنين الي طافت كلها والمصيبه كل الاثنين الي تطلقت منهم علشانه اطلعو احسن منه هذى لاقالو الحب اعمى انا اشهد انه اعمى بصر وبصيره اه عسى ربي يعوضني عن ضناي الي فقدته على طاري الضنى ام ابراهيم مابقى الاشهرين وتولد اما هالحرمه اطلعت نشميه وماقصرت معي ايام امرضي انا لازم اروح عندها في انفاسها واقوم عليها ماهي اطيب مني بشي
في الرياض في بيت حمود
صيته لابسه عباتها بتطلع اغزيل : كتبتي كل الخضره الي نحتاجها
صيته واهي تلتفت على امها : ايه يمه كل شي كتبته وبالكميات الي تبينها
راحت صيته مع سايقها احسان وزوجته مريم لسوق الخضره ولمى هدى احسان علشان يوقف السياره شافت كم سياره تبيع جح قريبه من سوق الخضره اطلبت من السايق يوقف قريب منها مدت الورقه والفلوس لمريم
: خذي يامريم روحي انتي واحسان جيبو الخضره وانا اشويات واجيكم
احسان نزل مع زوجته من غير اعتراض وراحو لمحلات الخضره
اما صيته كانت مصدومه واهي تشوف وليد يبيع جح في الشموس والحاله ذي يالله وش سويت ياجدي
انزلت وراحت لوليد الي كان واقف هو وكايد وسلمان عند مؤخرت سيارة سلمان وفاتحين باب حوض السياره وقاعدين يبيعون جح وحولهم يجي سيارتين ثلاث لنفس الغرض ماكان عندهم احد يوم اوصلتهم صيته علشان كذا وليد انتبه لها على طول وانقهر حده كان اخر شي يتمناه ان صيته تشوف اشكثر اهو قاعد يكد ويتعب علشانها دخل ايديه في اجيوب بنطاله وشات الارض برجله بقهر وبعصبيه : انتي وش جايبك هنا صيته ماهي اقل منه قهر وبسخريه : انا جايه لسوق الخضره انت الي وش اتسوي هنا كايد وسلمان من اول ماتكلم وليد مع صيته اعرفو انها من اهله وبكذا اسكتو وليد تحرك من مكانه وبغضب : امشي قدامي على السياره اشوف صيته اطاعته وراحت لسيارتها ووليد يمشي بعدها بمسافه اركبت السياره وسكرت الباب وافتحت الشباك علشان تقدر تتكلم مع وليد واول ماوصل عندها : ممكن افهم وش قاعد تسوي هنا وليد بسخريه وتهكم : وش اسوي مثلا ارسم شوارع الرياض شوفت عينك ابيع جح عندك مانع شي صيته بعصبيه : والجح هو الي بتجني منه الارباح الطائله ماتعرف شي اسمه تخطيط .....استثمار الموارد ...... استغلال القدرات الذاتيه وليد مقهور منها من قبل وزاد اقهره لمى اجلست تحاضر على راسه : وانتي خليتي فيني عقل انتي وجدك علشان افكر واخطط في الحظه ذي كان حاس بقهر باحباط بغبنه حب يستفزها يبي يشوف منها اشوية اهتمام يريح قلبه اسبقته
: ماعندك عقل لدرجة انك تقعد تبيع جح تحت هالشموس وانت عندك قدرات اطلع ذهب وليد بزهق ومحاولت استفزاز : على قولك انا ماعندي عقل يوم ابيع الجح في هالشموس علشانك انا اروح للاستراحه انا وخوياي اروق واعيش جوي واخليك لراكان يسنعك
صيته الي قيدها ملت يدها منه ومتأكده انه ماراح يخليها برضاه وش ماصار افهمت انه قاعد يستفزها وحبت تستخدم اسلاحه ضده
: انت بس خلني لراكان ان ماعزيته ورزيته وخليتك تهاجر من البلد من قو القهر ماكون صيته
هنا وليد جن جنونه وتمنى ذبحتها فتح باب السياره بسرعه وصفقها كف حط فيه كل اقهره وغضبه ورجع سكر الباب بعنف في اقل من دقيقه
صيته الي تفاجأت بالكف بقى راسها ثابت على نفس الجهه الي لفه عليه كف وليد من قو الصدمه بقت على حالها لحضه وبحركه بطيئه ارفعت يدها لخدها تتحسسه من تحت النقاب وبشفايف مرتجفه طلع صوتها مهزوز واهي تكلم نفسها انا انضرب ابوي وامي بعمرهم ماسووها ارفعت راسها تجاه سيارة الجح وشافت كايد وسلمان ماسكين وليد مع ايديه وواقفين يتكلمون معه وبقهر : هين ياوليد ان مادفعتك ثمن هالكف بس خلنا قبل نخلص من وصية جدك
اما عند وليد لمى عطاها الكف جمع قبظت يده وفرك اصابعه في داخل كفه بقهر ماهو مصدق انه مد يده على صيته راح لكايد وسلمان واهو حده منفعل وبصوت غاضب : بسرعه اركبو خل نمشي من هنا كايد وسلمان شافو الشر ينطق على وجهه امسكوه بايدينه الثنتين مع عضده كايد : وش فيك وش صاير سلمان بانفعال : من البنت الي جت وليش عصبت فيك كذا
وليد نفض ايدينهم عنه : انتم بتمشون والا اخذ تكسي وامشي الحالي كايد وسلمان ناضرو في بعض باستغراب كايد : لابنمشي بنمشي سكرو باب السياره الخلفي واركبو السياره ومشو
اما صيته الي مانزلت عينها عن وليد لحد مامشى مازالت تتحلف فيه ومقهوره منه لابعد حد
:بتندم ياوليد اخذت علبة المويه من جنبها فكتها واشربت اشوي وبعدها انزلت وراحت لمريم واحسان في محلات الخضره ادخلت واهي حدها مخنوقه بس مظطره تاخذ اغراض امها اسحبت الورقه من يد مريم من غير ماتتكلم وبدت تجمع الخضره الي تبيها مريم قاعده تقولها وش اخذت قبل لاتجيها واهي مطنشه استغربت مريم من حالها صيته بعمرها ماعاملتهم بتكبر اوتجاهل بس الحين واضح انها معصبه والاتبي تتكلم ابد صارت تمشي معها وتاخذ منها الاكياس الي تعبيها بصمت
بعد ماركبو السياره استمرت صيته على صمتها واهي حدها مقهوره اه ياوليد كل ماغصبت نفسي اني اتقبلك تبعدني عنك اكثر من قبل على بالك وصية جدي بتربطني فيك غصب هين انت بس خل العقد يتم وافتك اوصلو البيت وادخلت من غير ماتنزل نقابها قابلتها امها واهي صاعده مع الدرج وامها نازله غزيل باستغراب : وراك معديه بعباتك صيته حاولت على قد ماتقدر يكون صوتها طبيعي مثلت انها مستعجله وبدت تركض مع الدرج
: ابد يمه وراي مذاكره هزت اغزيل راسها بقناعه الله يوفقك ويسعدك دنيا واخره كملت نزول الدرج وراحت للمطبخ توزع الخضروات عشان تدخلها الثلاجه
عند الشباب راحو لاستراحت كايد وبعد ماجلسو في غرفه مفروشه كنب وفيها تلفزيون وفديو وليد جلس على الكنب موسع بين ارجوله ومريح مرافقه على اركبه وحاط راسه بين ايديه بهم وتفكير كايد وسلمان حدهم قلقانين عليه ومايدرون وش هالبنت الي قلبت كيانه سلمان بقل صبر : ياخي تكلم علمنا وش صار خلنا نفهم
وليد يبي الفكه من ازعاجه : الي جت خطيبتي واهي ماتبيني من الاساس
سلمان وكايد ناضرو بعض بصدمه وسلمان انفعل بزياده : ياشيخ كان علمتني اذبحها السلقه وين تلقى احسن منك
كايد طير عيونه في سلمان والكزه بكوعه في جنبه اهبل انت الرجال ذابح عمره يجمع مهرها وانت تقول اسلقه ومدري وشو وليد مازال على وضعه ومطنش سلمان بدى يستعبط ويسوي فيها اهبل من جد
:يوه اسف اسف ياجعلني فدوه لطولها وزولها وكلبوها
هنا كايد ووليد التفتو عليه بقهر وكايد فصخ جزمته واحذفه ابها :سكر حلقك ياكلب زين سلمان تفادى الجزمه وتقدم لوليد خم راسه وباسه على خشمه :انا طالبك انك تفك هالخشه والله والا الف بنت تستاهل تزعل نفسك علشانها انا بس الي استاهل هيك زعل وليد ابتسم غصب بعد ماقلب سلمان لبناني مطعج
كايد بمزح : وع وانت من يزعل علشانك هبيله خالص
في الشرقيه اطلعت ام نمر من غرفة نمر واهي كافه اكمام جلابيتها المشجره بتطريز خفيف وناعم على الصدر وشايله ملابس نمر بين ايدينها في كومه صغيره مرت الصاله وشافت شيخه لابسه قميص قطن ناعم وناثره كتبها ودفاترها المدرسيه حولها وقاعده تحل الواجب ام نمر وقفت قريب منها : بتغسلين مريولك والااحط ملابس نمر في الغساله
ام نمر باعتراض : اما قومي حطيه في الغساله الحين والارحت حطيت اثياب نمر وغسلتها
شيخه رمت القلم الي في يدها بتذمر :طيب هذا انا قمت راحت اخذت مريولها وبدت تنفظ اجيوبه تتاكد ان مافيه مناديل او شي بعدها راحت حطته في الغساله وصبت الماء والصابون وشغلت الغساله اطلعت من الحمام وارجعت اتذاكر اشوي وجاء ابوها وقعد في الجهه البعيده عنها من الصاله واجلست امها عنده ام نمر :بشر وش اتفقتو عليه
ابونمر : اتفقنا ياطويلة العمر انا نخلي عرس نمر وعماد في ليله وحده بعد بداية الاجازه بشهر
شيخه : احبست شهقتها بيدها على كيفهم ذولا يحددون العرس من غير مايشاورونا والاشي ليه الي بيعرس بس نمر وعماد وانا ومضاوي وشو تعليقة مفاتيح انقهرت حدها بس ماتقدر تقول شي لانها تعرف ان كلامها ماراح لايقدم والاياخر دامهم اتفقو خلاص مافيه امل يغيرون رايهم ضفت كتبها ودفاترها في شنطتها وشالتها وراحت لغرفتها واهي معصبه
ابونمر التفت لام نمر بعد مالاحظ الي سوته شيخه
: ورى كانه موب عاجبها ام نمر : الله يهداكم استعجلتو في العرس كان خليتوها سنه ابونمر اعطاها نظره حاره :صه يامره العرس حددناه وانتهى والاسمع بعد الي سمعته هرجه
في بيت ابو وليد انزلن هلا وحلا للمطبخ لقن الشغالات يغسلن السيراميك حق المطبخ في البدايه كانن واقفات عند الباب ينتظرن متى يسلتون المويه حلا واهي تناضر الشغاله تفرك السيراميك بالمكنسه طقت في راسها فكره ادخلت المطبخ واخذت علبت سايل الغسيل وصبته في الارض الشغاله شافتها وصاحت بقهر :ايش هازا هرام انا واجد تعبان
حلا بضحك : اصبري شوي بس والله اساعدك في تنظيفه وبدت تزحلق في الصابون هلا اعجبها الوضع وصاحت :ياهوووه وبدت تزحلق معها الشغالات الثنتين ازعلو ورمو المكانس من ايديهم الشغاله : انا روه جناح مال انا انتي خلص لعب بعدين نظف قالته بعصبيه واطلعت هي وخويتها لجناحهم
هلا وحلا مطنشات ويتزحلقن ويصارخن اشوي طايحات واشوي يكببون مويه على بعض اعفسن المطبخ فوق تحت
سلمى في الصاله وبدت تسمع اصراخ وكركره وازعاج راحت تشوف وش الوضع ادخلت المطبخ واشهقت من الحوسه الي تشوفها المطبخ مليان مويه وصابون واهن يتزحلقن وبجايمهن لاصقه في اجسامهن من المويه وحالتهن حاله اخبطت الباب بكفها بقوه :بس البنات انرعبن من الصرخه هاذي صرخة الست الناظره لهم زمان عنها ومعناته العقاب اسود من سواد اليل اختفى اصراخن وضحكهن ووقفن جنب بعض واهن يناضرن في بعض بخوف من العقاب المنتظر
سلمى ناظرت فيهن بحده وبصرامه : جامعه ومدرسه بكره مافيه الخادمات بكره اجازه وانتي وياها راح تسوون كل الشغل الي هن يسونه يوميا علشان مره ثانيه لمى تشوفين الخادمه تشتغل تحترمين نفسك انتي وياها وتساعدينها والاتنقلعين من قدامها وتكفينها شرك فيه اعتراض والاشي هلا وحلا انفجعن من العقاب بس ماقدرن يقولن شي لان جملة فيه اعتراض والاشي تعني اذا فيك خير اعترضي علشان العقاب يتضاعف هزن روسهن بطيب سلمى بابتسامه انتصار : الحين ياجميله انتي وياها نظفن المطبخ ابي ادخل بعد عشر دقايق ازين مكياجي على السيراميك حلا : حشى مرايه ماهو سيراميك سلمى ارفعت حاجبها : وش قلتي حلا بارتباك :لاطال عمرك اقول السيراميك اصفى واوضح من المرايه هلا بابتسامه تسليك : ايه اصفى واجد سلمى تكتفت بمعنى مطوله السماجه هنا البنات خمن المكانس واهن مايشوفن الدرب
عند صيته في غرفتها بعد مارجعت من سوق الخضره
قيدها نزلت عباتها وواقفه قدام المرايه تحسس خدها
الي صفقها عليه وليد
هين ياوليد انا الخبله الي سلمت بوصية جدي
وقلت دام قالو اخذيه اخذه وامشي حالي
بس لا وش حادني اخذ واحد ماابيه والابيني
وبينه اي تفاهم اصلا مانعرف نتكلم مع بعض كلمتين
على بعض بدون اهواش دائما يتعمد يستفزني وحاط في راسه اني ملكيه خاصه له مايعرف يتحاور بمنطق كل شي يبيه بالقوه والغصب المهم عنده انه هو يبيني بس والاكلف نفسه يسئل انا اابيه ولا لا ومع اني قلتله بصريح العباره واكثر من مره اني ماابيه مناشبني والايتزوجني لايكون مافيه بنات غيري اف منه ومن الحاحه واف من هالوصيه الي افرضته علي فرض اناماقاهرني الااني اغصب نفسي عليه وكل مابديت اتعود على انه بيكون زوجي وابدا اتقبله واحاول اقرب منه يطلعلي بسالفه تبعدني عنه اكثر من قبل مليون مره
اه ياجدي لوتدري وش سويت فيني بوصيتك
وعلى طاري الوصيه
راحت لمكتبها اجلست على الكرسي الدوار ومدت يدها لواحد من دروجه الجانبيه
افتحت الدرج وطلعت الوصيه منه
قلبت الظرف المسكر في يدها بتفكير
ياترى وشهي وصية جدي الثانيه خلوني افكر بمنطقيه
واكيد راح اوصل لمضمون الوصيه وفي النهايه جدي
شخص واضح ومباشر ماعنده لف ودوران
طيب جدي وش قال في الوصيه في اخر يوم من المهله
اذا ماقدر وليد يجمع المهر يملكون لراكان الا اذا انا
عطيتهم الوصيه الي معي هنا ينفذون الي في
الوصيه الي معي ويتركون الي في الوصيه العامه
والي هو زواجي من راكان لان وليد ماقدر يجمع المهر
معناته الوصيه الي معي تعطيني الحق في اني
اختار بين وليد وراكان لانه اكد على انه لوجمع المهر
فمعناته يملكون له في كل الحالات
اها يعني الوصيه الي معي مالها اهميه الا اذا وليد
ماقدر يجمع المهر اما اذا قدر يجمعه مالها قيمه
طيب ياترى وليد وش كثر جمع وبيقدر يكمل المهر
او لا
موكأنه فيه نور في اخر النفق
راكان انا متاكده انه يعتبرني اخته بضبط مثل ماانا
اعتبره واكيد هو مايبيني خير شر معناته لوتزوجته راح يكون زواجنا زواج على ورق صحيح ان مجرد الفكره بشعه بس دامها اجراء شكلي بتكون اهون بكثير من اني اتورط مع وليد
واكيد راكان بيطلقني في اقرب فرصه وبمجرد مااطلب منه الطلاق
ويمكن هو الي يقولي انه هالزواج بينتهي
بمجرد مايتم في عيون الناس
وبكذا راح ارجع لاهلي زي ماطلعت من عندهم
من غير مايلمسني حتى لانه اولا يعتبرني مثل اخته
وثانيا يعرف ان اخوه يبيني يعني مستحيل يناضر فيني
وبكذا افتك من مصيدة الوصيه بكل سهوله
لانه لو اخذت وليد صعب اني افتك منه ويمكن يرفض
يطلقني مهما سويت عاد اهو نحيس ويدور علي الزله
عند وليد وكايد وسلمان
سلمان : انا متاكد ان الوصيه الي عندها تخيرها بينك
وبين راكان
وليد : الظاهر كذا لانه قال اذا جبت المهر يملكون لي
واذا ماجبته يملكون لراكان الااذا هي عطتهم الوصيه الي معها
كايد : بس معناته مالها تفسير ثاني اكيد جدك بيخيرها
بينكم بس وش بتسوي لو اختارت اخوك
وليد : لامستحيل تختاره هي تعتبره واحد من اخوانها
سلمان :ياسلام وش معنى هو واحد من اخوانها وانت لا
وليد :هههههههه لاني عدوها من عرفتها واهي شايلتني
على راسها نفس المصيبه وكله من وصية جدي هو قايل
لها الوصيه بنفسه يعني قايل لها تتزوجني وماتاخذ احد
غيري وهالكلام واهي بزره
سلمان :ههههههههههههه ماتنلام اجل كاتم على نفسها
من صغر
كايد : ههههههههه اكيد كل ماشافت واحد يجوز الها
قالت الله ياخذ ولد عمي حرمني منك هههه
سلمان ووليد اضحكو معه لاكن هالكلمه ذكرت وليد
بشخص حاول ينساه معقوله يكون كرها له علشانه
حرمها من نمر معقوله تكون فعلا تبيه وانجبرت ترفضه
علشان الوصيه وليه لا حقدها علي ماهو طبيعي ابد
اه منك ياصيته ياترى وش تفكرين فيه بعد ماضربتك
اكيد ماراح تعدين هالكف على خير بس وش بتسوين
وكيف بتنتقمين ..............تنتقم .................
معقوله تسويها وتنتقم
الله يستر المهله ماباقي منها الااسبوع انا لازم اشوفها
قبل يخلص هالاسبوع
صحى من هواجسه على صوت كايد
:ياشباب نسيت اقول لكم بكره انتم معزومين عندي
على رجعة ماجد من السفر غداء ان شاء الله في البيت
وليد :صارله اسبوعين اواكثر من رجع وللحين ماشفناه
كايد : انا بنفسي ماشفته الامرتين وعلى السريع تخبر
امه راجعه من سفرة علاج وجماعتهم مستلمينهم عزايم
وزيارات
سلمان :الله يخليها لهم
عند وصايف
مجهزين الضيافه وجالسين في الصاله
ام عبد الكريم ووصايف والجازي وينتظرون ابورعد واهله
الجازي لابسه تنوره سوداء ضيقه وطويله وعليها بلوزه انيقه ومن اختيارها وصايف لابسه تنوره جنز وبلوزه حرير وام عبد الكريم لابسه جلابيه ناعمه
ام عبد الكريم تفرك فخذها بيدها ولاحظتها الجازي
:جده تبيني ادلك لك ارجولك
الجده بامتنان :اي والله ياوليدي قايمتن تعورني ويوم تدلكينها تهدى
قامت الجازي واجلست في الارض عند ارجول جدتها
وبدت تدلكها
اشوي وادخلو ابو رعد واهله بعد مافتحو لهم الخدم
فزت الجازي واقفه بابتسامه وتقدمت لابوها تسلم عليه
: هلا يبه هلابالغالي هلابتاج راسي
عبد الكريم ابتسم لها وهو يسلم عليها ويمسح على شعرها
: الله ابقها هلابنتي هلاعيوني انتي
وصايف بمزح : اقول وخري عن اخوي ترا بديت اغار
اضحكو الموجدين
وعد :اقول ترا انا اصغر منكم انا بس الي اتدلع على ابوي وخرو عنه كلكم
الجازي : انتي قيدك اخذتي نصيبك من ابوي انا باقي
ماخذت نصيبي كله
ههههههههههههههههههههه ضحكه جماعيه
تقدمت الجازي لام يزن وسلمت عليها
:هلا خالتي وشلونك ان شاء الله بخير
ام يزن بابتسامه بخير ياجعلك بخيرانتي
بعد ام يزن تقدمت لرعد وسلمت عليه وباست راسه
:وشلونك رعد وينك امس بتوديني المطعم ولاشفتك
رعد ابتسم
: انشغلت والله وبعدين السواقين مسوين زحمه برا ورامارحتي معهم
الجازي : وع وش ابي في السواقين انا ابي اطلع
مع اخواني
يزن تقدم يسلم عليها
:مع اني ماحب طلعات البنات بس والايهمك بكره
اوديك انتي والبنات لمطعم على كيفك وتوه فاتح جديد
يارا بوناسه : واو هذا الي امس قلت لماما ابي اروحله
وعيت
سلمو على بعض كلهم وجلسو
ام يزن ياسبحان الله جهد وصايف وتعبها على هالبنت
مبين حيل خاصه في اخلاقها صايره ذربه وتعرف السنع
وذوقها تحسن كثير ماقول صار توب بس جميل مافيه
شي شاذ زي قبل صحيح معرفتها مازالت قليله وعلى قدها بس موب مشكله دامها بدت تتقبل اختلاف الناس
عنها وتحترمهم بنفقدها اذا ارجعت لخوالها زواجها من
ولد خالها مابقى عليه شي الله يسعدها
وعد : انا اقول نروح بكره لسوق قبل واذا خلصنا منه
نروح المطعم
وصايف : يكون احسن الزواج مابقى عليه شي والجازي
باقي ماخلصت اغراضها
الجازي : بضحكه الله يرحم يوم خميت جهازي كله في
اسبوع والحين لنا شهر من سوق لسوق وماهو مبين انا بنخلص
الحريم والبنات اضحكو ههههههههه
وصايف وبضحكه : لاتكفين لاتجبين طاري جهازك الاول
يصيبني مغص لاذكرته
ام يزن بضحكه : انا ماقهرني كثر الفستان الي لبستيه
في عزومة اهله
الجازي فرطت ضحك :حرام عليك ياخالتي كان يهبل بس انتي الي ماتعرفين
ههههههههههههههههههههههههه ضحكه نسائيه جماعيه
والرجال في جهه يسولفون مع بعض
الجازي الله يذكرك بالخير يافهد توني ادري اني كنت مصيبه في حياتك ليتني تعلمت وتسنعت قبل لااخذك كان حياتي معك بتكون احسن منها مع اي رجال ثاني سمعت انك خطبت بنت عمك الله يوفقك معها وانا مسامحتك على كل الي صار بينا واتمنى انك انت تسامحني انا الحين عرفت اغلاطي كلها وشفت كيف كانو الناس يشوفوني قبل عمتي ماقصرت تعبت معي كثير علمتني ودربتني على اشيا ماكنت اعرف عنها شي وخلتني اختلط بالناس واعرفهم زين واعرف كيف يتعاملون ويوم اتذكر حياتي قبل اعرف اني طحت في اغلاط كثيره وكبيره واولها غيرتي من صيته الي مالها سنع البنت ماهي يمي وعايشتن حياتها وانا احشرها في كل شي غصب هذا كله كوم والكوافيره الي العبت علي كوم ثاني ياني كنت غبيه وعلى نياتي واصدق كل شي المهم الحين اني برجع لاهلي وناسي الي تعودت عليهم وعلى عيشتهم البسيطه وان شاء الله اعيش سعيده واتوفق مع ولد خالي
عند انس ومناير مناير مجهزه القهوه والحلى والمعجنات وتنتظر انس يرجع من المزرعه بعد صلاة المغرب كلها اشويات ووصل انس ناضر فيها كيف جالسه على راس السفره تنتظره ابتسم لها بحب
: لاانتي كذا بتخلين عمي ابومطلق يعلقني على اعلى نخله في المزرعه
ابتسمت مناير : ياساتر يارب وليش يعلقك جدي في النخله
انس واهو يجلس جنبها وياخذ يدها يبوسها
: لأنك تسرقيني من مجلسه واهو مايحب احد يغيب عن مجلسه بذات مجلس بعد المغرب ذا مجلس الزامي والبارح اشوفه يقدح بعيونه يمي وشكل العقاب العسير جايني في الطريق مناير :هههههه جدي مسوي رعب واهو اطيب منه مافيه انس :هههههه هو مافيه اطيب منه بس لاعصب وخري عن طريقه وبعدين عمي كله هيبه الواحد يستحي يخالفه
مناير عقدة حواجبها : موكنك قاعد تقول اخر مره اجلس معك بعد المغرب
في الشرقيه مضاوي وشيخه في غرفة مضاوي شيخه تفتش الكيس الي جابنه من السوق العصر
:اف العالم تدرس وحنا نجهز لعرس الغفله مضاوي
: ياسمج اخوك وولد عمك مسرعهم على العرس بعد الاختبارات بشهر مالت عليهم مايعرفون يشاورون
شيخه عقدت حواجبها وحطت يدها في خصرها باعتراض
: ياسلام اخوك وولد عمك على اساس انتي طالعه منهم ترا كلهم اعيال خوالك مالت عليك وعليهم اثنينهم
مضاوي اجلست مقابله لشيخه على السرير
:المهم الحين ليش مانخلي التسوق لين نخلص ادراسه مابقى شي على الاختبارات النهائيه
شيخه : انا اقول الاوقات الي ماعندنا فيها مذاكره زي اليوم نروح فيها لسوق خاصه اذا كان فيه تخفيضات علشان نستفيد من التخفيض ونوفر شي من المهر في ايدينا بعد العرس يمكن نحتاج شي مضاوي هزت راسها بموافقه : اكيد بنحتاج صديقتي تهاني تقول اختها اصرفت مهرها كله يوم جت عند الرجال لقته متدين علشان العرس وحالته حاله تقول اقعدو كم شهر مطبخهم مافيه غير الطحين والرز واساسيات الاساسيات ولا المصيبه اذا اخذو جولة زيارات على الاقارب علشان يوفرون حق الأكل
شيخه مطت عيونها : اف اف الله لايحطنا محلهم بس خلي عنك التشائم ترا لابيتنا والابيت عمي ناقصهم شي صحيح نمر باقي يدرس بس بعد يشتغل مع الدراسه وابوي ماراح يخليه لواحتاج شي وعماد قيده خلص ويشتغل يعني موب كل شي تسمعينه تتوهمين انه بيصير في حياتك
مضاوي بشهقه : الحين من قال بنوفر افلوس يمكن نحتاجها
شيخه بتوضيح : انا قلت بس قصدي نحتاج كوافيره غاليه نحتاج هديه لأحد نحتاج نثريات ومصاريف من تحت الطاوله ايام الخجل والدلع في بداية زواجنا زي كذا
مضاوي تحك راسها :اها .....اشوى طمنتيني
جاهن صوت ام مضاوي من الصاله تنادي
: يابنات قدر المرقوق على النار قيد الحمته انضجت قومن رقنه
شيخه مدة بوزها :يوه من المرقوق ورق عجينته شي اكرهه ياعالم مضاوي اخذت الكيس من بينهن وارمته على شيخه وهربت وبصوت عالي علشان تسمعها :اقول قومي وتعالي اعلمك السنع لاتفضحينا في عمادوه شيخه وخرت الكيس والحقتها تركض :خلي سنعك لنميروه مانبي من وراك سنع
ام مضاوي جالسه في الصاله تتفرج على التلفزيون ومرنها البنات يتراكضن تلفتت حولها ماشافت شي تحذفهن فيه غير علبة المنديل اخذتها واحذفتها عليهن والاصابت والاوحده منهن : انتن متى بتعقلن كل وحده رجالها يحتريها على الباب واهي تراكض مثل البزران
شيخه ومضاوي اوصلن المطبخ واهن ميتات ضحك على الرميه الي جتهن شيخه بضحك :ياحليل عمتي بغيت اصدق واروح ادور عمودي عند الباب مضاوي تمثل الاستفراغ :وع وش ذا الدلع الي يحوم الكبد اسمعي بس الدلع الي على اصوله نمري ياختي شي فخم الصراحه شيخه بتهديد :هين عند نمر ان ماقلتله انك اتدلعينه نمري قالت اسمه بهنوصه
مضاوي سوت نفسها خايف وخمت راس شيخه تبوسه
:هه وهذي بوسه توبه ماعاد اعودها اصلا محد يعرف لدلع غيرك
شيخه مشت لدولاب المطبخ وشالت طاسة العجين من فوق رخامته وجابتها مدتها لمضاوي
:خذي رقي عجين المرقوق وقولي عند عمتي اني رقيته معك عشان ماقول لنمر ولا ترى بخلي لين تصرين موجوده واقول قدامك
مضاوي اخذت الطاسه بسرعه :لا والي يرحم والديك كله والاانك تسميجين وانا فيه هاتي انا ارق المرقوق وامدحك واالقمك بعد تدللي انتي بس
عند الشباب في الاستراحه الوقت المغرب والشباب مجتمعين في الاستراحه حقت كايد كايد يتكلم مع سلمان :ليش ماجيت اليوم على الغداء سلمان : انا اي عزيمة غدا صعب احضرها ارجع من الجامعه دايخ وانام سيده خاصه اني في سنة تخرج ووقت اختبارات يعني زين يوم اجي اجلس معكم وليد منسدح على الكنب وسرحان وفجأه قام جلس
: ياخي اقهوتكم وين راسي مصدع كايد :دقيقه ويجيبها القهوجي توني قايله يجيب اقهوه وشاهي هنا دخل عليهم ماجد ومن غير نفس :السلام عليكم ردو كايد ووليد وهم مكانهم لانهم شايفينه على الغداء وسلمان قام سلم عليه وماحبه ابد ماجد يناضر في سلمان ووليد بتكبر وليد مطنشه والااهتم لتصرفاته اما سلمان انفقعت مرارته لمى شاف كيف يناضر فيه بتكبر وغرور اشر جهة ارجوله :شفها طاحت جنب انعولك وليد وكايد الي يعرفون عبط سلمان ناضرو في بعض بضحكه مكتومه اما ماجد قعد يناضر ارجوله بيشوف وش الي طاحت ماشاف شي رفع راسه لسلمان وهو عاقد حواجبه :وشهي سلمان بسخريه عينك الي تقلبها فينا كأنك شايف ناس من كوب ثاني وليد وكايد :هههههههههههه ماجد ناضرهم بعصبيه :اسمج من كذا مابعد شفت سلمان شاف القهوجي جاب القهوه وحطها على الطاوله راح لها شالها بطوفريتها وجلس في الارض وحط القهوه قدامه دخل القهوجي مره ثانيه بطوفريه فيها الحلا والمعجنات اشرله سلمان يجيبها عنده واهو متعمد ينرفز ماجد الي جلس على الكنب قريب من كايد
:الي يبي قهوه ينزل يجلس في الارض انارجال بدوي ولاعندي تفندي وليد فاهم سلمان واعجبته حركته خل ذاك المغرور ينفقع قام وجلس جنب سلمان وخبط فخذ سلمان بيده
:صب قهوه لابوه من تفندي الي يحرمنا قهوتك كايد ابتسم لماجد الي مكشر بقرف من تصرفات سلمان وقام اسحبه بيده :قم تقهو جلست الارض تجيب العافيه ماجد قام مع كايد واخذ من الكنب مخده حطها تحته وجلس عليها : علشانك بس والا الهمجي ذا ماينجلس معه سلمان ناضره برفعت حاجب ورجع يتقهوى والاعبره كايد تضايق من تعامل ماجد مع اصدقائه
: انا ماخاوي همج وسلمان رجال كفو سلمان ابتسم لكايد وماجد عصب :يعني انا الي ماني بكفو كايد :انا ماقلت كذا ولومانت بكفو كان ماخاويتك السنين هذي كلها بس لاتستعجل في احكامك وانا متاكد انك اذا عرفت الشباب بتحبهم سلمان بلعانه :انا لاتحبني اخاف اكره نفسي اذا انت حبيتني كايد اخبطه على راسه :سلمانوه وتبن ماجد حامت كبده من المتخلف ذا :الله يصبر الارض عليك وليد عطى سلمان نضره يعني مشها علشان كايد وسلمان حده منغث اكره ماعنده الانسان المتكبر مايقدر يصبر عليه سحب واحد من صحون الحلا وحط حرته فيه
عند صيته رايحه تاخذ لها اغراض من قرطاسية راكان
انزلت من السياره وادخلت المكتبه كان راكان جالس ورى
طاولت المحاسبه ومعه كتاب يذاكر
اول ماشافته ابتسمت لنفسها كنت حقيره لمى فكرت اتزوجه جنني اخوه المصرقع صار عندي عطل في
التفكير ساعتها
وبأخوه صادقه :السلام عليكم
مجتهد ماشاء الله
راكان رفع راسه على الصوت وبابتسامه
:هلا وعليكم السلام والرحمه
وماهقيت اني اكثر اجتهاد منك
صيته واهي تتجه لرف القريب تاخذ اقلام وبعدها تحركت
لرف ثاني تاخذ استكرات واوراق وغيره
: عاد انا حدي احوس بين الكتب باقي ماسويت مشروعي
راكان : يمديك على المشاريع خاصه انه العطله جايه ووقتها طويل
صيته اخذت الاغراض الي اختارتها وجت حطتها قدامه
على الطاوله : والله اخوك النشبه حاس مخي ماعاد
اعرف افكر في شي
راكان : اذا وليد ماكان اختيارك لازم تعرفين انك انتي
اختياره وراح يبذل جهده علشان يسعدك ونصيحه لاتضيعينه من يدك اعطيه فرصه واكيد مع الوقت بتفهمون
بعض وبتحبينه
صيته اه بس لواقدر افتك منه تذكرت الكف الي اخذته
منه وحست بقهر
: لاتخاف عليه فارض نفسه بالقوه موب محتاج فرص من احد
راكان حط اغراضها في الكيس ومده عليها
: احسابك علينا
صيته : والله انك لتاخذ احسابك والا اترك الكيس
واروح لجرير اشتري من عندهم
ابتسم راكان : ول دام فيها جرير هاتي الحساب
وبعدين لاتجيبين طاري منافسينا قدامي
صيته بضحكه : ام الثقه بس جرير بكبرها صارت منافس
لكم
راكان ضحك :بتشوفين
اخذت صيته كيسها واطلعت لسياره
وراكان يناضرها
مسكينه كل الي حبوك ماعرفو يوصلون لك مع ان مفاتيحك
سهله وبسيطه بس من يفهم فهد ووليد صبات وكل شي
يبونه غصب فهد من عرفناه وهو يقول صيته لي ويتصرف
وكأن عقد الزواج في مخباه واخرتها انصدم برفضك له
لوفكر بس اشوي كان قدر يستولي على قلبك واهتمامك
خاصه انه الوقت قدامه كان طويل حيل
اما وليد رغم انه شاف تجربت فهد معك طاح في نفس
الغلط واذا كان فهد رسم لنفسه حلم وعاشه الحاله
وليد رسم حلم وقاعد يفرض عليها انها تشاركه هالحلم
بالقوه مدري وين يضيع ذكائك ياوليد قدامها معقوله على كثر ما صيته واضحه
وصريحه موب قادر توصل لمفاتيحها وقاعد تهشمها من غير ماتحس
عند صيته في السياره
كلام راكان ذكرني باخر موقف لي مع وليد والكف الي
اكلته منه انا لازم أأدبه على هالكف موب معقوله
اسكتله وامشي اموري كأن شي ماصار ............
اقول لابوي يسنعه ....................بس لا صعبه ذا العله بيصير رجلي................
اخاف اقول لابوي يطيح من عينه
اصلا حتى لو ماتأثرت
صورته عند ابوي الا انه في النهايه ابوي مستحيل
يسكتله على شي زي كذا ومدري عقابه وش بيكون
في بيت ابووليد
وليد وهلا جالسين على الطاولات الي قدام المطبخ
وليد :اسمعي كلمي صيته وخليها تجي تتعشى هنا الليله
هلا ارفعت حاجب :ومن قال اني ابي اتعشى مع صيته
وليد تنرفز :هلا بلا سماجه ابي اتكلم معها ضروري
هلا تريح دقنها على باطن كفها ومرفقها على الطاوله
: اسمع عاد احكاية اني اصير مثل الاطرش في الزفه
وانفذ الي تبي من غير مافهم وش السالفه انسى
ياتقولي وش صاير بينكم يادبر عمرك بعيد عني
وليد انقهر منها وبصرخه : هلا وتبن ترا ماني رايق لك
قومي كلميها اشوف
هلا حست ان وراه شي اف اكيد ماقدر يجمع المهر
هو متكتم على سالفة المهر ذي
قامت واهي تقرب وجهها منه وبنفخة اهياط :طيب
ابشر طال عمرك بكلمها اف
عند صيته قيدها ادخلت البيت ونزلت عباتها
مرت على امها في الصاله تخبرها انها ارجعت
وقبل تطلع من الصاله رن التلفون وردت اغزيل
صيته ماهتمت وراحت للمطبخ بتسوي لها قهوه
ممداها تدخل المطبخ الا امها تناديها
طلت عليها مع مدخل الصاله :نعم
غزيل :تعالي كلمي هلا
ادخلت صيته الصاله واخذت السماعه من امها
:هلا هلاوي وشلونك
/بخير اسمعي تعالي تعشي عندنا بكره خميس وانا حدي
زهقانه من الدراسه تعالي تكفين خل نستانس
: تعالي انتي وحلا انا ماعندي نيه اطلع من البيت نهائي
/ يوه ياسمجك تعرفين الست الناظره اليوم محمره العين
لو اقول بطلع تحكم علي سجن سنه كامله
: طيب زين يالي قلتيلي ان الست الناظره مطلعه وجهها الثاني اعطيتيني سبب قوي علشان اقعد في البيت
وفي نفسها صاحيه انا اجيكم واشوف ذاك المغرور
/صويته وجع اقولك بابكي من الطفش وش النذاله الي فيك
: هلا من جد مالي نفس اروح مكان
هالكلمتين طاحت في اذن حمود الي توه دخل الصاله
وهو ملاحظ بنته في الفتره الاخيره بس ماسكه اخوانها تذاكر لهم اوتذاكر هي واليوم اخوانها عطلو
واهي مبين خاطرها شين
:الي تكلمك هلا
ارفعت صيته راسها وشافت ابوها يمشي جهتها
:ايه يبه هلا
حمود مد يده لها واعطته السماعه
:السلام عليكم
/هلا والله وعليكم السلام
:هاه كني سمعت طاري عزيمه
/اي والله تكفى ياعمي جب صيته تبات عندنا ترا بنتك
بيصيبها اكتئاب من مقابل الكتب
:هههه يعني العزيمه لصيته الحالها
/افا ياعمي فيه احد ينعزم في بيته انت تدف الباب وتدخل
:هههه طيب علشان دفة الباب هذي بجيب صيته
/ يابعد راسي انت والله ابشر اخلي ام وليد تزين
احلى عشى لاحلى عم في الدنيا
: لاوالله الله يسلم يدين ام وليد انا معزوم عند رجال بس
بجيب صيته
خلص حمود المكالمه ورجع السماعه مكانها وصيته باقي
واقفه جنبه ومتضايقه ان ابوها قرر يوديها بيت عمها
التفت حمود على بنته بحب وحنيه وحط يده على راسها
وبدى يمسح عليه واهو يناضر في عيونها بابتسامه
: وش فيها قلب ابوها خاطرها شين
صيته نزلت راسها واهي خايفه يبدى يستدرجها بلكلام
ثم تقوله الاولي والتالي
:ابد يبه بس عندي ضغط ادراسه
/ علشان كذا ابيك تصعدين لغرفتك تبدلين ملابسك
وتجين اوديك بنات عمك مايصير تقعدين اربع وعشرين
ساعه بين الكتب روحي استانسي وجددي نشاطك
صيته عارفه ان ابوها قرر يوديها وانتهى علشان
كذا احسن شي تصعد تبدل قبل يبدى يجرجرها في الكلام
:ان شاء الله يبه عشر دقايق واكون جاهزه
عند هلا ارجعت لوليد :كلمتها وعيت تجي
وليد خبط الطاوله بيده بعصبيه :اف واخرتها
هلا : هي عيت بس عمي اخذ السماعه منها وقال بيجيبها
وليد رفع راسه لها بقهر ووده يصكها بكاس المويه على
قد مالعبت باعصابه
:عمي بيجي معها
/لا يقول معزوم بس بيجيبها
: طيب انا بطلع الحين ساعه كذا وارجع اياني واياك
تدري اني الي قلت لك تنادينها وبعد ماجي ابيك
تشوفين طريقه اتكلم معها من غير ماتدري امي
/والله شف تبي تشوفها معي من عيوني ادبرك
اما اني اطلعها لك الحالها اسمحلي هذي
خيانه
: بلا كلام ماله سنع ولاتخافين بكلمها قدامك بس ياويلك
تدخلين في الكلام بحرف والا تطلعين منه حرف
/ خلاص ماشي
قام وليد طلع وهلا بقت جالسه
ياترى وش يبي وليد من صيته شكله ماجمع المهر
طيب اذا قطع حبل افكارها جلوس حلا معها على الطاوله
حلا : وش عندك مسنتره هنا الحالك
هلا ارفعت راسها لحلا وبدت تتأمل ملابسها تيشرت
ابيض مرسم بدرجات الوردي وبنطال جنز وشعرها
لامته على ارقبتها بربطه
حلا تحرك يدها قدام عيونها :هيه خير وش فيك
قمتي تمقلين فيني
هلا وخرت يدها :تكفين عاد من زينك اتمقل فيك
احاول اطرد الافكار المزعجه من راسي
حلا قامت من الكرسي الي كانت جالسه عليه واجلست
في الكرسي الي جنب هلا ولقتها وجهها
: ووش الافكار المزعجه علشان اطردها معك
هلا تجاهلت السماجه : قبل شوي كان وليد هنا وطلب مني اكلم صيته واقولها تجي تتعشى هنا وكلمتها
واهي عيت بس عمي حمود سمعها تكلمني واخذ السماعه
منها وقال انه بيجيبها انا حاسه انه صاير بينهم شي
حلا : طيب يمكن ماقدر يكمل المهر ويبي يسئلها اذا افتحت الوصيه الي معها
هلا تهز راسها بلا : ماراح تفتحها قبل وقتها
هنا اسمعو الجرس يضرب
اسمعي وليد مايبيها تدري انه الي طلب منا نناديها فاهمه
حلا :فاهمه قومي نستقبلها
في بيت حمود
رجع لبيته بعد ماوصل صيته لبيت عمها لسى بدري
على العزومه الي بيروح لها باقي ماصلو المغرب
دخل البيت لقى اغزيل تقهوى في الصاله هي
وسالم وعناد وزياد تو شافهم يلعبون في الحديقه
اما محمد مداوم في المكتب
جلس بهم وغزيل صبت له فنجال قهوه ومدته عليه
:وش فيك متضايق
رفع راسه لغزيل فكر اشوي وتنهد : صيته خاطرها شين
وماتبي وليد انا حاس فيها كل ماقرب وقت ملكتهم
زادة الضيقه في وجهها
غزيل : ادري من صغرها تكرهه من بد اعيال عمها
الله يسامح عمي ضيق عليها الوسيعه
مع اني اتمناه الها وياما سايستها علشان تقنع فيه
مير راسها يابس ومايقنعها الا الي هي تبيه
سالم : دامها ماتبيه لاتغصبونها حرام تهدمون سعادتها
وتجبرونها على شي ماتقبله نفسها علشان وصيه ترى ماهي قرآن منزل
حمود غمض عيونه بقهر ياعزتيلك ياصيته ليتني اقدر
ارده كان رديته استغفر الله ياربي استغفر الله
ياربي لاتجعل هالخاطر الي طرالي عقوق لابوي الله
يرحمه ويغفرله دامه يبيها لوليد بتكون له طول عمري
اجتهد اني ماعقه وهو حي ومستحيل اعقه وهو ميت
حتى لوكان الثمن اعيالي كلهم ماهو بس صيته
وبحزم : وصية ابوي بانفذها زي مايبيها ومابي اسمع
في هالموضوع اي نقاش رمى الفنجال من يده بعصبيه
وراح يستعد لصلاة المغرب
عند وليد جالس على كرسي في الحوش الامامي وعلى
الطاوله الي قدامه علبة مويه عذبها من كثر مايفتحها
ويرجع يصكها بتوتر شديد ومرات يشرب منها ومرات
يضغط عليها بيده ومرات يطق باصابعه على سطح الطاوله
اه من هالحاله وشلون اراضيها الحين عنيده وراسها
يابس ومتأكد انها مراح تعدي سالفت الكف بالساهل
وبعذرها وراها ابو مسكر عليها بوسط عيونه
لويدري اني ظربتها شب فيني حريقه وماهي بعيده
يملك لراكان عليها لو اجيبله بدال المئية الف مليون
صيته من اوصلت لبيت عمها واهي جالسه في المجلس
الداخلي ورافضه تقوم مع البنات لاي مكان علشان ماتشوف وليد
هلا ياربي والحل الحين صيته ماهي راضيه تطلع معي
من المجلس وامي طاقتها معها سوالف ومبسوطه والاهو
مبين انها بتقوم والحل الحين مافيه الاانتظر لحد ماتقوم
امي تسوي العشا
في هالوقت دق التلفون وراحت حلى ترد عليه دقايق
ووصلهم صوتها تنادي من الصاله
:يمه تعالي كلمي خاله ام ابراهيم
سلمى قامت وراحت ترد على التلفون
هلا راحت لوليد وقالت له الكلام الي قالته صيته
وليد انقهر منها كان ناوي يتكلم معها لوغصب
وقدام الكل ماتفرق معه بس بعد تهديدها
مستحيل يغامر يعرفها زين عند كلمتها ويعرف عمه
اكثر دون هالبنت يصير حريقه
حذف المويه الي معه بعصبيه وقام واقف ودف الطاوله
الي قدامه وانقلبت على جنبها ماهتم وطلع لاستراحة
كايد
عند ماجد كان مار من عند الاستراحه وشاف سيارة
كايد وسيارة وليد وحتى سيارة سلمان
حز في نفسه هالشي
الله يالدنيا بعد ماكان مايدخل الاستراحه الاوانا معه
صار يجمع الجحلط ذولا ولايقولي
اف خل اروح بس وش ابي فيه اذا هو موب معبرني
لا كايد صديقي وماراح اتركه للخمه ذولا
توجه للاستراحه وقف سيارته ودخل
لقاهم في المجلس منزلين مخاد ومراكي في الارض
وجالسين يسولفون سلم
وردو عليه السلام تلقائي وكملو سوالف
راح للكنب جلس عليه ومحد يمه
في الجلسه مندمجين في السوالف
كايد : دام متاكد انها ماراح تختار اخوك ليش تقلق
سلمان : انا اقول كمل الناقص وود المهر كامل بلا شغلي
بلاشغلك بلاهم وريح راسك
كايد : صادق سلمان انا اعطيك الباقي وش دراهم
انه ماهو من شغلك
وليد بهم : اذا على الفلوس عندي افلوس راكان
امس جايب لي ثلاثين الف يقول كمل الناقص واذا تبي
زياده جبتلك وامي معطيتني بطاقة احسابها الرئيس
وتقول لوتصفره كله مايهمني
سلمان يقاطع : اف هذا المنافس جايب افلوس
وليد ناضره برفعة حاجب : راكان ماله دخل في الوصيه
وبعمره مانافسني على الي ابيها هذا جدي وخبصته
الي مدري وش يبي من وراها
والمهر باعطيهم الي جمعته من شغلي وماراح ازيد عليه
ريال واحد
كايد : وليد انت صاير معك شي من اليوم مانك طبيعي
قل وش صاير بضبط علشان نقدر نساعدك
وليد رفع راسه لكايد بعصبيه : الي صار اني يوم تهاوشت
معها ذاك اليوم ضربتها كف على وجهها
سلمان بانفعال : تدري ابوي عنده صندوق
مربع قديم شايله في دولابه في غرفة النوم
حاطه في الرف الوسط تحت ملابسه الداخليه
فيه مسدس والمسدس فيه ارصاصه وحده
وبعصبيه اكبر يرحم امك ودني بيت عمك
خلني احطها في راس السلقه
وليد وكايد الي شدتهم القصه اول ماخلص
كلامه ارتفع ضغطهم وهجمو عليه يضربونه
هههههههههههههههههههههههه
ماجد على قد ماحاول يتجاهلهم ماقدر الا انه يضحك
على سالفت سلمان وبضحك : ياجعل ارصاصة مسدس
ابوك تجي في راسك
سلمان الي باقي ينضرب : يالمزهريه افزعلي ياكلب
ماجد واهو جالس مكانه صرخ : بس انت وياه انثبرو
وليد وكايد وقفو على صرخة ماجد وارجعو يجلسون
وهم يعدلون ملابسهم
وليد : مره ثانيه لاصار الموضوع جد لاتتسيمج
سلمان الي كان طايح على اظهره قام واهو يحك اماكن
الضربات في جسمه ويضحك : الشرهه على الي يفزعلك
هذا وانا مضحن برصاصة ابوي الوحيده
كايد : ماشبع ضرب ذا يبيني اقومله
سلمان ماعندي حل لمشكلته وش اقدر اسوي غير اني
احاول اطلعه من حالت الهم الي هو فيها
في النهايه الضيقه ماهي حالتن مشاكله
قام من عند وليد وكايد وجلس جنب ماجد
: انا اليوم بخاوي ابو المجد ياكود انه يعلمني
التفندي زيه
كايد اعجبه تحرش سلمان في ماجد يمكن يقدر يدخله
جوهم
سلمان التفت عليهم : شباب خلونا نسوي بروفه لشقلته
بكره على الوانيت
الشباب تحمسو واهجمو على ماجد شالوه واطلعو فيه
برا واهو يرفس ويصايح عليهم :نزلوني ياكلاب
ماهتمو بصياحه وكملو طريقهم للوانيت وبدل مايحطونه
في الحوض ركبوه قدام وكايد ركب جنبه علشان مايقدر
ينزل ووليد ركب مكان السايق اما سلمان نقز في الحوض
وراحو يتعشون في مطعم
في الجنوب بيت مفلح
النايفه تنظف حوسة المطبخ
ياعزتيلك يامفلح عودتك جوزاء على الدلع وراحت وخلتك
الله يرحمها ويغفرلها
انا لازم افاتحه في موضوع الزواج مايصير يقعد
باقي عمره وحداني
النايفه نظفت المطبخ واغسلت الملابس وكنست وبخرت
وجهزت القهوه واجلست تنتظر مفلح يرجع
مابقى على صلاة المغرب شي وهذا يعني انه
بيرجع للبيت علشان يبدل ويستعد لصلاه ومن المسجد
يروح لبيت ابومطلق زي ماهم متعودين
مفلح رجع للبيت وحده تعبان من الشغل
ممداه يفتح الباب الا هبت عليه الروايح الي تفتح النفس
عرف ان اخته جايه تنظف البيت دخل داخل
وابتسم يوم شافها جالسه تنتظره
: هلا هلا الله حيها
ابتسمت له النايفه بحب وقامت تسلم عليه
:الله يبقيك يالغالي اخبارك
/الحمد لله بخير
النايفه مدت له فنجال القهوه واهي تعرف وقته ضيق
فحبت تكسب الوقت وادخلت في الموضوع على طول
: يامفلح البيت يبيله مره وابوي الله يرحمه ماجاب
الاانا وياك تكفى يامفلح تزوج لعل الله يرزقك
بلي يرفع ذكر ابوي ويشيل اسمه
مفلح سكت يفكر اشوي صادقه النايفه العمر مابقى فيه كثر ماراح وانا مثل انخلة الزينه لاولد والاتلد
/ عندك مره تبينها لي
: الحريم واجد وانا مابغيت ادور قبل اخذ موافقتك
انت من ودك تخطب
/اخاف اختار انا ومايعجبك اختياري
: لاتقول كذا انت الي بتتزوج وانت الي لازم تختار
/ وش رايك في ترفه
النايفه اشهقت موب لان ترفه كانت زوجت علي لأنها فعلا
تشوفها موب حقة زواج
: بس ترفه ذي خشنه وقويه ماكنها حرمه انا لامرت جنبي
يكش جلدي منها
مفلح ضحك على وصف اخته
/ههههههه لاماعليك من خشونتها انا اخاف انك كارهتها
علشان زواجها لاول من علي وانا اهم ماعندي راحتك
لادخلتي بيتي
: يامفلح مابعد جوزاء الله يرحمها احد يستاهل اني احبه
والاحتى اكرهه وانا ماعلي من ترفه اذا انت تبيها
بس انا انصحك وانت بكيفك
الحرمه ذي تقدر تقول رجال في اثياب حرمه
/ علشان كذا اخترتها وانا بنفسي الي بعلمها كيف
تكون حرمه على اصولها تقدرين تقولين متملل
وابي اشغل وقتي في تسنيعها
النايفه استغربت اختيار اخوها بعد جوزاء الي شايلته
من فوق الارض شيل والي نظره من عينه تطير قلبها
من مكانه بياخذ القناصه ذي
:ياخوفي ينزلون اعيالها من بطنها وكل واحد منهم في يده خنجر
مفلح فرط ضحك على كلام اخته
/ههههههههههههههههههه ومن وين بيجيبون الخناجر
واهم في بطنها
النايفه ابتسمت لضحكته من زمان ماشافته يضحك
: بكيفك دامك تبيها نزلني عند مناير وانت رايح لبيت
عمي
مفلح : ومناير وش دخلها
النايفه : مناير هي اقرب وحده لترفه ومحد يقدر يقنعها غيرها
مفلح خلاص اجل انا بقوم ابدل واوديك لها
عند مناير وانس
انس توه راجع البيت يبدل علشان يروح يصلي ومن الصلاه لبيت ابومطلق
مناير شافته داخل تعبان جت تمشي يمه بابتسامه
: ياقلبي شكلك مره تعبان تعال خذلك طاقه قالته وقربت
منه واحضنته
انس مستانس على الحضن وبدى يدفن وجهه في ارقبتها
وشعرها
: ايه هذي الطاقه الي تضيع التعب من جد
وباسها على خدها وارقبتها
مناير وخرت عنه بهدؤ يالله انا مجهزه لك الحمام والملابس
علشان لاتتاخر على ابومطلق
انس :الله يخليك لي يارب
دخل انس تحمم على السريع ولبس وطلع يصلي
على طلعته وصل مفلح والنايفه بعد عن الباب
علشان النايفه تدخل وسكره بعدها
وراح هو ومفلح لصلاه
النايفه ادخلت ونادت واهي تدخل
اطلعت لها مناير وسلمت عليها
مناير : هلا الله حيها وين ابوي
النايفه : الله يبقيك جايتن مع مفلح كنت عنده انضف البيت
وقلتله يجيبني
مشت معها مناير لغرفة الجلوس
:اقلطي بروح ازين القهوه واجي
النايفه اجلست على الكنب
: لا لاتسوين شي توني متقهويه مع مفلح تعالي ابيك
في موضوع مهم
استغربت مناير هو صحيح انهم صارو يتزاورون عادي
بس ماوصلت علاقتهم لمواضيع مهمه راحت اجلست قريب منها
: عسى ماشر ابوي فيه شي
النايفه : لاابوك مابه الاالعافيه
النايفه حست بغصه ترفه الي ماجلست مع ابوهم
الايوم واحد كلهم يقولون لها خالتي وانا الي من دمهم
ولحمهم وكم لي عند ابوهم للحين ينادوني باسمي
ماقدرت تكتمها في نفسها
: ترفه خالتكم وانا ماني بخالتكم
مناير انحرجت النايفه من بعد وفاة عمتي متغيره
وصاير تعاملها محترم
: لا عادي حتى انتي خالتي
النايفه انا وش فيني قمت اتشره على البنت اذا هي
ماتبي تناديني خالتي كيفها انا ماني بحاجة القاب
من احد لازم اتعود اسعد نفسي بنفسي ومانتضر
من احد اي شي
: خلينا في المهم مفلح هو الي اختار ترفه ودامه
اختارها انا موافقه على اختياره هذي حياته
وكلن ينام على الجنب الي يريحه المهم انتي همتك
معي واقنعي خالتك انها تاخذه
مناير ترددت شوي
:عمه سلمى تعرف
النايفه : لامحد يعرف وش دخل سلمى
مناير : لابس علشان عمه جوزاء الله يرحمها
النايفه تنهدت بحزن : الله يرحمها لاتحسبين سلمى
تحب جوزاء اكثر مني جوزاء قطعه من قلبي
ومانسيتها ولايمكن انساها في يوم من الايام
بس هذي هي حال الدنيا ومحد يموت لموت احد
ومفلح من حقه انه يتزوج ويعيش حياته
مناير هزت راسها بموافقه : خلاص اعتمدي علي
انا بقعد ازن عليها لين توافق بس اهم شي علمي
مفلح لايكلم جدي لين توافق ونقوله انها وافقت
النايفه : خلاص استعجلي اولادت امك مابقى عليها
شي وانا بروح عندها انفسها وودي ان مفلح يتزوج
قبل اروح لرياض ويقعد ماعنده احد
مناير اضحكت : هههههههههههه والله ان ابوي لعب
عليكن يالثنتين وحطكن في مخباه
النايفه ارفعت راسها بغرور وكشت على مناير بيدها
: مالت عليك انتي وابوك الا عقلنا وعرفنا قدر انفسنا
وان مافيه احد يستاهل انا انكدر خواطرنا علشانه
وخلي ابوك بس يدوس على طروف وحده منا
والله انا لنتحد عليه ونكرشه برا
مناير زاد ضحكها :ههههههههههه وينك يابو ابراهيم
تسمع ياعزتيلك طاح سوقك عند الثنتين والظاهر
اني بفزعلك واجوزك الثالثه
النايفه بتهديد : لاتخليني ادق على ام ابراهيم
الحين وندور لاانس حرمه
مناير تمثل الخوف : لا خلاص وش علي منكن انتن
ورجالكن اهم شي خلوكم بعيد عن انس
عوده لرياض ليلة فتح الوصيه الثانيه
في بيت ابووليد مجتمعين في الصاله
وابووليد لابس بدلته العسكريه بيطلع لدوام
عنده مناوبه من الساعه ست المغرب لحد الساعه اربع الفجر
: اسمعو بكره الساعه عشر تكونون جاهزين علشان
نروح لبيت عمكم
والتفت على وليد كم جمعت انت
وليد يفرك يده بتوتر : واحد وثمانين الف
راكان نزل انظره للارض وبدى يهز رجله بتوتر
ابو وليد هز راسه بهم : باقي الوصيه الي معها ان شاء الله ان فيها الفرج
وليد تنهد : اتوقع ان الوصيه الي معها تخيرها من تبي
ابووليد التفت على راكان شافه منزل راسه ويهز رجله
وشكله متنرفز رجع يناظر لوليد
: ان شاء الله خير المهم ابيكم تكونون جاهزين في الموعد
راكان رفع راسه لابوه : انا عندي جامعه روحو انتم واذا
بغيتوني بتلقوني موب طاير
ابو وليد هز راسه : موب مشكله المهم انت ياوليد لازم
تكون موجود
وليد ناظر في ابوه : طيب
عند هلا وحلا في جناحهم الساعه عشر اليل
هلا تمشي في الغرفه رايحه جايه وحلا جالسه على
كرسي التسريحه وناثره ادوات التجميل قدامها
وماسكه اصبع روج وقاعده ترسم فيه دوائر على
خدودها وتخبص بالكحل الجاف على حواجبها
وترسم فيه وشم على دقنها خابصه وجهها الوان
واشكال ومندمجه في الحوسه
هلا التفتت عليها وتوها تشوف المهرجان الي في
وجهها اشهقت بروعه وقربت منها واهي فاتحه
عيونها على وسعها وتمد اصبعها تلمس الدواير
الحمراء الي على خدودها : يمه شنوهذا
اذى على بالك بتقلدين الهنود ترا يحطونها
في الجبهه موب على الخدود وبعدين يحطون
نقطه بس نقطه موب تخميسة داشر في النفود
حلا قامت ترمش بعيونها بدلع ومن قال اني اقلد
احد انا بس اطلع الجانب المدفون من مواهبي
هلا كشت عليها : مالت بس مالت الناس في وادي
وانتي في وادي ثاني
حلا قامت واقفه وتخصرت :لاياشيخه ووشهو الوادي
الي الناس فيه
هلا : بلا سماجه يعني مانتي شايفه حالت البيت
وليد من اليوم حابس نفسه في جناحه مايطلع
الا لصلاه وراكان نفس الشي حتى امي قالت لشغالات
يروحون جناحهم وادخلت جناحها ماعاد اطلعت منه
البيت برا يشبه الموت مافيه حس لاحد
حلا هنا عصبت واضربت الاغراض الي على التسريحه
بيدها خلتها تتطاير على الارض : يعني انا الي مبسوطه
وفالتها هذا انا قاعده احوس في وجهي مثل المجنونه
ابي اضيع الهم الي انا فيه ترا وليد موب اخوك الحالك
وكلنا شايلن همه بس وش في يدي اسويه والاشي
عشان كذى انقلعي عني وخليني احوس في وجه النحس
ذا واتناسى الغم الي حنا فيه
هلا اندمت انها تكلمت معها كان المفروض تستنتج الحالها
انها قاعده تشغل نفسها عن التفكير بوليد وصيته
والامن متى حلا تلعب بلمكياج كذا
اف الله يستر صيته ماراح تفرق معها اخذت وليد والاراكان لأنها ماتبيهم كلهم بس مع راكان ووليد
تفرق كثير وليد يحب صيته ومايبي احد غيرها
وراكان يشوفها مثل اخته وفي نفس الوقت يعرف
انها حبيبة اخوه صعبه عليه انه ياخذها صعبه
حيل
بعد بعض الوقت في غرفة ام وليد جالسه على سجادتها
توها مصليه ركعتين سنه وجالسه تدعي لوليد
:يارب انك توفقه وتفرح قلبه يارب
في غرفة راكان جالس على الكرسي بالمقلوب ومخلي
ظهر الكرسي بين ارجوله ولاصق في صدره وعاقد
ايديه على راس ظهر الكرسي ومريح دقنه على ايديه
ويفكر في موعدهم بكره وش راح يصير فيه
يا الله وش الورطه ذي وليد ماقدر يكمل المهر
والوصيه الي مع صيته ماندري وش فيها
يارب تطلع زي ماقال وليد تخير صيته من تبي
واهي اكيد بتختار وليد انا اعرفها زين مستحيل
تختارني انا وياها طول عمرنا مثل الاخوان مستحيل
تخون الاخوه ذي
الساعه وحده ونصف غرفة وليد يتقلب على الفراش مثل المقروص افكار توديه وافكار تجيبه لحد ماحس ان عقله بيطق خلاص قام فتح درج التسريحه اخذ منها علبة الحبوب المنومه الي اشتراها البارح بعد ماعجز ينام اخذ حبه وشرب وراها مويه وطفى النور ونام
ابو وليد الي دوامه ينتهي اربع الفجر ماقدر يصبر اكثر من كذا طلع من الدوام ووصل البيت على الساعه ثنتين اتجه مباشره لجناح وليد فتح الباب ودخل سكر الباب وراه واتجه لسرير وليد فتح النور الخافت جنب سريره وشافه نايم عدل الحاف عليه وجلس جنبه على السرير دخيلك يالله لاتوجع قلبه يالله انك ترزقه الي يتمنى وتسعده معها يالله كنت دايم اشوف حمود يبالغ في حنيته على اعياله ياليتني اليله املك من حنيته اشوي واخذك في حظني بس مدري ليه احسها صعبه علي ماتعودة ماعرف مدري صعبه انه اضم رجال طولي انا كذا مدري حمود كيف يسوي الاشياء ذي ببساطه تأمل وليد اشوي ومسح على شعره بيده ثم اعتدل جالس ثم انحنى على ارجوله نزل بساطيره وتمدد جنب وليد ومد يده لنور الخافت سكره ونام
عند صيته جالسه على الكرسي الجلدي خلف مكتبها وماسكه ظرف الوصيه في يدها تنتظر متى يأذن الفجر علشان تفتح الظرف وتعرف وشهي وصية جدها الوصيه الي بتحدد مصيرها ماتدري كم صار لها جالسه بنفس الوضعيه في نفس المكان وماسكه نفس الظرف
عند حمود وغزيل منحو ابنأهم رصيدا وافراً من الدعوات على مدار الايام والسنين ومازالو لذالك نامو قريري الاعين
ارتفع اذان الفجر راكان الي مازال سهران راح يصحي وليد لصلاة الفجر وتفاجأ بوجود ابوه نايم جنبه راكان قرب من ابوه وهز متنه بيده :يبه يبه قم صلاه فز ابووليد جالس وشاف وين نايم تلفت بحرج وبتبرير خجول : شكلي ضيعت في الغرف من التعب وقام اخذ بسطاره في يده وطلع قبل يقوم وليد ويشوفه موب ناقص فشيله
ابتسم راكان على احراج ابوه موب متعود يعبر عن مشاعره ويوم عبر عنها في السر انكشف رجع يقوم وليد وقام بصعوبه بسبب المنوم الي اخذه راح صلى ورجع نام
صيته افتحت الوصيه بعد المقدمه والسلام بنتي صيته انتي الغاليه الي مايماريك احد كان تذكرين وصيتي لك يوم وصيتك تاخذين وليد تراني فكرت ولقيت انك الاوله في قلبي وماعطيك الا الي يستاهلك اذا وليد قدر يجمع مهرك فهذا دليل انه رجال يقدرك ويستاهلك وان ماقدر يجمعه جايز انه بذل جهده وماقدر ياصيته يابنتي انا اعرفك نبيهه وقلبك حي وعلومك تبيض الوجه يابنتي لارزقك ربي ولد سميه حمدان وربيه على علوم الرياجيل محد غيرك بيجيب الولد الي اتمنى انه يشيل اسمي وسميي ابيه من صلبي اختاري الي يجوز لك من اعيال عمك بس لاتظهرين من بينهم يام حمدان كان وليد جاب مهرك كامل وصيتي لك توكلي على الله وخذيه وان ماجمعه كله اختاري بينه وبين اخوه كان تبين راكان احرقي هالوصيه وكان تبين وليد عطي ابوك الوصيه هذي يملكون لوليد
(وصيتي لمحمد وحمود لاعطتكم صيته الوصيه هذي املكو لوليد على صيته اسئل الله ان يبارك لهما وعليهما ويجمع بينهما في خير ) تمت
صيته ابتسمت بارتياح الحمد لله والله وجاء الوقت الي اخذ حقي منك ياوليد
الساعه تسعه الصباح
في بيت ابو وليد
سلمى والبنات راحو دواماتهم
راكان كان امس اخر اختبار عنده بس قال ان عنده
دوام علشان مايروح معهم يبي لحد مايبين كل شي
ويعرف موقفه وين من السالفه كلها وبكذا طلع وقت دوامه المعتاد وراح لرائد
وليد وابوه قاعدين يستعدون لروحه لبيت حمود كملو المبلغ
مئية الف وبياخذونه معهم علشان يدفعونه مهر لصيته
ومع ذالك راح يخبرونهم بالرقم الحقيقي الي اجمعه وليد
في بيت حمود
العائله كلها مجتمعه بمافيهم صيته
المدارس وقت مراجعه الاسبوع ماقبل الاختبارات
والغياب في هالاسبوع مرتفع جدا ورغم ان اعيال
حمود من الناس المجتهدين والي يداومون بضمير
بس اليوم غابو كلهم علشان الموعد الي حدده عمهم
مع ابوهم علشان ملكة صيته بنسبه لعناد وزياد
انتهت اختباراتهم وانجحو بتفوق
كانو جالسين في غرفت الجلوس العائليه وكانت مفروشه
بمجلس عربي حمود متكي على المركى ومجلس صيته
جنبه
: فتحتي الوصيه
صيته :ايه يبه فتحتها وهذي هي مدت الورقه الابوها
بعد ماقراها حمود
: يعني نملك لوليد
صيته : يبه انا عندي شروط وابيك تقول لوليد انه اذا ماوافق على شروطي راح احرق الوصيه
حمود بتسائل : واذا ماوافق بتحرقينها
صيته نزلت راسها بتفكير ثم ارفعت راسها لابوها بثقه
: لا بس انت اكيد بتوقف معي وتفهمه اني راح احرقها جد
حمود اعتدل في جلسته واستدار بجسمه جهت صيته
وحط ايدينه على اكتافها يطمنها :انا دايم معك بس اول شي خليني اعرف اشروطك وشهي
صيته بثقه وثبات
الشرط الاول : اني اكمل ادراستي
والثاني اني اشتغل في اي مجال يتفق مع ميولي
الثالث انا انسانه مستقله واحب اعيش حياتي على
حسب قناعتي وتنظيمي وبكذا ابي بيت الحالي
اما الشرط الاهم مافيه زواج قبل ثلاث سنوات
ابي ادرس المرحله الثانويه هنا صعب اني ادرس
سبع سنوات وانا متزوجه يمكن يصير عندي اعيال
ومسؤليه ومقدر اكمل يكفي اني ادرس الجامعه بعد الزواج
ارتفعت اصوات الاعتراض من اخوانها على شرط
الثلاث سنوات بالتحديد لاكن حمود اشر لهم يسكتون
حمود بمحاوره هاديه : كل الشروط معقوله ومافيها
شي غلط الا شرط الثلاث سنوات مره كثير
والاتظنين انك اقنعتيني بسالفت البيت والمسؤليه
بنتي ماتخاف من المسؤليه والاتخلي ثقل المسؤليه
ياقف في طريق احلامها سكت لحضه يتأمل عيونها
فيه سبب ثاني غير طول مدة الدراسه والخوف من المسؤليه
صيته تعرف ابوها اشكثر فاهمها ومستحيل تقدر
تلعب عليه باعذار مزيفه وبثقتها المعتاده : فيه سبب
يبه بس حابه احتفظ فيه لنفسي يبه انت تعرف
انه لولا وصية جدي الله يرحمه والاماكان وافقت على
وليد يبه انت علمتني اخذ حقي ومسكت عنه ابد
وانا لي حق وبهذا الشرط راح اخذ حقي واذا
انت ماوقفت معي حقي راح يضيع
محمد عصب : اذا وليد غلط عليك بشي تكلمي لاتسكتين
وحنا نطلع حقك من عيونه
صيته : وانا مبي احد ياخذ حقي لي انا اقدر اخذه
بنفسي
سالم :طيب قولي وش صار على الاقل نقتنع ان شرطك
في محله وكافي انه يردلك حقك
صيته التفتت على سالم : انا ابيه يعرف اني اقدر
اخذ حقي بنفسي وابيه يعرف انه دام هذا اخذي
الي وراي اخذهم اشد واعظم صدقني لو قلت لكم
واخذتو انتم حقي منه بيعرف وش اقصاكم وبتقل
هيبة عقابكم في نضره متى ماعرف الخصم قوتك
الحقيقيه صار من السهل عليه انه يواجها القوه
الحقيقيه في ان قوتك تبقى مجهوله تشعل الشك
في نفس خصمك وتثير مخاوفه
حمود مازال يراقب بصمت ويدرس ردود اعياله
محمد توسعت عيونه بدهشه واستغراب
: سلامات تراه ولد عمك وذا زواج موب حرب
علشان تقولين خصم وقوه ومواجهه وين عايشه
صيته بحده : انا اعرف زين وين عايشه عايشه
في دنياء كثير من الرجال فيها لاشافو الحرمه
صابره وساكته عن طيشهم وسفاهتهم وطو على خدها
والايهمهم شي والاتقول ولد عم ماولد عم اكثر من يضيم
ولد العم انت ماتدخل مجالس الحريم والاتعرف وش
يصير فيهن من ورى اهلهن
هنا حمود تكلم : انا بتجاهل السبب الي خلاك تشرطين
الثلاث اسنين بس لأنه اليوم ان شاء الله بيكون زوجك
ومن حقك انك تحتفظين باسبابك لنفسك
انا واثق فيك وواثق ان حكمك على الامور في محله
وانا معك وماسمح لاحد انه يذلك اويهينك فاذا وليد
مسوي شي فيه تعدي على كرامتك قوليلي وانا اخليه
يندم طول عمره واتمنى انك ماتكونين من الحريم الي
اهلهن مايدرون وش يصير فيهن من وراهم
صيته حطت عينها في عين ابوها بترجي : صدقني
يبه شرطي كافي انه يوقفه عند حده ويخليه يفكر
مليون مره قبل يتجرى انه يغلط علي وانا اعرف وش الغلط
الي ردي يصلحه ويكفه عني ووش الغلط الي لازم اوصله
لأهلي علشان ياقفون معي وياخذون لي حقي وموب
انا الي تنزل جبينها تحت الرجلين وتخلي الرجال يدوسه
(حاليا شي عادي ان البنت تشترط تاخير الزواج ثلاث
واربع اسنين بسبب الدراسه ولكن قبل سنوات معدوده
كان عند الكثير من العوائل تحديد الزواج من حق الزوج
واهله وغير وارد ان البنت واهلها يتدخلون فيه وياخرونه )
حمود واعياله توقعو انه وليد رمى عليها كلمه اوجعتها
وماجاء في بالهم ابد ان وليد ممكن يتجاوز حده اكثر
من كذا ثقتهم فيه كانت كبيره حيل وهذا خلاهم يوافقون
على شرطها ويقررون انهم يدعمونها بكل قوتهم يكفي
انها مغصوبه عليه اقلها تبرد قلبها وتفرض الشروط
الي هي تبيها
في بيت ابووليد جاهزين للموعد والقلق وصل اقصاه
عندهم وليد التفت لابوه : يبه دق على عمي واسئله
وش في الوصيه يمديهم اعرفو
محمد : حنا جاهزين وبيت عمك كلها خمس دقايق
من هنا خلنا نروح وهناك انعرف
وليد : يبه اخوياي بيجون معنا توهم دقو علي يقلون
احترونا بنروح معكم مبي اروح واتفشل قدامهم
محمد اخذ التلفون ودق والاحد رد
: مايردون اكيد مشغولين هالحين ومانهم يم التلفون
وهذا صوت البوري اكيد اخوياك جو قم خلنا نمشي
طلع وليد وابوه ولقو كايد وسلمان ينتظرونهم برا
على سيارة كايد انزلو سلمو على محمد ووليد
وركب وليد معهم ومحمد ركب سيارته ومشو كلهم
لبيت حمود استقبلهم حمود واعياله بترحيبهم وحفاوتهم
المعروفه عنهم وقلطوهم في المجلس
محمد ماعاد عنده صبر : بشر ياحمود وش صار على
موضوعنا
حمود ابتسم لاخوه وهو وجهه دايم بشوش : تعال معي
انت ووليد فيه تفاصيل لازم نتفق عليها قبل
قام وليد وابوه مع حمود لاحد المجالس الجانبيه
بعد ماجلسو تكلم حمود : كم جمعت ياوليد
وليد : واحد وثمانين الف
حمود : اجل الوصيه الي مع صيته تخيرها بينك وبين
راكان وصيته اختارتك بس بشروط
وليد عقد حواجبه : هذي وصية جدي ومافيه مجال لشروط
حمود : الا فيه مجال صيته تقول اذا رفضت اشروطها
بتحرق الوصيه الي معها وبكذا تصير لراكان
وليد انقهر وتنرفز حده :نعم على كيفها هي
محمد حاول يهدي الوضع : اصبر ياوليد عطنا اشروط
صيته
حمود : طلع من مخباه اورقه كاتبه فيها صيته اشروطها
بتفصيل ومدها لمحمد
محمد اخذ الورقه وقراها بصوت لحد ماوصل لتاجيل العرس ثلاث اسنين هنا عصبو الاثنين
محمد :محد رادها عن ادراستها بس تدرس واهي في بيت
رجالها وش داعيها الثلاث اسنين
حمود : هي الحين بتخلص ثالث متوسط يعني باقي لها
ثلاث اسنين ثانوي واربع اسنين جامعه وكلها سبع اسنين
صعب تدرس السنين ذي كلها بعد الزواج اذا ربي رزقها
بيجيلها اعيال يشغلونها وياخذون وقتها
وليد بعصبيه : عمي الشرط ذا انا ماني موافق عليه
والعرس ابيه في العطله ذي
حمود ركز انضره في عيون وليد وببرود ذات مغزى: اجل بناديها وانشدها
وش السبب الي خلاها تأجل العرس ثلاث اسنين
لاني ماني مقتنع ان الدراسه هي السبب واذا عرفت
السبب انا الي احدد وش العلاج المناسب له
وليد يعرف زين ان عمه اذا سئل صيته سؤال مباشر
بتعلمه بالاولي والتالي وساعتها بيندم من قلب انه
ماقبل شرط صيته الي اكيد انه ردها على الكف
وبتنهيده :موافق على كل شروطها
هنا حمود تأكد انه وليد غلطان على صيته واهو يعرف
غلطته زين بدليل انه وافق على الشرط مقابل ان عمه
مايسئل عن شي
محمد الي كان يراقب حرب النضرات بين وليد وعمه
حس ان اولده مخبي شي بدليل موافقته السريعه
على الشرط بعد ماكان رافضه عموما هو ادرى وشهو
مسوي ودامه وافق خلاص نفضها سيره ونقبل
كل اشروطها ونملك لهم من غير مشاكل
:خلاص اجل نجيب المملك ونملك لهم
جاء المملك وتم العقد بشروط صيته وابو وليد سلم حمود
مهر بنته كامل مئية الف ريال
بعد الملكه والتهاني لوليد طلع وليد مع اخوياه في سيارة
كايد وداخل السياره كان كايد الي يسوق ووليد جنبه
وسلمان ورى
كايد بضحكه : ياقو باس البنت كف واحد بثلاث اسنين
مره وحده
وليد مقهور : كنت داري انها ماراح تسكت بس ماتوقعت
ردها بيكون بالقوه ذي تاخير ثلاث اسنين ومسويه
علي حضر من بعد الكف ماشفتها والاحتى بالصدفه
سلمان بضحكه : ياسعد عين اخوها يزوجها واهو مرتاح
حقها اخذته اخذته الله لايعوق بشر
المشكله والله الي تزوجها وماتدري وشهي عليه من وراك
كايد التفت عليه لحظه ورجع يركز على الطريق
: وليد انت اخذتها وانت اتعرف ان اهلها مطيرينها
فوق السحاب وهقوتي ان هذا السبب الي خلاك
تختارها من بد البنات قاله والتفت على وليد يشوف
ردة فعله
وليد هز راسه بايه
كايد : خلاص اجل خلها تقعد مكانها فوق السحاب
وين ماحطوها اهلها علشان تاخذها واهي باقي زي
ماتبي موب ترميها من سابع سماء لسابع ارض
وبعدين تقول مالقيت الشي الي اخذتها علشانه
وليد هز راسه : كلامك صحيح
سلمان : خل عنك كلام اهل التلفزيونات
اسمع العلم الي على اسنعه لاتحبس الصقر في قفص
يصير حمامه وخلصنا بلاسماء بلا قاع
كايد : ماجد اكيد في شركته وماتوقع يروح معنا
صعب يترك شغله بس مع ذالك خلونا نمره ونقوله
راحو لشركة ماجد وعند السكرتير
كايد : ماجد عنده احد
السكرتير يعرف كايد ويعرف انه يمون على ماجد
ومسموحله يدخل سيده بس المشكله في الناس الي
معه اول مره يشوفهم ومايقدر يخليهم يدخلون بدون استأذان : لا ماعنده احد بس لحظه اطلب لكم الاذن
كايد طنش السكرتير وراح للباب مباشره ووليد وسلمان
معه
السكرتير قام لحقهم :انتظرو لحظه مايصير كذا ياجماعه
سلمان : يصير يارجال انت ريح نفسك بس
ماجد كان جالس خلف المكتب الفخم ومركز على الاوراق
الي قدامه يراجعها وفجأه سمع الازعاج برا رفع راسه
جهة الباب وشاف كايد يدخل عليه ومعه وليد وسلمان
رفع حاجبه باستهجان
والسكرتير بدا يعتذر منه :اسف
قاطعه ماجد :اطلع وسكر الباب
سفه الي ادخلو ورجع يركز في شغله
الثلاثه الي ادخلو تبادلو النضرات
كايد :موكنه سفهنا
سلمان تقدم وجلس على واحد من الكراسي الي قدام المكتب : لا بس انت حساس
ناضر في كوب القهوه الي قدام ماجد وشاف انه مانشرب
منه شي وقف اخذه من قدام ماجد ورجع جلس وبدى
يرتشفه
ماجد مطنش
كايد دف وليد قدامه وصار وليد يمشي وكايد يمشي وراه
ويصفق ومسوي زفه
:امباركين عرس الاثنين ليلة ربيع وقمره
سلمان نزل الكوب من يده وبدى يطبل على الطاوله
الي قدامه وينشد مع كايد
ماجد واخرتها مع الجحلط ذولا مايفهمون
: بس انت وياه انتم في شركه محترمه موب مرقص
وليد :افا زفتي ماهي محترمه وهذا وحنا طاقين
مشوار علشان نحتفل معك واخرتها حتى مبروك مانسمعها
منك
سلمان دايم جاهز علشان يشبك على الخط : ياخسارة
الخوه بس يارجال جايينك في محلك وتكرشنا كذا
كايد يكمل : لا ماهقيتها منك ابو المجد
ماجد فهم ان ورى الهيصه هذي كلها شي
:خلصوني وش عندكم ترا وراي شغل موب لعب
سلمان فز من مكانه وراح يناظر ورى كرسي ماجد وكأنه
يدور شي
وليد وكايد فقعو ضحك عليه وماجد استغرب تصرفه
:خير انت وش تدور
سلمان ببراءه : ادور الشغل وراك مالقيت لاشغل والاحتى لعب المكان انضف من وجهي بعد الترويشه
ماجد ضحك بهدو على اخباله
كايد : ابشرك ابو حمدان املك على بنت عمه وتونا جايين
من ملكته
ماجد ابتسم لوليد وقام سلم عليه وبارك له
ناضر في ساعته : مابقى على اذان الظهر شي
اشر على جلسه موجوده في مكتبه اجلسو هنا بدون
ازعاج بخلص شغلي وبعد الصلاه انا عازمك على الغداء
اول مره يسويها ماجد ويشاركهم في شي من غير
مايغصبونه استانسو الشباب انه اخيرا تلحلح وبدي
يلين اشوي ولااول مره هم بعد يطيعونه من غير مشاكل
وتوجهو فورا للجلسه وماجد طلب لهم قهوه وشي ياكلونه معها
عند صيته اول ماخلصت الملكه استاذنت من امها وراحت
تنام البارح ماذاقت النوم كان ودها تشوف وجه وليد
لاسمع بشرطها وكانت تقدر هي تروحله وتعلمه بشروطها
بنفسها بس فضلت انها تبتعد عنه نهائي هالفتره
وراح يكون هذا الشي جزء من عقابها لوليد ماراح
تخليه يشوفها ابدا لاطول فتره ممكنه
في بيت ابو وليد الفرحه لاتوصف وهيفاء وهيا
جايات عندهم علشان يباركون لوليد وعلشان
العصر يروحون كلهم لبيت حمود ويحتفلون
بصيته ويتعشون اهناك
كانو جالسين في الصاله كلهم وقدامهم القهوه والحلويات
والمعجنات والشوكلت الي جابوها هيا وهيفاء معهم
وينتضرون وليد يرجع من عند اخوياه
عند الشباب تغدو في مطعم فخم على حساب ماجد
وبعدها راحو احجزو رحله لدبي وموعد رحلتهم
خمسه ونصف العصر والحين افترقو علشان يتجهزون
لرحله وطبعا ماجد ماراح يروح معهم بسب شغله
نزل وليد من سيارة كايد الي وصله للبيت
ودخل لقى اهله مجتمعين في الصاله واول ماشافوه
فزو له بفرحه وتجمعو عليه يباركون له
راكان اول واحد وصل له ضمه بسعاده :مبروك مبروك
الف الف مبروك يابوحمدان
وليد استانس من فرحة راكان له ومن اللقب الجديد له
ابوحمدان الله ياجمال الاسم
سلمى قربت من وليد بفرحه مشرقه على وجهها اسحبت
راكان بيده وخر ياولد
راكان عاندها وتمسك في وليد اكثر ووليد يحاول يفك عمره
راكان بعبط:انتضري دورك ماتعرفين النظام
سلمى امسكت راكان بشعره بتوخر والاوشلون
وليد يضحك عليهم دفه راكان عنه خلاص خذيه من زينه
عاد وليد خبط راكان على راسه بيده :ازين منك يالدب
سلمو عليه كلهم وباركو له وحلا شغلت المسجل على
اغنية سميره توفيق صبو القهوه وزيدوها هيل
وحلا وهلا وراكان سوو دائره على وليد وشبكو اياديهم
في بعض وقامو يرقصون واهم يدورن عليه
وهيفاء ترمي عليهم الحلاو
اما هيا وسلمى ومحمد يصفقون لهم
بلا تصبوا هالقهوة وزيدوها هيل
واسقوها للنشامى ع ظهور الخيل
و النشامى نلاقيها و نحييها
ويلك يلي تعاديها يا ويلك ويل
قهوتنا للأجوادي اول بادي
للي ناره وقادي بظلام الليل
محمد وقف في محاوله انه يستدعي شخصيته العسكريه
بس ماش من زود الوناسه ماضبطت معه ابتسم غصب
وبتصريفه : انا بروح ارتاح فوق
سلمى الحقته
والكل اجتمعو على راكان : وش السالفه علمنا
راكان تذكر ابوه كيف قام من جنب وليد واهو محرج
وضحك :هههههه فاتكم وين لقيت ابوي اليوم
وليد والبنات تحمسو :وين
راكان : ههههههه لقيته نايم مع وليد في سريره ويوم
قومته تفشل وقام يصرف يقول رجعت تعبان وضيعت الغرفه
هههههههههههههههههههههههههههه
ضحكه جماعيه ضجت في المكان
وليد : ههههههه وانا اقول ورا صيته متعطره بعطر ابوي
هههههههههههههههههههههه
ضحكه جماعيه ثانيه وراكان طاح في الارض من الضحك
واهو ماسك بطنه
هيفاء واهي تحاول تسيطر على ضحكتها علشان تقدر
تتكلم
: هههه يالمنحرف اخاف انك خميت ابوي تحسبه صيته
هههههههههههههههه
وليد : واهو يشرق من كثر الضحك هههه كح ههه كح والله مدري انشدي
ابوي انا ماكل حبة منوم ماني في الدنيا
ههههههههههههههه
وكملو سوالف وضحك لحد مارتفع اذان العصر
وقامو لصلاه بعد الصلاه وليد بدى يتجهز لرحلته
وسلمى وبناتها بدن يتجهزن علشان يروحون يحتفلون
بملكة وليد وصيته في بيت حمود وبيتعشون اهناك
عند صيته البست فستان ليلكي ضيق انيق بشك خفيف
على الصدر واكمام مبتكره جميله
سوت مكياج يبرز جمال وجهها واستشورت شعرها
خلته مفلوت وكانت تشع انوثه وجمال
انزلت بعد ماجو بيت عمها وكانت ساره معها في
غرفتها طول الوقت وتساعدها في التجهيز والبس
وساره كانت لابسه فستان شيفون سكري مورد
بمزيج مختلط من الالوان وكان الصدر ضيق ومن الاسفل
قصة كلوش واسعه وكانت مسيحه شعرها ومخليته مفلوت
وحاطه بس روج وماسكرا وطالع جميله بنعومه ورقه
صيته رغم قوتها رغم ثقتها رغم جرأتها الاانها لمى
ادخلت على الحريم استحت وصارت بس توزع ابتسامات خجوله وتنزل نظرها في الارض مع كل تعليق يوصلها
هيفاء استلعنت خاصه انهم مانهم متعودين على خجل
صيته : ياليت وليد هنا ويشوف الحياء على صيته
هلا ادخلت معها جو : بيجيب كاميرا ويصورها لإانه بيطول ماشاف الخدود محمره مره ثانيه
هههههههههههههههه اضحكو الموجودين
وصيته الي كانت جالسه جنب عمتها قمرا على الكنب
ارفعت راسها لهيفاء وهلا بابتسامه عريضه وماردت
هنا سلمى طق عندها عرق الفزعه لعروسة ولدها
: ذابحتكن الغيره من صيته كل شي يليق عليها
ويزيدها حلى
هيا : الله الله اشتغلت الفزعه
قمراء تمسح على راس صيته جنبها : لايسمعكم وليد
ثم يترك رحلته ويجي يعلمكن كيف تستفردن في حرمته
صيته مع اني اقدر ارد على الكل واسكت كل تعليقاتهم
بس اليوم ملكتي ولازم اعيش جوها زي مبي من غير
ماسمح لحد انه يخرب جوي جمال هاليوم في الحياء
والانوثه الرقيقه الراقيه
وليد سافر لاخوياه يحتفل معهم بملكتنا واضح انه تجاوز
صدمة الشرط بسرعه حلا قالت لي لمى اوصلو واشكثر
كان مبسوط وسعيد اليوم
وانا الحين موب قادره احس بشي الا السعاده
مدري اذا كان مجرد احساس تقليدي متوارث كشعور
مرافق لعقد القران او انه حاله خاصه من السعاده
انخلقت له وعلشانه
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
العرض العادي
