غيابك صعب

نسيت الناس لكن .. ما نسيتـكـ
عجزت انساكـ حتـى لـو ثوانـي

مليت الكون .. و اشغلت الجوارح
نظر عيني .. سماع اذني .. لساني

عطيتكـ شيء ما هو عنـد غيـركـ
و لا قصـرت .. لكنـكـ ...... انـانـي

انـا احبـكـ .. و اذا ودكـ تـاكـد
شف الله كيف بيدينـكـ هدانـي

غيآبكـ صعب و الاصعـب وجـودكـ
و انا فالحالتيـن اتعـب و اعانـي

حبيبـي لا تواخذنـي .. و لكـن
أبيكـ تحـط نفسـكـ فـي مكانـي

اذا جيتكـ و انـا مشتـاق تقفـي
تجاهلنـي و كنـكـ مـا تـرانـي

و اذا صديت عنكـ و قلـت ابرحـل
وقف قلبكـ على البـاب و دعانـي

و لو سويت نفسـي مـا اشوفكـ
يميل القلـب صوبـكـ و يحدانـي

انا يا ابن الحلال اصعـب حكايـہ
كتبني الوقت .. لكن مـا قرانـي

مضى عمـري و تقـدر تعتبرنـي
غريب .. و في زمن ماهو زمانـي

زماني راح مع نصفي .. و نصفي
نسى نفسه مع الوقـت نسانـي

اسافر حزن .. و الصحبـہ ثلاثـہ
أنآ .. و الصبر .. و سهيل اليماني

و اذا مريـت فـ بـلاد الطفـولـہ
فتحت الصـدر للحـزن و طوانـي

هنا .. دمعه جرت من عين جاهـل
هنا .. لاقيـت همـي و التقانـي

هنا .. باعتنـي الديـره و اهلهـا
هنا .. ضحيـت لفـلان و جفانـي

هنا .. حاولت اصيح و ما سمعني
سوى بعض الشوارع و المبانـي

انـا يـا سيـدي .. دقـہ قديمـہ
بغيت اخذ من الوقت .. و خذانـي

على الانقاض واقـف دون حيلـہ
اشوفـكـ وجهتـي بيـن الموانـي

تعاال .. و طـف بيدينـكـ حنينـي
تملكني.. و انا اشعل لكـ حنانـي

تعال .. و ضمني يـا تـاج قلبـي
دخيلـكـ لا تخلينـي .. عشـانـي

انا شاعـر عيونـكـ يـا حبيبـي
مع التحريف في بعـض المعانـي

و ما نيـل المطالـب بالتمنـي
و لكن شوفتـكـ كـل الامانـي

محبة صـادق النيـہ .. قصايـد
و محبة ساقـط النيـہ .. اغانـي

قسـم بالله لـو مـوتـي بـيـدكـ
و اموت الفين مره .. مـا كفانـي

و اذا باقي من الطلقات .. طلقـہ
دخيلكـ .. حطهـا بيـن المحانـي

الموضوع الأصلي: غيابك صعب || الكاتب: فارس الشهباء || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر