لو جمعت جيوش شعري... كان سويت احتلال
بس ماودي أغامر... حشمه للحاضرين
ياصغير لاتفلسف .. منت قد الإرتجال
لو وصلت لبرج بابل في ديار الرافدين
تبقى في نظرة عيوني .. زي حبات الرمال
يعني الله لايهينك ... وين انا .. شف وانت وين
الشعر نجدي.. ولكن .. طوعة جن الشمال
يعني سبعين الف جني .. حولنا متواجدين
قُم ولاءً للمعلم .. يعني توقف بإعتدال
والا في صح العبارة منت قد معلمين
زي نص المسرحية .. شفت عادل كيف قال:
ثكلتك بنت عمة قدة امك ... أُل أمين
قال: ممكن .. قلت: ممكن .. بس يمكن ذي محال
ربما تفهم .. ولكن ربما .. لاتستبين
التمد والتقلص من علوم الإختزال
والكثافة نسبة الماء .. تحت ضغط الأكسجين
وإنعدام الجاذبية .. يعني قطع الإتصال
والتسامي علم سامي .. ت .. بعده حرف سين
وانقسام أية خلية .. من خلية.. انفصال
زي ( دُلي ) شفت كيف استنسخوها مرتين .. !!
وانصهار الثلج .. يعني ذاب ياولد الحلال
تدري ان الماء أساساً .. اكسجين .. وهيدروجين
والذي ممنوع صرفه.. بالنحو سموه حال
إسم إنَ ... أو لأنَ .. زي كيفَ ... أو لأين
يعني لو قمت اتفلسف .. منت قدي بالهبال
فلسفة شاعر.. ولكن ... فلسفة شاعر ذهين
كان ودك بس تفهم فلسفة شعري تعال
وش يسمون إنحراف المركبة ذات اليمين ؟
قال : مالت قلت : مالت ... عليك من الخبال
مافهمت اللي نويته .. يالخبل منت بفطين
اضغط انتر في جهازك ..ينكتبلك حرف .د.
حط ..ل.. وحط .. خ .. واضغط انتر مرتين
يطلع اسمك الكتروني دلخ أقرب إحتمال
كان تسمع بالذهانة يالغبي طحت بكمين
كل هذا ماهجيتك هو مجرد إرتجال
وكان دوخك إرتجالي يمدحون الإسبرين
لو جمعت جيوش شعري كان سويت إحتلال
بس ماودي أغامر .. حشمةٍ للحاظرين
بس ياويلك لو اني واصلن للإنفعال
كان صدري هالنجدي .. ضاق بالمتواجدين
تدري ان اكبر حماقة .. لاتوهمت بخيال
زي من يزرع بطاطة بين .. ورد الياسمين
يعني اسكت .. لا تفلسف .. دام باقيلك مجال
يمكن ..أحياناً .. يكون الصمت رحمة والدين
الرجوله للصغير .. رمزها لبس العقال
والكبير اللي جهلها .. قال فتل الشاربين
الرجل يلبس قلادة .. ويتغنج .. انحلال
وقصة البنت لشعرها .. عادة المستخوجين
و السذاجه و السماجة ..أسئلة .. داخل سؤال
من حدود البرتقاله لين توصل بابا فين
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
العرض الشجري