09-02-2019, 07:40 AM
متـى كبـرت هالبـنـت يالـعـن ابـوهـا
الـعـام الاول سـيـرو يـابــن كـســاب
مـعـهـم صـغـيـره تـــو مابـرقـعـوهـا
لـو ماتغطـت ماعـلـى مثلـهـا عـتـاب
ولاهـي تطيـع النـاس لــو عاتبـوهـا
كانـت تلبسهـا غصـب امهـا حـجـاب
ويـفـلــه الــذعــذاع لا مـرجـحـوهــا
يـغـار اخـوهـا مايـبـي تطـلـع الـبـاب
لــكـــن اهـلــهــا كـنــهــم دلــعــوهــا
الـعـام الاول سـافـرو حـــزة غـيــاب
شـوفـي بعـيـنـي يـومـهـم ودعـوهــا
كل البنات اقراب ,جيران, واصحاب
ادموعـهـم عـنـد الــوداع اذرفـوهــا
والعـيـد هــذا سـيـرو نــاس غـيــاب
بـعـد ثــلاث اسنـيـن جــو شـرفـوهـا
تجمـعـو كـــل الـقـرايـب والاحـبــاب
تــعــايــدو لـكــنــهــم مـاعــرفــوهــا
الطفله اللـي اكثـر اغراضهـا العـاب
بـعــد الـصـبــا بـخـمـارهـا قـنـعـوهـا
كبرت على العتبـه ,ومريـم ورحـاب
يـامـا شــرو كـتـاكـت واتقاسـمـوهـا
وانا انكتب لي انطح وجيه الاغراب
اهـل البلـد فــي خـيـر مـيـر ابتلـوهـا
مـرت تثنـى وانصهـر غـي وانسـاب
متـى كبـرت هالبـنـت يالـعـن ابـوهـا
تمشي تقل تمشي على صفحة كتاب
قــصــه مــــن الـتـلـمـود مـاالـفـوهـا
لـدة علـي بعيونـهـا حـيـرة اعـجـاب
مـلامـحــي فــــي غـيـهــا ذكــروهــا
وانا عرفت ان التعاسـه لهـا اسبـاب
لاصــرت خـابـر زينـهـا وحجـبـوهـا
عيـد الضحيـه مـر والجـرح ماطـاب
تتـفـتـق جـروحــي ولـــو قـطـبـوهـا
ياليتنـي فــي عمـرهـا يـابـن كـسـاب
والله مـااخـلـيـهـا ولـــــو حـيــروهــا
لاصرت خابرهـا قبـل تلبـس حجـاب
وشلـون ابـا انساهـا ولـو برقعـوهـا
كلمات البحث
العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر