03-05-2018, 11:31 PM
يا شيشتي
مات الجمر فيني وقلوب الاحباب حيه
والموت لا ماتت قلوب الحبايب
يا شيشتي لو فيك ذنب وخطيه
معاك احس اني عن الناس غايب
مرات اقول ان الخبل يا هنيه
ولقيتهم يشكون ظلم القرايب
ومرات اقول النذل لا رحم حيه
واثر النذل في بعض الاوقات صايب
يا نفس شيليها على السامريه
شيلت طرب ما عاد فيها طلايب
وش لي بتنيهه القلوب العميه
وحنا في هالدنيا دروب وركايب
ابتغزل في هذيك البنيه
بنت تفل القلب فل الذوايب
يا ضعفها معهم وعندي قويه
منها غدى ثلثين قلبي خرايب
مرباعها بين العيون الشقيه
ومقيضها بين الجروح العطايب
ما قول يذبح زينها بس هيه
تلفت لها قلب عن الحب تايب
ولا قول مغروره ولا هي خليه
فيها دلع طفل تبناه شايب
جمال نجد وفتنة حايليه
وش جمع الثنتين فيها عجايب
اليا قبلت بين حسنات وسيه
يا كثر ذنبي بين طيب وغصايب
وليا دبرت في دمعتين نديه
قلب معاها وقلب في الصدر ذايب
راح العمر ما بين روحه وجيه
يا كثر غلطاتي ولا نيب هايب
شب الجمر ما دام الاشواق حيه
وطف العتب والعمر ضحك ومصايب
كلمات البحث
العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر