01-23-2019, 08:59 PM
|
#3
|
 
رد: رواية بيتنا الطين
رديت لكم بعد ما نزلت تحت للمطبخ وشربت نسكافيه الله يرحم ايام أول مافيه لا نسكافية ولا غيرة ما غير بيبسي غراش ومرندا مثل ما اخوي رويشد يقوله واذا جا الشتا شربنا حليب بزنجبيل اما الحين نسكافيه وكبتشينو يقالنا تطورنا وصار الواحد يحب يرتقي ونسينا تقاليدنا ومدري مع الأيام عيالنا وش بيكون مصيرهم يمكن لو يمشون بالشوارع نتوقع انا في امريكا مو السعوديه الله لا يقوله يالله ادري غثيتكم نرجع لقصتي اصبروا برشف رشفة من النسكافية قبل يبرد ايوا وين وصلنا لا تعصبون خلاص تذكرت وين وصلنا يوم وصفت عليكم البيت نجي للشارع لا تضحكون من جد لازم اوصف لكم شوارعنا والله يا بنات وانا اوصف انها خانقتني العبرة يوم اتذكر هذيك الشوارع والأيام المهم نجي للشارع ماهو مزفلت مثل ما قلت لكم قبل قدامه حوش بلك وهالحوش سلمكم الله فيه غنم جدتي j الي دايم تلقونا على سورها عشان نطل على الغنم اذا راحت جدتي يعني من غير ما احد يدري عنا العصابة وكوم الرمل وارض كبيرة فيها "تراب احمر" بوجه العدو المهم وفي الأرض هذي العابنا تعالوا شوفو العابنا كيف سيارات بس لا تضحكون ياويلكم سياراتنا مو مثل الي في محلات الالعاب لاااااااااا سياراتنا تعرفون الجالون حق زيوت السيارات هذا سلمكم الله نقطه ونفتحه ونربط فيه حبل واحلا سيارة بعد وبعد نسوي حديقة حيوانات والله بس حيواناتنا عفازههههههههههه أي بعضكم ما يعرف شنو العفاز هذا نمل الي يجي كبير شوي نجمعه ونحطه بهالحديقة هههههههههههههههههههههههههههههههههههه اتخيل اشكالكم وانتو تقرون البعض يضحك والبعض متقرف اكيد كل واحد منكم مرت عليه ذكريات طفولة وعاشها بشكل مختلف ما تحسون بحنين وله لذيك الأيام ما تبون ترجعون لها ياناس الحين اعيالنا ما نشوفهم بالشارع مثل اول اغلب وقتهم قدام التلفزيون يمكن ماعاد امان مثل اول او يمكن الزمن تغير الله يعين الزمن كل شي نرميه عليه لالا مو الزمن حنا الي تغيرنا الزمن ماله شغل تطورنا في البدايه جانا الدش وبعد الدش الانترنت وياعالم وش بيجي بعد كدرتكم ادري خلوني بس ارجع لذكرياتي وصفت بيتنا وشارعنا باقي بيوت جيرانا يا ناس تعالوا شوفوا جيرانا وش كانوا قلوبهم على بعض اول بيت جنبنا ام احمد وعيالها ذولي من اهل الجنوب ولدهم احمد كبير ومتزوج ويحب شي اسمه نصر لا تضحكون أيام كان عز النصر كان معاهم ماجد عبد الله واذا جت مباراة ما نسمع الا صياح احمد ونضحك بزران نضحك عشان صياحه وحنا ما ندري وش السالفة أي نسيت أعلمكم بعد أبوي هلالي متعصب ويموت في ياربي وش اسمه تذكري يا النوري لاعب ابوي يحبه اسمه صالح على ما اعتقد بس اسم ابوه ما اتذكره ماعليه اذا ذكرته قلته لكم ويمكن بعد ملخبطه بالاسم المهم بيت جيرانا أم احمد وكان بينا وبينهم سور ولنا ويا هالسور قصص وحكايا وبعد بيت ام احمد بيت عمتي وبعدها في الشارع الثاني عماني ثلاثة بيوتهم جنب بعض بينا وبينهم شوارع ضيقة بس الحين لو تشوفونها تحسونهم قريبين من بعض وباقي البيوت ربعنا وجيرانا الي صاروا حسبة ربعنا عشرة عمر وفيه مخبز وبقالة العم صالح " الله يرحمه يارب " ياما خذينا منه بالدس علوك وكنا نتوقع انه ما يدري وهو كان يتغاضى عنا ويسوي نفسه ما يشوفنا ماكان فيه مغاسل مثل الحين بس بقاله ومخبز وبوفية صغيرة بعد يحليلها هـ البوفيه ومحمود إلي يبيع فيها
|
|
|
|
|