رد: انا بطبعي الوفاء بس في الحب خوان
في : زين ، خالد وفي انزلو تحت في شافت أمها في صالة: يمة ماجاء ابوي
ام ياسر :على وشّك الوصول في اشوفكك نزلتي كنت ماتبغين تتغدين
في بفلسفة زايدة: شوفي يمة انا ماأبغى اتغداء بس شوفت اخوي خالد افتحت شهيتي للاكل
خالد بغرور: اكيد طلتي البهية تفتح شيهتكم اللي مسدوده شهيتة بياكل اذا شاف وجهي بس شفتي يمة
ام ياسر :لا يكثر انت وياها بلى سوالف مالها داعي وين لمياء وياسر
طاح وجههه خالد وفي لان امهم فشلتهم هههههه
في :يمكن فوق خلي جيسي تناديهم
خالد: لا خليني انا بروح اناديهم
في :كيفك التعب عليك روح بس انا ماأبغى اتعبكك
خالد يقوم: لاتعب ولا شي مشتــــــــــــــاق لهم ،خالد راح فووق
في :يمة وين الغداء جوعانهه حدي
ام ياسر :اصبري شوي لين يجون اخوانك وابوكك
في :اف مافيني صبربموووت جوع
ام ياسر :الله يهديك بس
في: امين
**********************
غرفة ياسر
ياسر سرحان ( يفكر شلون يتصالح مع اخته لمياء تعبت موحاله ذي
هي تطلق من ناصر و تزعل مني اانا بس علشان اني صديقهه اف)
خالد طق الباب ماحد رد علية دخل الغرفة :ابوعبدالرحمن ياهو وش فيكك لي ساعة وانا أطق باب غرفتك وش فيكك متضايق لايكون في مزعلتك
ياسريفوق من سرحانه يصرخ: ابوووو الوليد متى وصلت ، يبتسم يوم جاب طاري في تذكر وش سوو فيها :من قالك اني ازعل من المطفووقهه في
خالد يسلم ع ياسر بحب الخشوم ويضحكك :اليوم وصلت ساعةة 10 والله
اني مشتاق لكم حياتي بدونكم ولا شي
ياسر : وحنا فقدناك علشان تعرف مالك غنى عنا
خالد يبتسم : أي والله كأني سمكة طلعت من البحر تموت مهما تغربت وشفت العجايب ارجع لديرتي الغالية
ياسر: أي والله وحلو تشبيهه هههههههههههه
خالديضحكك: شفت كيف اعرف اشبهه الا وش اخبارك انت ولمياء
ياسر يتنهد: الحال ع ماهوعليه موراضيه تسمع مني كلمة وانا مالي ذنب
خالد: هونها وتهون وان شاء الله كل شي يتصلح ويرجع مثل ماكان يالله رح تغداء امي وفي يتنظرونك اكيد ابوي وصل وخل لمياء علي انا بناديها
ياسر : امين الله يسمع منك يالله خلاص بنزل قبلكم
خالد وياسر طلعو من الغرفة ياسر نزل تحت وخالد توجهه الى غرفة لمياء
*******************
غرفة لمياء
لمياء صلت صلاتها ووخلصت بتدخل الفراش بتنام معطيه الباب ظهرها
سمعت ان الباب انفتح : في انا مالي خلقك كفاية رحت معك الجامعه غصب عني خليني انام تعبانه حدي
خالد يبتسم: واذاكان الي دخل موفي وش تسوين
لمياء صرخت بنعومه: خالد تركض له وحضنته متى وصلت والله اني مشتافة لك وتبكي
خالد يضحكك:أقول من هي ألي طلعت ع امي اثريها انتي ،وهو يمسح دموعها :خلاص لاتبكي ترى دموعك توجعني حييل وشوفي عيونك كيف صارت حمراء
لمياء تضحكك: خويلد ما تجوز عن طبعك انت امي أصلا احلى مني وبكثير وانا ماأشبهه ولاشي
خالد يضحكك: أبوطبيع مايجوز عن طبعه وفي هذي صادقههه مافي مثل امي يالله خلينا ننزل نتغداء
لمياء بتعب وعيونها فيها النوم: لالا مالي نفس اكل انزل انت روح تغداء
خالد:حرررام أللي تسوينه في نفسكك والدنيا ماتسوى نزعل علشانها نعذب انفسنا ع شي راح وأنتهى ، وهذي جلسه وانابعد ماراح انزل ألا لما تنزلين معي
لمياء: مومشتهــــــــيه
خالد: انا مشتهي اكل امي من زمان عنه بس اذ انتي مش نازله ماراح أنزل
لمياء: امرنا لله بنزل معك يمهه منك من يقدرعليك ههههه
خالد: أي كذا ابيك ماجابتها أمها أللي تقدرعلي
لمياء تضحكك
لمياء وخالد دخلوغرفة طعام وهم يضحكون
غرفة الطعام
ام ياسر: محد يقدر عليك الا خالد تبتسم ام ياسر لهم
لمياء وخالد لما سمعوا كلامهم ضكوا
في بغيرة: وش عندكم تضحكون ضحكوني معكم
لمياء وخالد بصوت واحد :لالالالا
في : خوانه من يومكم ليه ماتقول ليه
خالد ولمياء يضحكون ع في وهي تبغى تعرف الموضوع
خالد: الا يمه ابوي ماجاء
ام ياسر :الحين يوصل
ابوياسردخل البيت: السلام عليكم
كلهم: وعليكم السلام ورحمة الله بركاتة
خالد:الطيب عند ذكره
ابوياسريبتسم:وش عندك قعاد تحش فيني
خالد يسلم ع ابوها :لاوالله ماحش فيك بس قلت وين ابوي
مشتاق له
ابو ياسر:تشتاق لك الجنة ان شاءالله
ام ياسر :الله يعطيك العافية
أبو ياسر :الله يعافيك الحمدلله ع سلامتك وش اخبار دورتك ليه ماقلت لنا انك اليوم بترجع نستقبلك في مالطار
خالد:طال عمرك بالطاعة الله مابغيت أتعبكم معي وحبيت أسويها مفاجاة
والدورة الحمدلله
في دخلت عرض :واحلى مفاجاة
أبو ياسر :يالله ابدوء اكلو بِسْم الله الرحمن الرحيم
كلهم بدوا ياكلون الا لمياء سرحانه في عالمها
ام ياسر:اليوم جدتكم تشره عليكم وتقول ليه ماتزورونها وتسلم عليكم كلكم
الجميع :الله يسلمها
ابوياسر بأسف:والله معها حق تشرة لي أسبوع مازرتها اليوم لازم اروح لها ويقول للعيال روحولها سامعين كلكم
ردو الا ياسر :ان شاءالله
ياسر :اعتذرو لي منها انا مترخص من العمل برجع العمل بعد شوي ماداومت الا ثلاث ساعات بس
ام ياسر:لية ماتجي تسكن عندنا أريح لها
ابوياسر:حاولت فيها تقول مأني طالعه من بيتي الا للمقبرة
ام ياسر بسرعه وانزعاج من كلامها: جعل عمرها طويل ع طاعة الله
كلهم :امين
في بفرح :يا سلام بتصل ع مي بخليها تجي معي
خالد بهمس وغرور:ويع مدام ذيك راح تجي هونت ماأبغى اروح
في بنفس الهمس :عاد حدك كلش الا مي ماأرضى عليها حتى لو كان هذا شالخص انت
خالد :ول لهدرجة تبيعيني علشان ام كشه ،بغرور:كيف متحملينها مع كشتها
في بعصبية:خالد اسكت احسن لك انت وش فيك عليها
خالد لحظة العصبية في:خلاص سكتنا ماتسوى علينا هلـ مي
في:علشان تعرف انه مي عندي مهمه
خالد(من تكون مي يعني غير ام كشه)
ياسر:يبه وش صار ع المناقصة
أبو ياسر ابتسامة:أبشرك رست ع شركتنا
ياسر :حلو الا يبة من هو كان منافس شركتنا
ابوياسر وهو يبلع الاكل :فهد ينقال(ابومحمد)
ياسر: اها
ابوياسروهو يقوم من سفرة :الحمدلله الله يتم علينا هذي نعمة ويناظر للمياء يا بنتي أذا خلصتي من الغداء تعالي للمكتب
ياسر يناظر ابوه (الله يهديك يبة مصر ع هذا الموضوع)
في :لمياء وش يبغى منك ابوي تعرفين انتي غريبه يقول لك تعالي الله يستر بس ،ع فكرة تروحين بيت جدتي
لمياءسرحانه (تقول وش يبغى ابوي مني والله اني خايفة الله يستر )صحت من سرحانها ع صوت في لمياء:في وش قلتي
في :اللي ماخذ عقلك يتهنى به اسال بتروحين بيت جدتي
لمياء:ان شاءالله ع فكرة ماحأد ماخذ عقلي
*******************
. بيت ابوعامر
ام محمد جالسه تسولف مع ام عامر الا جوالها يتصل بك ولدي محمد
ام محمد:آلو يا هلا
محمد:هلا فيك يمة السلام عليكم
ام محمد:وعليكم السلام ورحمة الله بركاته امر محمد وش بغيت
محمد:مايامرعليك عدو بس رجعت البيت ماشفت احد الا وين انتي يمة
ام محمد:في بيت عمك أبو عامر
محمد:اجل اجي آخذك ولا تبغين تجلسين
ام محمد : تعال أخذني انتظرك مع السلامة بحفظ الله ورعايته
محمد:الله يسلمك
ام عامر:تو الناس أجلسي عندنا الى العشاء
ام محمد:لا وين اجلس الحين أبو محمد يرجع البيت تعبان ويبغى يتغداء وينام
ام عامر:عاد لاتقطعين خلينا نشوفك وأنشوف البنات
ام محمد :ان شاءالله وعاد انتو بعد لاتقطعون وتعالو انتو بيتنا
ام عامر:ان شاءالله نجيكم في أقرب وقت
عامراحم احم:يمه عندك احد
ام عامر:أي مرت عمك فهد
ام محمد تغطت:وشلونك ي عامر
عامربأبتسامة عريضة(يعني مرت عمي هنا يعني سعاد معها)عامر يدخل صاله وقف :الحمدلله انتي وشلونك وشلون العيال وبقصد ولبنات
ام محمد:الحمدلله كلهم بخير
عامر بخيبت أمل ماجات معها هين ياسعاد ان ماأخذتك وخليتك تحبيني ماأكون انا عامر):عن إذنك خالتي سلمي ع محمد وعمر
ام محمد:ي وصل ان شاءالله واذنك معك
طلع عامر فوق يرتاح يبغى ينام
ام محمد يتصل جوالها :آلو
محمد:ي الله يمه أطلعي انا برا انتظرك
ام محمد :تعال سلم ع مرت عمك
محمد ينزل ويسكر باب سيارة بالمفتاح:طيب الحين جاي
منيرة واقفه تشوفه من نافذة الغرفة (يا حلاتك تجنن يا محمد احبك بس يا ليتك تحس فيني )
محمد دخل عند الباب وأمه مع مرت عمه ولبست غطاء
ع وجهها:السلام عليكم شلونك خالتي عساك تمام ان شاءالله
ام عامر:الحمدلله وانت شلونك وشلون شغلك
محمد :الحمدلله بخير جعلك بخير شغلي ماشيه أموره،وهو ينادي ع امه يمه ي الله انا انتظرك في سيارة عن إذنك خالتي
ام عامر :إذنك معك حياك
محمد : الله يحيك
ام محمد تسلم ع ام عامر :يالله مع سلامة وأشوفك قريب
ام عامر:ان شاءالله الله يسلمك سلمي ع لبنات
وأبو محمد
ام محمد:ان شاءالله وطلعت وأم عامر صكت الباب
ودخلت البيت
****************
في السيارة
ام محمد وهي تركب سيارة
محمد:يمة وش عندك في بيت عمي غريبه هالزيارة
ام محمد:لا غريبه ولاشي من زمان عنهم قلت خليني ازورهم
ام محمد بقصد:يمة متى اشوفك عريس الصباح قدرت تنحاش مني
محمد :يمة الله يخليك سكري ع هالموضوع
ام محمد بحد خفيفة: لا ماراح أسكت ع هالموضوع الصباح خليتك ع كيفك الحين ماراح أسكرهالموضوع الا لما توعدني
انك تفكر في هالموضوع
محمد ي سلك ل امه: ان شاءالله راح أفكر وراح أقولك بنفسي
تعالي اخطبي لي
ام محمد :أي هذا الكلام العدل
محمد يضحكك:هههههه
وبعدها ساد الصمت في سيارة
*****************
في بيت أبوياسر
تحديد المكتب أبو ياسر
أبو ياسر جالس ع الكرسي يفكر كيف يفتح لمياء بالموضوع
لمياء تطق الباب
ابوياسر:تفضلي ي لمياء
لمياء دخلت :نعم يبه أمرني
ابوياسر:مايامرعليك عدو أجلسي يا لمياء
أبو ياسر يرمي القنبلة:شوفي بدون مقدمات
في واحد خطبكك مني وانا يا بوك منى عيني اشوفكً في بيت زوجك وش قلتي
لمياء بصدمة:لالالالالا يا يبة الله يخليك مابغى اتزوج
ابوياسربحنية:مايصير يا بوك والدنيا ماتوقف ع واحد
لمياءتبكي:يبة مابغى لالالا
أبو ياسر بعصبية:خلاص انا عطيت الرجال كلمة ماأتراجع في كلامي صعبه(وقال هالكلام علشان يضغط عليها)
لمياءتوقف:ماراح أغير رأيي مو موافقه
انا جربت الزواج مرة وماراح أعيدها مرة ثانية
ابوياسر يهز راْسه بحزم:خلاص بتتزوجينه غصب و
غصب عنك
لمياء طاحت من الخوف انه ابوها يغصبها على الزوج وأغمى عليها
كــــــت
سُبْحَانَكَ وَبِحَمْدِكَ، لَا إِلَهَ إِلَّا أَنْتَ، أَسْتَغْفِرُكَ وَأَتُوبُ إِلَيْكَ )
عطوني توقعاتكم
وش راح يصير ع لمياء
|