منتديات سهام الروح - عرض مشاركة واحدة

#1 09-13-2020, 02:22 PM

كيف تعرف مشاعر زوجتك تجاهك ؟
الطريقة بسيطة جداً .

إشتر كرتون أو كيس رمان وحطه في المطبخ واسكت لا تقول شي .

فيه أربع إحتمالات بتصير معك والخامس إحتمال صعب لكن إن شاء الله ماتحتاج له .

الإحتمال الأول :
بعد العصر يجيك صحن كبير مليان حبوب الرمان مع ملعقة . يعني الزوجة قشرت لك رمانتين أو ثلاث من غير ماتطلب منها .
هذي تمسك فيها تراها تحبك .

الإحتمال الثاني :
يجيك صحن فيه حبوب رمانه وحده بس .
هذي زوجتك تراها تحترمك وتخدمك من باب أداء الواجب فقط أو إنها تحتسب الأجر فيك .

الإحتمال الثالث :
( ركز زين)
تجيب لك رمانه وتقوم تقشرها قدام عينك .
هذي إنتبه منها .
لأنها توريك إنها قاعده تتعب عشانك وعساه ينفع فيك بعد . وتبي مقابل هالتعب .
وهذي إذا تبي ترتاح في حياتك لازم تدهن سيرها بالدراهم .
وإذا كانت حبوب الرمان تتطاير وتتعدى شوشتها فاعرف إنها تحولت من زوجه إلى ند .

الإحتمال الرابع :
تجيب لك الرمانه والصحن والسكين ويمكن تتعمد ماتجيب الملعقة وتطالع فيك بطرف عين وإنت تقشر رمانتك .
هذي إعرف إن مصيرك النوم في الملحق .
المسألة بس مسألة وقت . تنتظر إنك تشيب أو يكبرون عيالك .
ولذلك حاول تتعود على الملحق من الآن واجتهد في تجهيزه .

أما الإحتمال الخامس وهذا نادر وماأقدر أنصحك وش المطلوب منك تسويه وهو إنك تفتح الثلاجة بعد كم يوم وتلقى الرمان قد فرمته هي وعيالها . .
وهنا الله يكون في عونك . قلوبنا معك .

صلوا على الحبيب
ونراكم فى الملحق على خير
😂😂😂

الموضوع الأصلي: جهز الملحق من الان || الكاتب: ابو خليفه || المصدر: منتديات سهام الروح

سهام الروح

كلمات البحث
العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر