|
رد: انا بطبعي الوفاء بس في الحب خوان
البارت التاسع
ع طاري فهد مره كنا عند جدتي مسويه حفله يودعون فهد لانه بيسافر يدرس برا انا كنت مبسوطه حدي اول شي فهد بيحقق حلمه وثاني شي كنت زعلانه اني ماراح اشوفه ............خلصنا الحفله وكلاً بيروح بيته انا طلعت من بيت جدتي شفت فهد استانست الحمدلله شفته قبل لا يروح كان واقف مع خويه ينقال له سيف وسمعت الكلام اللي قاله فهد ل سيف:انه مايبغى البنت الي اختارتها له جدتي وانه ماعجبته هـ التقاليد والعادات انه البنت لولد خالها اوعمها اوالعكس لو بكيفه راح وقال لخاله انا ما ابغى بنتك والله يا سيف اني اكرهها ما ابغاها فهد انتبه ل البنت وهي واقفه عند باب الصاله وعرف انها في وطنشها وانتبه ل سؤال خويه :طيب انت تحب بنت عمتك ولا ؟؟ فهد يبغى يقهر في :يمكن أي يمكن لا سيف :تكفى قول تحبها ولا فهد: انا عطيتك الجواب بس انت مافهمت انصدمت ما حسيت في نفسي الا انا قدامه و اقول له بكل غرور وتكبر:لالالالا انا الي ميته عليكك أصلا انا ودي اقول لهم كلهم اني ما ابغاك وانك اخر واحد افكر اني اتزوجه...... او افكر فيه لو بكيفي ادوسك برجولي "أصلا مدري وش كنت افكر فيه يوم اني وقفت في وجهه قدام خويه بعدها انحشت خليته يعصب وده يحرق كل شي قدامه" هههههههههههههه الحمدلله بردت حرتي هو اهانني وانا إهنته قدام صديقه كيف يتكلم عني كأني مسويه شي خطاء اوانه سمعتي زفت علشان يكرهني في ترجع شعرها ع وراء أصلا مايحق له يتكلم عني بهطريقه لوانه رجال قال ل ابوي ما ابغى بنتك موساكت للحين شكله ي في يتوعد فيك الله يستر بس انا ما كذبت ع نفسي انا كنت احبه بس الحين انا حاقده عليه لانه داس ع قلبي خلاص انا وعدت نفسي اني ما أحب من جديد لا فهد ولا غيره ان شاءالله أشوف طريقه اتخلص من الملكه ننتظر سي سيد لمن يرجع من السفر اووووف خلاص مابغى افكر فيه خليني اروح انام بس في بعد ما شغلت التكييف وراحت ناحيه سريرها دخلت الفراش وحطت راسها ع المخده الا تسمع نغمة الواتس من الفاضي ذا فتحت الواتس شافت رقم غريب كان 10 رسايل من هو ذا خليني ادخل المحادثه قرت الرسايل انصدمت وش هالكلام لالالالا يمكن غلطان بالرقم رفعت راسها من المخده ما أتوقع المحادثه لي توها بتعطيه حضر رسل رساله (سعيد جدا انك جالسه تقرين محادثاتي ي في) لالالالالا هذا يعرف اسمي بعد رجع رسل لها مره ثانيه قرتها فـي وكان كلام كبير ماينقال . ي ترى من هو ذا الشخص يمكن يكون بنت مو شرط رجال مادري يمكن فهد لالالالا ماتوقع لانه بارد وما يفكر يسوي هالحركة يمكن واحد يبغى يلعب معي والله ل اوريه نجوم الظهر ناقصه انا بعد فتحت درج الكمدينو وحذفت جوالها فيه خليني انام بس اووووف حطت راسها ع المخده وتلحفت ثواني وراحت في نووووم عميق *********************************** في مجلس ابوياسر ابومحمد جلس جنب ابوياسر في صدر المجلس بعد ماتغدو جلسوا يشربون قهوة وشاي خالد اللي كان يقهويهم : ماشاءالله الاكل كان لذيذ الله يعطيكم العافيه خالد كان واقف يمد الفنجان لابوه .... ابوياسر: بالعافيه ع قلوبكم بعدها جلس خالد جنب اخوه .....ومحمد يسولف معهم محمد في يده بيالة شاي: لذيذ الاكل ماشاءالله جايبينه من مطعم عطوني اسمه وخاصه رز الذبايح ورق العنب شي صراحه الله يعطيكم العافيه خالد وياسر يضحكون عليه.ياسر جلس وسط محمد وخالد محمدبستغراب:ليش تضحكون سؤالي فيه شي غريب ياسر: لا مانضحكك ع كلامك بس الاهل مسوين الاكل مو من مطعم محمد باعجاب:ماشاءالله تبارك الله .الله يعافيهم خالد بفخر: ترى امي مسويه الرز ها بس عجبكك أقولها تسوي لك ها بس بفلوس محمد :خخههههههههههههه ماشاءالله عليها الوالده الله يعطيها العافيه لالا ماله داعي نتعبها ياسرمسك جواله بيد وبيده الثانيه بيالة شاي يضحكك ع كلام اخوه: الله يعافيك ابومحمد : يلا ي محمد خلينا نمشي ابوياسر : وين تو الناس جلسوا معنا اليوم كله ابومحمد يوقف: كثرالله خيرك لا لا زم امشي البيت انا عندك اليوم من بعد صلاة الظهر والحين شوي ويأذن العصر لازم اروح اريح شوي ان شاءالله نلتقي قريب يلا ي محمد قوم محمد يقوم: ابشر يبة يلا عن اذنكم وكثرالله خيركم واكرمكم الله بعد ما قاموا محمد و ابوه وقاموا كلهم ييوصلونهم عند الباب ياسر: حياكم الله عاد ها لازم نشوفكم مره ثانيه زين خالد: حياءالله من جانا عاد لاتقعطون بذات انت ابوحميد محمد يبتسم : ان شاءالله يلا يبة نمشي ابومحمد :يلا . صافح ابوياسر يلا مع السلامه طلعوا من المجلس لحقوهم ياسر وابوياسر وصلوهم الى البوابه الكبيره : حياكم الله ابومحمد ومحمد : الله يحييكم طلعوا ابومحمد يأشر بيده سلام عليكم ابوياسر وياسر: وعليكم السلام سكروا البوابه ودخلوا دخل البيت من باب الصاله شافوا لمياء وام ياسرجالسين في الصاله لمياء جالسه مقابله ام ياسر جالسين يتقهوون ابوياسر وياسر :السلام عليكم الصالة مفتوحه واسعه وجنبها غرافة الطعام للعائله وجنبها غرفه مفتوحه ع بعضها الدرج وسطها شرحه واسع ام ياسر ولمياء : وعليكم السلام .بوياسر يجلس في صدر الصاله وياسر جنب لمياء ابوياسر: الله يعطيك العافيه ي ام ياسر بيضتي وجهههي ام ياسر تبتسم : الله يعافيكك اهم شي عجبكم الاكل ياسر: الا طاحوا فيه مدح حتى انه نص الاكل راح وخاصةٍ الورق العنب موبس البنات يحبون حتى حنا نحبه ابتسمت لمياء عجبهم الورق العنب حقها ام ياسر تشرب شاي وتحط البياله ع الطاوله :الحمدلله اهم شي عجبكم ياسر :الحمدلله اهم شي الضيوف عجبهم لميا كانت ماسكه جوالها تكلم جواهر ع الواتس رسلت لجواهر ابوي جالس معنا بعدين اكلمك اوكي جواهر مومشكله بيننا الو سكرت الواتس وحطت جوالها في مخباتها كانت لابسه جلابيه ناعمه :الا يبه وين خالد ما اشوفه معكم ابوياسر : هلا يابنتي .تضايق انه ذكرته بلبس خالد’في المجلس هالولد بيطلع الشيب من راسي والله لو اني ما مسكت حالي كان قمت وكفنته ع وجهه الين يقول بس ام ياسر تعدل جلستها : وش فيكك عليه ليه وش مسوي بعد لمياء تتحسفت انها ساأت عنه ابوياسر: لانه لبسه موعاجبني المفروض يحترم الضيف يلبس زي الناس لمياء تغير السالفه: انا بروح المجلس الا يبه تبغى دلال الشاي والقهوه اخليهم في المجلس ولا اشيلهم ابوياسر:لا ي بوك شيليهم الله يعطيك العافيه لمياء : الله يعافيك .....تبعد طاولة الخدمه عن رجولها علشان تقوم ام ياسر : يمه بعد ماتشيلين الدلال روحي انت وجيسي شيلو صحون الاكل ادري تعبتك معي اليوم لمياء قامت: وش دعوه يمه تعبكك راحه عادي انتي تامرين بس ام ياسر: الله يعطيك العافيه لمياء: الله يعافيك’بعدها طلعت من الصاله متجهه للمجلس ابوياسر يتفقد في : الا وين في ما اشوفها لي يوم كامل ماشفتها ام ياسر مصبعه منها: اذ انت معصب من خالد انا معصبه من بنتك هذي بتجنني بتطلع روحي من محلها ابوياسر: وش فيكك عليها حررام عليك انتي كل حاطه دووبك من دوبها ام ياسر ترجع جسمها وراء ع الكنبه: أقول لها اصبري لاتنامين سوي المطبخ مع جيسي ولمياء’ تقول لي لا مالي شغل انا كافي اني سويت معكم فيني النووووم تبغون اغسل المواعين لالالا والف لا بروح اكمل نومتي ياسر يضحكك ع هبال اخته: يمه هدي حالك تراها مهبوله لاتاخذين عليها< ووالله لو تدري في انك سبيتها لتغسل شراعككك ي ياسرأقول هايدي كملي كتابه وانتي ساكته هايدي ان شاءالله طال لعمرك ابوياسر اول مره يشوفها معصبه منها هـ الكثريبتسم ع هبال في:كان خليتيها نايمه بعدين صحيتوها تنظف معكم ام ياسرتصب لها فنجان قهوه علشان تروق تسال: ابوياسر تبغى قهوة’خليني ساكته بس حتى لو قلت لها نامي بعدين جلسي اشتغلي بتقول يمه توني جالسه من النووم ماقدر اشتغل بنتكك اعرفها عدل كل تتحجج بوياسريضحححك: شربت من القهوة الين قلت بس عليك بالعافيه’ انتي مابقى كلام ماقلتي عنها كانها عدوتكك موبنتك بعدين تقولين خليني ساكته هههههههههههههه ياسر :هههههههههههههههههههههههه أي والله ماخليتي شي يمه الا قلتيه عنها بعدين تقولين خليني ساكته ههههههههه ام ياسر طنشتهم يضحكون ع كيفهم ******************************** في المجلس الخارجي خالد منسدح ع الكنبه وحاط رجل ع رجل وهو منسدح ويكلم فهد ع الواتس : فهيدان الحين انت متى تجي السعوديه ؟؟ فهد ببرود مطنش خالد يوم ناداه فهيدان: قريب ان شاءالله اذ بجيي بعطيكك خبر خالد: انت بارد في كل شي ’ اوكي انتظر منك خبر فهد : كيفي أكون بارد ولا فاهم ...ان شاءالله اخليكك بروح اريح خالد : زين بكيفك خل برودك على نفسك سلام فهد : اكيد بكيفي اجل بكيفك وعليكم السلام |
رد: انا بطبعي الوفاء بس في الحب خوان
فهد عمره 27 انسان بارد لابعد الحدود يروح هالبرود اذا كان مع جدته
لمياء دخلت وهي تنادي خالد : خالد وينكك خالد يجلس بكسل : هينا لمياء تعالي لمياء كانت واقفه قدام باب المجلس دخلت بعد ما ناداها خالد جلست جنبه : زين انك ماطلعت خالد مستغرب :ليه تبغين شي مني لمياء : لا مابغى شي منك بس انت ما تجلس في البيت ابدٍ ..الاهل لهم حق عليك انك تجلس معهم خالد: ادري اني مقصر معكم بس وش اسوي لازم اطلع اشوف ربعي يلا ان شاء الله اليوم بجلس معكم لمياء قامت بتشيل الصحون: الا خالد تغديت عدل انت ، وهي ترتبب البيالات والفنجايل تحطهم في الصحن علشان تشيلهم خالد: الحمدلله بس ورق العنب خلاص عليه الدب محميد وياسر لمياء وهي تشيل الصحن تبغى تروح لغرفة الطعام تحاول تفتح الباب وهي تضحكك ع قهر اخوها....قام خالد بسرعه فتح لها الباب دخلت ليماء غرفة الطعام وخالد لحقها: شكرا .. لاتخاف ترى في ورق عنب ماخلص خالد: الحمدلله زين الا لمياء تبغين افتح الباب الثاني لمياء: أي تكفى علشان اشيل هالمواعين وين اروح برا حر خالد يفتح الياب ويشرع لها: زين تبغين اساعدك بشي لمياء: لا شكرا بس خل الباب مفتوح ’ أي معليك امر روح داخل وناد لي جيسي خالد: والله انها الوهقه اذا دخلت الحين ابوي بيعطيني كلام من الي يحبه قلبي لمياء:هههههههه الله يعينك ع فكره تراه معصب علييكك قبل لايجي هنا خالد: هو بيهاوشني بيهاوشني ’بروح انادي جيسي لك لمياء تضحككك ع خالد طلع من غرفه طعام ينادي جيسي ولمياء تكمل باقي ترتيب الموواعين ******************************** في بيت ابورائد في غرفة يجلسون فيها اذ بغو يشوفون فلم شاشة تلفاز كبيره كانها سينما نوف شبكه الاب مع التلفزيون حاطه ع فلم انمي تشوف وجالسه ع الكنبه ماده رجوله ع الطاوله وحاطه في حظنها زبديه كبيره فيها بوب كورن جالسه تاكل منه قدمها لاوازم السهره وشاي وقهوة ومطفيه الانور هي عيونها ع التلفزيون بس سرحانه في عالم اخر تفكرفي كلام بنت عمها مغروره وفاء كلا تعيرني انه ابوي مايهتم فيني وانها كل تسافر ف الصيف تقول مابقى منطقه في السعوديه مازارتها صحيح يمكن تفكيري سطحي اني افكر في كلامها بس تقهرني كل ماشافتني تقول ابوك وابوك ودي اصطرها كف ع وجهه اهم شي عطيتها كلام يحبه قلبها لابعد تكذب ع ابوي تقول انه متزوج ودي لو انها طلعت لي من السماعه علشان ازنطها صحيح ابوي كله مشغول في شغله الا انه مسلم اخوي رائد الخيط والمخيط ماقصر اخوي يسفرنا بس حلاتها مع ابوي لا مشكله ثاني اخوها الي خطبني وابوي وافق ياليت سمعته زينه علشان ابوي يوافق عليه الا دمار ويمشي مع ناس زفت مثله ولابعد ياليته يشتغل والله ابوي مادري وش يفكر فيه ....... نوف جميله لابسه بلوزه مشجره وتنوره كحليه طويله رافع شعرها ذيل حصان عمرها 21 هي وفي وجمان ومها نفس العمر دارسين مع بعض من الابتدائىه ...... ولا بعد يقولي ي بنتي اذ رفضتي جاسر لاانتي بنت ولاعرفكك والله يقهروني الاباء الي كذا يحطون طاعتهم في هالشي وحررام طيب مغصوبه او اوافق غصباً عني ليه دايم كذا الله يعين بس انا مو بس مو موافقه انا اكرهههه كره العمى رائد جلس من النووووم ماحصل امه ولا نوف وين راحوا ذولا: نوف يمه ’دورهم في الصاله والمطبخ برا الحوش ماحصلهم قال يمكن في الغرفه الي نجلس فيها دايم فتح الباب وشاف اخته سرحانه وشغل الانوار نوف انتبهت لاخوها :ليش شغلت الانوار رائد جلس في اول كنبه مقابل اخته: شغلتهم لانك سرحانه’ بسخريه ها بس عسى حلوه قصة الفلم نوف : اوووف منك كيفي سرحانه مو سرحانه مالك شغل طفى الانوار بس رائد: أقول بس عيدي الفلم وشوفي بتركيز موتشغلينه وتخلينه كذا ... المهم وين امي؟ نوف وهي ترجعع الفلم الى البدايه: امي تغدت ودخلت غرفتها تأخذ قيلوله رائد: طيب في غداء لي لاني من رجعت من الجامعه ع طول حذفت عمري ع السرير جوووعان نوف : أي فيه ’وقفت تشغيل الفلم’ بروح احط لك رائد يسال : وش الغداء نوف :برياني دجاج مشوي وسلطه تبوله .. تساله تبغى اجيب بيبسي معه رائد : يليت تجيبينه هنا الغرفه مابغى اكل في غرفة الطعام باكل هنا بشوف الفلم نوف قامت : طيب ’ راحت المطبخ تحط له الاكل سخنته في الماكرويف وحددت الوقت الي يخلص فيه اسرع وين بتقعد تنتظر ع مايسخن في الفرن احسن شي الماكروويف بسرعه فتحت الثلاجة طلعت علبتين بيبسي وحده له وحده لها الماكرويف يطلع صوت يعني خلص تسخين راحت تكب الارز في الصحن وحطت دجاج مشوي فوقه وراحت تحط تبوله اخذت السفره رجعت الغرفه فرشتها في الأرض ورائد جلس يشوف السناب بجواله وراحت تجيب صحن الأرز ووالتبوله والملاحه وليمون وبيبسي كلهم حطتهم في صحن كبير راحت الغرفه وزعتهم ع السفره واخذت بيبسي حقها: يلا رائد تعال اكل رائد سكر جواله حطه ع كنب : يلا بجي بروح اغسل يدي واجي بس اها لاتشغلين الفلم الا لما اجي نوف: طيب ’تفتح البيبسي تشرب رشفه يازين البيبسي زينه يبرد ع القلب ... رائد دخل الغرفه جلس: نوف شغلي الفلم خلينا ناكل ونطالع نوف : طيب شغلته . المهم كل علشان تخلص ترى باقي نص ساعه ع اذان العصر رائد هو ياكل لقمه بلعها :طيب هذا انا اكل بس خلينا نشوف الفلم وانتي ساكته نوف : زين كل بس كل ********************************** في بيت اول مره ندخله بيت أبو جاسر عم نوف ورائد تحديد في غرفة وفاء جالسة تبكي في سريرها منسدحه ومتلحفه ب بطانيه بالكامل مغطيه ووجهه بعد الكلام الي قالته لها نوف قبل يومين وهي تكلمها في التلفون جرحتها بالحيل قالت لها انتي مادري وش شايفه نفسكك عليه تراك ماحد يشوفك بسب غروركك والي يجلسون معكك بس منظر يجاملونك كثير اصحي ع نفسك تعبت من كثر ماتقطين علي كلام اذ ابوي مسافر فهو يشتغل علشانا ومو جالس يلعب ترى انا ماعندي انك تجرحيني واسكت لك لالالا حبيبتي ذولا ربعك الي يجاملونكك موانا حاسبي ع كلامك الي تقطينه علي فاهمه... وفاء مستحييل خوياتي يجاملوني ابغى اتاكد من كلام نوف بس كيف اعرف انهم مصاحبيني علشان مصلحة بس فتحت بطانيتها وشعرها التصق بوجهه خليني اروح الحمام وانتو بكرامه دخلت الحمام غسلت وجهها بعدين مسحت وجها بالمنشفه توها بتنزل تحت الا اسمعت اذان العصر جلست تردد مع الاذان اللهم صل ع محمد وعلى ال محمد استغفرالله لاحول ولاقوة الابالله رددت دعاء بين الاقامه والاذان خليني اصلي بعدين انزل تحت راحت تدخل الحمام مرة ثانيه وانتو بكرامه توضت للصلاه بعد طلعت من الحمام وانتو بكرامه فرشت سجادتها تصلي ولبست شرشفها الله اكبر خلصت صلاتها جلست ع سجادتها استغفرالله استغفرالله استغفرالله تقراء اذكار الصلاه واذكار المساء بعد 15 دقيقه خلصت اذكارها صفطت سجادتها وحطتها ع التسريحة قالت خليني اغير الملابس وانزل تحت مو حلو انزل بالبجامه وفاء بنت جميله بس شايفه نفسها حييل نوف تكسر هالغرور لها .. تدرس ثالث ثانوي عمرها18 وفاء غيرت ملابسها لبست جلابيه لونها اسود خفيفة وناعمه نص كم ... شعرها رفعته كله ذيل حصان تقول حرررر لازم ارفع شعري.. تعطرة من العطر المفضل عطربربري .. خليني انزل تحت ماابغى اجلس وحدي بتضايق اكثر نزلت تحت درج معزول عن الصاله والصاله مسكره الباب مودي للحوش من الصاله ماحصلتهم في ولا في الغرفة ولا في الصاله وينهم ذولا سمعت أصواتهم برا الحوش راحت تشوف وش يسون في الحوش شافت أمها تشيل الرمل وتحطه في السطل لانه رمل متجمع وامها تحاول تشيله وهند ترش المويه ع الحوش وورافعه جلابيتها مربطتها ع خصرها لابسه بنطلون تحتها وفاء: وش تسووون هنا في هالحر هند توقف عن رش المويه: مثل ماتشوفين قاعدين نغسل الحوش تعالي معنا اشتغلي بدال منتي جالسه وفاء :لالا برجع داخل توي مغيره ملابسي مالي خلق اغسل في هالجو ام جاسر: روحي داخل اجل وش له واقفه هنا وفاء : ان شاءالله يمه بروح بس كنت ابغى اتكلم مع هند هند بخبث ماسكه خرطوم المويه رشت على وفاء وهي غافله وفاء شهقت كل ملابسها مويه وشعرها لصق في وجهه معصبه : ي الحماره والله ما اخليك هند تضحكككككك ونحشت وراء امها وتركت الخرطوم متمسكه بجلابية أمها : يمه تكفين خلي بنتك تحل عني والله ي وفاء حلو شكلك كذا ام جاسر: هند وخري عن ظهري مالي شغل فيكم كانكم بزران . خليني اخلص شغلي بس وفاء وجهه احمر من القهر توها متكشخه ومتعطره ياربي منها واقفه قدام امها:تعالي والله مااخليكك... وفاء مسكت الخرطوم هند تترجاها: تكفين هالمره سماح توبه ام جاسر: علشان خاطري خليها تولي عنك وفاء بقهر: الحين بطلع فوق اخذ شاور الله ياخذك ان شاءالله بس علشان امي والله كان رويتكك شغلك دخلت داخل البيت صعدت فووق تأخذ لها شاور ام جاسر:الله يهديك ي هند خليتيها في حالها الا غصب تشتغل معنا هند :لازم تترك عنها هالغرور وتتنازل شوي وش فيها اذا غسلت معنا بيطح نص عمرها . يلا يمه خلينا نخلص من الرمل المتجمع بشكل كبير كله من الغبار قبل يومين. الا يمه بسالك مافي اخبار عن اخوي جاسر ام جاسر متضايقه من تصرفات ولدها مفشلها في كل مكان : مادري عنه الله يهديه بس لو يسمع كلامي ويترك الي يمشي معهم هند: ادعي له بالهدايه الله يهديه ام جاسر : هذا انا داعي له بس مايطع وفاء جات بعد ماخذت شاور لابسه جلابيه لونها وردي فاتحه تاشر ع اختها: والله رشي مره ثانيه اعلمك.. المهم هند اذ خلاصتي الي في يداك ابغى اكلمك هند : طيب اذ خلصت جيتكك وفاء : طيب بروح اسوي شاي والقهوة ام جاسر: أي سوي وفاء دخلت داخل وهي ترد ع أمها : ان شاءالله . راحت المطبخ تركب شاي والقهوه ع النار وتصف البيالات الفنجايل في صحن وجهزت الدلال حطت لبتون 3 حبات في دلة الشاي ...و معلقه ونص هيل في دلة القهوة ركبت غوري القهوة ع النار وغوري الشاي حطت فيه فنجان سكر جهزت المكسرات والحب والشيبس بانواعها وشوكلاتات حطتهم في الصحن جلست ع كرسي طاوله الطعام في المطبخ تنتظر غليان الموويه "هند عمرها 23 متوسطة الطول طيبه حنونه شعرها قاصته لرقبته خلصت الجامعه جالسه في البيت تدور لها وظيفه ************************************** في بيت أبو محمد جالس في الحديقه في كرسي الحديقة طاوله وسط الحديقه في الحديقة عشب و مرجيحه ونافوره فيها مويه وكان يقراء الاخبار في جواله لما خلص من جواله حطه ع الطاوله ومسك في يده سبحه يعدد فيها وسرحان يفكر كيف يفتح الموضوع مع ولده محمد يبغى يخطب له وحده من بنات أبو ياسر بس المشكله اذا كان يبغى منيرة بنت عمه هذي مشكله اشوف ولدي وش يقول بعدين افكر في سالفة ابوياسر خليني الحين في موضوع سعاد ابومحمد يدخل داخل... الصاله مفتوحه ع اليسار غرفة الطعام وع اليمين الصاله غرفة المعيشه والدرج وسطها شاف ام محمد جالسه تشرب عصير بارد طازج جنبها فرح ماسكه جوالها ..جلس في صدر الصاله : الا ي ام محمد وين سعاد .. ماشوفها جالسه معكم ام محمد تحط الكوب في الطاوله: من هاوشتها ذاك اليوم مانزلت لها يوم كامل.. اليوم ماشفتها ابومحمد انصدم: شنهو من ذاك اليوم !! مهبوله تحبس نفسها وش فيها انهبلت بنتك والله مو في صالحها تسوي في نفسها كذا عسى تاكل ولا حارررمه نفسها من الاكل بعد ام محمد : وش تبغاني اسوي بنتك ماتبغى عامر فرح تغير الموضوع: لا يبة ماكلت شي من امس رحت كلمتها قلت لها تعالي اكلي قالت مالي نفس ابومحمد :فرح يمه روحي شوفي اختكك وناديها قولي لها ابوي يبغاك فرح قامت : ابشر.. توها بتصعد الدرج الا اختها في وجهه يبه هذا سعاد جات بنفسها سعاد تنزل الدرج فرح ابتعدت عنها راحت تجلس جنب أمها.. سعاد نفسيتها في الحضيض ومصدعه وعيونها حمرار من قلة النوم وتفكير ماودها تكلم احد تحسفت انه ماسالت اختها قبل لاتنزل كان ابووها هنا ولا لا .. سعاد جلست في الكنبه مقابل امه وواختها ابومحمد: اسمعي ي سعاد الي جالسه تسوينه ماراح يغير من رايي سامعه انتي بتاخذين عامر يعني بتاخذينه ف احسن لك تقبلي موضوع الخطبه لاتقعدين تسوين لي أفلام هنديه او روايات الي تقرينها حنا في الواقع خلك عاقله مثل ماربيتك فرح ماسكه جوالها سكرته تسمع ابوها شيقول لاختها بهمس ل امها : اوووخص ابوي يعرف روايات وافلام هندي هههههه ام محمد :سكتي ليجيك دورك الحين فرح : ان شاءالله يمه سعاد ساكته ولاترد ع ابوها بكلمه ابومحمد: وش عندك بعد ساكته ليكون اكل القط السانك ردي عليه سعاد برود العالم كله : وش تبغاني أقول لك خلاص انت قررت وانا انفذ صح ابومحمد يحاول يهدي من حاله: انتي ليه ماتفهمين اني ابغى مصلحتك وترى ادري انك حاطه في بالك ماتتزوجين ابد بس شيلي هالفكرة من راسك واسمعي بكرا لازم نروح المستشفى نسوي التحاليل ولاتتحججين لي عندك شغل انت هاليومين غايبه بعد بكرة غيبي سمعتي وش قلت سعاد بضيقه لو تقدر تهرب كان هربت بس ماتقدر بصوت خافت : ان شاءالله قلت لك سو الي تبغاه ماعاد يفرق معي سواً تزوج ولا لا ابومحمد والله وده يقوم يسطرها كف ع وجها : أقول سعاد اعقلي لاتشوفين شي عمرك ماشفتيه مني سعاد رجعت لسكوتها مرة ثاني هزت راسها ل ابوها ان شاءالله طلعت من الصاله راحت المطبخ ابومحمد: الله يهديها بس مادري متى تفهم ..المهم ام محمد اسمعي اذا خلصت بكرة التحاليل راح نحدد الملكه بعد اسبوع سمعتي يعني جهزوا عمركم أم محمد : ان شاءالله انت بس هدي حالك والي تبغاه بيصر ابومحمد : ان شاءالله عن اذنكم بطلع فرح وام محمد : اذنك معك فرح ابتسامه : ي سلام بيصر عندنا ملكه واخيرررراً ام محمد تضحكك ع هبل فرح : قولي الله يتمم ع خير فرح: امين سعاد في المطبخ: ماري وش فيه اكل؟ |
رد: انا بطبعي الوفاء بس في الحب خوان
ماري جالسه ترتب المطبخ :باتا (باستا ههه) في هذا معدنات ( معجنات هههههههه ) في تبول وثاورما ميني
سعاد جلست الأرض متربعه: عطيني شاورما 2ومعجنات وتبوله وجيب بيبسي اذا فيه ماري : ماما لايجلس في الأرض مافي كويس سعاد مو مهتمه : عادي بس وسوي الي قلت لك عليه .. أصلا يازين جلسة الأرض ماري تسخن له شاورما ومعجنات ع المكرويف حطتهم لها في الصحن وحطت لها تبوله وحطت فوقه لميون وجابت لها ملاحة وشطه لشاورما وجابت لها بيبسي بارد حطت الصحن اقبلها : تفزلي ماما كُلِ سعاد تضحكك ع كلامها : تفضلي مش تفزلي هههههه والله شر البليه مايضحك الله يسعدك ماري ماري ولافهمت من كلامها شي تهز كتوفها ههههههههه سعاد جالسه تاكل : ييمممممممممممممممممممي لذيذ مادري ليه حارررمه نفسي علشان عامر طـــــــــــــــــــــــز فيه ******************************** هند بعد مخلصت الحووش راحت تأخذ شاور نزلت تحت أتجههت للمطبخ شافت اختها سرحانه : وفاء وش فيك متضايقه شوفي غوري الشاي يغلي وفاء انتبهت ل هند بس بسرعه راحت تطفي النار تزل الشاي : مافيني شي بس انا تهاوشت مع بنت عمك هند بستغراب : أي بنت عم تعرفين حنا عمامي ماشاءالله كثار وفاء بكراهيه وهي تشوف غوري القهوة يغلي تحط في الغوري قهوة وزعفران تقصر ع نار : نوف هند تروح تجلس ع الكرسي : وش قلتي لها وفاء: صراحه هي الي تستفزني هند: وش قالت لك وفاء : قالت لي بسخريه ها وين سافرتوا هالمره هند بحده: طيب كملي لا تسكتين اخذي الكلام منك بقطاره وفاء جلست بالكرسي الثاني مقابل اختها: قلت لها ليه منقههر انتي ان ابوك ما يسفرك قالت لا انقهر ولا شي ابوي مسافر برا يشتغل من علشانه يشتغل علشاننا عادي عندي اخوي رودي يطلعني ويسافرني اذ بغيت قلت مسكينه ابوك كل مسافر واشك انه متزوج ع امك عاد هنا هي انقهرت وماتت حره قامت تقط علي كلام يجرح قالت لي انتي من يبغى يماشيك مغروره وشايفه نفسك مادري وش عليه وع فكره نص الي يماشونك يجاملونك ولايحبونك ولاشي هند حطت يداها ع راسها : ي وفاء انتي ووش غبرتي راح تكلمينها علشان تعايرينها انه عمي كل مسافر والله انك مهبوله ...... واحنا كل صيف نسافر تقهرينها احسك بزره مانتبهوا انه في احد برا سمع الكلام كلها وفاء بعيونها دمووع من كلام نووف عنها: تستاهل خليها تولي هي دووم تقهرني تعالي بسألك والله تجاوبيني بصراحه بدون لف و لا دوران فاهمه انا بسألك تشوفيني صدق مغروره ولا أحد يتقبل يصادقني يعني اصدقائي يمشون معي مصلحه هند : صراحه أي انتي مغروره ما تشوفين الناس الا من طرف خشمكك وكل اللي يمشون معك يجاملونك انا اسفة بس انتي طلبتي الصراحه دخل جاسر المطبخ ما قدر يصبر واخته تسب حبيبته وخطيبته من الباب الخلفي ويناظر اخته وفاء:تستاهلين وهذ اقل من جزاك وان شفتك مرة ثانيه تجرحين نووف اوتقولين لها كلام يجرح ما تلومين الا نفسكك فاهمه ترى عقلك صغير تقومين تعايرينها انه عمي مسافر عنهم تراها وقاحه وفاء تبكي : مفرووض تدافع عني انا موهي جاسر معصب قرب من اخته مسكها من كتوفها ويهزها كأنه ورقه : انتي ليه ماتفهمين من الغلطان انتي ولاهي!! وفاء سكتت عرفت انها هي الغلطانه طلعت من المطبخ بخطوات سريعه راحت غرفتها تبكي جاسر جلس ع كرسي: هند تكفين عطيني كاسة موويه نشفت ريقي اختكك هند : طيب جابت له علبة مويه : تفضل . راحت تشوف القهوة زلتها في دله اللي جهزتها اختها وحطتهم في صحن وشالتهم واقفه عند الباب : تبغى قهوة وشاي تعال الصاله جاسر لبس طقيته وغترته ع كتفه : طيب بلحقكك طلعت من المطبخ متوجهه لصاله .جاسر لحقها : الا هند وين امي هند : امي في غرفتها.. وهي تصب لها الشاي تبغى شاي جاسر يأخذ له كندر بوينو صبي لي قهو بس هند تصب له القهوة تمد له الفنجان : الا بسالك غريب جاي البيت مبكر موعادتك انت تقعد برا البيت الى الساعه خمس الفجر جاسر يعدل جلسته يحط رجل ع رجل : والله انا حر متى مابغيت ارجع مبكر متأخر مالك دخل فاهمه هند ماتعجبها تصرفات اخوها: الله يهديك بس جاسرياكل الكيندر : الله يهدي الجميع ان شاء الله ... صبي لي القهوة دخلت في المخخخ يازينها زيناه هاذي القهو ولابلاش هند تحاول ترتب كلامها ماتبغى يعصب عليها دامه مروق: جاسر انت ليه ما تبتعد عن الي تماشيهم هم الي خربوا سمعتكك جاسر بعصبيه خفيفه: انتي وش دخلك ان شاءالله لو يقولون لي طب النار بطب والله هذا اللي ناقص بعد اختي تعلمني أقول بس صبي لي قهوه وانتي ساكته أي والله ما باقي الا تراقبيني بعد وين رايح وين جاي هند اسكت احسن لي تعبت وهي تقنع اخوها انه يبتعد عن الربع ذولا هم سبب في دماره كم مرة تكلم ويتهاوش وياها :زين بصب لك كيفك انت الي بتضيع حالك جاسر: أي كيفي اجل بكيفك هند فضلت انه تسكت ام جاسر في غرفتها كاني اسمع حس جاسر طلعت من غرفتها متوجهه الى الصاله : وانا أقول منور البيت جاسر عندنا جاسر يقوم يبوس راسها ويضحكك يرجع يجلس: يمه تطنزين علي ام جاسرتجلس جنب هند بسخريه: دامك عارف ليه كل وقتك برا البيت قبل أسبوع سمعنا انك ذابح لك واحد باقي شوي تخلص عليه وين العقل ياجاسر الكل اللي كانوا يحسدونك عليه .... هند يمه صبي لي قهوة هند : ان شاءالله يمه ... تصب لـ أمها قهوة: سمي يمه ام جاسر : سم الله عدوك جاسر بحسره : الا يمه مليت بس وش اسوي صعب الي تطلبونه مني ام جاسر بحسره ع ولدها :ي وليدي شوف انت وش مسوي في حالك سمعتكك صارت زي زفت عند اللي يسوى واللي مايسوى جاسر يتنهد : يمه تكفين لا تعورين قلبي ب كلامك انا مااقدر ابتعد عنهم الله يخليك افهميني ام جاسر: وش افهم .... علمني فهمني خذني ع قد عقلي ....انا اللي فهمت اني مربيتك عدل جاسر قام ويحط يده ع فم امه : يمه تكفين لاتقولين هالكلام ...وكل شي بوقته حلو بس انتي ادعي لي ام جاسر ترفع يده الى السماء: الله يحفظك ويحميك من عيال الحرام جاسرمن قلب : امين ..وقف أي يمه اخليكك بروح اريح من امس مونايم ام جاسر : روح ي ولدي ريح نوووم العوافي جاسر يبوس راسها وينزل يبوس رجيلاتها: الله يعافيك يارب هند تسمعهم وهم يتكلمون وساكته ولاكلمه تبغى تخليهم ياخذون راحتهم ام جاسر فقدت وفاء : الاهند وين اختك وفاء هند :صعدت فوق ام جاسر : غريبه ليش ماجلست تقهوى هي مسوي القهوة هند ماتبغى تقول لامها وش سوت وفاء خلاص كافي جاسر هاوشها ان شاء الله تصحى ع نفسها: أي يمه قلت عندها واجبات علشان كذا راحت تخلصهم وتنزل ام جاسر: اذا كذا الله يوفقها .... صبي لي قهوة هند : امين صبت لـ أمها فنجان قهوة مدت لها جاسر شخصية له حضوره هيبه طويل وسيم اسمر شخصيته غامضه عمره 34 راح تكتشفونه من خلال الاحداث سمعته زفت بندر 30 طيب يشتغل مدرس ملامحه عاديه ماله ظهور كثير في الروايه *********************************** في بيت ام زايد تحديد في غرفة جمان جالسة ع سريرها ترتب اوراق البحث اللي طلبت منهم دكتوره جمان : يارب ان شاء الله يعجبها عاد ذي مايعجبها العجب ..... انتبهت على ضوء جوالها حطته ع صامت رقم ظل مده طويل يتصل : خليني اشوف من هو.. الوووو من معي البنت : لا لالا زعلت منك مسرع مانسيتيني جمان : صدق من معي ماعرفتك البنت : انا كلمتك قبل يومين علىشان اشكر زوجك جمان تقطع عليها الاسترسال بلكلام: يعرفتك ي هلا بس ماعرفتيني باسمك البنت: صح اسفه انا غلطانه بعد معك الهنوف ام سعد جمان : ي هلا بالهنوف الهنوف : هلا بيك زود بس حبيت اسالك عادي اجيك اليوم جمان توقف : حياك الله في أي وقت الهنوف بمكر: خلاص بجيك بعد صلاة المغرب جمان ترجع شعرها ع وراء: حياك الله الهنوف :الله يحييك .... سكرت منها ************************************** في مكان اخر بعيد جدا عن اراضي السعوديه فرنسا تحديدا باريس’’مشهورجدا شارع الشانزلزيه وهو كذلك من ارقي وافخم الشوارع السياحة والتجاريه في العالم ,توجد بالشانزلزيه ارقى المحلات التجاريه العالميه والمطاعم الراقيه مثل مطعم بيتزا بينو كما تكثرفي الشانزلزيه المقاهي ع جنبات الرصيف والطرقات الجانبيه ’’ في نهاية الشارع يوجد قوس النصر احد معالم المدينه منقوول مزدحم بالناس ’’ فهد يتمشى في شارع الشانزلزيه وحاط يده في جيوب بنطلونه لابس بلوزه حمراء بنطلونه جينز اسود وهومتضايق جدا مايدري ليه هومتضايق كان سرحان وهويمشي يشوف هالعالم رايح و راد تذكر انه خلاص باقي له كم يوم ويرجع السعوديه رجع بذكرياته وراء يوم انه يسافر علشان يدرس تذكر لما كان واقف مع سيف يتكلم معه ويقول له انه مايبغى يتزوج بهالطريقه وبذات بنت خاله مايبغاها وده يقول لخاله بس خاله بيفهم خطاء ان البنت فيها عيب بس مايقدر...... ولي قاهره اكثر لما شاف في جايه له ولا بكل وقاحه ترفع صوتها عليه وقدام خوييه والله بغيت امسكها من شعرها واعطيها ذاك الكف اللي يعلمها كيف تتكلم رجال مايحل لها بس ماقدرت اولا وجود سيف منعني ثانيا لانها نحاشت من قدامي ..... والله من ذاك اليوم وانا فيني حره عليها يلوموني لما اقول ماابغاها صبرك علي يا في خليني بس ارجع وأوريك شغلك تضايق اكثر من سيرة في لو اني اللحين في سعوديه كل ماتضايقت امسكك خط ع مكه ع طول اه ه ه ه ع طاري مكه مر على وفاة امي وابوي واخوي 10 سنوات كان الحين موجودين الله يرحمهم اخوي عمار كان عمره في ذاك الوقت 20 وانا عمري 17 لوانه عايش الحين كان عمره30 الله يرحمه كان يحلم انه يصير مهندس هذا انا يااخوي حققت لك حلمك طاحت دمعه من عين فهد لانه افتقد امه وابوه واخوه لانه صار يتيم من دونهم انا مارحت معهم لاني كنت نايم حاولوا يصحونيبس نومي كان ثقيل .... بس سبحان الله كان الله كتب لي عمرجديد وهم راحو بعدها مارجعوا راحو بحادث سير شاحنه طلعت عليهم مسرعه فهد يمسح دموعه اه ه ه ه يالله انك ترحمهم برحمتك انا عايش عند جدتي بأردتي اول شي لانها لحالها في البيت مع خدمتها مافي البيت بنات اتغطى منهم وثاني شي عمامي ماقصروا معي قالوا بيوتنا مفتوح لك اروح لهم زيارة بس لاني ماأقدر أجلس عندهم في بيوتهم بنات وبعد ماقصروا الراتب ابوي يعطوني إياه شهرياً **************************************** بعد صلا المغرب في بيت ام زايد جمان ترتب غرفة الضيوف مجهزه القهوة والحلا المالح ومعجنات ولوازم السهره حتى البارد حاطته و المويه جمان عطت أمها خبر انه بتجيها وحده من البنات قالت أخليكم تاخذون راحتكم انا في غرفتي اذا تبغين شي قالت لأمها ماراح احتاج شي تسلمين يمه سمعت الجرس يرن طلعت للحوش : طيب طيب كاني جايه جمان فتحت الباب دخلت الهنوف مع ولدها وشايله كيس معها : السلام عليكم جمان تسلم عليها : وعليكم السلام ي هلا باست سعد: كيفك ي بطل انت شاطر سعد ابتسامه : أي انا شاطر لانه استاذي الوليد طيب مررره معنا ابتسمت جمان له: شطور سعودي .... انتبهت الهنوف وهي تكلمها الهنوف : هلا فيك زود عادي افتح نقابي في احد هنا جمان : خذي راحتكك مافي احد هنا ... تعالي معي دخلتها غرفة ضيوف : ي حيا الله من جانا الهنوف تجلس بس فسخت نقابهاوشيله ع كتفها (جمان جميله ويحق لك يالوليد ماتبتعد عنها بس صبرك علي يالوليد’’ سعد ولدها عاقل موؤدب جالس يلعب بجواله جمان جلست جنبها وتصب لها قهوه تقدم لها الحلا : تفضلي الهنوف : زاد فضلك الا بغيت اسالك انتي ساكنه هنا وحدك جمان : لا والله معي امي الهنوف وهي تشرب القهوة: اها ... الحمدلله اني شفتك والله ودي انك تشكرين الوليد عني جمان تضايقت لانها نادت اسم الوليد حاف بدون أستاذ: ان شاءالله يوصل الهنوف : ماعليك امر تجيبي لي مويه جمان : جنبك المويه الهنوف : لالا هاذي حاره ابغى ابرد من كذا جمان مستغربه توها حاط المويه وهي بارده بعد : طيب بروح اجيب لك ..جمان طلعت من غرفة الضيوف وفتح الباب الهنوف تراقب كان احد يشوفها تفتح شنطتها طلعت منها كيس صغير.....قامت حطتها في بياله شاي لجمان بودره بيضه وحركتها بمعلقه شافت جمان جات ارجعت مكانها بسرعه ونظفت الطاوله من البودره جمان بابتسامه بريئه: تفضلي المويه .. جمان جلست اخذت بيالتها الهنوف جلست تراقبها: تصدقين المويه لذيذه ترجعك للحياه جمان تشرب من البياله : أي الحمدلله ع نعمة المويه .... تأخذ رشفه ثانيه الهنوف قامت بعد ماتاكدت انها شربت من البياله : يالله لازم امشي الحين جمان قامت : وين توا الناس اجلسي تعشيي معنا الهنوف: لالا مشكورة ماتقصرين ترى اللي اكلته يكفي وزود ماقصرتي تاخذ الكيس اللي جابتها معها تفضلي هذي هديه من سعد ولدي لأستاذ الوليد جمان تبتسم ل سعد: سعد مشكور يابطل راح أقول انه منك سعد : مشكوره سلمي عليه زين جمان : زين الهنوف : يالله ي سعد السواق برا مع السلامه نشوفك مرة ثانيه تلبس شيلتها ونقابها (لهالدرجه في الناس طيبه كذا مسكينه ياجمان جمان توصلها الى عند باب الشارع :حياكم الله الهنوف : الله يحييك ..... طلعت راحت تركب سياره وقالت لسواق :روح بسرعه للمطار جمان سكرت الباب دخلت دخل البيت ******************************** |
رد: انا بطبعي الوفاء بس في الحب خوان
ساعه التاسعه
ناصر كان يتمشى بسياره الحمدلله خذت اوراقي و اغراضي من الشركة بكرة اداوم في الشركة الجديده الحمدلله هذا من فضل ربي باقي نخلص من امور السفر ودي اليوم اسافر بس احاتي اختي رحيل اخاف ابوي يزوجها غصب عنها مثلي الخوف اكثر اذا كان ولد عمي والله اذا ابوي سواها إعلنها حرب اهم شي اختي ماتاخذ هالسكير يقطع سرحانه اتصال من خالته : هلا خالتي امرري ام فارس بعجله : مايامر عليكك عدو بس ابغاك تودي بنت بنتي نور المستشفى تعبانه خوالها موهنا لو ماجيت في بالي كان مااتصلت عليك ناصر بزعل: افا ي خاله موعادتني ولدكك زعلت خلاص ام فارس : لا والله انتي وليدي اتشرف بعد ناصر: لالالالا زعلان منك ام فارس بعصبيه خفيفه: نويصر وبعدين معك وقتك تزعل البنت بتموت علينا ناصريبتسم : أي اللحين عرفت اني ولدك مسافة سكه وانا جايك بجيب معي اختي رحييل علشان تروح معي ام فارس : أي مومشكله انا انتظركم ناصر سكر من خالته وغيرطريق رجعت البيت ناصر اتصل ع رحيل يكلمها علشان تروح معاه "*********************************** في شريكة ابوعامر المكتب حقه فخم طابع عليه لون البني وذهبي هو في شركة نائب المدير عامر جلس في المكتبه مسك قلم يشخبط فيه ع الورق خطوط دائره وهو سرحان ابتسم توه عمي مسكر مني يبلغني انه بكرة لازم نسوي تحاليل اخييرا حلمي بيتحقق باقي خطوه وتصير سعاد حلالي يالله تيسر امورري انا سعيد جدا اليوم ودي كل العالم يكون مبسوط معي ولابعد بكره بشوفها واللي اسبوعين ماشفتها اشتتقت لها ياليت تحس فيني شوي والله شكل راسك عنيد ي سعاد بس انااللي بلينه و بروضككك ****************************** ناصر واقف قدام بيتهم ماسك الدركسون : يلا ي رحييل ترى انا عند الباب انتظركك لاتتاخرين رحيل تلبس عبايتها بسرعهه: طيب دقايق .... أي بعد بعطي أمي خبر اني بطلع ناصر :أوكي المهم لاتتاخرين رحييل : زين ..... تركض بسرعه من غرفتها الى الدرج ام ناصر كانت بتصعد فوق الا قابلت رحييل وقفت قبل لاتصقع أمها: ووش فيك كذا.. بطير دنيا علشان تركضين تسالها بأستغراب ....وين بتروحين لابسه العبايه رحيل تتنفسس : أي يمه انا مستعجله لانه ناصر ينتظرني برا لانه بناخذ نور بنت بنت خالتي المستشفى ماعندها احد يوديها ام ناصر : طيب لاتتاخرون رحيل بعجله : طيب .... طلعت بسرعه سكرت باب البيت راحت ركبت السيارة وسكرت الباب: تاخرت عليك ناصربعجله علشان مايتاخرع خالته : لا ...... حرك سياره مبتعد عن بيتهم رحيل تسسال: وش فيها نور ياقلبي عليها مشتاقه لها ناصر يلف يمين الا في وجهه إشارة حمراء وقف : ذي وقتها الإشارة اوووف ... ماادري عنها خالتي تقول انها تعبانه مالقت احد يوديها المستشفى اتصلت علي رحييل : أي ....... طيب أمها وينها عنها ناصر موطايق هالزحمه واختى تكمل عليه باسالتها: وش دراني انا شايفتني ولي امرها علشان تساليني عنها رحييل : لا قلت يمكن قالت لك خالتي ناصر: لا ......يعني لاتسالين بعدها رحييل فهمت انه اخوها مايبغى يسولف بعدها ساد صمت السيارة أضاءت الإشارة بلون الأخضر حرك مسرعه متجهه بيت خالته ******************************* في بيت ام زايد تحديد في غرفة المعيشه جمان جالسه وحدها تتابع مسلسل حاطه التلفزيون ع صامت ....... تكلم نوف ع الواتس تسال بتداوم بكرة ولا لا حست بمغص خفيف قالت عادي باكل بنادول ويروح توها بتقوم الادنيا تدور براسها حذفت الجوال راحت تركض للمغاسل ترجع تحسس سكاكين تقطع في بطنها قالت وش اكلت انا من المغرب مااكلت شيء بموووت وجهها صار احمر حرارتها ارتفعت طلعت من الغرفه وهي ماسكه بطنها : بموووت تمشي يمه وينك يمه ألحقي علي يمه بموووووت ........طاحت وغمى عليها كـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــت |
رد: انا بطبعي الوفاء بس في الحب خوان
وهذآ هو البآرت ....قراء ممتعه
البارت العاشر ام زايد جالسه في غرفتها تقراء وردها اليومي يتخيل لها انه سمعت جمان تصرخ قلت لازم اتاكد طلعت من غرفتها جالسه تدور ع جمان قالت خليني اروح غرفة المعيشه مالقتها غريبه فاتحه التلفزيون وهي موهينا راح تبحث عنها توها بتروح المطبخ الاشافتها طايحها جنب المغاسل راحت لها بخطوات واسعه جلست ع ركبها ام زايد بخوف ع بنتها حطتة راسها في حضنها تبكي : جمان يمه وش فيك ...جمان جمان ......جمان يمه ردي علي .... خليني اتصل ع زايد الحمدلله جوالي في مخباي عدلت جلستها سحبت الجوال من مخباها تتصل ع زايد مانتظرت كثير الا رد عليها زايد ابتسامه: هلا بالغاليه تو مانور جوالي ام زايد صوتها في البكي : يمه تعال الحق ع اختكك مادري وش فيها تكفى تعال بسرعه لاتتاخر سمعت زايد خاف: يمه وش فيها اختي سلامات ام زايد بضيقه ووهي حاطه راسها ع صدرها: تعال مادري وش فيها تعال الحق عليها قبل لاتموت ولاتسالني تعال وبس زايد بعجله وخوف ع اخته: بسم الله عليها ان شاءالله مسافة السكة وانا عندك ام زايد تبعد راس جمان عن حضنها تحطه ع الأرض بشويش تجيب عبايه لها ول بنتها ********************************** في بيت ابوياسر * * في جلست من نوم متضايقة تحس بضيقه كاتمه ع صدرها تحرك يداها ع طاولة الكومودينو علشان تشغل الاباجوره ولعت النور بعدها اخذت جوالها شافت الساعه 22 :9 م. دقيقه رجعته مكانه في الدرج يالله كل هذا نووم ياربي اغفرلي راح وقت الصلاه كافي اني احس بضيقه مادري وش السالفه تضايقت اكثر اني ماصليتهم في وقتهم بعدت عنها البطانيه طفت المكيف شغلت أنوار الغرفه راحت الحمام وانتوا بكرامه خذت المنشفه حطتها ع كتفها غسلت اسنانها وغسلت وجها ومسحت وجها بالمنشفه بعدها توضت طلعت من الحمام وانتوا بكرامه صلت صلواتها الفايته استغفرالله يارب اغفرلي والله راحت ع النومه المفرض امي ولمياء ماخلوني نايمه كذا جلسوني اصلي استغفر الله ========================== قدام باب بيت ام زايد وصل زايد طلع من السياره من خوفه ع اخته ترك باب السياره مفتوح يحاول يفتح الباب ارتبك طاح منه المفتاح بسرعه خذه من الأرض ظل يحاول الين فتح معه الباب خله مفتوح والمفتاح فيه ...دخل يركض داخل البيت : يمه وينك ام زايد دموع في عيوونها من الخوف انها تفقد بنتها جالسه تلبس جمان العبايه أي كلام : هنا عند المغاسل يمه بسرعه تعال اخذ اختك ... ولبست عبايتها زايد راح لها يركض شال اخته مو وقته يسال امه وش الي صار لها بسرعه راح يركض وهو شايلها امه تلحقه زايد وقف عند السياره: معليكك امر يمه افتحي الباب ام زايد فتحت الباب له حطها وراء : انا بجلس جنبها ركبت السياره زايد مقدر حالت أمه وهو بعد خايف ع اخته.. سكر الباب .. رجع سكر باب بيتهم واخذ المفتاح بسرعه ركب السياره و حرك مسرع من بيتهم يسوق السيارة 200يمشي قطع كم اشاره ساهر يلتقطه يلتف ع وراء ها يمه صحت ام زايد : لا الله يحفظها يارب والله ليصير فيها شي بروح وراها زايد يرجع ينظر قدام : ان شاءالله مافيها الا كل خير ... بسم الله عليك يمه وصل المستشفى بسرعه حتى انه سحق البريك بقوة ************************** *************** بيت ام فارس "خالة ناصر" ام فارس شيل نور ع كتفها نور تبكي الحراره لاعبه فيها لعب جالسه في مجلس الرجال علشان تسمع الجرس اذا دق: خلاص ماما حبيبت جدتها خلاص حبيبتي الحين يجي خالو ناصر خلاص ماما نور تبكي وتشاهق: جدوه يعور.. تاشر ع راسها ام فارس تبوس راسها: خلاص حبيبتي الحين تروح مع خالوه ويروح الم عند الباب وصل ناصرونزل من السياره : يلا رحيل انزلي علشان تسلمين ع خالتي وتاخذين نور رحيل تفتح الباب: يلا هذا انا جايه معك ناصر يطق الباب ام فارس طلعت من المجلس وهي شايله نور ع كتفها فتحت الباب لانها قريب من الباب: هلا ناصر حياك ادخل .... ناصر ورحيل دخول : وعليكم السلام هلا خالتي وشلونك عساك تمام والله اني مشتاقه لك يبوسها ع راسها ويدها رحييل سلمت ع خالتها : وشلونك ي خالتي عساك تمام وشلون البنات ام فارس : الحمدلله تمام اشوفكم كلش واصلين الله هديكم بس ناصر : والله تعرفين الشغل ماخذ كل الوقتك .... يلا خالتي عطي نور لرحييل رحيل : اعذرين ي خالتي مع انه مالي أي عذر ام فارس : الحين انتو روحو بعدين اذ رجعتو احسبكم ع قاطعه مدت نور الرحيل قامت تبكي ماتبغاها... اها حبيبتي هذا خالتو رحيل رحيل : تعالي حبيبتي اعطيك حواوه نور بدلع : لا لا ما ابغاها تاشر ع ناصر ابغى خالو ناصر يبتسم لها : تعالي حبيبية خالها شالها ...... رحييل ماتبغاك غصب تاخذينها صح نور حبيبتي اخذها من خالته نور حطت راسها ع كتف ناصر .... يلا خالتي مانبغى نطول عليها جسمها مولع من الحراره يلا رحييل ام فارس : أي الله يعطيكم العافيه بحفظ الله ناصر راح بسرعه يركب السيارة ولحقته رحيل ركبت السيارة سكرت الباب بسرعه حرك مبتعد من بيت خالته *********************************** المستشفى زايد بسرعه شال اخته يركض فيها داخل بسرعه و امه تلحقه بخطوات واسعه طوارى : بسرعه سستر جيب سرير تكفين استدعي دكتور او دكتورة سستر بأسلوب راقي جدا: ان شاءالله راحت تركض تجيب سرير علشان يحطوان المريضه عليه .... كلمت دكتوره عبير بالمكرفون ... يرجى حضورك في حاله طارئه هنا بعدين اخذو اخته للغرفة علشان يعالجونها سوو لها اشعه وتحاليل دكتوره جات بسرعه دخلت : وش المشكله سستر : حالة التسمم دكتوره : بسرعه سوي لها غسيل معده سستر بسرعه : ان شاءالله دكتوره برا الغرفة زايد جالس وامه تروح وتجي : يمه تكفين اجلسي مو زين الي تسوينه هي تحت رحمة الله يمه علشاني ام زايد دموعها بللت الغطاء حقها تجلس جنبه: زايد والله انها بنتي اليوم مافيها شي كانت جالسه معي تمزح وتضحكك فجاءه اشوفها طايحه يالله انك تحفظها لي يالله يارب ي ارحم الراحمين يالله وهي تبكي زايد ماقدر يتحمل كلام امه دمووعه طاحت و حضن أمه : يمه تكفين لاتقطعين قلبي ببكاك ان شاء الله انها بخير بعد نص ساعه من الانتظار طالعت الدكتوره من الغرفه قام زايد بعد ماشف الدكتوره : ها بشري عساها بخير دكتوره لابسه بالطو طويل لابسه نقاب ضيق بالحيل ع عيونها ساتره ... بأسلوب مؤدب وراقي: هي الحمدلله عدت مرحلة الخطر لانه لو تاخرتوا كان ماتت بس الحمدلله ...راح تظل تحت ملاحظه 48 ساعه ام زايد: الحمدلله الحمدلله الله يجزاك خير ي دكتوره الله يوفقك دكتوره قربت من ام زايد باست راسها : مشكورة يمه ماسويت شي هذا كل من فضل ربي هو الي عاد الحياة زايد وقف بعيد عنهم : الا ي دكتوره ماقلتي ليه وش سبب الي خلاها يغمى عليها ؟؟. الدكتوره: حالة تسمم ... البنت وش ماكله هي متسممه ب سم قاتل كان يودي الى الوفاه الا رحمة ربي انقذتها الحين هي في غيبوبه مؤقته اذا صحت الححمدلله عدت ع خير ... ان شاءالله انها تصحى بس اذا ماصحت راح تدخل في غيبوبه طويله ام زايد تجلس ع الكرسي من هول ماسمعت : لا ان شاءالله انه تقوم زايد : يمه تصّبري وقومي صلي وادعي لها ...الله هو الي بيشفيها .... دكتورة عادي امي تنام عندها الدكتوره : مو مشكله عن اذنكم الله يشفها لكم زايد و ام زايد : اللهم امين ... الله يعطيك العافيه دكتوره الدكتوره بأدب واحترام ل ام زايد : الله يعافيك يمه وهذا واجبنا .....راحت مبتعده عنهم ام زايد دخلت الغرفه الي منومه فيها بنتها شافت في الغرفه حمام دخلت تتوضا علشان تصلي ************************************** في بيت ابو الوليد الوليد كان جالس في المكتب يحضر الدروس ل بكرة ع الاب وجدول الخطه الجديده للاسبوع الجاي الواتساب ازعاجه بـ الرسائل واحده ورا الثانيه قال خليني اشوف هالمزعج .... فتح الواتس شاف رقم الغريب الي دوم يزعجه الي هي ام سعد هو تعب من كثر مايعطيها حضر ترجع له برقم جديد( انا الوليد ترفضني علشان وحده اسمها جمان.... انا أي شي ابغى أوصل له حتى لو كانت ماتبغاني فاهم المهم عظم الله اجرك في جمان ههههههههههههههه نشوف الحين كيف تسوي حالك انك مؤدب و خلوق ماتكلم بنات خلق الله ماتلعب ع احد لالالا هذا الكلام تقص ع جمان وينها الحين الله يرحمها قلت لك مومشكله انك ماتزوجني نكون ربع قلت ي بنت الناس بعدي عني وانا واحد اخاف الله ... تضحكك علي بـ هالكلام ههههههههه وضح انك تخاف الله ... اجل ليش كلمتني .....انت لي مو لها سامع )الوليد في حال مايعلم فيه الا الله مادري شكلها ....تكذب طيب ليش متاكد راح طلع من المكتب بخطوات واسعه ينادي ع اختى ورده : ورده وينك ورده جالسه جنب امها وتاكل حب وترمي القشور ع الأرض: انا هنا الوليد امر الوليد: تكفين اتصلي ع جمان شوفي بخيرر ولا لا ورده مستغرب من توتر اخوها: ليه وش فيها انت مسوي لها شي الوليد بعصبيه خفيفه: ذا وقتكك الحين تسالين دقي عليها وانتي ساكته ام الوليد: وش الي صايير يا الوليد وليد من التوتر والخوف ما انتبه لـ امه انها جالسه هنا : يمه انتي هنا ما انتبهت لك ......مادري يمه وصل لي مسج حبيت اتاكد انها بخير ام الوليد : وش الي خلك تشك انه فيها شي؟؟ الوليد :مادري يمه .... بس احساس جاني كذا (ماحب يقولهم انه في وحده حقيرة مأذيته في حياته والحين الأذى وصل لجمان ) ورده : ان شاءالله ... الوليد ماحد يرد الوليد خاف انه فعلاً صار فيها شي: طيب أي دقي ع أمها... تحركي بسرعه ورده مقدره حاله اخوها دقت ع ام زايد بعد ثانيه ردت : هلا خالتي شلونك عساك تمام ام زايد بصوت مبحوح من البكي : الحمدلله بخير انتو شلونكم عساكم احسن الوليد ياشار بيده اساليها بسرعه: الا خالتي بسالك وين جمان اتصل عليها ماترد ام زايد تبكي: بنتي تحت رحمت ربك في المستشفى منومه ورده بصراخ : ايش وش فيها ....الوليد معصب منها وش فيها بهمس :اصبر اشوي |
رد: انا بطبعي الوفاء بس في الحب خوان
ام زايد : والله مادري وش ماكله تعرضت لحالة تسمم حاد كانت بتروح فيها الحمدلله لحقنا عليها بنتي كانت بتضيع مني ورده بكت : الحمدلله ياخالتي ان شاءالله ماتشوف شر اخليك الحين خالتي نقدر نزوها الحين ام زايد : الحين لا ماتقدرين تعالي بكرة العصر ورده الدموع في عيونها: ان شاءالله بكره نجي السلام عليكم ام زايد : وعليكم السلام ورحمه الله بركاته الوليد: وش فيها تكلمي بسرعه اشوي وانفجر من برودك ام الوليد : ورده ووش قالت لك علشان تبكين تراك حرقتي اعصابنا ورده تمسح دموعها كل ماتمسح ترجع تنزل دمعه: تقول بنتها تعرضت لتسمم حاد كانت بتموت لو تاخرو شوي الوليد تنهد: الحمدلله بس انا مافيني صبر... بروح لهم بشوفهم بقهر اكثرحسبي الله ونعم الوكيل ع من كان السبب ( والله مارح اخليها خلها بس تطيح في يدي جمان كان راحت مني الله لايبارك فيها ان شاءالله هذا جزات المعروف اعمل خيراً شراً تلقى الفعل في هالزمن لازم نعامل الناس بحذر مانخليهم يستغلون طيبتكك) ورده بذكاء: انت تعرف الي تسبب فيها .... الوليد وين رحت الوليد يخفي توتره لانه كذا بيشكوون فيه انه هو مسممها..تدارك الموضوع: معك ...لا ما اعرفه بس تحسب عليه اذ كان في احد مدبر لها شي ...يتهرب يالله بروح لهم طلع بعدها من البيت مسرع ردد في داخله حسبي الله ونعم الوكيل ام الوليد : الله يحفظها ويشفيها... ورده:امين الوليد 26 يشتغل مدرس يحب جمان من صغره ملك عليها من ثلاث شهور جمان عمرها 21 ودها تخلص الجامعه وتتزوج ورده اخته 23 اخر سنة في الجامعه ============================================== في في بعد مخلصت صلاتها انزلت تحت ....طلعت بعض الأصوات وهي نازله علشان امها واختها ينتبهون لها مايخافون حطت يدها في جيبها واليد الثانيه ماسكه الجوال تشوف رسايل كثيره من الرقم المجهول اوف وش يبغى ذا عطته حضر....من نوووف وش صاير؟؟؟ ام ياسر بسخريه : صح النووم ولا قولك ارجعي نامي احسن وش هالنوم طول يومك نايمه في تجلس ع الكنبه الطويله تحط المخده في حضنها : وش اسوي تعبانه من قلة النووم اعوض نومي ولازم اخذ كفايتي الا ليش ماصحيتوني اصلي كل صلواتي جمعتها الله يغفرلي بس لمياء بهدؤ: من قال لك ان ماجلسنااك انا تعبت وانا اصحي فييك قومي يا في تقولين لي ابغى انام ماشبعت نوم طيب اسألك صليتي تقولين ايه في بضيقة كاتمه ع صدرها حاسه ان صاير شي الله يستر بس: تعرفين النوووم سلطان واكيد بقول لك كذا لاني نايمه ... يمه احس بشي كاتم ع صدري ما أدري عندي أحساس انه صاير شي الا وين اخواني ام ياسر تعرف إحساس بنتها دايم يصيب : بسم الله عليك وش فيك اخوانك برا ان شاءالله مافيهم الأ خير في تبغى تطمن ع اخوانها : يمه بشوفهم برسل لهم لازم اريح بالي...رسلت رساله في قروب اخوانها انتم وين خالد ( اووه صح النوووم انا في الاستراحه وش تبغين ترى توي طالع من البيت قلت بجلس معكم ماشفتك تصدقين مشتاق لك ��... بس ليه تسالين عنا) الحمدلله خالد بخير باقي ياسر ونادر ياسر مستغرب من اختها( هلا في انا في الدوام تبغين شي امري بس فيك شي��) الحمدلله ياسر بعد بخير نادر( وش عندك يافي يا ام لسانين ��تسالين عنا وراءك شي ...المهم انا في المستشفى) في ترسل لهم (بس اشتاقت لكم قلت خليني اسال عنهم ) في تقول لاأمها : الحمدلله كلهم بخير بس يمه احس انه بموووت من هاالضيقه مادري وش منه ام ياسر خافت ع البنت : يمه سمي برحمن واستغفري ربك يمكن تروح الضيقه في : ان شاءالله يمه استغفرالله العلي العظيم من كل ذنب عظيم لمياء: قومي شربي لك مويه يمكن ترتاحين في قامت المطبخ خذت لها كاسه مويه ووقعدت في طاوله طعام المطبخ (يارب احمي كل من هو غالي ع قلبي ) ************************************* ناصر ورحيل في نفس المستشفى اللي فيها زايد وامه بس في قسم اخر للاطفال الدكتور نادر جالس ع المكتب وشاف ملفات المرضى وهو يكلم السستر الي يشتغل معه: في احد عنده موعد او خلاص مافيه مريض ؟؟ سستر صالح : ألا في بس بدون موعد عادي يدخل الدكتور نادر: أي خله يدخل عادي مومشكله سسترصالح : ان شاءالله دكتور طلع برا الغرفه : نور يوسف ال ***** ناصر قام وهو يشيل نور : يالله حبيبة خالو نور تبكي : لاخالي ناصر اكيد انت زي خالي فارس ناصر يبتسم لها فهم عليها خايفة من الابرة: لا لا يا حبيبتي انا ما راح اخلي الدكتور يطقك ابره نور تمسح دموعها : صدق ناصر: أي صدق ... ي رحييل خلينا ندخل تاخرنا على الدكتور رحيل اخذت نور من ناصر: يلا حبيبتي نور شطوره نور تبكي : لالا ما ابغاك ابغى خالي ناصر ناصر وراهم : يلا نور شطوره رحيل دخلت وهي شايله نور وناصر وراها : السلام عليكم نادر تضايق لانه شاف ناصر : وعليكم السلام وينها المريضه يلا ياحلوه تعالي ناصر بطيبه : وش اخبارك دكتور نادر نادر موطايق بعد يسال عن احوالي: انا بخير قبل لاشوف وجههك رحيل بعصبيه: لوسمحت من سمح لك تغلط ع ناصر الدكتور نادر استغرب من قوتها قبل شوي تدعي الخجل والان كشفت عن نفسها الخبيثه : نعم اختي وش تفضلتي فيه رحيل بحده: تخسى تكون انت اخوي كان انتحر الدكتور نادر بيرد بس ناصر قاطع عليه استرساله تضايق من تصرف اخته : رحيل وبعدين معك شايفتني طرطور هنا تراك زودتيها اطلعي برا خلي الدكتور يعالج نور رحيل علشان تستفز نادر : محشوم أصلاً انت شيخ الرجاجيل كلهم وهي تناظر نادر بنظرات ناريه تستفزه اكثر ... ناصر غير الدكتور احسن لك ناصر بكل احترام : اسف ي رحيل ممكن تطلعين برا خلي الدكتور يكمل شغله ... اسف ي دكتور ع تصرفي الي قبل اشوي نادر(والله لوانها رجال كان قمت كفنتها هنا بس هي بنت والمشكله انها زوجه ناصر بعد اخ فيني قهر منها بس اهم شي انها مقهوره اني بعالج نور )نادر بحراج من أسلوب ناصر يعامله بحترام وانا اعامله بقلة ادب : وانا بعد اعتذر عن ما بدر مني اعذرني ... رحيل تعطيه نظرات حقد (مالت عليك وع وجههك لوبكيفي غيرت الدكتور ... بس وش اقول لناصر مصر عليك) رحيل نزلت نور علشان تروح لدكتور يكشف عليها وطلعت برا تنتطرهم .....نور راحت تركض ولبدت وراء ناصر: لا لا لا ما احبكك انت تعطيني ابره نادر ابتسم لها: شطوره الي يسمع الكلام ما اطقه ابره . وش فيها هالبنوته ناصر التفت لنور قال لها تعالي جاته تمشي ع خجل : عذرك مقبوول ي نادر والمسامح كريم.... شالها وحطها في حضنه وجلس في الكرسي : نور تشتكي من الحراره مرتفعه عندها نادر يوقف :الحين بكشف عليها نادر طبيب أطفال عمره 25 اخو (لمياء برضاعه لانه امه كانت تعبانه ما رضعته فرضعته ام ياسر ) يأخذ حقه بيده وإذ احد مس اخواته بسوء يحاول ينتقم منه *************************************** نوف تروح وتجي في غرفتها تعبت من كثر ما تتصل ع جمان مو معقوله نايمه لانها كانت تكلمني في الواتساب متصل لاان.... المشكله الحين مرت ساعتين لاحس ولاخبر الله يستر يارب مافيها الا كل خير خليني اتصل ع أمها يمكن ترد جلست ع السرير.. نوف توكلت ع الله ودقت تنتظر ترد عليها بعد ثانيتين : هلا خالتي وشلونك عساك تمام ان شاءالله انك بخير ام زايد بصوت مبحوح من كثر البكي : بخير جعلك بخير معي نوف صح نوف: أي خالتي معك نوف...بغيت اسالك جمان جنبكك اتصل عليها ماترد علي لاني قبل ساعتين كنت اكلمها ام زايد دموعها نزلت من جديد : أي جنبي بس الحين هي تحت رحمه ربك في المستشفى نوف بخوووف : وش فيها عسى ما شر كانت بخير قبل شوي ام زايد : مادري وش جاها فجأه لقيتها طايحه ع الأرض مغمى عليها الحين هي تحت الملاحظه 48 ساعه .في غيبوبه مؤقته ان شاءالله انها تصحى ..واذ ماصحت ماقدرت تكمل بكت نوف تبكي : تكفين خالتي اهدي حالك ان شاءالله تقوم بالسلامه وطمنيني عليها ان شاءالله انها بخير وانتو في أي مستشفى عادي نجي الحين ؟؟ ام زايد : ي بنت الوقت تأخر الحين ساعه 11 تعالي لها بكرا دعواتك لها نوف دموعها ماخذ مجراها: ان شاءالله خالتي ماراح انساها من دعا لها........ مع السلامه خالتي ماتشوف شر ان شاءالله ام زايد : الله يسلمك من كل شر والشر مايجيك السلام عليكم ... نوف سكرت من ام جمان وهي تبكي وش الي صار لك ي جمان يالله انك تحفظها الحين شلون ابلغ مها وفي عاد في حساسه الله يستر بس ما ادري وش اسوي لو الوقت الحين 8 او تسع كان رحت ل في بيتهم لازم اتصل عليها الحين اذا سمعت من برا اكيد بيصير فيها شي يالله انك تحفظ جمان بتصل عليها وهي تخبر مها ************************************************** ***************** عامر دخل غرفته الي طابع عليها انها شبابيه بحت.....حط الجوال ودخل يده في جيبه طلع البوك والسبحة وفسخ الساعة حطهم ع الكمدينو اخذ له المنشفه ... دخل الحمام وانتم بكرامه يأخذ له شاور يريح جسمه من عناء الشغل ...توضى علشان يصلي الوتر ...لبس المنشفه ع خصره نشف راسه من المويه طلع من الحمام لبس ملابسه اخذ السجاده فرشها علشان يصلي كبر .. صل عدد الركعات ... سلم جلس في سجادته يستغفر ...يدعي ربه ويناجيه (يارب انك تيسر اموري وتوفقني لما تحب وترضى يالله ارحمني برحمتك واغفرلي ذونبي انك انت الغفور يالله انك توفقني انا وسعاد ............ابتسم ع طاريها الحين تلقاها تدعي يارب التحاليل ماتتطابق يارب ان يصير أي شي علشان ما أتزوج عامر هههه انااعرفهاعدل ......... ان شاءالله التحاليل تتطابق ماراح ارتاح الى لمن اسمي يصير جنب اسمها ... والله مادري وش تفكرين فيه بس انت لي بااذن الله يالله انك تيسر اموري .. استغفرالله استغفرالله قام صل ركعت الوتر..... سلم عن يمين ويساره ... استغفرالله قام صفط السجادة منظم في كل شي ... شغل التكييف |
رد: انا بطبعي الوفاء بس في الحب خوان
دخل فراشه اليوم كان متعب ..خليني انام بكرة وراي قومه من الصباح اول شي بمر الشركة بعدها بطلع المستشفى........ اخذ جواله يشوف الواتس اب ........ شاف سعاد داخله الواتس ابتسم .....من يوم كلمتني ذاك اليوم ومسيف رقمها ودي ادخل المحادثه اتهاوش وياها ..... موحلو في حقي اول شي هي بعدها ماتحل لي موعدل اكلمها بعدين ان شاءالله اكلمك لما تصير حلالي دخل ع رقم عمر هلا بو فهد و شلونك وش اخبارك ماكأنك ابطيت في هالرحلات اخلص ارجع اشتقنا لك
عمر كان ماسك جواله كان جالس في المطار اليوم عنده رحله للعوده لسعوديه مسك كوب الكافي بيده الثانيه وكان سرحان فز لما سمع نغمة الوواتس ابتسم لما عرف انه من عامر: هلا وغلا الحمد لله انت و شلونك أي والله ابطيت عليكم كاثره الرحلات اخبارك تعرف هالناس ما يبون يجلسون في ديارهم من الحر...حتى انا مشتاق لك انت شعلومك ... يمكن ارجع اليوم بس في وقت متاخر عامر ابتسم : الله يعينك انا الحمدلله بخيير بس حبيت اخذ اخبارك اخليك الحين بنام ان شاءالله ترجع بالسلامه سكر الجوال حط ع كمدينو خليني انام بس وتلحف .... ثواني وراح في نووووم عميق عمر 26 عمره كابتن طياره ملامحه عاديه مسوي اللحية ديرتي ******************************************** الوليد كان جالس مع زايد برا الغرفه ......يا عالم مقهور حدي ودي افجر في الي اسمها ام سعد انا وش الي خلاني اعطف ع ولدها غير اني ارجوا من الله الثواب في هاليتيم من عرفت وهي كل يوم والثاني تدق علي بحجة ان ولدها مايذاكر وما يسمع كلامها بحجة من غيرحجة وش عليه وش يدرس......انا بعد الغبي الي اعطيتها مجال ان بس ترسلي ع الواتس تكلمني عن مشاكل ولدها والله ان نياتي طيبه بس هي حيوانه تفكيرها مريض الا غصب هي تحبني وتبغاني احبها وين احنا فيه وش قله الادب هذي لما شفت انها تمادت عطيتها حضر تقوم ترجع برقم جديد ... بس انها توصل لجمان والله اني راح اطلعها من تحت الأرض احس اني بموووت لوصار فيها شي خلني بس امسكها زايد : الوليد .... الوليد الوليد انتبه انه زايد يكلمه: هلا زايد : قوم روح بيتكم ماينفع تجلس هنا ترى جلوسك كذا لا يودي ولا يجيب ادعي لها بالرحمه ... رح صل لك ركعتين وادعي لها ...... وانا بعد بقوم الوليد : ان شاءالله ... بس راح ارجع هنا مرة ثانيه زايد والوليد قاموا يتمشون يدورون ع مسجد يصلون فيه طلعو من المستشفى زايد: تصدق ي الوليد اني الوم نفسي اذ صار في اختي شي الوليد بحزن: ليه تلوم نفسكك انت ماسويت شي ان شاءالله انها تقوم بالسلامه .. لاتلوم نفسك ولاشي تراه قضاء وقدر (أي قضاء وقدر الا مدبر حسبي الله ونعم الوكيييل) زايد بضيقة : المفروض انا ساكن معهم قالت لي زوجتي ماله داعي نسكن في بيت بلحالنا حاولت تقنعني بس انا قلت افضل علشان ناخذ راحتنا الحين برجع البيت وبشيل اغرضي بسكن عند امي ماراح ابتعد عنها ابدا اول شي امي بغت تروح فيها ..الحين جمان الله يرحم اختي برحمته تقوم بسلامه الوليد من قلبه: امييييييين شاف مسجد قريب من المستشفى مفتوح دخلو فيه **************************************** نادر كشف ع نور سبب حرارتها التهاب في حلقها كتب له ورقه في الادوية الي تحتاجها نور ناصر اخذ الورقه صافح بيده: الله يعطيك العافيه نادر: الله يعافيك هذا واجبي يلاحبيبتي نور تعالي عطيني بوسه ناصر :يلا حبيبة خالوو روحي اعطي الدكتور بوسه نور تنزل من الكرسي تركض ناحية الدكتور تعطيه بووسه ع خده نادر يبوسها ع خدها اليمين : شطورة نور اسمعي الكلام زين نوربخجل تروح توقف جنب ناصر : زين ... ناصر يقوم ويشيل نور : مشكور ماقصرت . نور تلوح بيدها ع الدكتور مع السلامه نادر: ولو ماسويت الا الواجب... يبتسم لها مع السلامه بابا ناصر طلع برا شاف اخته واقفه برا طنشها ومشى عنها رحيل لحقت اخوها تدري انها غلطانه المفروض ماترد عليه : ناصر لا تطنشني اسفه خلاص مارح اعيدها ناصر وقف ولتفت لها وبحده:مره ثانيه ي ست رحييل ان عدتيها راح تشوفين شي عمرك ماشفتيه .. بعد ما ترفعين صوتك عند أي رجال موشرط دكتور اواحد يغلط تقومي ترفعين صوتك ترى المراه صوتها عوراء رحيل صوتها في البكيه: أي فاهمه بس انا كنت ادفع عنك مارضى احد يغلط عليك ناصر يحاول يظبط اعصابه: ماعندي السان علشان ادفع عن نفسي ولالا؟ نور خافت انه ناصر يطق رحيل قامت تبكي: خلاص خالي لاتطق خالتي رحييل رحيل تبتسم لها: حبيبة خالتها الي تدافع عني لاتبكين ماما ناصر يمسح دموعها : خلاص حبيبتي لاتبكين ماراح اطقها بس قولي لها سمعي كلام خالو نور تضحكك : خالتي اسمعي كلام خالو زين رحيل ابتسامه: ان شاءالله ي حلوها في الحظه طلع نادر من الغرفه في مر بجانبهم لانه خلص دوامه الا يلتقي فيهم يبتسم لنور نور ردت له الابتسامه ... رحيل ...انتبهت لنور من تبتسم له التفتت شافت نادر التقت عيونه بعيون رحيل الابتسامه ع وجهه رحيل تلاشت رحيل أبعدت عيونها عنه نادر يبتعد ويستغفر ربه لانه مو من حقه ينظر في بنات الناس لانه مو حلاله علشان يناظرفي بنات خلق الله استغفر الله استغفر الله رحيل باسف :خلاص مارح اعيده يلا خلنا ناخذ ادويتها ونطلع خالتي تنتظرنا تاخرنا ترى ناصر: يلا.... راحو الصيداليه ياخذون ادويتها بعدها صرف لهم صيدلي طلعو من المستشفى .... نور نامت ع كتف ناصر... راحو لمووقف السيارات وحصلو سيارتهم رحيل انتبهت لها : ياعمري نامت ناصر حطها وراء ناصر : طيب فتحت الباب حط نور في السياره... ركبت رحيل جنبها تخاف تطحي ولاشي ناصر راكب حرك السيارة مبتعد عن المستشفى متوجه لبيت خالته **************************************** في مكان اخر...اول مرا ندخل فيه عند المافيا- شقه حقتهم خمس اشخاص سمير هذا عمره 24 يشتغل في شركة ابوه سمعته زفت راحٍ فيها داشر يحب رحييل بنت عمه خطبها رفضته حقد عليها يبغى ينتقم منها نشوف وش راح يسوي سالم 26 عدنان 25 فيصل 27 زعيمهم مخططين ع عمليه كبيره وهي تفجير في احد احياء الخبر عمل إرهابي وتروجي المخدرات حفلات مختلطه مع البنات شخصيه الخامسه غامضه سمير جالس في زاويه الشقه ويفكر ويخطط كيف ينتقم من رحييل جلس يدخن بشره سالم وفيصل وعدنان جالسين يلعبوون بلوت جلس بعيد عنهم يراقبهم ماله خلقهم ( والله راح تطيحون في يدي) :سمير وش فيك جالس وحدك؟ سمير متضايق : لا مافيني شي فيصل : صحيح كلام خوينا انت لك يومين موع بعضك سمير بكذبه : لالا ولاشي مهم بس افكر في مشكله في شركه صغيرة ويبغى لها حل فيصل يغمزله بعينه: انت قدها وقدود ما يحتاج تفكر أصلا بس حرف (و) تسوي الي تبغاه سميريضحكك ع كلام فيصل هههههههههه صحيح كلامك انا الا ابغاه اسووي بس الازم نمخمخ شوي ولا لا فيصل يولع له سجاره حطه في فمه يطلع دخان في الهواء:صح كلام وان شاءالله تنجحح مخططتك سمير : تسلم ي زعيم ... كتب رساله له ... جاته رساله من سمير ع الواتس اب ( يبغى يكلمه برا الشقهه الي هم فيها في موضوع مهم مايبغى احد يعرف انت اطلع وانا الحقك بخمس دقايق) قام : يالله اذنكم شباب فيصل يعز بالحيل :وين توالناس توها تبداء السهره ويغمز له يعني فيها بنات : اول وراي اهل يحاتوني ليه تاخرت وثاني شي مصدع وانت تعرف اني ماحب هالحفلات فيصل : تبغى حب من الحبوب يحبها قلبك .. أي عارفك بس لو تجرب ماراح تخسر وش هالوهقه الله يعين بس متى تطيحون في يدي: يليت والله عطني إياها علشان تريحني .. لاتضغط علي ي فصيل انا اكثر شي اكره هوالبنات فيصل يعطي الحبوب ابتسم له و اسنانه لونها صفراء وبشعه يخوف اذ يضحكك: بس انت اعطيك بلاش لاني احبكك... خلاص كلش ولازعلك : (حبك برص ان شاءالله شلل يشلك ان شاءلله انا ميت ع حبك ) تسلم ي بو حسين كثر الله خيرك مشكور بطنزه ماحد انتبه له : وانا احبكك اكثر يالغالي فيصل بمعزه له :العفو تستاهل اكثر من كذا .... اسمع اذا بغيت تعدل مزاجك ارجع ترى السهره صباحي : ان شاءالله ... اذا طفشت ماجاني النووم وين بروح يعني اكيد بجي هنا ..... فتح باب الشقه وشار بيده سلام ( اوووووف مابغيت اطلع منهم ذا الي اسمه فيصل غثيث الله ياخذه ان شاءالله وفتك منه.. قال يحبني قال حبتك جنيه ان شاءالله .... الله يعين عليه بس شكله حطني في راسه يارب احميني منهم ) خليني اشوف وش يبغى هـالعلهه سمير دق ع سمير : هلا سمير تعالي كوفي ال(.......) راح الكوفي وطلب لها كوفي مصدع حده حطي يده في مخباته تذكر الحبوب ( الا لازم يعطيه خويه خليه يفحصه ويتاكد انه مخدرات يكون دليل عليهم ) سمير يجلس يدوره وينه ...... شار له بيد هنا سمير جاء جلس مقابل له : سلام عليكم طلب لي موكا بارد حر موت هالايام في هالشرقيه يبتسم بسخريه: وعليكم السلام ... اجل حر وشلون حرارة نار جهنم سمير خاف : الله يعاذ منها بسخريه (مابقى ذنوب ماسويتها تبغى الله ينجاك منها والله انكم غافلين وبقوه) طلب له واحد موكا ... :المهم وش تبغى مني ؟....وصل الطلب بعد خمس دقايق سمير بحقد وخبث : ابغى اقولك ع الخطه الي بسويها بستهزاء ويحرك الكوب : ع من ان شاء الله ناوي تسويه فيه سميربـ غباء وخبث اكثر: على بنت عمي بق عيونه مش مصدق هالدرجة وصل فيهم الخبث: انت مجنون ... هذي بنتك عمك سمير بحقد : تستاهل اكثر من كذا سوى حاله انه معه يظهر ع وجهه ابتسامه الخبث: ان معك بس بسالك وش سوت لك ؟!!. سمير يشرب الموكا بدون اهتمام رمى كلامه: بس انه رفضتني |
رد: انا بطبعي الوفاء بس في الحب خوان
(أصلا لو تخطب اختي انا برفضكك ع طول احسن شي سوته بنت عمك : طيب ليه تسوي لها كذا وش غرضك وش بستفيد
سمير :قرصه صغيره وارجع اخطبها واكيد بتووافق وهي مغمضه بعد ما اسوي هالخطة : وش قرصته؟ سمير يقول له ع الخطه كلها لازم تنفذ بحذافيرها خطاء واحد يوديني وراء شمس يسمع له وهو مندهش من اللي يقوله مومعقوله هذا تفكير واحد يحب ) :والله شوف هي خطه محكمه بس انت ادرى وكيفك سمير يتلذذ في شرب الموكا:ادري انه بكيفي بس حبيت اسالك اول شي انت ذراع فيصل اليمين وشي ثاني ماقلت لاحد إلا انت تصدق ..ارتحت لك بلحيل من اول يوم انضميت معنا ( كان يوم اسود ذاك اليوم ... هذا اللي ابغاه كلهم يثقون فيني) : أتمنى لك التوفيق سمير: الحمدلله يعني الخطة محكمه من جميع الجيهات : أي توكل ع الله ونفذها.... تبغى مني شي بروح اريح سمير: سلامتك مشكور ع كل شي ...طلعوا من الكوفي مع بعض وكل واحد توجهه الى سيارتة ================================= في في المطبخ تحاول تغصب نفسها ع الاكل مومشتهيه تاكل حاسه في شي صاير يارب انه اصدقائي بخير تشرب بيبسي علشان يبرد ع قلبها فزت من رنين الهاتف بسم الله حطت البيبسي ع طاوله ردت بسرعه لانها نوف : ي هلا ي غلا بهالصوت تصدقين كانه اللي سنه ماسمعت صوتك وش اخبارك نوف بخوف وتوتر شكلها ماتدري وش صار لجمان بهدوؤ:هلا في الحمدلله تمام انتي وش اخبارك وينك ماتردين تعبت وانا اتصل عليكك .. في تضحكك :وش اسوي طول يومي نايمه لا بعد شفت رقمك مابغيت اتصل عليك الا وانا مدلع معدتي نوف بهدؤ :أي علشان كذا مارديتي .... في استغربت هدؤ نوف بلعاده اذا ماردت عليها تعصب لالا في شي رجعت الضيقه لها مرة ثانيه : نوف وش فيكك في شي انتي بلعاده تصرخين علي ليه تجاهلتك ومارديت عليك نوف: انا مافيني شي بس في احساسي في محله فيه شي صاير : حلفتك بالله ي نوف انك تقول لي وش صاير مها فيها شي جمان طيب نوف بقد ماتقدر تمهد لها الموضوع: جمان في بعصبيه خفيفة : وش فيها بسرعه تكلمي اخذ الكلام منك بلقطاره نوف دموعها تنزل ع خدها وتتكلم بسرعه : في المستشفى تقول خالتي تعرضت لحاله التسمم...... تبكي وتشاهق واللحين هي تحت الملاحظه يشوفون بعد 48 ساعه تصحى ولا .... تمسح دموعها ... في غيبوبه مؤقته في تحاول تستوعب اللي قالته نوف :نوف صح تمزحين معي صح مقلب صح تصرخ عليها قولي انه مقلب . نوف تبكي : ياليت مقلب او اكذب عليك والله انها تعبانه في ماتحملت الخبر من الصدمه واغمي عليها نوف: في وينك في ردي علي ليكون صار فيك شي ترى انا ماأتحمل كافي علي جمان في ....في في صاله لمياء جالسة تسولف مع أمها :يمه سمعتي صوت قوي من المطبخ ام ياسرتقلب في القنوات صوت التلفاز شوي عالي قصرت عليه: لا ماسمعت شي لمياء قامت : يمه انا متاكدة اني سمعت صوت.....تمشي بخطوات واسعه .... شافت اختها طايحه ع الأرض وجوالها محذوف وجلست ع ركبها: يمه تعالي بسرعه في اغمى عليها ...لمياء تضرب ع خدها بخفيف في اصحي ...في ام ياسر جات بسرعه وجلست ع الأرض خذت في وحطتها ع حظنها : في يمه اصحي ..في لمياء جيبي مويه بسرعه لمياء: ان شاءالله .... راحت تركض تجيب مويه عطتها أمها المويه ام ياسر اخذت المويه منها غسلت وجهه في : يمه في اصحي غسلت وجهه مرة ثانيه بس مافي فايده ... لمياء يمه روحي فوق جيبي عطر لمياء : ان شاءالله يمه راح تركض غرفتها دخلت بسرعه الغرفه اخذت أي عطر وسلام اهم شي اختها تصحى رجعت بخطوات واسعه : تفضلي يمه ام ياسر خايفة على بنتها اخذت منديل ورشت فيه عطر حطتها ع انف في : في حبيبتي في اصحي تضرب ع خدها بخفيف في يمه في بدات تصحى حطت يدها ع راسها : اه راسي يعورني ام ياسر : الحمدالله ام ياسر حركتها خلتها تجلس وراسها في حضنها لمياء: الحمدلله في وش فيك ... انتبهت لجوال في يرن راحت تاخذه من الارض صار في شلخ بسيط لمياءردت ع نوف :هلا نوف نوف بقلق على في : وش فيها في توها تكلمني الا فجأه مافي احد وين اختفت لمياء تهدي نوف: اغمى عليها بس الحمدالله هي بخير اللحين نوف ارتاحت: أي طيب اخليكم سلمي عليها ماتشوف شر في بدات ترجع للواقع .. لما سمعت صوت نوف تذكرت جمان....... قامت تبكي :يمه جمان مريضه يمه تشاهق خايفة يصير فيها شي ام ياسر تبكي على حالة في اول مرة تشوفها كذا وحضنتها :في حبيبتي اهدي ان شاءالله انها بخير لمياء كانت واقفه جلست ع الكرسي ودموعها تنزل :طيب حالتها خطيره؟.. ان شاء الله انها بخير في تحط يدها ع وجهه وتبكي :والله نوف تقول تعبانة بلحييل ...... تشاهق بعد48 ساعه اذا ماصحت بتدخل في غيوبه على طول ام ياسر تمسح دموعها: ان شاء الله تصير احسن وتقوم بس انتي اللحين قومي صلي الوتر وتهجدي وادعي لها موتجلسين تبكين يالله يمه .... ام ياسر تساعدها علشان تقوم ام ياسر : يمه لمياء سوي لها عصير علشان يرجع لها تركيزها وخاصه انها ما اكلت عدل لمياء : ان شاء الله يمه ام ياسر مسكت في من كتوفها تساعدها تصعد فوق دخلتها غرفتها : ارتاحي اللحين واذا قدرتي تقومين قومي توضي وصلي الليل وادعي لها في انسدحت في سريرها ودموعها ع خدها : ان شاءالله ================================ سعاد جلست تكلم خويتها حنان وهي تبكي : والله بمووت من القهر الا غصب اتزوج ... افهمواعاد ماابغى مولازم اتزوج حنان تحاول تهديها: يا سعاد ياحبيبتي يمكن ذا شي في مصلحتك اسمعي كلام ابوك بعدين تتحسفين اذا عصيتيه سعاد دموعها على خدها: أصلا ماعندي شي اسويه غير اني ادعي ربي التحاليل ماتطابق و انه يصير شي يخرب الموضوع كله حنان تضحكك : ول عليك تراكي قاسيه حررام لاتدعي عليه خاصة يوم عرفت من اختك فرح انه يحبكك ابتسمي في احد يحبككك سعاد عصبت : حبتك القراده انتي وفرح وهو معكم .. زين حنان : طيب ليش تدعين علي وش ذنبي .. خلاص لاتعصبي كبريت يمه منك توكلي على ربك وان شاءالله الأمور تتيسر سعاد تأخذ نفس :ربك كريم ... المهم ترى بكره مو مداومه حنان انزعجت: ترى كثر رصيد غياباتك اللحين لو تطلبي غياب مافيه سعاد بضقيه : وش اسوي كنت امر بحالة نفسيه صعبه .. بكره بغيب لانه ابوي قالي غيبي تخيلي اداوم وهو مايدري والله ان يولع فيني حريقه حنان: انتي مسوي لنفسك ترى.. الموضوع مايسوى هههههه الله يعينك بس علشان كذا بتغيبين المهم اذا طلعت النتايج ايجابيه عطيني خبر علشان نجهز الملكه سعاد سكرت التلفون في وجهها ....حنان رسلت لها واتس اب ( روقي بكره راح تشوفين عموري ولا بعد يمكن تلقينه مشتاق ) سعاد من القهرعطتها حظر حنان ماتت ضحكك عليها لازم تتقبل الواقع الله يهديك ي سعاد ************************************** اليوم الأربعاء – نص يوم وجمان للحين نايمه الساعه 8:30صباح جمان طريحه على السرير الأبيض الاجهزه حولين جسدها كأنها جثه هامده من يصدق بالأمس كانت الحياة في جسدها ولابتسامة لاتفارق وجهها اما اليوم هي نايمه لاحراك ... الوليد يتامل الى وجهها المصفرلارووح فيها شفايفها البيضاء الوليد كان جالس على الكرسي جنب السرير ماسك يدها حاطها في يده..والدموعه تنزل عليها من القهر لانها راحت ضحية وحده حيوانه قليلة ادب ... حبيبتي جمان تكفين اصحي علشان امك اللي طول امس مانامت عدل كله علشانك توها بس طالعه من هنا راحت تغير ملابسها وترجع جمان طيب علشاني أصحي حبيبتي ترى حياتي من دونك ولاشي تكفين اصحي والله اني لانتقم لك بس انتي اصحي جمان اذا بتجربين غلاك عندي تراك والله غاليه مانتي برخيصه تعبت ..والله اني بموت لو يصير فيها شي يالله انك تحفظها لي ماأدري وش اسوي ودي اجلس اكثر بس لازم يطلع مايبغى اخوها وامها يشوفونه باسها على راسها الله يشفيك ي حبيبتي طلع من الغرفه ومن المشفى بكبره ******************************** عامر جلس من النوم نشيط خذ له شور مشط شعره الناعم الى رقبة لابس ثوب وغتره سواها حمدانيه لبس الساعة ع يده اليسرى....تعطرالا تسبح بلعطر اخذ سبحة وجواله ونزل تحت شاف امه وأبوه يفطرون عامر بابتسامه عريضه: صباح الخير الا صباح الورد ع احلى ام و أبو ابوعامر: إلا انت جالس مبكر ومروق وش عندك |
رد: انا بطبعي الوفاء بس في الحب خوان
عامر يجلس في الكرسي مقابله امه يأخذ له خبز علشان ياكل : نمت مبكر علشان اليوم وراي اشغال .... يمه ماعليك امر صبي لي حليب بلكوفي ام عامر : ان شاءالله .. تمد الكوب ل عامر ابوعامر:الا وش هالاشغال اللي ماتخلص عندك عامر ابتسم اخذ الكوب من أمه : بروح الشركه بعدها بروح المستشفى ام عامر خافت: وش فيك بسم الله عليك فيك شي يعورك شي ابوعامر: وش فيك يامره شوفي قدامك مافيه الا العافيه عامر يشرب من الكوفي يبتسم ع خووف امه عليه: يمه لاتخافين بروح المستشفى علشان تحاليل زواج ام عامر ارتاحت : الحمدلله حسبت فيك شي ... الله يسهل امورك ان شاءالله... وانا أقول وش فيه كاشخ صاير كانك عريس(عامر طويل القامه اسمر البشره شعره ناعم مسوي لحيته سكسوكه عيونه عسليه فاتحه وسيم عمره 31) ابوعامر بنذاله : اللحين انت بتشوفها وهي لابسه عبايتها ماراح تشوف شي عامر : امين ... يتنهد : اهم شي انها معي في نفس المكان مومهم اشوفها.. يتكلم بقهر.. متى نملك ونخلص ام عامر تضحكك : شف الولد مستعجل ابوعامر : وش فيك مستعجل اصبر كلها كم يوم وتملك عامر: والله احس هالايام تمشي بطيئه ابوعامر: أقول عامرطلعت عاشق وانا ماأدري عامر انحرج انه فضح نفسه عند امه وابوه قام : عن اذنكم ماأبغى اتاخر ع شغلي سلام عليكم طلع بخطوات واسعه يبغى يهرب ام عامر : حررام عليك احرجته ابوعامر: والله ولدك غرق في الحب ههههههههههه الله يسعده ******************************************** سعاد/في صاله سعاد جالسه وفي عيونها النوووم : اووووف ابوي ماصحي من النوم من الفجر كاني جندي بروح الحرب او اني بنحاش وين بروح يعني فرح جالسه تاكل سندويش جبن مالح: وش فيكك من جلستي وانت ِ ماغير تحنين كانك عجوزعمرها طاق 100 أصبري شوي بهمس.. راح يجي حبيبك على حصان ابيض سعاد تكره هالطاري : عجوزه في عينك يا قليلة الحيا... وأعوذ بالله منك انتي من وزك علي كل شوي تطرين لي اسمه خلاص اسكتي مااحد طلب رايك ام محمد تدخل الصاله وجايبه معها دله الشاي جلست وصبت لها بياله شاي : وش فيكم من صباح الله وانتوا تتناجرون فرح : اسالي بنتك كانه ماخذينها بيعدمونها ...موكأنها رايحه تسوي تحاليل بس ام محمد تشرب شاي: بسم الله عليها وش هالفال القشر تتفاولين ع اختكك فرح قامت : انا ادري عنها قاعده تحن كانها بتموت.... يالله يمه انا بروح الجامعه تامرين ع شي ....طلعت من البيت ام محمد : بحفظ الله ... وانتي ياست سعاد وش فيك خلاص ارضي بالواقع لا تقعدين تصدعين روسنا سعاد بمحاوله أخيره تستعطف امها : يمه تكفين ابوس رجولك ويدك اقنعي ابوي يرفض عامر لا يزوجني إياه ام محمد بصرامه:وش قاعده أقول لك من شوي سعاد صايرفيك كمية غباء... ماتفهمين خلاص انتهي من هالسالفة ذي وانا عارفتكك عدل انسي انك تحاولين تفركشي هالخطبه خلاص أرضي بنصيبك انت ل عامر سعاد اسكتت( حتى انتي يايمه واقفه معهم اوووف) ابومحمد دخل الصاله شافهم جالسين : زين انك مارجعتي نمتي يالله شوي ويجي عامر لبسي عبايتك سعاد بضيقة : ان شاءالله ...راحت فوق لبست عبايتها ع البجامه وش له اغير كلها تحاليل دم وأخذت جووالها معها *********************************************** ********* مي لابسه جلابيه ناعمه وأكمامها نص كم وفيها جيوب جانبيه وحاطه يدها في جيبها ...وجيبها ثاني في جوالها..جالسه تتمشى في حديقة بيتهم وتفكر ماداومت لان اليوم ماعندها محضارات ...... اسبوع ماشفت جدتي اخر مره رحنا انا وفي ولمياء والكريه خالد ... ع طاري هالكريه ودي اصارخ في وجهه واقول انك غثيث ماأدري وش عليه شوفة النفس ... ع طاري في أشتقت لها خليني اكلمها طلعت جوالها من جيبها ...أتصلت عليها مرومرتين ماترد غريبه رجعت جوالها في جبيها مرة ثاني ...وش فيها يمكن نايمه...... قبل يومين خالي كلم ابوي قال يبغاني الولد نايف بس انا ماأبغى خايفه امي تغصبني ...... مثل نواف يارب الحمدلله انه خالي قال انا كلمتك انت لاني ماأبغى اختي تدري لاني اعرفها زين بتغصب البنت بس ابوي قال له بشاور بنتي وأرد عليك بعد يمكن واحد من عيال عمها يبغاها اذأ بنتي وافقت إذا مافي احد يبغاها من عيال عمها ابشر بلخير.. سمعت السالفة وانا ماره المجلس يتكلمون ادري غلط اتجسس عليهم بس اسمي شدني اسمع ....مي تضايقت والله ياخووفي امي تدري وتصير سالفه كبيره... ماأقدر يايبه اوافق انا احب واللي احبه مادرى عني خير شر والله اني مشتاقه له لي اسبوع ماشفته ياليت يحس فيني موبس احب الا عاشقته اووووف الحب يخلي الوحد يتعب وانا أبتليت بحب واحد موداري عني ... بعد البنت عيب تعترف بحبها ل أي احد كان انا حبي له حب عفيف طاهر مولازم احد يدري افضل انه يكون سر بيني و بين نفسي ان ظهر هالسر طحت في مشاكل انا في غنى عنها حتى في ماراح أقول لها كان تمسكهاعلي ... مشتاقه ل جدتي ودي اروح لها اللحين بس بشوف ابووي وش أقول له لانه شكله الجمعه بتكون في مزرعتنا سمعت ابوي يقول ل امي تخلي حمد وصقر يروح المزرعه وينظفون يركبون ملعب صابوني يا سلام هذا وقته..... الشمس جات على عينها حطت يدها ع عينها خليني ادخل الشمس بدت ترتفع حرارتها دخلت داخل(مي متوسطة طول لاقصيره ولا طويله شعرها قصة الشلال كثيف جميله شديدة البياض وعيونها عسليه و رموشها كثيفه) ******************************************** في المستشفى ام زايد رجعت معها أغراض لها وللبنت زايد قال لها بيركن سيارة ويجي وراها شافت الدكتوره جايه تركض مع سستر دخلت غرفته بنتها ام زايد خافت وش صايرلبنتي الله يستر تحس رجولها مو شيلتها يارب سترك طلعت الدكتوره من الغرفه ام زايد راحت لها: وش فيها بنتي ي الدكتوره الدكتوره ملامح وجهها غير واضحه : بنتك كـــــــــــــــــــــــــــــــــــــــــــــــــ ـــــــــــــــــــــــــــــــــــــــــــت |
رد: انا بطبعي الوفاء بس في الحب خوان
البارت الحادي عشر
في المستشفى / 10:30 / / ام زايد رجعت معها أغراض لها وللبنت زايد قال لها بيركن السيارة ويجي وراها شافت الدكتوره جايه تركض مع سستر دخلت غرفة بنتها ام زايد خافت وش صايرلبنتي الله يستر تحس رجولها مو شايلتها يارب سترك طلعت الدكتوره من الغرفه...... ام زايد راحت لها: وش فيها بنتي ي الدكتوره الدكتوره ملامح وجهها غير واضحه : بنتك ... ابتسامه : بنتك الحمدلله قامت بالسلامه .... حمدلله ع سلامتها ام زايد من الفرحة سجدت سجود شكر لله : الحمدلله الحمدلله اللهم لك الحمدلله الدكتوره تساعد ام زايد ع الوقوف وتبوس راسها: الحمدلله ع سلامتها هذا من فضل ربي عطاها عمرجديد والي ساعد ع ذلك انها متماسكه بحياه ام زايد بدموع الفرح: الحمدلله ... ونعم بالله ..... ممكن اشوفها الدكتوره : أي عادي ادخلي ... عن اذنك يمه ام زايد : اذنك معك يابنتي مشكورة ع كل شي الدكتورة تبتسم : العفو وهذا وجبنا اتجاة المريض تستاهلين سلامتها يلا اخليك ام زايد : الله يسلمكك الله يعطيك الف العافيه الدكتوره : الله يعافيك .... تحركت مبتعده من امام غرفته جمان ام زايد ظلت واقفه قدام باب غرفة جمان ماسكه مقبض الباب ************************************************** عامر وقف قدام بيت عمه يتصل ع عمه : هلا عمي أي انا برا في انتظاركم دخل البيت ابومحمد ينادي ع سعاد : سعاد وينك تعالي يلا عامر ينتظرنا برا سعاد وهي تنزل من الدرج بخطوات بطيئه ( ويعني خله ينتظر ان شاءالله ساعه ) ابو محمد بحده : بعدين معك يعني جلسي نعلب حنا جالسه تمشين لي ع بيض ترى اكيد عامر مات من الحر برا سعاد( جعله ان شاءالله يحترق من الشمس وش اسوي له انا ) : ان شاءالله يبه .. تمشي بخطوات واسعه ماتبغى ابوها يهاوشها اكثر من كذا ضبطت شيلتها وتغطت بالنقاب وماسكه جووالها بيدها ابو محمد طلع من الصاله وسعاد لحقته تجاري خطوات ابوها الوواسعه طلعوا من البيت ابومحمد : يلا ي سعاد سعاد بهمس : ان شاءالله يبه عامر انتبه انهم جاوا نزل من السياره علشان يسلم ع عمه يبوس خشم عمه: هلا عمي شلونك عساك تمام ابو محمد يحب هالولد له معزه خاصه في القلب يبتسم له: هلا عامر هلا بولدي انا الحمدلله انت شلونك عامر يبتسم لعمه : الحمدلله انا بخير دامكم بخير .. سعاد كانت واقفه جنب السياره مكتفه يداها وحاطه راسها ع السياره ( أي وبعدين ان شاء الله متى نخلص سلام وسلمتوو ع بعض اووه خلاص وش عنده وعويمر متشخص كانه بيروح عرس كله تحاليل دم والله انه فاضي ) ابو محمد : سعاد وين سرحتي يلا اركبي السياره فشلتينا وقفه كذا قدام الولد عامر كان يسلم ع عمه بس يناظر سعاد مبتسم ( احسد السياره انها قريب منها بالحييل متى بس نملك ) سعاد انتبهت انها سرحانه وانها متسنده ع سيارته : ان شاءالله يبه ... ركبت السياره وراء سكرت الباب وابومحمد قدم ( من هو .... علشان افشلك حي الله عامر ... مالت عليه بعد سعاد رفعت عيونها تلقيت بعيون عامر بعدت عيونها بسرعه...... وانتبهت انه عامر يعدل المرايه عليها .... عم ان شاءالله بعيونك ياووقح اذا رفعت عيونك لك بس ) عامر حرك مبتعد من بيت عمه ويسوالف مع عمه عن الشراكه مواضيع مختلفه ( ابتسم فديتك يالبى هالعيون والله خلاص وصل حده من الشوق .... ابغى اعرف وش تفكرر فيه كل سرحانها .. طيب ع اقل ناظريني شوي كل هذ تغلي ماطفى شوقي لك.. والله مشواري معك طويل ي بنت العم) سعاد جالسه ومنزله عيونها تكلم حنان ع السناب في الخاص تكتب لها: لالالالا مافي خليك محضوره في الواتس علشان تعرفين كيف تكلمين معي عدل حنان تضحكك : هههههههههههه ليش وش قلت انا بس قلت لك ان شاءالله تتطلع تحاليل ايجابيه زعلتي سعاد بقهر: لا بعد تعيدين الكلام مره ثانيه لاتخليني الحين اعطيك بلوك في سناب حنان : يمه منك كل شي معصبه منه وش فيك تراك ماراح تسوين شي ماردك بتملكي ع عامر تقبلي الواقع سعاد بضيقه : حنان لاتضيقين خلقي حدي متضايقه حنان: بعد عمري سعاد انا ابغى لك السعادة بس مافي باليد شي علشان اريحك بس الازم تتقبلي الواقع سعاد بحزن وقهر: شكله كذا ي حنان بحاول اتقبل واقعي المر مافي يدي شي حنان تحاول تبعد الحزن عن خويتها: اسمعي لايفوتك عواطف معصبه بالحييل لانك كل تغيبين متستاهلين معك ولا بعد جايها اليوم بكشته يليتك معنا كان تضحكين عليها هههههههههههههههه سعاد تضحك بصوت خفيفه : لالا خساره ههههههههههههههه اتخيل شكلها بس فاتني هالشي عامر( انتبه لضحكتها فديت هالضحكه وراعيتها تكفين اتركي عنك هالجوال ناظريني والله شكل ي عامر بتطنشك طول اليوم مارح تعطيك وجهه) ************************************************** ***** ام زايد كانت واقفه عند الباب زايد بخطوات واسعه يمشي في ممرات المستشفى زايد : يمه وش فيك وقف برا جمان فيه شي ام زايد تمسح دموعه : لا مافيها شي بس رجولي مو شايلتني من الفرحه اختك قامت ي زايد الحمدلله الله انقذها من المووت زايد بفرحه: هذا الخبر يفرح المفروض دخلتي على طول الغرفه ام زايد : أي والله الحين بدخل كنت انتظرك بعد علشان افرحكك معي زايد يبوس راس امه: الله يبشرك بالخير يمه ام زايد : امين وياك ... دخلت الغرفه ودخل وراها زايد جمان تلتفت تلقي الباب الغرفه شافت أمها زايد: يمه وش صار لي والحين كم ساعه ام زايد راح تركض لبنتها تحضنها وتبوس راسها وخدودها : الحمدلله ع سلامتك ي بنتي كنتي بتضيعين مني جمان مستغربه من كلام أمها وهي حاضنتها: يمه كيف كنت بضيع زايد يقرب من أمه واخته: يمه معليك امر خليني اسلم ع جمان ام زايد ابتعدت عن جمان زايد قرب من اخته وحضنها وباس راسها: الحمدلله ع السلامه ماتشوفين شر ي الغلا وخطاك السواء جمان : الله يسلمك ؛ الشر مايجيك وخطك الاش ... بس ماجاوبتوا ع سوالي كيف كنت بضيع؟؟؟ زايد ابتعد عن اخته وجلس في الكنبه قريب من السرير ام زايد رجعت جلست في نفس سرير جمان وحضنت بنتها كنها راح تضيع منها مرة ثانيه زايد : انتي جاك حالتة تسمم حاد وكنتي تروحين فيها لو لطف الله انتي وش كنتي ماكله؟؟ جمان استغربت : ماكلت شي م اذكر اني كلت شي برا البيت ...انا الحين كم لي نايمه ام زايد : المهم انك قمتي بالسلامه ... 14 ساعه نايمه جمان :شنو فاتتني الصلوات يمه تكفين ساعديني أقوم علشان اتوضى واصلي الي فاتني أي ابغى مويه بعد حلقي ناشف وعورني ام زايد : اكيد بيعورك حلقك لانك نايمه 14 ساعه زايد يقوم علشان يخلي اخته تأخذ راحتها اكيد تنحرج منه : يلا انا بروح البيت بجيب اغراض علشان نسكن عندك يمه ام زايد بفرحه انه ولده بيرجع يسكن عندها : حياكم الله والعين أوسع لكم زايد : الله يحيك ي الغاليه ها تامرون ع شي ام زايد وجمان : لا الله يعطيك العافيه زايد : الله يعافيكم .... طلع من الغرفه مسك جواله رسل للووليد يخبره انه جمان قامت بسلامه ام زايد عطت جمان مويه : اشربي جمان :بسم الله شربت الموويه على دفعه الحمدلله يزين المويه زيناه ام زايد : أي والله مدت يدها تساعدها : يالله ادخلي الحمام وانتوا بكرامه وخذي شاور وتوضي جمان مسكت يد أمها تمشي بخطوات بطيئه وصلت للحمام وانتوا بكرامه جمان : يمه خلاص اقدر ادخل بروحي ... ام زايد : عطتها ملابسها اخذي جبت لك ملابس جمان تبوس راس أمها: يمه انا بدونك ولا اسوى شي الله لايحرمني منك ام زايد : و لامنك يابنتي .. يالله ادخلي الحمام علشان تصلين صلواتك جمان : ان شاءالله ... سكرت عليها باب الحمام ام زايد راحت ترتب الغرفة وتهوي الغرفه مسكت جوالها رسلت ل نوف وورده تعطيهم خبر انه جمان صحت الحمدلله *********************************************8 في مستشفى الي في سعاد وعامر دخلو غرفة التحاليل غرفة منفصله عن الاخر عامر ادخلوا بسرعه لانه ابومحمد حاجز الموعد من قبل خلص من التحاليل طلع لعمه يحس حاله دايخ بعد ماخذو منه دم .ابومحمد : اها اجيب لك عصير علشان يرفع دمك عامر ابتسم : ماله داعي عمي دوخه بسيط وتروح ابومحمد :بروح اجيب لك ول سعاد اعرف بنتي تتعب حيل اذ سحبو منها دم عامر: طيب راح انتظرك تضايق عليها ( بسم الله عليها الله يحفظها لي) عند سعاد الي مسويه حوسه في الغرفة سعاد تخاف من الابره : تكفين مو لازم تاخذين مني دم قصي عليهم قولي لهم انك اخذتي مني الدكتوره ضخمه البنية مسكت سعاد اشوي وتعصره هههه : الا لازم تسوين تحاليل يلا خلصي علينا حنا مو قاعدين نلعب مع بعض سعاد تجلس ع الكرسي تهمز جسمها (حشا موجسم ذه وحش الله ياخذك ان شاءالله... تقلدها خلصي علينا مالت عليك خبله أصلا المفرووض ماتشتغل دكتوره تصلح حق المصارعه ههههههههههههه) سستر هنديه تلبس قفازة : يلا ماما رفع ملابس مال انتا سعاد ترفع عبايتها ....سستر تجيب الابره : ماما مافي كوف بس هازا وخزا بسيطه سعاد : أي قصي علي بهالكلام سستر الهنديه : ماما هازا خطيب مال انتا وجد حلو جنتل مان علشان تنسي سعاد الابرة دخلت الابره في معصمها :أي وجع ان شاءالله يعور .... ماعجبها كلامها عن عامر: من زينه حي الله عويمر اذ انتي معجبه في خطيب مال انا في يأخذه عادي مافي موشكل سستر سحبت الابرة بقوه لدرجة الدم طشر بسرعه جابت مسحه طبيه وحطت عليه شاش ولزقه سعاد صرخت : عمى ان شاءالله تبغين تذبحيني أي يعور الله ياخذك سستر : خلاص ماما بعد شوي يروح الم ان شاء الله يطلع تحاليل مال انت وهز بابا كويس علشان يصير زواج مال انت مبروك ماما مقدما سعاد تحس بدوخه خفيفة : الله لايبارك فيك انتي وش بالع روديو ان شاءالله تطلع تحاليل سلبيه ******************************************** نوف/صاله جالسه مع امه ماداومت لانها متضايقه ع جمان نوف حاطه المخده في حضنها: توقعي يمه جمان راح تقوم بسلامه ام رائد تشرب قهوه: ان شاءالله الله يقومها .. امها تلقينها الحين تحاتيها .... تبغين نوف قهوة نوف : ان شاءالله لا يمه مالي خلق أي شي حتى القهوه... يقطع عليهم نغمة الواتس اب ام رائد تاكل رطب وتشرب قهوة معه : على هوواك ....من هو ... خلص فنجاله صبت لها ثاني نوف خافت : خالتي ام جمان ام رائد : دخلي محادثة يمكن خبر زين عنها نوف :ان شاء الله .... فتحت الواتس اب قرات المحادثه ( هلا نوف ابشرك الحمدلله قامت جمان بسلامه حبيت اعطيكك خبر ادري انك تحاتينها الحمد لله الحمد لله الله مايخيب رجائنا ..الله يبشرك بالخير خالتي حمدلله ع سلامتها ام زايد : الله يسلمك تامرين بشي يابنتي .. نوف : لا مايامر عليك عدو..... تستاهلين سلامتها ام زايد : الله يسلمك اخليك فمان الله نوف : فمان الكريم سكرت الوواتس اب) ام رائد : اها بشري وش قالت لك نوف بفرحه : تقول الحمدلله قامت بالسلامه ام رائد: الحمدلله روحي بشري في وامها نوف : اوووف مها ماحد قال لها الحين بتسوي لنا سالفه الله يعين بس اول شي بكلم في بعدين مها ام رائد : الله يديم عليكم هالصداقه نوف : امين ...... طلعت من الصاله علشان تكلم في ع راحة ********************************************** في ولمياء جالسين في غرفة المعيشه في جالسه ع كنبه مشغله التلفزيون سرحانه دمووعه تنزل مصدعه ورابطه راسها بشيله صدع ذبحها من كثر البكي جات اختها لمياء باكل حطتها قدامها طاولة الخدمه : في حررااام تسوين في نفسكك ادعي لها بالشفاء ان شاءالله تقوم بالسلامه يالله حبيبتي مدي يداك وكلي في تمسح دموعه ترجع تنزل اكثر: تكفين لمياء شيلي الاكل مالي نفس اكل وخويتي تعبانه لمياء متضايقه ع اختها وخويتها : ي في انتي كذا بتعذبين نفسك ولبدنك عليك حق خالد دخل البيت غريبه هادي البيت بالعاده البيت من صوت في يرجي راج : يمه لمياء وينكم لمياء وهي في الغرفة : حنا هنا تعال خالد متوجه الغرفة بخطوات واسعه لبس بنطلون جنز ازرق وبلوزه بيضاء جواله في يده : سلام انتبه لاخته في ..وش فيك ي في امي فيها شي ابوي ولاجدتي لمياء بتنهيد : لا مافيهم الا العافيه ان شاءالله بس خويتها مريضه |
الساعة الآن » 01:01 AM.
|
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
new notificatio by 9adq_ala7sas
HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها
ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف