|
الشاعر الأمير محمد الأحمد السديري
http://www.alashraf.ws/up/uploads/13023542121.gif
https://pbs.twimg.com/profile_images...4/________.jpg الأمير محمد بن أحمد بن محمد السديري أحد أبناء الأمير أحمد بن محمد بن أحمد السديري ولد في نجد بحدود 1915 ميلادي وتوفي في الرياض 1979. شغف بالشعر والفروسيه والقنص. يعتبر من الشعراء الكبار في الخليج والجزيرة العربية. اشتهر بشعر الغزل وكذلك الحكم وتجارب الحياه. ينتمي إلى السدارى من البدارين من الدواسر، أقام جدهم في بلدة الغاط في سدير التي تعد موطن عائلة السديري حتى اليوم. وقد برز محمد الأحمد السديري سياسياً عندما تولى أمارة الجوف في سنة 1938م وكان في الخامسة والعشرين من عمره، حيث عهد إليه الملك عبدالعزيز بعدة مهام منها التوفيق بين القبائل المتناحرة، حيث تمكن من ذلك بفضلٍ من الله ثم ببراعته وحنكته. عين سنة 1945م أميراُ على ولاية جيزان الجنوبية وأستمر في حكمها حتى سنة 1948م. عين أميراً للمجاهدين سنة 1948م على قوات المجاهدين من أجل فلسطين عندما اندلعت الحروب بين العرب واليهود وقد تم تعيينه أميراً للمجاهدين بعد اجتماع جلالة الملك عبدالعزيز بجماعته المقربين ومنهم الشجعان والفرسان والقادة، وبعد ان تكلم عن فلسطين ومن يقود المجاهدين لها، فكان أول من قال انا لها هو الأمير محمد. و قد أعطاه جلالة الملك عبدالعزيز الصلاحيات في التصرف في الأراضي وقد أسس ثلاث مدن عرعر و القيصومة و طريف . عين مشرفاً على الحدود الجنوبية بمنطقة جيزان سنة 1962 بعد الأنقلاب العسكري الذي أطاح بإمام اليمن محمد البدر بن أحمد حميد الدين أخر أئمة اليمن. توفي محمد بن أحمد السديري في سنة 1970م تاركاً ورائه تاريخ حافل وديواناً شعرياً يضم أكثر من 220 قطعة شعرية ويوجد له الكثر من القصائد التي لم تنشر، وكتابات أدبية مثل (الدمعة الحمراء) وتاريخية مثل كتاب (ابطال من الصحراء) والذي يتحدث عن سيرة بعض شيوخ القبائل . و هو خال الملك فهد بن عبد العزيز آل سعود وأشقائه . . أمه الاميره منيرة بنت زيد الرشود من قبيلة سبيع أخوانه الاشقاء وهم عبدالعزيز وخالد وعبدالرحمن أسرته زوجاتة الأميرة شريفة السلمان ام زيد الأميرة نفله الشعلان أم مشعل الأميرة رجنا بنت شطي بن فهد الرمال من قبيلة شمر أم خالد الأميرة نوف بنت سلطان بن سطام الطيار أم تركي الأميرة بنت أبانمي أم شيخة الأميرة مها بنت عبد الله المتعب من الجوف أم نورة أبنائه الأمير زيد بن محمد بن أحمد السديري الأمير مشعل بن محمد بن أحمد السديري الأمير خالد بن محمد بن أحمد السديري الأمير تركي بن محمد بن أحمد السديري الأمير عبدالله بن محمد بن أحمد السديري , الأمير سلطان بن محمد بن أحمد السديري الأمير أحمد بن محمد الأحمد السديري الأمير يزيد بن محمد بن أحمد السديري الأمير سامي بن محمد بن أحمد السديري الأمير سلمان بن محمد بن أحمد السديري الأمير فهد بن محمد بن أحمد السديري الأمير فيصل بن محمد بن أحمد السديري ( رحمة الله ) بناته الأميرة شيخة بنت محمد بن أحمد السديري الأميرة نورة بنت محمد بن أحمد السديري الأميرة حصة بنت محمد بن أحمد السديري الأميرة الجوهرة بنت محمد بن أحمد السديري الأميرة عفراء بنت محمد بن أحمد السديري الأميرة منيرة بنت محمد بن أحمد السديري الأميرة مها بنت محمد بن أحمد السديري الأميرة علياء بنت محمد بن أحمد السديري الأميرة هيفاء بنت محمد بن أحمد السديري الأميرة ريما بنت محمد بن أحمد السديري الأميرة أمل بنت محمد بن أحمد السديري الأميرة عبير بنت محمد بن أحمد السديري ) |
رد: الشاعر الأمير محمد الأحمد السديري
الله من همٍ بروحي سهجها=بخافي ضميري في كنين الحشا لاج
احر من نارٍ توقد وهجها= منها خطر روحي على سلك ديباج وعينٍ عسى المولى يعجل فرجها=يفوح ناظرها كما عين هداج استرسلت للدمع من ما رهجها=غيظ يكظ عبارها مثل الأمواج كم واحدٍ له غايةٍ ماهرجها=يكنها لوهو للأدنين محتاج يخاف من عوجاًطوالٍ عوجها=هرجت قفا يركض بها كل هراج يقضب عليك المخطيه من حججها= حلوٍ نباه وقلبه اسود من الصاج الله خلق دنياً وساع فججها= وعن مايريب القلب لك كم منهاج والرجل ون شطت لياليك سجها= عسى تواليها تبشر بالأفراج |
رد: الشاعر الأمير محمد الأحمد السديري
سلطان شفت الموت مره ومره= والثالثه يامير كشر بنابه
مابيه لاكنه بلاني بشره= زودٍ على خيله يجمع ركابه لوهو ظهرلي في صحاصيح بره= نذرٍ علي اني لبين صوابه |
رد: الشاعر الأمير محمد الأحمد السديري
يقول من عدا على راس عالي= رجمٍ طويلٍ يدهله كل قرناس
في راس مرجومٍ عسير المنالي= تلعب به الأرياح مع كل نسناس في مهمهٍ قفرٍ من الناس خالي= يشتاق له من حس بالقلب هوجاس قعدت في راسه وحيدٍ لحالي= براس الطويل ملابقه تقل حراس متذكرٍ في مرقبي وش غدالي= وصفقت بالكفين ياسٍ على ياس اخذت اعد ايامها والليالي= دنياً تقلب ماعرفنا لها اقياس كم فرقت مابين غالي وغالي= لوشفت منها ربح ترجع للأفلاس ياما هفابه من رجالٍ مدالي= ماكنهم ركبو على قب الأفراس ولاقلطوهن للكمين الموالي= لاصار فوق ظهورهن قطف الأنفاس ولارددوا صم الرمك للتوالي= كلٍ يبي من زايد الفعل نوماس من بينهم سمر القنا والسلالي= مثل البروق برايحٍ ليله ادماس يقطعك دنياً مالها اول وتالي=لو اضحكت للغبن تقرع بالأجراس المستريح اللي من العقل خالي= ماهو بلجات الهواجيس غطاس ماهوب مثلي مشكلاته جلالي= ازريت اسجلهن بحبرٍ وقرطاس حملي ثقيل وشايله باحتمالي= واصبر على مر الليالي والأتعاس وارسي كما ترسي رواس الجبالي= ولايشتكي ضلعٍ عليه القدم داس يابجاد شب النار وادن الدلالي= واحمس لنا يابجاد مايقعد الراس ودقه بنجرٍ ياظريف العيالي= يجذب لنا ربعٍ على اكوار جلاس وزله الى منه رقد كل سالي= وخله يفوح وقنن الهيل بقياس وصبه ومده ياكريم السبالي= يبعد همومي يوم اشمه بالأنفاس فنجال يغدي ماتصور ببالي= ورابعٍ تضرب بها اخماس واسداس لاخاب ظني بالرفيق الموالي= مالي مشاريهٍ على نايد الناس لعل قصرٍ مايجيله ضلالي= يتهد من عالي مبانيه للساس لاصار ماهو مدهلٍ للرجالي= وملجا لمن هو يشكي الظيم والباس بحسناك يامنشي حقوق الخيالي= ياخالق اجناسٍ ويامفني اجناس تجعل مقره دارس العهد بالي= صحصاح دوٍ دارسٍ مابه اوناس البوم في تالي هدامه يلالي= جزاك ياقصر الخنا وكر الأدناس متى تربع دارنا والمفالي = وتخضر فياضٍ عقب ماهيب يباس نشوف فيها الديدحان متوالي= مثل الرعاف بخصر مدقوق الألعاس وينثر على البيدا سوات الزوالي= يشرق حماره شرقت الصبغ بالكاس وتكبر دفوف معبسات الشمالي= ويبني عليهن الشحم مثل الأطعاس |
رد: الشاعر الأمير محمد الأحمد السديري
يقوله مكظوم الفؤاد عليل =ارا الليل بساعات النحوس طويل
ينام من لا جال هم بخاطره =ونا شيل من ظيم الهموم ثقيل اشيل مالا شال حيدٍمن الصفا=ولاني على شيل العظيم هزيل الى صارت النفس العزيزه تسوقني =الى مرقبٍ عالٍ ذراه ظليل اصبر على ظيم الليالي وكودها =وناجى القلب بالفؤاد عليل على اي درب يالنديم تدلني =واظنك على عسر الدروب دليل وناعارف ياقلب ماراد هاجسك=ولك خالقٍ ماهوعليك بخيل الواحد اللي ما تعدد فضايله =مده الى شح البخيل جزيل ولي عشقةٍمابين الاظلاع غاطسه= علي تبعد والمسير طويل عشقتها والموت بيني وبينها=ابتعب وراها لويقال هبيل عهد الموده تم بيني وبينها=ولا ينفصم دام البحور تسيل ماصاب قيس بحب ليلى اصابني =على واحدٍمابي حذاه بديل همه يداعبني بنومي ويقظتي =وارجي متى غصنه علي يميل خليل يخايلني بعينه واخايله =ماله بنفسي بالعباد عديل اخيله مخايلة العرب بارق الحيا =ونا له على عسر السنين عميل ان تم حبل الوصل بيني وبينه =مايلتفت قلبي لكل جميل هواها يعيفني من النوم ماحلا =متى نلتقي بالفرقدين نزيل الايامهات الريم روفي بعاشق =اسرتيه ولاله بالعباد خليل ماله من الفزعه حذا وجه خالقه =وقلبٍ تحاشا ان يقال ذليل قلب على الصكات اقسى من الصفا =الى صاب مرعوب الفؤاد جفيل وعلى البال يطرى لي من الناس نادر =جنسه الى ضاق الزمان قليل ان كبرت القالات مارف خافقه =والذل مايلقي عليه سبيل اليا عتت جرد السنين واجذبت =سحب الحيا واصبح ثراه محيل كريم ولا يرخى من البخل حاجبه =جوده الى شح السحاب يخيل اعنى فتى وايل وذروة سنامها =سيف بحزات اللزوم صقيل عبدالله الفيصل حجا من يلوذبه=له فوق نجم الفرقدين مقيل احب من يصبر على كل شده =الى شاف من خطب الامور جليل ولاهوب رجافٍ فواده من العدا =دخيل للي ماوراه دخيل اخا الجود من يرقا من المجد ماعلا =وخا الذل يصبح لذليل قتيل وخا الجود فيه الجود يلقى ويرتجا=وخا الذل مايلقى وراه حصيل من عاش بالذل الطويل لقيته=ردى العزايم للجبان زميل قيل الفتى بالعجز مايدرك العلا=ومرقا المعالي يالعظيم يهيل |
رد: الشاعر الأمير محمد الأحمد السديري
ياشن بقلبي منه صبحت مكضوم= يعلم به اللي عن عباده غناوي
وعيني يابو ماجد حريبٍ لها النوم= وكنه يعالجها الطبيب المداوي شوف البغيض بنونها عمس وهزوم= والقلب ناشه بالمعاليق لاوي ونا الى جاني من الناس مزحوم= احل عنه لكايدات الدعاوي ارخص له النفس العزيزه بلا سوم= ونا على فعل الجمايل رهاوي وعديت من جور العنا راس مزموم= في راس مرقابٍ جديد المطاوي رجمٍ طويلٍ نايف ٍ كل مرجوم= مهايفٍ راسه عسير المهاوي وهيضت من وسط الحشا كل مكتوم= زقرات ما يقوى لهن كل قاوي ونا بعون الله لوكنت مظلوم= لكسب المعالي بالشدايد مهاوي ارومها لودونها حرب وسهوم= وياما حوينا بالشدايد محاوي عساك ياللي تنقل الكبر والزوم= من المرض تصلى بحر المكاوي انا الوحيد وقومي اكثر من الروم= وفي لمة العربان كني خلاوي حتى صديقي صار من حسبة القوم= وضاعت عزوم مكثرين العزاوي ودعيت عفن الريش يوم ادرج الحوم= ابالرخم ونا احسبنه نداوي طيرٍ بحزات الهدد يلحقه لوم= الى قنص به ضايع الفكر غاوي خسران والخسران من ينقل البوم= يبشر بخيبات الرجا والبلاوي الناس في دنياك معطى ومحروم= وكلٍ على طيب المعاني شفاوي الطيب لهل الطيب والرزق مقسوم= وطير السعد طيرٍ تعدى الحراوي طيرٍ نقلته طالني منه مثلوم= وبعض الطيور يضيعن الهقاوي انا احسبنه ساطي القلب ملحوم= واثره عن الصيدات مثل العماوي من المذله بارد الوجه ماسوم= وقلبه على درب الرذيله نحاوي هقيت به لاشك انا صرت منجوم= وتوي دريت اني عن الدرب غاوي من خلق في دنياه بالفعل مذموم= على الردا بالحيل مشيه نحاوي الله لايسقيك يالواد ابو دوم= وعساك صحصاحٍ بك الذيب عاوي خمسين عامٍ مايقولون ماسوم= يصحى سمكاك وكل مافيك خاوي يجيك ماجا قوم صالح من الشوم= والبوم باركانك يجر الحداوي يالله يامعبود يافارض الصوم= تقبل دعات اللي بجودك رجاوي موحدٍ يطلبك في ثاني التوم= يرجي العفو وارضاك وامرك سماوي من خلقت الدنيا الى يومنا اليوم = صبحٍ يفوت وليل يقفاه ضاوي والناس تفني بين مذنب ومرحوم= وهنيت من له عند ربه عراوي |
رد: الشاعر الأمير محمد الأحمد السديري
عفـا الله عـن قلـب يـزيـد عـنـاه=وداعــي غـرامـه للـغـرام دعـــاه
مـا طـاع عـذّال يعذلـه مـن المـلا=وان سـمـع عـذالـه يـزيـد عـنــاه الـى توسـع خاطـره ربـع سـاعـه=علـى الضيـق داكـوك الهمـوم نـحـاه قلـب بـراه مجـادل الظيـم والعـنـا=الظيـم مـن بـيـن الضـلـوع بــراه دع القلـب يـا عـذال خلـه بغايـتـه=هـواك مــا يتـبـع طـريـق هــواه دع القلـب يـا عـاذل عذلـك يضـره=يـزيـد يــا عــاذل علـيـه شـقـاه كـونّـه الايــام لـيـن اوجـعـنـه=وعـزي لمـن حــر الـزمـن كــواه يكويه من هجـر النيـا حامـي الطنـا=يضيـق بـه مـن مـا دهــاه حـشـاه يـحـن حـنـات الخـلـوج لجنيـنـها=اوالخـلـج مفـهـوم تـحـن ظـنــاه ما حزنها حزنـه ولا ربـع مـا بـه=وحيـاة مـن نـشّـا السـحـاب بـمـاه على جادل مـا شافـت العيـن مثلهـا=أحيـا بـذكـري مــن هـويـت لـقـاه عشير شرابـي مـن مناظيـم مبسمـه=يجـلا عـن القـلـب الـدريـك ظـمـاه أداريه عـن شـيء يحسـه ويغضبـه=وإلـى زعـل يصعـب علـيّ رضــاه إن دك بي من حامـي البيـن هاجـس=وجرعـت مـن حـر الـغـرام طـنـاه تذكـرت مـن طلاّبـة الجـود نـادر=رفيـع الـذرا عسـر الـدروب مـشـاه مشى بدرب المجـد والنفـس تدفعـه=إلـى شامـخ عسـر الــدروب سـمـاه خالـد سنـام الطايـلات بـن فيصـل=حجـا مـن لجابـه والـزمـان وطــاه ابشكي على فرز الوغى جايـر الهـوا=شطـون الشـفـاوي والشـفـاوي تــاه قـد تـاه ببحـور الغـرام المظلمـه=دليـل الخطـا عـن مـن يريـد نـحـاه نحـاه عـن حـي يـوده مـن المـلا=ومـا فـات مـن يـوم يـزيـد غــلاه غـلاه فـي قلبـي تجـدد علايـمـه=وتكتـب علـى القلـب الدريـك اسـمـاه اسماه وان عرضت مع الناس صفقّـت=محـانـي فــؤادي والحبـيـب رمــاه رمـاه بسهـوم المحـاجـر وجنـدلـه=قليـل الفـزع ظـلـم الحبـيـب دهــاه دهـاه بالفرقـا وقلبـي لـه انتـمـا=يتلـه ومــن بـيـن الضـلـوع لــواه لواه يـوم أنـه علـى الحـب يلتـوي=ومـن دينـه ديــن الجمـيـل أوفــاه أوفيه بالـروح العزيـزه ولـو غلـت=روح تـبـي روح تـحــب جـــزاه أجـزاه لـو أنـه رمانـي وجادنـي=يمحـا خطـا الغالـي عظيـم ارضــاه ارضاه يبهج خاطـري عقـب ضيقتـه=ويـرتـاح قـلـب بـالـفـؤاد فـــراه فـراه فـي وسـط المحانـي وعذّبـه=وإن عـذّبــه سـهــل عـلـيـه دواه ادواه عنـده هـو سبايـب مصايـبـه=واشفـاه مـن كـوثـر نظـيـم شـفـاه أرجيه لو دونـه مـن النـاس حاسـد=رجــاي بالله مــا قطـعـت رجــاه أرجيـه لـو دونـه جمـوع تصدنـي=وحبـل الرجـا يضفـي علـى ارشــاه وقد قيل للعراف في ماضـي مضـى=هــذا لـهـذا مـــن هـــذاك رواه يمنـا بـلا يسـرا قليـل حصيلـهـا=ورجـل بـلا ربــع يـخـاف اعــداه مهبلك يا باغـي مـن النذل فزعـه=رجـواك مـن عـنـد الجـبـان سـفـاه رفيـق الرخـا ينسـا مـودة رفيقـه=ليـا ضـاق بـه شيـن الزمـان نـحـاه عوين الدهر ما يامـن الجـار جانبـه=ولـيـا عـرض للشامتـيـن شـنـاه علـى داره السـودا تبنـي خيامـهـا=عويـن الدهـر شيـن الـسـواد غـشـاه خذ يـا لبيـب القلـب منـي وصيـه=حميـدان فـي ماضـي الـزمـان لـقـاه اختـر مـن الخـلان حـيّ تــوده=تسبـق علـى فـعـل الجمـيـل يــداه دليل على العليـا بعيـد مـن الخطـا=الطيـب فــي دنـيـا الحـيـاة إمـنـاه ما جال في قلبه مـن الخـوف جايـل=وإن كــاد مـرقـا الطـايـلات رقــاه ولا ضعّف النفـس العزيـزه لجارتـه=ولا هـرولـت للمحصـنـات خـطــاه يفرح به العانـي ليـا حـده القصـى=وللضـيـف معـسـول الـكـلام نـباه وإن جاك مـن يمـة معاديـك ريبـه=مـن قبـل مـا تـاطـا علـيـه وطــاه صديقك صديـق لـه وضـدك يضـده=وعلـى روس عدوانـك تـديـر رحــاه هـذاك حطـه لـك رفيـق مـوالـي=عـونـك لـيـا زاد الـزمـان بـــلاه مـا يفصـل القـالات الا رجالـهـا=ولا كـل مــن شـيـد بـنـاه حـمـاه ولا كل من ركب الجـواد عـدا بهـا=علـى حامـي الهيجـا وحــر لـظـاه ولا كل من نـوى لـدار رحـل لهـا=يـمـوت مــا لـحـق هــواه مـنـاه ولا كـل مـن رام المراجـل ينولهـا=يـا عـسـر مقضبـهـا عـلـى يمـنـاه ولا كل من ركب المطايـا غـزا بهـا=ولا كــل مــن رام الغـريـم قــواه ولا كل من يبـرم عهـود وفـا بهـا=يطغـى عـلـى فـعـل الجمـيـل رداه ولا كـل مـن ودع لسـر يصـونـه=وكـم واحـد ســر الصـديـق أبــداه ولا كل من حصل حـلال صخـا بـه=يبـيـن بالـوقـت الشـديـد صـخــاه ولا كل من جالس هـل العلـم عالـم=وكـم عـالـم ضــر العـبـاد خـطـاه ولا كـل مـن نالـه جميـل يــرده=ولا كـل مـن شـاف الحريـب نـصـاه ولا كل من سـل السنـان صطـا بـه=يـمـوت وسنـانـه جضـيـع إخـبـاه يـا ناشـد عنـي وأنـا لـي قبيـلـه=لهـا المـجـد زايــد بالـرفـاع بـنـاه وكمّـل مقـام المجـد عامـر وشيّـده=طـريـق المعـالـي للدخـيـل مـشـاه كون جرى يذكر علـى وضـح النقـا=الأشـراف جضـت مـن عظيـم بــلاه مزن تزبـر فـوق سلـى صواعقـه=تشظّـف مـن خشـوم الجبـال حـصـاه نشا من ثنايـا بـرك ترعـد مخايلـه=مـن الشـرق غيـظ بالصـدور حــداه غيظ مخيف يطحن الغيظ والغضـب=ومـا طـال مـن روس الخشـوم طمـاه أمطر على الأشـراف وانهـل وابلـه=عليـهـم تنـثـر بالـغـزيـر طـهــاه قوز الشريـف اكبـر علايـم دلايلـه=سيـلـه تـدفـق هــد كــل نـيــاه سيله عجاج الخيـل والبيـض والقنـا=وروس النشـامـا بالـحـزوم اغـثــاه تشهـد علـى مـا قلتـه العامـريـه=جضـت سبيـع مــن عـويـل ابـكـاه والضبعـه العرجـا تعشـا بدربـهـم=وكـم ضيفـوا ذيــب يـجـر عــواه والطير يلقى البر من ضـرب شلفهـم=مضاريبـهـم يعـيـي الطـبـيـب دواه وش حل بالاشـراف غالـب وراجـح=اقفـو كمـا صـيـد حـدتـه إضــراه اقفوا على قـب تخافـق مـع الوطـا=تـنـازا بطـوعـات الـرقـاب حــذاه من ولب عطبين الهوايا إل زايـد=لهـم صانـع السيـف الصقـيـل حـنـاه حنـاه وارهـف شذرتـه يـوم كملـه=وعطـاه لمـن هـم بالـحـروب عــداه حيث أنهم يـروون حـده مـن العـدا=بايمانـهـم روس الـفـهـود عـشــاه إلـى عـدا فيهـم حريـب وزارهـم=يعدلـون بـحـدود السـيـوف صـغـاه وجريس ما طاله مـن الظليـم طايـل=اسـود الشـرا عـمـن يبـيـه حـجـاه اسود الشرا بالضيـق تنجـي دخيلهـم=ويـروون مــن دم الـرقـاب ضـماه فكـوه ثـم اغنـوه يـوم انـه التجـا=وجـه بــن بــدران يـزيـد ضـيـاه تجمل مع جريـس اليمانـي وعزهـا=الـزايـدي يــوم الـدخـيـل عـــداه يشهد لعامر مـا مضـى مـن فعايلـه=يــوم أن غـالـب بالجـمـوع نـصـاه يبي دخيل البيـت مـا خـاف خالقـه=دخـيـل عطبـيـن السـهـوم إرمــاه واقفـا ذليـل يتبـع السيـر بالـسـرا=وحــرب عنـالـه بالـفـؤاد شـكــاه اقفا مثل ما جـا وهـو يشكـي العمـى=اقـفـا مــن الـذلـة يـجـر قـنـاه عيـب علـى مثلـه ليـا هـد ينثنـي=يبـدل مـن عـقـب الهـديـر إرغــاه وابـن صبـاح اذروه وبـن خليـفـه=رمــح آل زايــد ظـلـهـم بـإفـيـاه اخذ ثارهم مـن ضدهـم يـوم كادهـم=رمـح مـن الـعـز القـديـم عـصـاه يشهـد بـه الهـدار واللـي جرابـه=دخيلـهـم ثــاره عـطــوه قـضــاه فكـو حقـوق للدخيـل بـن وايــل=جميلـيـة نـالـو حـقــوق وجـــاه من ضرب من لا صددوا عـن حريبهـم=يصـكـون بجـبـاه الخصـيـم جـبـاه دخيلهـم بأعلـى السمـا كـن منزلـه=لــه بـيـن نـجـم الفرقـديـن مـتـاه كنـه بجـنـات تظـلـه غصونـهـا=والنـايـف الطـايـل يـحـل ربـــاه تعلو لعرش المجد مـن قـو عزمهـم=مصابـيـح ظلـمـات تـريـح رجـــاه مراجيـم عـدوان مرابيـع ملتـجـى=ليـا جـف مـن وبـل المـزون ثــراه إلى قطبـت عسـر السنيـن وجذبـت=ولا عــاد يـذكـر بالـريـاض كـمـاه يهوشون بوجيـه تكاشـف مـن النقـا=والضيـف مـا يقصـر علـيـه إقــراه يـا ناشـد عنـي وانـا لـي قبيـلـه=قـصـر الـنـدا زادوا علـيـه بـنــاه اشـادو فعـول بالفضايـل وسلمـهـم=للـجـار كــل بالـلـسـان حـكــاه بني زايد أدو جارهـم مـن جـداره=ولـحـد مــن اسـبـاب الآلــه وداه لهم وادي سهـل الـدروب ودونـه=نــار يـنـزح عــن احـمـاه سـنـاه سنـاه مصقـول الحديـد الصافـي=وعـزم القـلـوب الصاطـيـات لـظـاه عذروبهم للضيف ترخـص نفوسهـم=والجـار مضـمـون الـسـلام إغـطـاه وجه الندا ينـدا كمـا ماطـر الحيـا=يبـيـن عـنـد المـوجـبـات نـــداه تعيّي على الشيمات حفاظـة الشيـم=وجــه الـنـدا لازم يـبـش حـيــاه قصيرهم يـارد علـى العـد قبلهـم=ولا شـكـا يــوم الــورود ظـمــاه إن زادت سنينـه تـجـدد معـزتـه=وكـل خـطـا جــاره علـيـه رفــاه وإن ذبـح منهـم خيـر عنـد وجـه=هوكسـب الفضيـلـه بالحـيـاه إمـنـاه على الطيب شبان وشيـب تزاحمـو=والطـيـب يتـعـب للـرجـال مــداه دواسر كنيو علـى دوسـر الفحـل=واسـم عـلـى فـعـل يبـيـن إقــداه من الهضب إلى الافلاج مكدين ضدهم=وحريبـهـم مــر الـمـذاق عـشــاه واد العقـيـق مطهـريـن جنـابـه=ولا ديــس بـيـن العالمـيـن إحـمـاه من عصر بن بدران هـاذي ديارهـم=والــدار مـحـد للخصـيـم عـطــاه راسين مثل جبال هضـب آل زايـد=وهـم لـيـا شــان الـزمـان حـمـاه حمـوه يـوم أن القنـا يقـرع القنـا=ولمثـلـهـم رب الـعـبــاد بــنــاه الدار مـا تصلـح لمـن لا يصونهـا=الــدار عـــوره والـرجــال إرداه دار خذوهـا بالمراهـيـف عـنـوه=وهـم نورهـا الساطـع ينـيـر إضـيـاه بني عقيـل اخلـو مغانـي ديارهـم=بعـد دمهـم بـأرض العقـيـق سـقـاه من غلمة ما باعـو العـز والشـرف=يـوم الـردي فـعـل الجمـيـل نـسـاه تشهـد مشاريـف اليمامـه بفعلهـم=فـعــل تـعــد العالـمـيـن ثـنــاه فعل على فعل تحاكـا بـه العـرب=مـحد يـكـذب مــن يـعـد ثـنــاه هرج بفعل يشبـه المـاس بالذهـب=وهـرج بــلا فـعـل يـقـال سـفـاه نعـد قـول مـا تـكـذب مثايـلـه=راويـه أصـدق مـن طـيـور قـطـاه نعـد مـجـد الطيبـيـن وفعلـهـم=وأذكــار فـعـل الطيبـيـن طـــراه مـن رام فعـل الغانميـن وشانهـم=السيـف يـروي مــن عــداه شـبـاه مـن رام فعـل الغانميـن وسلـمـهم=الجـار عـن الخصـم العظيـم وقــاه مـن رام فعـل الطيبيـن وقـدرهـم=يبـذل ليـا ضــاق الـزمـان فـضـاه إن كف همال الحيا وامحـل الوطـا=وشحشـح عـن الطفـل الرضيـع غـذاه يكرم ليا ضاقت على الناس وامحلـو=ويصبـر ليـا مــن الـزمـان وطــاه النذل ما يقدر علـى طيّـب الثنـا=والليـل مـا يشبـه صــدوق ضـحـاه يجود الفتى بالجود من زايـد الحيـا=يـخـاف مــن بالعـايـبـات قـضــاه قولـو لطـلاّب الثنـا يتبـع النـقـا=ولا يلحـق الـعـرض النـزيـه شـنـاه ومن سار بدروب الردى زاره الخنـا=ويلبـس مـن اسـلاب السـواد كـسـاه ابعد عن الانـذال واتـرك ديارهـم=يفكـك مـن الـوجـه الخبـيـث نـيـاه الاجواد ايات النـدى فـي وجيههـا=والانـذال شـري مــا يــذاق جـنـاه الاجواد ما تنوي بك البوق والـردى=والانـذال عـيـب مــا يـعـد غـيـاه الاجواد فعل الخيـر لـذة نفوسهـم=والانــذال مـلـزوم يـشـاف خـنـاه الاجـواد جنـات تعاقـب نهورهـا=والانـذال صلـدا مـن صخـور صفـاه الاجواد تاصف لـك طريـق يدلـك=والأنـذال لعسـرات الــدروب إقــداه الاجواد مثل الورد عطـر روايحـه=والأنــذال زقــوم يطـيـر سـفــاه الاجواد فيهـم بـاب يسـر ومعـزه=والانـذال عسـر مــا علـيـه شـفـاه الاجـواد زلـة جارهـم يدمحونهـا=والانــذال تـجـزا الاقربـيـن جـنـاه الاجواد مثـل النهـر حلـو شرابـه=والانــذال صبـخـاة مــلاح مـــاه الاجواد تبذل فضلهـا دون عرضهـا=والانـذال دنسيـن الـعـروض عــراه الاجواد مثل الريـف سعـد سعـوده=والانـذال قـحـط الزمهـريـر شـتـاه الاجواد تامن شرهم وانـت عندهـم=والانـذال شــر مــا يطـيـب بــلاه الاجواد مثل الصبح تمشـي بنـوره=والانــذال لـيـل مظـلـم مـمـسـاه الاجـواد حبـاة النـدى يبذرونـهـا=والانـذال تـبـذر بالرخـيـص ريــاه الاجواد فعول الخير مـا يجحدونهـا=والانـذال حـزم مــا يطـيـب حـفـاه الاجواد مـا تلحـق عزيـز مذمـه=والانــذال تنـطـق بالـصـديـق زراه الاجواد عز الجار والضيف سلمهـم=والانــذال بعـيـون العـزيـز قــذاه من طاوع النفس الذليله على الـردى=يرخـص ويظـهـر للـرجـال خـفـاه من طاوع النفس الذليله على الـردى=نسـى الجـار والضيـف العزيـز جفـاه من طاوع النفس الذليله على الـردى=تقصـر عـن العـز الرفـيـع خـطـاه يموت طلاب التماني على الشقا= سراب دوٍ والظلال غطاه يمـوت طـلاب التمانـي بحسرتـه=وكثـر التمـانـي مــا تعـيـد صـبـاه يموت طلاب التماني ومثله= من يرجي الحنظل يزين نماه أبـا التمانـي ولا تمنّـى وخلـهـا=تــرى التمـانـي والحـلـوم اشـبـاه يقولها لك مـن هـوىالقلـب عذبـه=وداعــي غـرامـه للـغـرام دعـــاه |
رد: الشاعر الأمير محمد الأحمد السديري
شيى بقلبـي يامـلا حايـرن فيـه=شيء تحير ابه العقـول الفهامـى
مخفيـه بفـوادي ولا ودي ابديـه=وادور الخيـرات شرقـن وشامـي احترت به ماشفـت شـي يحاليـه=واليوم ابنشد عنـه مانـي بكامـي سيل حدر مع وادي غيـر واديـه=مدري حـلا ل مـاه والا حرامـي كانه حلا ل جايزن شـرب صافيـه=وش حلله يامفسرين الحـلا مـي هاتوا تفاصيلـه وهاتـوا معانيـه=نبي الدليل الـي عليـه الكلامـي نبي دليـل يفهـم الـدرب ماشيـه=يمشي به التايـه بليـل الظلامـي يمشي به التايه ويقـدي مواطيـه=ويشرب قراح الما ليا صار ضامي لا شك هجسي يوم خـلا مماشيـه=انـه حـرام ومنـه زود الاثامـي احرم من الزقـوم مـره وحاليـه=وشربه علي الضامي يزيد الهيامي الله مـن قلـب همومـه تقزيـه=تدك بـه مثـل الجـراد التهامـي من ما جري قامت تتله مشاحيـه=تل الرشا من فوق هدف المقامـي روابـع قامـت تصيبـه وتخطيـه=شاف الهوايل واختـلاف الاسامـي مايسمع الداعي اليا قـام يدعيـه=يعوم في بحرن من الهـم طامـي ما يتنبـه للـي بصوتـه يناديـه=يزيـد همـه يـوم كلـن ينامـي يشوف وقتـن ماعرفنـا تواليـه=وقت يشيب من ابسـن الفطامـي هـذا زمانـن كاثـرات بـلاويـه=الغيم يقلـب فيـه عـج وكتامـي يا بعد شرب الما علي كبد راجيـه=ما سيل الغبرا زعـوج الجهامـي انبيك يا من كلمة الحـق ترضيـه=اعطيك ما ينفعك وافهـم مرامـي قصـرن يذلـك لاتقابـل مبانيـه=خله عسي شامخ طويلـه هدامـي خله عسى ما صاب اغادير يفنيـه=يودع منازلـه الطويلـه رجامـي لو زان مدخاله وطالـت حواميـه=شيد علي الخيبه قليـل الرحامـي وحـي يوريـك المذلـه وتغليـه=انا اشهد انك ميت القلـب عامـي مـن لايـودك لا تـوده وترجيـه=ارفع مقامـك ياعزيـز المقامـي ارفع مقامك عن عـدوك وتوذيـه=ويلحقك من تركت رفيقك ملامـي حق الرفيـق وواجبـه لا تخليـه=يلزمك مثـل الوالديـن الحشامـي اختر عزيز الجار والحـق يعطيـه=شبل على هـرج يقولـه يحامـي مادك به عـرج المذلـه وطاريـه=يسبق على فعل الفضيله شمامـي ومن قارب الاجرب بالامراض يعديه=عدواه تسطي باللحـم والعضامـي درب السلامـه بيناتـن مماشيـه=ودرب العطب يرث عليك اللكامـي ابعد وقلبك نـازح البعـد يشفيـه=وتلقى عن الدار البغيضـه مقامـي دارن بدار وداعـي الـذل عاصيـه=ولا تقبل الذلـة نفـوس الكرامـي الـذل مـوت حايماتـن ضواميـه=ادخل على منزل فروض الصيامـي عن مقعد بالـذل عينـك تراعيـه=الموت عند الذل امـان وسلامـي يرضى المذله من تـردت هقاويـه=والذل يجفل منه قلـب العصامـي والعبد له رب عن النـاس يغنيـه=ولولاه ما صاب الهدف كل رامـي |
رد: الشاعر الأمير محمد الأحمد السديري
ارى الوقت من بعد الوضوح ظلام =ولا عاد به للغانمين مقام
توارت بدوره من غياهيب ظلمه =وغشاه من بعد الوضوح ظلام الا يا زمان الغدر لا عاد يومك =وعلى الدهر الاول كل يوم سلام عليك مني كل ما ذر شارق =سواد على روس الهضاب يقام نجزاك بالسودا على واضح النقا =ولا عاد لي بك يا زمان مرام بالوقت هذا شفت ما يبحث الخفا =ضعاف المعاني صوروها جسام اشوف فيه البوم يدمي مخالبه =والحر بين الطايرات يضام والنمر مجلد والحصاني تهومه =اصابه من شوف الهوان هيام يشوف بالعين العزيزه مذله =ولا طاب لعيون العزيز منام عين تروم العز ما تالف الكرى =حرام عليها ان تنام حرام نصبر على هذى وهذى ومثلها =وافراجها عند الكريم شمام يا مدورين الطيب ما هوب بالمنا =الطيب عند الغانمين اقسام اقوله على من هيجتني مثاليه =وحطت على الهينات عظام فتاً ما بلغ بالعمر عشرين حجه =وصعد لنجم الحاجزين وحام مشا بين صفات الجموع وصفقت =له القلوب الساميات غرام ونا على ما راد والم وحاضر =ومالي ونفسي باللزوم عدام خذ العهد من رجل إلى قال ما كذب =وده يموت ولا يجيه ملام يرى الموت بالعز الرفيع سعاده =وبالذل ما يرضا الحياة دوام الذل يرضى به من الناس خامل =والحرعاف الخاملات وشام يشوم من دار لدار يرومها =وعساك يا دار البغيض هدام على من بحث سدى وهيج صبابتي =سلام عدد وبل ذراه غمام |
رد: الشاعر الأمير محمد الأحمد السديري
يالله ياخالق جميع أشكالها = يا مقدرٍ أرزاقها وآجالها
يا باسط أرضه يعيش بها الملا = ياسامعٍ فيها دبيب انمالها يالواحد اللي مالنا غيرك رجا = ياللي خلقت انجومها بأكمالها يا منجي ذا النون من موج البحر= يا ناصر موسى على جهّالها يا مبري أيوب مما حل به= من علة ما غيرك أحدٍ زالها يامرسل طه بأعز رساله = رسالة والشرك مايحلالها نادى بها وأعلا بها وأفصح بها = واكبر بها وأعظم بها نقالها وضّح بها ما جابها من فضلها = من ربها علاّمها بافضالها ما كنّها ما عقّها ما خانها = ارسل بها وأفصح بها بجمالها فيها الشرف فيها النصف فيها العفف = وجه الندا من طهرها يندالها اوضح بها سيد البرا ما ساعده = ياكود صديق صدق بأقوالها صديق من صادق نبي مرسل =باصدق رسالة مؤمن اصغالها امن بها واعظم بها واكبربها=واخلص لها واصغى لها مرسالها تاهوا عليه المشركين بغيهم = بإشراكهم واعلامهم واغلالها واستعصم المعصوم من كل الملا = بالله عالم ماخفى باحوالها رب الوطا رب السما رب العطا= رب الخلايق من جميع اشكالها المرتجى جزل العطا رب السما = رب القضا بإيمانها واشمالها رب الفضا ما شاركه في قدرته = اللي خلق لبحارها واجبالها اللي نصر في بدر جيش المرتضى = على جيوش إبليس يوم أوحالها أوحى لها بالكفر واحمر الوطا = وقامت تخوض الخيل دم رجالها من ضرب من لاصدد وعن حربهم = عصبة محمد باليمين أومالها في حومة الهيجا لميع سيوفها= مثل اشتعال البرق وسط خيالها قامت تحز حدودها بارقابهم = صارت جماجمهم طعام انصالها وانجال جلباب الدجى عن سنة = غرّا تلوح أرسل بها من قالها سارت وباب الفتح روس حرابها= والعز وايّام السعد تبرالها النصر من طيبه سطع وسط البرا= وسارت جموع فعلها يزهالها جيش رفع بالعز رايات السعد = والشرق هو والغرب داس احلالها ساروا على هدى الرسول وسنته = وهدو حصون ما حموها أبطالها خيولهم بالشرق داست عزّته = وابطالهم بالغرب شيف افعالها واليوم شفنا ما يحير به الفكر= ناس تهوم اقصارها لطوالها يمشون بالحيلات لا خفا كيدهم = دايم تحاول جوّها يخلالها قاموا بها وافضوا بها واغرّوا بها = كل الرواسب من حثال احثالها شريعة الماركس شذ وسنّها = ناصر بعد سنة نبيّه شالها عطّر بسم الغاز وديان اليمن = ما خاف من منزل عبس وانفالها كم خفرة ناحت وشقت جيبها = من حزنها من ظيمها واثكالها السنة الحمرا رضاها لشعبه = وحرية الشعب اليماني غالها اجلّها واصغالها وأحبّها = شيوعية حمرا وهو يسعى لها تباعة الملّه حكم باعدامهم = من دون حكم الله سلب لاموالها وين التقى وين النقى وين الشهيد = قطب الشريعة اعدموه ارذالها رجل سطع بالحق وانكر شركهم = واللي يقول الحق يشغل بالها يبون دين الكرملين وملّته = وان طعّمت بالبعث صار أزكالها ازكالها بالخبث ودروب الردى = وريح الرذيله بالخنا صبالها ان تم عمر النمل فارق منزله = جنحانها تنبيك عن زوالها نادا بها بالشرق واخفا شرها = حتى تصيد اشراكها وانبالها تحذروا يا هل الشرف من رجسها = من كيدها من ويلها من حالها من همها من غمها من كفرها = وهو الوحيد اللي شرب غربالها خادع بها لوح بها غرر بها = بارك بها حتى يشد ارحالها تحدّوا الخلاق وابدوا غيّهم= بالله خالق بحرها واسهالها مستغفل لكباركم واصغاركم = يبي يصد الخلق عن اعمالها عن دينهم عن عزهم عن مجدهم = عن سنة المعصوم عن منوالها يبدي لكم خير وهو يخفي لكم = ذوبات سم ضرّها يبرالها هام الزعامه وانثنى من دونها = صعبة مراقيها ولا يقوى لها تلعب به الحسرات من ذل جرى= واليوم بالكفين شرب اثمالها ما يتبعه ياكود من خان الشرف= ناسٍ على الخيبه تجر أذيالها يالفيصل المعروف سن اجهادهم = يالصاطي الصمصام شب اشعالها بالغاره الحمرا عدوك بادره = عجّل لها الضربه تصير انكالها ياعزّها يا حرزها يا فرزها = ياليثها يا درعها سربالها يابدرها يا ظلّها يا مجدها = ياسترها وإن حل فيها أجفالها ياعرشها يافرعها يا ذخرها = يازمامها يا هجارها ياعقالها إلي نشد بين العرب من ليثها = خصّو عليك إن قيل من رجّالها يوم الجزيره سلمت لك عرشها = رايتها رفعت وصار أرسى لها ان برّكت صعب الجمال بشيلها = شلت الجمال وشلت كل احمالها وان كبرت القالات واعيا كودها = أنت الذي من كبرها تقوى لها أنت الشجاع بن الشجاع الفارس= إن قالوا الفرسان من خيّالها كان العصاة عن الفضايل صددوا = قضبت في يمناك كل احبالها وان كان هم على البرية زوّروا = عن كذبهم جبت الصّحيح بدالها لك بالفضايل سنة مشهوره = والحق تنطق به جميع اجيالها تاهو بدرب الغي غادٍ رشدهم = ما فكّروا باقفايها واقبالها ملونين ما عرفنا جنسهم = ولاعرفنا عمّها من خالها ولاّ أنت للبيضا الفضيله تنتحي= للرشد مع درب النقا تخطالها ربك دليلك ماشي في دربها= وكل الفضايل قاضبٍ اخصالها والله ما يطفي لواعيج الحشا= ولاتطيب النفس ممّا نالها إلا مصادمهم بحومات الوغى = فيها المدافع عامرٍ زلزالها حتى نطوّعهم بعدلات النظر= ونريح عن سود الوجيه اجلالها في ساعةٍ يشيب فيها من حضر= تذهل بها المرضع وتنسى عيالها تصعق مزامير البلا من شرها = وللموت عزرائيل حل بجالها كتما كتوم صايح شيطانها = فيها المنايا حاضرٍ دلاّلها من هولها من حرها من كودها = من عظمها من جورها باهوالها تغيب فيها الشمس ساعات الضحى = والدم يروي سهلها وتلالها نبي نحارب من عصى دين الاله = وعيب على اللي ما تتم اقوالها الحرب قبلة شاربين درها= وافراحنا بمصادمة عيالها الحرب قبلة خايضين بحرها = ونلنا أمورٍ قبل هو ما طالها الحرب قبلة عارفينٍ سلمها = حنا نروي باليدين اسلالها ليا تواجهنا وشافوا ضربنا = نذيبهم ذوب الرحا بثفالها نشبع طيور الجو في هداتنا = وحتى وحوش الأرض نرمي فالها من غلبها من جرحها من مرها = من ويلها تشيب منه أطفالها ارخص بها من قادها حكيمها = رذيلها من دلّها لا ذلالها واليوم عامر قيل خان بسيده = والعام قالوا ليثها ريبالها عقب الندم عقب الخور عقب الهزل = كل يقول فلان هو حمالها حسراتكم بالذل تملى البابكم = في ساعة ضاقت على محتالها وربعي مسجلة الفخر يوم الكدر= روس الملوك الطايله تحنى لها ربعي على سلم الصحابه سلمهم =والماء من عقب الكدر يصفالها ربعي ليا حل الخطر بديارهم = هم عزها وان حل فيها اخلالها هم سترها هم نورها هم برّها = هم فضلها هم غيثها همالها ربعي مقابيس الوغى يوم اللقا = شيب الاسود معقّبين اشبالها ربعي هل الطولة مجددت الظفر= خالد بفعل الطايلات افتالها وابو عبيده للفضيله دلها = وابن ابي طالب سن كل خصالها وجدد فعايلهم وجدد مجدهم= لطّامها واعقابها جوالها عبدالعزيز أبا الفضايل كلها= إن جيدلت بالحرب حل اجدالها التغلبي الوايلي المقرني= الفيصلي حلال كل اقفالها زاكي النسب رب الندا جزل العطا = هو معلق الهيجا وهو حلالها السيف يشهد له بحز ارقابها = والخيل من حسّه يزيد انقالها ان ولّعوا حمر المعارك خاضها= وان عيلجت بالراي حل اشكالها ان اعتزا عنه الفوارس تنتحي = يزيد فيها رعبها واذهالها من خوف لطمات العديم بصارم= كم هامةٍ أهوى عليها وشالها أطلبك يا موضي نهاره للورى = ياساتر ليل الدجى بظلالها تعز من يمشي ويتبع سنتك = وتذل يا علاّم من عادا لها ياحامي اركان الحرم فيما مضى من دولة صالت تسوق افيالها يا خالق ما بالسما هو والوطا == يا مقدرٍ ارزاقها واجالها |
رد: الشاعر الأمير محمد الأحمد السديري
مرقا العلا خطرعسـيـرصـعـوده=ما يطلعه مـن لاتجلدعلـي الكـود
والبيـت مايبنـي بليـا عمـوده=والحيف يزعل من عن الحق مردود والحريجـزع يـوم توطـاحـدوده=وتشرهه نفسه علي الطيب والزود ولايشتكي مـن لا تضـره لهـوده=انشاف جورالحيف والعدل مفقـود والوقت شفناكل بيضـه وسـوده=وشفنانهاره مع لياليـه مضهـود والغيم لوتسمع صواعـق رعـوده=لاممطروبـل ولاهـوب مـريـود يامدوريـن الطيـب قيسوعـدوده=والطيب عد بين الاجـواد مـارود والناس بارض الله تراهم شهـوده=وحق بلا فعل علي الرجل مجحـود والنذل حيـلات الـردى ماتكـوده=واليابغا الطولات مايـدرك الجـود عن المراجـل قاصـرات زنـوده=طيرالعشا يصبر علي كـل منقـود الخيل ماتشكي مضاريب عوده= وبالقيظ ماركب النضا مثل صاهود يعيش في دنياه همه رقوده= ولانفضنه قرح الخيل والقود لاعل رحمة خالقه ماتعوده= وعساه مع زمرة هل النار بخلود هذا زمان هايبات فهوده= والناس نادو عنتره بأسم مسعود واشوف لي رجلٍ يعدد جدوده= لوان ابوه وجده اضعف من الدود كلت من الماطا رواسي حيوده= والبوم شاش ولابسٍ درع داوود والنيص حط لهامة الراس خوده= عقب المذله له طوابير وجنود ماكن شيٍ في زمانه يكوده= شاهد بها الدنياسلامات وركود وحتى الغراب اليوم يفخر بجوده= والفار بذراعه قطع كل بالود والشري والحرمل تباهت وروده= وقامت تشيل غصونه الماس وعقود ياحسين زانت له ليالي سعوده= وصدق حياه بزايد الوبل ورعود |
رد: الشاعر الأمير محمد الأحمد السديري
قلت آه من صبر صبرته على الكود =ومن ونة للقلب جاحت وقدت
ونة عتب ونة غضب مالها حدود =ياليتها عن مغلق الصدر صدت لوهى بحيد ذوبت كل جلمود =على الضماير بالهضايم تحدت قامت تعرض لي بالايام والسود =ان قلت قفت عودت لي وردت ان قلت هانت بالحشا جابت الزود =وجاحت خفايا ضامري واستجدت وزادت جروح القلب بجروح ولهود =ودنياي مالت عن سنعها ولدت والعين كن بنونها ملح بارود =على السهر كل الليالي تحدت تسهر وبعض الناس هجاع ورقود =وهي تبي فرقاه ما فيه لدت ونشدت يا تركي عن اللي بهم جود =وقالوا ضعون اهل المروات مدت العدل من شد ومع الناس مفقود =وبفعالهم عمسين الاريا تقدت منزالهم خال تصافق به النود =من يوم عنه اسلاف الاجواد شدت افقوا على الدنيا هل الخيل والقود =اللي فضايلهم على الناس بدت هل الفعول ولبسهم صنع داوود =وهل المهار اللي على الضد كدت عصمان الاريا مشرعة كل مجرود =ليت الليالي السود عنهم تعدت الناس بالايام طارد ومطرود =ياليتها باهل المروه تحدت وطير الفلاح اللي عن الصيد مردود =عقبه تبوع علمت واستهدت اشوف ناس عندها الحقد ماجود =ونفوسهم عن كل عليا تردت العدل في ساحاتهم صار مفقود =وعن الفضيلة جنبت واستردت ما يرفعون النفس عن كل منقود =ان ما تعشت عرضها له تعدت تعطى عن العليا محاريف وصدود=ووجيههم ما قيل بالجود ندت |
رد: الشاعر الأمير محمد الأحمد السديري
دنياك يا مخلوق يظهر بها أشكال =توريك صفحات وتكشف لك الغيب
تخفي عنك حال وتبدي لك احوال =تكدر مشاريب وتصفي مشاريب يهفا بها جيل وتخلق بها اجيال =ولو اضحكت تبكي وفيها عذاريب للمفتهم فيها جديدات واسمال =بيض لياليها وسود غرابيب وفيها نهار واضح يشعل اشعال =وفيها نهار مظلم به لواهيب احد تدعذع له على روس الاقذال =واحد يعيش من الوزا عيشة الذيب دنياك تجري بين الاقفا والاقبال =واليا اوجهت غارات خيل مهاذيب يالادمي ما طاوعت كل عذال =كم ليعت بالبوق من يفعل الطيب دنيا يبيد حيلها كل محتال =تدور بك دورات عجل الدواليب باقفايها تعرض ولا ترحم الحال =وباقبالها تملا كبار المحاليب انبيك يا من سلت عن بعض الاحوال =انشد وانا لك حاضر الفكر ومجيب أن كان تبي الرشد يا طيب الفال =ازبن على رزاق عكف المخاليب ازبن على اللي في يده علم الاجال =علام ما بالكن مذر المعاطيب الواحد اللي للصعيبات حلال =منقذ مداريك ومبري مصاويب اخلص لعلام السراير بالافعال =وناجه اليا صكت عليك اللواليب ادعه يفرج لك ليا صكك الجال =حلال عسرات الأمور المصاعيب اللي دعاه ايوب من ضيم الاهوال =وانجاه من حال تزايد بها الشيب الناس في دنياك كل له اعمال =اتبع طريق العدل وابعد عن العيب درب النقا بين ولك فيه مدخال =ومن باق ماله عند ربه مقاضيب واليا رضا حلال عسرات الاقفال =لاتلتفت للخلق لو هم مغاضيب لا تلتفت للخلق راحل ونزال =مالك على ذريه آدم مطاليب وفيقك المامون حطه على البال =واذره الياجن الليالي شلاهيب اجعل بقلبك له محل ومدهال =لقاه ذخر بمعضلات المواجيب عديل روحك لا تدور به ابدال =عونك ليا صكو عليك المغاليب ما هوب من شيل العظايم بملال =يصبر كما تصبر على شيلها النيب مفراص ماص للصعيبات حلال =صميل قيض وماضيا له تجاريب واحذر ترى بالناس مبغض وختال =ماله مراجل كود شذب العراقيب عن مذهبه خلك على رأس ماطال =وخله على فاله يشم المغاريب البوم يسكن بالخرايب والاطلال =والحر مسكانه بروس المراقيب طير السعد من كفه الدم شلال =بالمخلب الساطي عطيب المضاريب ولا يغرك بالرخم كبر الازوال=وكبر النسور المهدفات المحاديب |
رد: الشاعر الأمير محمد الأحمد السديري
إن صار زود المال بيدين الأنذال=حنّا من المعروف تندا يدينا
وإن كان شرهو على طيب الأفعال=حنّا وردنا جمامها و ارتوينا وإن فكّرو للجود يمشون رحّال=حّنا قبل يمشون يمّه خطينا يا ما لبسنا للشرف كل سربال=وعلى البسيطه للفضيله مشينا في دوحة العربا لنا مجد وظلال=وحّنا على درب المكارم غذينا لو نجمع إللي فات منّا من المال=ان كان شيّدنا القصور وبنينا نعطي ولا نتبع عطانا بالاقوال=ونبذل ونسكت كننا ما عطينا وإن باعوا الشيمه بدينار وريال =حّنا دخلنا سوقها وأشترينا نطلع لها لو هي على روس الاقذال=لوهوعسيرٍ دربها ما نثنينا بافعالنا نرسم دروب للاجيال=إلى نساها غيرنا ما نسينا اسود سادات تسجل للاشبال=فضايل شمنا لها وأهتدينا بيضٍ نسجلهن جديدات وسمال=حفايظٍ لاحفادنا اللاحقينا نصبر على الشدات لو شيلنا مال=لو سال دم ادفوفنا ما شكينا نخاف يلقى سدّنا كل ختال=ويبني هزيلات المعاني علينا الليل يا خالدعلى والدك طال=وهنّينت ناس بالكرا نايمينا يا عز راسي شفت ما خبّث البال=شئ يهوّل شيّب الجاهلينا شى من أسبابه يشيب بالاطفال=فطّر خشوم مهجرعات الحنينا اديرقالات عريضات و اطوال=قالات خلّن المخفىّ يبينا منهن رزين العقل بالوقت يهتال=بوقتٍ عبوس فطّن الغافلينا وقت من أسبابه شكا كل ريبال=نصبر ونسكت كننا غايبينا الناس با لايّام راحل ونزّال=وتفجعهم الدنيا وهم دالهينا وحيات رب نزّل آيات الانفال=عالم خفايا نية الحاقدينا ما اترك طريق العدل في كل الاحوال=لو يرحل المريخ للفرقدينا |
رد: الشاعر الأمير محمد الأحمد السديري
لزيت نفسي مير عيت تلزا=وقهرتها غصب على غير ماجاز
مير انها شامت تبي درب عزا=وتبي من الاحراز تظهر للابراز ان صار من بعض المشارب تكزا=النفس ماتغصب على غير ماجاز وش حيلتي لا صار فكري مجزا=وقته رماه وفرقه مثل عناز كن المناشر له تعط وتحزا=وكنه يكظه قالع الضرس بالكاز عيني االى نامت عيون الاعزا=ياقف لها عن لذة النوم حجاز وعن الهموم الى بغيت اتعزا=تجهز علي جموعها فرد واجواز رايتها وسط الضماير ترزا=ليته يذاودها عن النوم حواز اكنها ولها بصدري موزا=اخاف يقضب غيبتي كل لماز حلو كلامه مير قلبه مخزا=وده يحطم وسط نار من الغاز اسهر وعندي شف تقل وزا=وانا لهن مع ضيقة الصدر معتاز فنجالهن بين الشفايا يمزا=اشقر ومشروبه عن الخمر يمتاز وافرح بعلم صادق مبرهزا=ونبي على سكانة القدس ملكاز |
رد: الشاعر الأمير محمد الأحمد السديري
يالله يالي كل حي يراجيه= يالي بمايخفى علـى الناس علام
يامن دعاه ايوب من جورمافيه =ونجا الخليل وذل عباد الاصنام تفرج لقلب كاثراتً طواريه =تارد همومه بالحشا فرد واتوام لوصاح باعلى الصوت يمة مناديه =ماينتبه فكره بجو الفضا حام ماينتبه من جايرٍ وسط خافيه =زود عناه وشتت افكاره اقسام كن السعاير بالضماير تحاضيه =ومن العنا كنه على كير فحام عزي لمن كثر الروابع تناجيه =ان هام شرق ادوى على نقرة الشام وبالغرب كن معالج القلب يدعيه =وعينه بنجم سهيل يوضى بالاظلام العبديم الخير ربه يمشيه =ان جاد حظه بدل المشي درهام ابوصي اللي مالقى من يقديه =وصيةٍ تبقى لناسٍ بالارحام وصيةٍ بيضا تكاشف معانيه =فيها الدليل لنايمٍ مابعد قام بيتك عن الانذال بعد مبانيه= وقبلك ذياب الخيل عن ديرته شام وبالك رفيق السؤ حذرا تباريه =ونظف حلالك عن حلال الايتام ولا تلحق المقفي عبار ومشاريه =انسه ولايلحقك لومه اليالام ومن لاتحمل زلتك لاتصافيه =خله ولو انه لرفقتك عـزام وراع الخيانه بالخلا لاتخاويه =ماينومن قلبه على الغدر مريام وراع النمامه بيناتٍ مواريه =تلقاه عند مدور الحكي خدام درب الردى ماشيه والحظ مهفيه=اسود ولو ثوبه جديدً من الخام ياكل عروض الناس وابليس مغويه=عن السفر ممشاه بدروب الاظلام ومن لايبش بوجه ضيفه وعانيه =ياطا دياره ماوطى ديرة أدهام رافق عديمٍ جاذباته مجانيه =مجربٍ يضحك حجاجك اليا قام زعلك يزعل منه ورضاك يرضيه=تلقاه ذخرٍ بالليالي والايام اللى بعدوانك تكاشف مصاطيه=يجوزله يامدور العرف الاكرام هذاك ملزومٍ تعزه وتغليه =خلك لحاجاته سريع ومولام قولولزبن اني على البعد ناخيه=يشوف منيوبٍ على الكود كظام يشوف من حرالسمايم تصاليه =تجددت شكواه عامٍ باثر عام همه بصندوق الضماير مخفيه =ومعودٍ قلبه على الكود جزام شاف الحصيني ماتناتٍ علابيه =وعلى رقاب الحصن ياطا بالاقدام سبحان من بالكون مكن عراويه=ويقدر بغمضة عين لعراه صرام بحسناك يامرجع ليعقوب غاليه =تكتب لنا حظٍ يذعذع بالانسام |
رد: الشاعر الأمير محمد الأحمد السديري
بالهون يا عذال قلبي ولا يمه =دع الهم بفوادي يصالي هضايمه
اسهرو عيني ما يهملج نظيرها =وقلبك خلي الهم والعين نايمه إلى صار قلبك بارد الهم غافل =انا ترى قلبي يصالي عظايمه يجر ونات تضايق بها الحشا =ايضاً ولي روح بالافلاك حايمه ان هاجت افكاري على وتزايدت =تصور بعيني ساعة الحشر قايمه تلاطم هموم القلب بالصدر كنها =ملاطم الامواج بالبحر عايمه هم يفارقني وهم يزورني =وهم يزايمني وهم ازايمه اسلي فوادي بالهموم وغايتي =إلى مرقب قلبي يحبه ورايمه منيع الذرا يبعدك عن ساقط الملا =إلى صار لك نفس عن الذل شايمه الذل يوريك الهوان وتنتمي =إلى امة في مرتع الذل هايمه خاطر بدرب المجد يا طالب العلا =ترى خالق الدنيا كبار غنايمه اللي يريد المجد يشريه لو غلا =وحليف المذله من تردت عزايمه اختر طريق العز لو به منيتك =واعرف ترى دنياك ما هي بدايمه حليف المذله لا تطاوع مشورته =إلى بغا لاماك حذرا تلايمه ترى الفتى بالعزم يدرك مرامه =يخيف عدوانه وتقوى شكايمه اتبع طريق العدل والطيب والنقا =وافطن لحظك لا تبيعه لسايمه لا جاك مذموم من الناس مجرم =خلك بعيد لا تنوشك جرايمه رفيقك المخلص تحمل مصيبته =اذكر فعول الطيب واذكر قدايمه لا تتركه لعداه وعداك وحده =إلى تركته يلحقنك لوايمه لاصابه الخطب العظيم تذكرك =تزيح عنه الكرب لا صار ضايمه إلى التجابك واحد ضده النيا =عانيك لا ترضى عليه بهزايمه بعدك عن الانذال فيه المعزه =في مهمه صيد المها في خرايمه لو انت بالصيف الشديد وحره =يلفحك من حر الهواجر سمايمه اخير من قربك لئيم وحاسد=ورزقك على رب له الخلق صايمه |
رد: الشاعر الأمير محمد الأحمد السديري
فـات العــجاج وقـلت بالخــير مقبـوع =واثـر العـجـاجـة مــقتـفــيها عجــاجــــــــه
بالعـيـن شفـنا الحـيف والعــــدل مرفـوع=وبدى يغيب النـور عـقب انبــــــلاجـــه وابعـد علينا الـعـدل من حبة الكـوع=وصار الخـطر من راكبــين الــحداجـــــه وعن الــوطا غيـث السمــاء صـار ممنـوع=الله يعجـل لمــته بـــا نفراجــــــــه قولوا لابـو فيــصل ترى الشـر مـزروع=ويصـعب عليه الى تعــظّم عــــــــلاجه لا يتـرك الـدنيـا بلا اشبــوح واطـلـوع=نخـاف من سيـلٍ يزيـد ارتهـــــاجــــــــه لازم يحــط الحبـل مثني ومـربـوع=ويخـط درب مايجـيبه عــــــــــــــــواجــــــــه والقصـر لو إنه مـن الصلب مصنـوع=إن عاب ساسه ماتفيـدك بـراجـــه والـراس مايــفزع الى صار مقطـوع=وللحـيّ ما قالو شف الميـت ناجـــه والبيض مالبسن مـن الطـاس ودروع=والصّبـح بيّـن ينعــرف بانفجاجــــه ولا حيٍّ الا يـعـرف الشبـع والجـوع=ونــفسه لها فـي كل الايام حــــاجـــه اشوف نـاس زادو الخبـث بطبــوع=والـكل منهم قـام يرفـع حجاجـــه ما جرّبـو غـارات طامع ومطموع=ولا دوّجـو بالحـرب يوم المـواجه في سـاعة فيها الصعب يهتدي طوع=لا صار لافــواه المـدافع لجـاجــه كم واحـد في ماقـف الطيـب مشلوع=ينقـص مقامه عقــب فعـل السماجه كم واحد يصعد للافلاك بـطـلوع=بعزمٍ حـديد الصلب ذابه وعاجــــه لقيت ناس مالقى لاصلها قـوع=وشفنا الفهـد والذيـب يتلى نعاجه عـزَّاه ياقلب معـذّب ومـقلوع=خيل عليه وضيـقت به فجـاجه ناس على نـوع وقلـبي على نـوع=وبيـني وبين الناس مثل الـزراجه قلـبي صـعب حـرف الوفـا فيه مطبوع=لاشـك من ربـعه يشوف الحراجه من ما نشوف بناظر العـين مفجـوع=وللطيّـب والله فـزّته وابتهـاجـه |
رد: الشاعر الأمير محمد الأحمد السديري
ابا الوقت بايام النحوس يطيع =وانا منه من صرف الزمان وجيع
جرالي من اسباب الليالي وجورها =جرح بخفاق الضمير شنيع على غالي ما شافت العين مثله =مصافيه يوم ان القلوب جميع واليوم خلاني تقافت ضعونهم =متى ظعون خلاني على تريع ابرجي اللاما ولو طال وقتها =متى حيهم لمي يجون نجيع ان شفتهم بالقرب من نزل حينا =تبدل دهر قلبي على ربيع عليهم بحر الوجد هاجت صبابتي =من الوجد دمع الناظرين يطيع يا عين باسم الله كفى من البكا =لك من رجوع الضاعنين شفيع إلى نهيت العين عن ذرف دمعها =يكب دمع المقلتين سريع يجيبها قلبي على حر وجدها =الكل منهن بالغرام صريع ان كادت همومي وهاجت ضمايري =تذكرت من هو للرفيق وديع تذكرت ابو بندر على الكود والكدا =حيد على كل الحيود رفيع ابشكي على من هو بشيبان يعتزي =بحر الندا رحب الغباب وسيع ابشكي على من له تعنت رسالتي =حريب الردا بالمكرمات ضليع ابشكي من اسباب الهوى حر ما جرى= ابشكي على حذق الفواد منيع ابشكي على خالد وهو منبع الوفا =حجاب لمن يشكي عليه قريع غدا منه مقرون الاحجه ومثله =بدبرات رب العالمين يضيع تجرعت عبراتي على فقد من غدا =وتعوضت من عقب الحرير وشيع الدار من عقبه محا الهجر وسمها=بها البوم بالصوت الرفيع يذيع |
رد: الشاعر الأمير محمد الأحمد السديري
البارحه يا زبن بالقلب هاجوس = اسهر وبعض الناس بالنوم مغفين
شفت الصحيح وواضح العدل منكوس = وجض الفواد وفارق النوم للعين اضحك ونا الصابر على جرعة الموس= وعزى لمن يصبر ويغضي على الشين انا الذي قلبي بالانياب مجروس= من عام الأول به جنون وشواطين قالو علامك قلت بالقلب حاسوس = قالوا تصبر قلت صبري إلى وين ابكي على اللي للوطن عز وحبوس = راحو عن الدار العزيزه مقفين اهل الدروع اللي على روسهم طوس= الحاكمين العادلين المصلين أثر ليال السو يبري لها نحوس = والأرض ما تخلا بليا شياطين ناس يحدونك على مذهب الروس = وقلبك يبي ما جا بطاها وياسين يا ليت كل بالموازين مقيوس = حتى يبين الحق بين الموازين ولا ياليت الحبل محكم وممسوس = ويشاف من يصبر على العسر واللين من عاش ما حصل بدنياه ناموس = غصب بغير ارضاه يصبر على البين بالله يالاهين بمقارع الكوس = الطيب عنكم غرب وانتم ورى الصين الطيب عنكم مع هل الطيب محبوس = تجللوا ثوب الخنا يالرد يين الطيب ثوبه مع هل المجد ملبوس = واضح وبين له سلوم وقوانين محد يحوشه بالحيالات وفلوس= واهل الردى ما حصلوه ابملايين اقفا مع الغالين قطاعة الروس = اللي على القاسين بالفعل قاسين عرق الندا بقلوب الأجواد مغروس = حمله زهور الورد هي والرياحين إن كفني وقتي بالانياب وضروس = شكيت للي عز بالغار الاثنين |
رد: الشاعر الأمير محمد الأحمد السديري
فات رمضان وفات شوال يقفاه =والفطر الآخر فات والروح تعبه
والقلب عيت يتسع به حناياه =لو هو ظهر كل الفضا ما تسع به يكفخ كفيخ الطير من كبر بلواه =وكن الجراد من الموده رتع به ان دك به هاجوس غال فقدناه =يم الكواكب يابو ماجد طلع به اللي سلب مكنون عقلي من اقصاه =عز الله انه يابو ماجد طمع به عزى لقلب معطشات ظماياه =وسيف الموده بالضماير شرع به يكفيه من جور الهوا عشر ما جاه =وحبل الرجا عقب الوصال انقطع به |
رد: الشاعر الأمير محمد الأحمد السديري
الله من هم بلاعماق مخفيه = خيم على مكنون قلبي وكادي
لو هو بحيد ذاب من حرصاليه = وخلا جلاميده هشيم رمادي يا عين هللي صافي الدمع هليه = واسقى لعطشان الثرى بالريادي يا ناشد اللي زايد الغبن باريه = أنبيك عن ما صار كان انت غادي للغرب قلبي ما سمع صوت داعيه = وللشرق قلبي سمع صوت المنادي متذكر غال على البعد ناحيه= لو حال من دونه ديار بعادي حق على الحق فوادي مشاهيه = برضاي حاديني من الشوق حادي يا ناس خالد ما سلى القلب ناسيه = وعيني محاربها لذيد الرقادي عنها لذيذ النوم همي يناحيه = يحداه عن موق النظيرين حادي من غاب قلبي زايد البين كاويه = فكري معه والقلب باسماه شادي فيما مضى ما يشده البال كاميه = وصبرت صبر ما قواه المهادي اقسمت باسم اللي حبيبه يناجيه = اني للحق شف قلبي مرادي أروح يم اللي بلاشك نغليه = مالي على فرقاه صبر وجلادي أرجى عسى رب السموات يبريه = وعسى لها من خالق الكون هادي ما خاب منهو باعظم اسماه راجيه = رب الفضا محصى جميع العبادي قالو تحبه قلت بالروح نفديه = الشاهد الله كل هرجي وكادي دايم يصور لي على البال طاريه = غال إلى شفته يربع فوادي يفز قلبي كن عيني تراعيه = وعندي على كل المخاليق بادي جيته وشفت الطيب بانت مواريه = وارتاح قلبي عقب غبن ونكادي واليوم قلبي مكننه عراويه = وشيدت رايات الفرح بالمبادي بالضحك قلبي جاوبنه محانيه = وغذاه من عقب اللهيب البرادي الحمد لله غالي شاف غاليه = وشفنا بشير الخير والشر غادي وداعة اللي كل الإسلام ترجيه = مجري غزير المي في كل وادي |
رد: الشاعر الأمير محمد الأحمد السديري
يا عاذلين القلب لا تمحنونه = خلو عصى الراي يا صل مناهيه
بالعذل يالعذال لا تجرحونه = اخاف من نصح عن الرشد يعميه القلب ما يرضى انكم تنصحونه = لا تنصحون القلب عن حب غاليه حب الموده صايبه تجهلونه = ما منكم اللي ذاق مره وحاليه اللي يود القلب ما تفهمونه = وجرح الموده ما بكم من يداويه جرح الموده جايرات طعونه = وين الطبيب اللي يعرفه ويبريه ياليت طراد المها يذكرونه = ويا سعود قواد الجوازي يحاليه عسر على طلابه اللي يبونه = يعطي البياح وشرد الصيد تتليه عليه قلبي كاثرات شطونه = ويلوج وسط الصدر من حركاويه قلب الخطا يا سعود يا عظم كونه = يكفيه من جور الهوا ربع ما فيه الزين لو تبعد علينا ضعونه = يكبر غلاه وكن عيني تراعيه عليه قلبي يابسات غصونه = لا داله قلبي ولاني بناسيه يا جب على اني عن الشك اصونه = وبالهرج عند الناس يا سعود ما طريه ادرا عليه من العدا يشمتونه = واخاف من هرج يضره ويوذيه لا واهني اقرابه اللي يجونه = وانا الى جيته عدوي حواليه عليه روحي بالفواد مغبونه = وفاتن ثلاث سنين والروح ترجيه يا سعود عنى لابته يبعدونه = ناس تحلف به وناس تناحيه البغض وسط قلوبهم يضمرونه = وفي مقرن الحجان تظهر مواريه ويوقفون السلم دوني ودونه = وعندك خبر قلب تولع بغاليه اخاف من حبل الرجا يقطعونه = واشرب عذاف السم كدره وصافيه صبرت لين الصبر فاتت حتونه = واليوم كظم الصبر ماني بقاويه عز الله ان الصبر غبن ومهونه = وان كان ممدوح العواقب لراعيه يا سعود فعل الخير ما تفعلونه = وتفزع لمن ضاعت حياته وتنجيه يا سعود مدولي حبال المعونه = ترى رفيقك جاير الحب طاويه انت الذي راجيك تقضي ديونه = والليل الاسود ما تعوقك ضواريه |
رد: الشاعر الأمير محمد الأحمد السديري
ليا صار جرحي بالفواد مصيب = ولا ادري متى جرح الفواد يطيب
على أي حال وين ابالقا طبيبه = وهو وسط خفاق الفواد عطيب هني من لا شاف هم يظيمه = وعن الهموم القاسيات غريب بعيد عن اللوعات ما ذاق كودها = مصايب وسط الفواد تصيب مصايب الدنيا كفى الله شرها = الرأس منها يالفهيم يشيب اليا عتت حمر الهموم وقادها = هاجوس فكري والضمير يجيب تلقيتها بالعزم والعزم غايتي = وفتى بلا عزم تراه يخيب فتى بلا عزم حياته مذله = والعزم لقلوب الرجال طبيب ومن لا صبر ابلعسر ما ذاق يسرها = وباب الفرج للصابرين قريب تذكرت خلان على الشاطئ الذي = على البحر الأحمر والخضم غضيب يزيد بموجات تناثر له الحجر = اليا شافها قلب الشجاع يريب تلاطم على الشاطي هواها يقودها = هذي مقابيل وذيك تغيب تجيبها زفرات قلبي إلى أوجهت = كما اطواب حراب لقاه حريب تذكرت يوم افكرت حي نوده = حبيب على قلب المريض حبيب شجاع تعرض للعظايم بعزمه = مفراص ماص للحريب طليب كبار العظايم بالعزايم يفلها = نجيب تسلسل من عروق نجيب عديم تسلسل من مواريث نادر = عريب يورث من نماه عريب سلطان حلال المشاكل بباسه = مصباح ظلما لمن دعاه يجيب العزم يقصد من عزومه اليا هبت = رجال بحزات اللزوم تخيب والطيب يوخذ من فعوله اليا جذت = عن الطيب شبان الرجال وشيب الطيب يوخذ من مقره ومعدنه = ومرقى سنام الطايلات صعيب ما يدرك الطولات من لا يرومها = بعزم وشوفات الجبان قريب من عاش بالحقران ما نال مكرمه = وقصر بلا ساس تراه يعيب ومن نام عن طلب المكارم وفعلها = ماله بكسب الطايلات نصيب ومن قصرت يمناه عن كسب طايل = عديم الثنا للخاملات ربيب ومن لا سقى ضده قراطيع مرها = زير النسا للغانيات لعيب تشره على الطولات كسابة الثنا = ويقصر عن الطولات كل هليب لقيت يا عوق العديم بن وايل = الطيب بين العالمين غريب ولقيت يا عوق العديم بن مقرن = الحسد بين الاقربين جنيب ولقيت يا عوق العديم ابن فيصل = رفيقك الأدنى عليك رقيب ينقل خطياتك ويخفى فضايلك = وعلى فضح عوراتك يصير حسيب عفا الله عن عين حريب لها الكرى = غدا دمعها الصافي يصب صبيب لاكن دموع العين من حجر موقها = سيل تحدر من فروع شعيب على غالي عنا حجب دونه الثرى = وفرقاه ترث بالفواد لهيب تجرعت من فرقاه ما يجرح الحشا = ولا أدري متى جرح الفواد يطيب |
رد: الشاعر الأمير محمد الأحمد السديري
يالله يا عالم خفيات الارحام = يا منزل الما من صدوق الغمامي
تفرج لقلب بين لاوي وصرام = ويكويه من لوعات الايام حامي والعين عن طيب الكرا جفنها شام = ان ناموا المخلوق عيت تنامي ينام من هو داله القلب مريام = وانا بقلبي جرح والجرح دامي جرح جرح قلبي صوابه من العام = بين الضلوع بخافق القلب كامي اخفيت ضره لين بيح بالاجسام = واليوم زاد وشاهدوه الانامي جرح تبين بالحشا موجع ضام = وصدر تلوعه الهموم الجسامي وغديت ما بين الحقايق والاوهام = مثل الدريك بصحصح اللال ضامي هنيت مرتاح بليل الدجى نام = يرقد ويصبح بين امان وسلامي ماهوب مثلي ينهشه غاسق الهام= زعاف سمه صاطي بالعظامي اعوم ما بين الليالي والايام = مثل الغريق بمظلمات الجمامي راح الصديق اشباح ليل به احلام = سراب صحصاح به الزول زامي واشوف عقب الولف طير الشقا حام = وانا احسبنه قبل هذا قطامي ابيه بايام الهدد عجل الاولام = لاشك صد وهز ريشه وحامي الظن خاب وخطوتي بين الاقدام = قصرتها وافكر بحامي وسامي فكرت وين اهل الدلايل والاعلام = وصديت بافكاري جنوب وشامي ولا وجدت الا تماثيل واصنام = تخالفت فيها كثير الاسامي وين الصديق اللي على الكود جزام = الليث بواج الخطر بالظلامي على الفضيلة يبدل المشى درهام = وعن الرذيله ينحرف بانهزامي مشيه على الطولات بالعزم قدام = ودايم على ساقة رفيقه يحامي عزى لمن فكره تشاتيت واقسام = يومه مثل ليله ظلام وكتامي ان ضاقت الدنيا على كل ضرغام = الله لها عند اكتراب الحزامي اللي بما يخفى على العبد علام = بحبل الرجابه مقضبي واعتصامي |
رد: الشاعر الأمير محمد الأحمد السديري
هنيكم ياهل القلوب المريحات = ترعون بالدنيا مثل رعي الانعام
ناس تنفذ صادر الأمر بسكات = لو يفهمون العدل للحيف خدام فيهم من فنون المذله علامات= ويمثلون ازوالهم كبر الارجام لو شفتهم صفات فارياهم اشتات = ما من عقول لو تكابرت الاجسام من عاش ما حاش الثنا والجمالات = ودك يلبس ثوب اسود من الخام ما ذكر به حي ناجي للاموات = وعزى لمن يرجي عيال بالارحام المجد ما يوخذ براح وراحات= يوخذ بحزم وعزم واقدام وحسام من لا يخوض اخطارها بالملمات = يعيش بين اوباش ووهام واحلام ترى الوكاد الفعل ما به مراوات = اصدق من اللي يكتبونه بالاقلام الذيب ياهل العرف ما رافق الشات = والنمر ما والف مفاصيل الاروام علم ظهر للناس ما به مناجات = ومن لا يصلي الخمس يكفر ولو صام ومن لا يفكر بالامور البعيدات = لازم بحق الناس يخطي بالاحكام تمشي ليالينا والايام عجلات = والله بما يخفى على العبد علام |
رد: الشاعر الأمير محمد الأحمد السديري
عن غوج ابو خالد نشدنا هل الخيل = قالوا لنا يلفح بيمنا سليمه
قالوا قحوم ويرفع الرأس بالحيل = مع اول الغاره يعطعط رهيمه يهز عرفه والسبايا مشاويل = متذكر هاك الفعول القديمه يسبق ولا يلحق بركضه تنافيل = والبكره الوضحى خذاها غنيمه كسبه فتاة ولا يخز المخاليل = هاك الخزيزه حط فيها سيمه غارة ضحى ما غارته باوسط الليل = على النقا بالكود يجدع خصيمه |
رد: الشاعر الأمير محمد الأحمد السديري
يسقيك يا الطايف من الوسم رعاد= وبل على وبل يعلك ويرويك
في كل فج لك مع المزن ميعاد =تسيل وديانك وتخضر مفاليك حيثك مقر الزين مركوز الانهاد= طفل سبل عقلي ولا فيه تشكيك ناديت باسمه بين صادر ووراد= وقالو هله مضنون عينك يناديك واقبل على اللي له القلب ينقاد= وبشرت قلبي قلت زارك مصافيك بشرت قلب من عنا الوجد قد باد =جاك الحبيب اللي بسره يناجيك سلم وجاوبته بدرات الانشاد= قلت السبب هوليه تبعد مشاحيك يقول انا اللي مصخر لك بالوداد= لو طالت الايام فالقلب يرجيك وحبيت مبسم كاعب بالبها زاد= عن كل مخلوق من الناس يغنيك يا زين كان انك عن الحب نشاد= انشد جريح القلب والقلب ينبيك ينبيك عن ود الضماير إلى كاد= وتشق جيبك عند غاليك بيديك انا وقلبي ياريش العين بجهاد= ان غبت عني بس قلبي راعيك يشيل من جور الهوا حمل الانكاد= يا مورد الخدين باسماك يدعيك القلب ماله عنك يا زين رداد= بلاه والله ياريش العين يغليك |
رد: الشاعر الأمير محمد الأحمد السديري
مضى لي خريف العمر في لذة الصبا=امشي بجنات تجارى نهورها
وعقبه ربيع الود جتني بشايره=وربعت برياض تخالف زهورها فصلين ما انسا لذة العمر بينهن =ولا ناشني من كود الايام جورها الاعب لمي وهند في مربع الصبا =وعن البرد سلمى ظللتني شعورها ابادل مليحات القوام بحبهن =وقطعت عن بيض المعاصم خصورها واترعت كاس الحب وانهلت ضامري =شرابي نضيم الدر زاهي ثغورها من اجلي ومن شاني تباهن بلبسهن =عليهن عقود الدر تزهي نحورها انا مغرم فيهن ولا اود غيرهن =هن زينة الدنيا وهن نور نورها غر غراغير حوا كامل البها =زمي فيض ريعان الصبا في صدورها ان ضاق صدري هند ناديت باسمها =إلى شفتها نفسي تزايد سرورها ومي تنادمني إلى خيم الدجى =شذا الورد منها فايح من عطورها قطفت منها بالهوا زهرة الصبا =وسلمى تبادلني بشورى وشورها انا مغرم فيها وقلبي يحبها =إلى شفتها روحي تزايد حبورها بعد ما انقضا عصر الغرام ولوحت =امور شكينا من سمايم حرورها تخطيت درب الكود للكود والعنا =اخوض غباة تلاطم بحورها افكر بقالات على الله حلها =امور تخالف من تخالف عصورها تغيرت دنياك يا جاهل بها =وعن الناس غابت بالغياهب بدورها ونويت للعراف اوجه رسالتي =إلى مرشد البذال اسطر سطورها ابا قول يا مرشد غدا لي ذواهب =عليهن عباري حطم الزور زورها ابنشدك عن ثنتين ما زاد عدهن =يقولون بعض الناس هذى قبورها وبنشدك عن ثنتين غابن عن الملا =وهن بحرف الكاف والفا سبورها عليهن ذرفت الدمع من موق ناظري =وتمنيت لو يرجع على الناس دورها تمنيتهن والقلب مني يرومهن =وتمنيت صفو ايامها مع شهورها اربع معاني ضاع يا رشد سلمهن =ضاعن ودنيانا وساع ثغورها وثنتين اشوف الناس تمشي بدربهن =وهن بحرف الغين والحاء نشورها يا رشد سنوهن هل الكيد والردا= وتمشي دروبن كايداتن وعورها انا اريد خلان بها الجود والوفا= ولا اريد خلان قصار شبورها انا ريد خلان تعزي وتعتزي =وعلى عدو الدار تظهر شرورها واقول لمن ينشد عن اصلي وعزوتي =انا من حرار بالعوالي وكورها انا حفيد لابن بدران عامر =ضمين الرجال إلى تعصت امورها تضرب به الامثال في كل مجلس =وهو شيخ آل زايد بصكت عسورها يقول الخلاوي صادق القول ما كذب =صدوق ولا بين الملا قال زورها خلت نجد ما يلقى بها فاعل الثنا =الاضمين الزايديه وسورها وحنا إلى شح السما وامحل الوطا =ان ما وجدنا الضان نذبح لخورها ياما بذرنا الجود باللين والقسا =ان ركبن شهب الليالي دهورها ترى ضيفنا يا من إلى شاف رسمنا=ضلع طويل شامخ بين قورها |
رد: الشاعر الأمير محمد الأحمد السديري
قم يا محيسن شب نار المعاميل = وصفصف عليها السمر من زين الاخشاب
ان ولعت واستضرمت باللهب حيل= يجذب سناها بالدجى كل شراب وان صرمت والجمر فيها دحاميل = أزرق سناها ذايب يلهب الهاب احمس عليها البن من غير تقليل = واحذر عواقب من هرج عايب عاب ودقه ولقمها وزود لها الهيل = حتى يصير الكيف طب للألباب ماها قراح صافي من شهاليل = من وبل رايح داجي الغيث نحاب يا حلو صبتها ببعض الفناجيل = ان ذاقها الممروض من علته طاب يالخالدي يطري على التعاليل = يوم الرقيب معلق تقل مشهاب يوم الكواكب مثل لون المشاعيل = وعنا ردي الخال يالحيدري غاب جانا من العارض كلام بتفصيل= من واحد يشكي من الناس عجاب يشكي هوا راع العيون المظاليل = وقبله عقاب الخيل يشكي على حجاب ماجور يا شاكي هو نافل الجيل = الله يفكك من عنا عكش الاهداب الطير يشبك بالشرك مثل ما قيل= والصيد يشرف طارده كل مرقاب اتعب وعد بنا يفات الاقاويل = ويبين لك بصخيف الوسط مضراب حرك قدم رجلك إلى هود الليل = ومن بعد الملقاف في بندقه صاب بلكي ياخو ناصر تحصل محاصيل = تصادف الغرات تفتح بها ابواب معهن لمن عناك تلقى محاويل= ويبهج فوادك طقة الناب بالناب تشم بين اشفاه بيض معاسيل = يكسر عليها عابد وسط محراب بيض يشادن قحويان الغراميل = فيهن دواك وداك يا زاك الانساب ياما من الخفرات ذقنا الغرابيل = وياما عديت الين عرش القدم عاب وياما زعجت الويل والحقته الويل = وياما دخلت بحور لجات وغباب وياما سطابي بالهوا ضاهد الشيل = وياما عسفت من العماهيج الاصعاب وياما تلوينا بشقر عشاكيل = ايضاً ولا اخشى الناب من غاسق الداب اركض لهن لو هن صعاب المناويل = وعلى من سمر الحناديس جلباب اتبع هواجماً تقود المغازيل = مع صحصح نشرب هواكل خنياب عيني تعرف الزين بين الازوايل = وقلبي من الرثم الخراعيب مرعاب |
رد: الشاعر الأمير محمد الأحمد السديري
ياالله انا من جود حسناك طالبك = عفوك ومدك حيث منت بخيلى
يالادمي دنياك هذي تعذبك = لوطفت فيها مالقيت الدليلى كل على مذهب امامه يخاطبك = يبيك من زايد ذنوبه تشيلى واليا عصيت اهل المذاهب تعاتبك = كل يقول ابيك يمي تجيلي ولو انتحيت بعيد بالسؤتطلبك = وكل بصاعه من ذنوبه يكيلي احد يصحح لك حديثه ويرهبك = واحد يقول الحق عندي نزيلي واحد يخيفيك في كلامه ويدبك = وابليس يضحك له وهو مستشيلي الناس عوجان المناطق تكذبك = وعن الصحيح الكذب معهم بديلي ان مارضيت بقولهم نتف شاربك = وتكبر ذنوبك لوغناك تهليلي ناس على درب الفضيله تحاربك = وعلى دروب الشر تهذل هذيلى ودروبهم عسرات عوج وتتعبك = ما تستوي لك لا ولا تستويلي ينبيك عن دنياك ماضي تجاربك = وعزي لحالك كان عرفك قليلى اتبع نبيك واترك اللي مجنبك = واقضب مماشى سنته لا تعيلى اللي بغار الثور للرشد يندبك = وابوبكر عنده نديم وخليلى نصايحه للرشد حذرا تغايبك = هرجه صحيح وكل فعله جميلي سنة نبيك للفضيله تقربك = المصطفى ماله شبيه وعديلي واحذرك عن نقالة السو تقربك = ومن يتبع العايل لزوم يعيلى لوانت ما تغضب ترى الناس تغضبك = وعقب المعزه يجعلوانك ذليلى وترى ردي العرق للعيب يجذبك = وتصير بدروب الردا له عميلي وبنت الردي حذراك حذراك تعجبك = واحذر تصير لمثل هذي حليلى وعن ما يعيب النسل عرب مناسبك = وعليك في بنت الحصان الاصيلي يجي ولدها فارق عن قرايبك = ويقف في وجه الخصيم القبيلي ان كبرت القالات بالفعل يعجبك = ويبرد همومك كان قلبك غليلي مثل القطامي في هداده يشببك = والدم من مخلاب كفه يسيلي ليا صارما صلبين الارياء مكاسبك= تراك بين الناس تبقى هزيلي وترى دروب الخبث يالعبد تذهبك = ويفوت عمرك ما تحصل حصيلي احذر يابن حوا تطمن لحاجبك =الا لـرب للخلايق يزيلي الي بعفوه عن عذابه يرغبك = وعينه لكل الخلق دايم تخيلى في لوحه المحفوظ يا لعبد مذهبك = نزل بحق وكل ما به فضيلى ومعاشر الخايب مع الناس يذربك = وتصبح قليل الميز عقلك هبيلى ومعاشر الطيب على الطيب يجلبك = ويرقيك للعليا بظل ظليلي لا تقرب الأجرب بالامراض يعطبك = يصير جسمك مثل جسمه عليلي ممشا الخفامن صافي العقل يسلبك = ويصير لك يم الرذيله سبيلي وعن مارد الانذال نزه مشاربك = واشرب نظيف لوورادك طويلي ولياك تنسى يابن الأ جواد واجبك = والي يروم المجد حمله ثقيلي يا لادمي وان كان كبرت مصايبك = ازبن على محي ا لبلاد المحيلى ازبن على رب بعرشه يراقبك = وناجه وبعد العسر يره جليلي ناجه ولاجل ارضاه وجه ركايبك = وخلك لعلام السرايردخيلي هو الذي ينجيك من كود صايبك = ويذريك من كربات هول مهيلي يا لعبد مكن عند ربك مقاضبك = وفكر وقدر وانتبه لاتميلي ولحد من الخلاق يالعبد حاجبك = هو الذي مده وعفوه جزيلى وهو الذي في ما فعلته يحاسبك = وهو الذي بارزاق عبده كفيلي |
رد: الشاعر الأمير محمد الأحمد السديري
ينام منهو مايعرف الهمومي = وعيني اليا ناموا حريب لها النوم
الله يلوم اللي لحالي يلومي = لا ساهرن سهري ولاهو بمهوم ماهو بمثلي يزعجه كل يومي = همن يلوج بداخل الصدر مكتوم لامبدين أسرار قلبي لقومي = واللي بسر الغيب ماهو بمفهوم أخاف أبوح السر تبدأ الثلومي = وتاقف على مكنون سري هل اللوم عاهدت قلبي ما يبوح العلومي = ولايويق بغايته كل مذموم بالليل أساهر ساريات النجومي = والصبح أعدى بالنباكل مزموم اوجس بقلبي مثل حر السمومي = ولا صفالي خاين الدهر لويوم يا سيف قم لعل حظك يقومي = ولعل ابوك بساعه الحشر مرحوم النار شبه ياقوي العزومي = وهات الدلال وترك النوم لرخوم خابرك بالطيب ودودورحرمي = قم سو مايبعد عنا كل شغموم فنجال بن مايحضره رخومي = مبهرن مابين الاجواد مقسوم ارواحنا بافلاك الايام تومي = مهما يطول العمر فالاجل محتوم روحي بيد فارض صلاتي وصومي = اللي بحبل اليسر ينجي لمضيوم الواحد اللي نطلبه كل يومي = منجين يوسف وهو قبل مظلوم دنيا الشقايا يا سيف ماهي تدومي = كم واحدن فيها مشيحن ومنجوم وافراح اليا قالوا تقافت غيومي = على شفا الباطن وهو قبل ماسوم حيثه مرب لكل وضحا ردومي = اللي بها زودن على الطوق برشوم عسا تعله مرهشات الوسومي = يمطر عليها الوبل يومن بعد يوم عشبه يغطي نايفات الحزومي = فيه الزهر فوق الزماليق منضوم مخالف النوار غادي سهومي = والعشب من وبل المراهيش كيهوم فيه ام سالم من طربها تعومي = تلفح بسمح الريش في كل مرجوم من الطرب في كل روض تحومي = وتقضي الدنيا زغاريت وسجوم ان شافت النوار نبته يزومي = ما سايلت عن حال معطا ومحروم |
رد: الشاعر الأمير محمد الأحمد السديري
لولا الهرم والفقر والثالث الموت =يالادمي بالكون يا عظم شانك
سخرت ذرات الهوا تفهم الصوت= وخليتها اطوع من تحرك بنانك جماد تكلمها وهي وسط تابوت =تاخذ وتعطي ما صدر من بيانك وعزمت من فوق القمر تبني بيوت =من يقهرك لو هو طويل زمانك لولا الثلاث وشان من قدر الفوت =نفذت كل اللي يقوله لسانك |
رد: الشاعر الأمير محمد الأحمد السديري
ارى الدار عقب الضاعنين خراب = ولا شوف فيها من يرد جواب
سكانها يا سيف عنها تقللوا = زالوا كما زال السراب ضباب شالتهم الايام واقفت ضعونهم = وساقوا كما ساق الشمال سحاب ضعاين قفت بحي نوده = وشالت لنا فوق الحنايا احباب واقول والعبرات مني سوابح = فرقا الاحبه للفواد عذاب ولابي ولا شيء يلوج بخاطري= سوى عندل منها شبابي شاب صافيتها والعمر في عنفوانه = وصارت على الهينات صعاب وخاطرت بالنفس العزيزه بحبها = اكابد مغاليل على غضاب وين الذي يا سيف وان بان وجهه = سنا الشمس عن كل العباد يغاب وين الذي يا سيف وان جاني الظما = لقيت من بين شفتيه شراب وين الذي يا سيف مكن صوابي = وانا فيه زودت الصواب صواب وين الذي يا سيف فضله علينا = حسانيه والله ما لهن حساب وين الذي يا سيف وان شفت ريبه = احطه على الصدر المريض حجاب وين الذي يا سيف وان حل دارنا = تبدل من عقب المحول خصاب وين الذي يا سيف ظيمه يظيمني = واطيب وان قفا عناه وطاب وين الذي يا سيف اشاكيه ودي = ومن بيننا حب الموده ذاب وين الذي يا سيف ما ديس عرضه = وعن كل منقود يقال يهاب وين الذي يا سيف ما شفت مثله = مع الناس ما دام الغراب غراب وين الذي ما شيف مثله ولا مشى = على الأرض مادام التراب تراب عنود المها جدد غرامي واجادني = وله بين محني الضلوع صواب هواياه ما بين الضماير تمكنت = وذوى القلب من جرح الغرام وذاب ترى الحب بالعشاق حمر طعونه = مضارب سيوف يقتفيها حراب قولو لخو صنعا شكالك مولع = هوى جادل راحت عليه ذهاب راحت فوات الحرص من غير مقصد = امور لهن بالكاينات حساب لا طارش جاني يودي رسالتي = ايضاً ولا منها قريت كتاب يا زبن ابشكي لك هوى ضامر الحشا= اغديك تفتح لي عليه ابواب إلى فعلت الخير تحمد فعايلك = وينو لك من الرب الكريم ثواب وحمل خفوق الطير مني رساله = إلى غالي دونه يحول سراب اعرج على داره واقبل رسومها = ولا اشوف فيها من يرد جواب |
رد: الشاعر الأمير محمد الأحمد السديري
يامرحبا يلي على البعد ناديت = ومية هلا مني والاخرى قفتها
جاوبت بأسماك العزيزه ولبيت= روحي وروحك بالهوى رايمتها انا الذي لك بالموده تلاجيت = روحن تبي روحن وهي مالكتها تفتحن زهور قلبي وهليت = وعيني تراعي عشقة عاشقتها للقلب يا وضاح لانياب تليت = وردون ثوبي عبرتي غرقتها بسفك الدموع وبالتجلي تلهيت= فاحت وعبراتٍ بصدري حدتها اليا بكت عيني ذكرتك وونيت= ودنياي من فرقاك ضاقت سعتها وان غبت يا مضنون عيني وصديت = قلت الفراق وغيبتك ما غضبتها اكره ليا قفيت وافرح ليا جيت = وعندك خبر نفسي تعرف شفقتها ياما لشوفك يا حبيبي تعنيت = وكم خطوة للقاك رجلي خطتها ان شفت غيرك صدت النفس واغضيت = وناسن تبي لاماي غيره عصتها حبك بقلبي هزني واستخفيت = وجنات عطفك فرحتي غاليتها انا على ذكراك عشت وتغذيت = وهواجسي فرحاتنا ما نستها اقسمت لك بالي فرض حجة البيت = ان العهود سنيننا ما خلفتها ليتك يابو تركي بعينك تحليت= شقرا القرون الناعمه ناقضتها روحي معه تقعد ليا غبت وابطيت = وروحه على ماتشتهي عاسرتها |
رد: الشاعر الأمير محمد الأحمد السديري
يعطيك العافيه ياااااارب..
ولك مني باقات من القرنفل تحمل في شذاها اسمى معاني الاحترام بانتظارجديدك بكل شوق |
رد: الشاعر الأمير محمد الأحمد السديري
يعطيك العافيه ع المجهود المبذول
ماننحرم من فيض عطائك وتواصلك ودي وتقديري |
الساعة الآن » 11:04 PM.
|
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
new notificatio by 9adq_ala7sas
HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها
ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف