03-01-2018, 06:53 PM
ياليتنـي حطيت للـقلـب عـــداد
ياليتنـي حطيت للـقلـب عـــدّاد
يطبع فواتير الغلا والموده
من شان لاجاني من الناس نشاد
اسحب له برنت الغلا والموده
احيان اهني صاحب المال بالمال
واحيان اهني صاحب الفقر فقره
احيان اكشخ والبس شماغ وعقال
واحيان اسير ولا على الراس غتره
الناس فيها همّ يا طيّب الــفــال
خذ لك من ايامك وانا خوك عبره
ترى أختلاف الحال حالن بعد حال
يعطيك فالدنيا مع الناس خبره
كم عاش فالدنيـا فقيـر ٍ من المال
والناس تدعــيــله حتـى بقبـره
وكم ولد لاش ٍعاش في بارد ضلال
ما فاد شي ومات زولـه وذكـره
والوقت نفسه مـا تغيّـر ولا زال
يوم وسنه والشهر هو نفس شهره
بس البلا بنفوسنا صابها هبال
نركض بهالدنيا على غير دبره
بعنا الصبر من شان تحقيق الآمال
واثر الامل مربوط في طول صبره
ومجملات الهرج قلنا وذا قـال
في رجل ما يسوى لتعظيم قدره
ما كل منهو يلبس البشت رجال
يبرك ويشتال الثقيلـه بظهـره
ياهيه ياللي غرك الوقت تختـال
كلن يعيش بحسب رايه وفكـره
كتبتها من طيب مدري من هبـال
وقفلتها يوم القلـم جـف حبـره
كلمات البحث
العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر