لا والله انه زاد حجم المعاذير
مالي على زود المعاذير قاوي
يامسندي والناس ماتملك الخير
لا والله اني زاهداً بالدعاوي
يامصغر الدنيا على باغي الخير
وياكبرها عند اللئيم الدناوي
ياطراد والدنيا على دربها نسير
وعند الله المعبود نلقى الرجاوي
النفس تهوى رفقتن للمناعير
وتسوق للطيّب سريع الخطاوي
دروب المراجل ياعشيري معاسير
يندا لها كف العديم النداوي
يخونني في بعض الاحيان تعبير
الذيب عن همّه على جال عاوي
احذر تفرّع من شعيب التفاسير
خابرك دايم تفتهم للشقاوي
الحر لامن ضاق ساق المشاوير
لاخابت بظنه كثير الهقاوي
المعذره ياصاحبي خوتك غير
وانا عليكم ياعشيري شفاوي
اقولها ياصاحبي دون تفكير
قلب المشقا مالقى له مداوي
حاولت ادور في غيابي معاذير
معذور من يعشق حياة الخلاوي
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف