10-18-2014, 07:03 PM
|
#91
|
10-18-2014, 07:10 PM
|
#92
|
10-18-2014, 07:15 PM
|
#93
|
رد: اصدق الحزن ابتسامه في عيون دامعه (خاص للمسابقة)
تابع
سامي يصحي هنادي : هنو حبيبي يكفي من العصر نايمه الحين 9 ونص !!
هنادي : مممممم
سامي : يووه بيقلب نومك بعدين ( يجلسها ويطيح رأسها بحضنه ) يوووه ربي بلاني بوحده نومها ثقيل
هنادي تفتح نص عينها : وشو
سامي يفتح عيونه : لالا بس اصحي نمتي واجد
هنادي : بكملها لبكره خلني أنام
سامي : عالاقل قومي صلي وكولي
هنادي رفعت رأسها : الساعة كم
سامي : 9 ونص
هنادي تتمغط : يلااااا قمت حبيبي
----
شوق و سعود
جالسين بالمطعم يتعشون بعد ما خلصو
سعود : حبيبتي كيف الأكل
شوق : لذييييذ
يأشر للرجال ويجيب عربية فوقها صحن مغطى وفتحة فيه كيكة
شوق تفتح عيونها : اووووووو ياعمري ياسعود
ويجي رجال ثاني من الجهة الثانية ويوقف ويحط ايدينه ورا ظهره
سعود : افتحي الصحن
شوق لمن جت تفتحه وقف وجلس عالارض
طلع خاتم ناااعم فيه فصه الماس حولينها فصوص صغيره بعلبة سودة
سحبها وشوق فتحت عيونها وشهقت
شوق وهي منحرجة : وش هالحركات يا سوسو ليش كذا جبت لي وخلصت
سعود يقولها : اليوم غير ، شوق تقبلين تكونين زوجتي
شوق : انا زوجتك
سعود : تقبلين يكون عرسنا نهاية الأسبوع
شوق رفعت رأسها
سعود : نتزوج ونروح شهر عسل بعدين نكمل دراستنا برا انا اكمل ماجستير وانتي بكالوريوس وإذا تبين اللي بعده وش ورانا
شوق ماتعرف وش تقول : اااا فاجئتني
سعود : ماقلتي جوابك
شوق : بس بدري مايمديني اجهز شي
سعود يمسك يدها : لو تجيني بخيشة ، ماهمني ، أحبك بكل أحوالك ، بعدين مو ناقصك شي علشان تشترينه ، بس الكماليات هالاسبوع
شوق : اااهه
سعوود : هااااه
شوق بابتسامة وخجل : موااافقه
سعود يلبسها الخاتم ويوقف يشيلها
شوق : ياعبيييط نزلني ترا مو بالبيت احنا < طبعا بالحقيقة مافي شي زي كذا خخخخ
ويصفقون الرجال
نزلها سعود وهي منحرجه
شوق : يادب خل نروح البيت احرجتني
سعود يمسكها مع يدها : أبشري
- بعد اسبوع
شوق : يمه خايفه والله ماعرف مستحيه
ام ماجد : وشو خايفه يلا الناس ينتظرون ، قريتي المعوذات من وشو خايفه
شوق : لا بس مستحيه
ام ماجد : تراك فاصخة الحيا معه من اول وش حيا هاه
شوق : طيب طيب خلاص بروح
ام ماجد تسحبها وتحضنها : يابنتي ياروحي لاتخافين من شي وانا دائم جنبك
شوق : بس ماكنتي جنبي اول
ام ماجد : شوق تعرفين ايش صار معي
شوق : اعرف بس اخاف
ام ماجد : خلاص بلا دلع
شوق تمسك فستانها ( ابيض سكري ماسك من فوق شكل فتحة الصدر قلب ماسك بعدين منفوش وفيه كرستالات من فوق عند الصدر الى الخصر
ومن ورا فيه مفتوح نص الظهر بس ، المسكة سكرية بورود بيضة ، الكعب سكري عالي لكن مو باين ب سبب الفستان شعرها مسويه فيه تسريحة ناعمه ع جنب وميك اب خفيف )
: طيب يا امي بطلع
يدق جوالها : الوووووو ايوا حنين حبيبتي البنات جو من الدمام ؟
حنين : لااااا ماقدرو يجون للدمام انا تحت عند المداخل
شوق: خسااارة افففف ، طيب تعالي عندي
حنين : لالا وبقول للبنات مايجونك لان بتعلقين
شوق : بس بت
حنين : لا بس ولا شي يلا باي
سكرت حنين ولفت شافت مدخل مشت ودخلت وقالت : يو وين الناس
من بعيد تنح وهو يطالع : يأويلي وش جابها هنا تجنن لايشوفها احد
قرب شوي وصد : ااحم يا بنت الناس هنا جهة الرجال وراحو يتعشون اطلعي مع الباب وعاليمين مدخل ثاني حريم
حنين لفت عليه وتنحت تجمدت
ماجد ( يالبيه ، استغفر الله ويلف وجهة )
حنين استوعبت وراحت تركض كان فيه درجة قدامها طاحت : اااااه
ماجد ارتبك خاف يجون الرجال ويشوفونها
مشى : تعورتي
حنين : بعد
ماجد : بيشوفك اححد
حنين : مالك دخل بقوم بعد
ماجد : تعرفين شوق ؟
حنين : اففف تسولف بعد ( وقفت وجت بتطيح ومسكها )
ماجد : بشيلك بس لين عند نهاية بابنا ولا تطلعين صوت علشان محد يشوفنا
مامداها ترد شالها سريع ووقفها
حنين لبست الكعب وهي منحرجة ومشت وهي تعرج : آه ياربي وش اللي صار فيني
ماجد افف ماجاوبت علي تعرف شوق ولالا الحين بكل هالناس كيف اعرفها بعدين
فجأة يسمع صوت : حنيين شفيك ليه تعرجين
حنين تسلم عليها : طحت تو
الهنوف : ليه وجهك احمر
حنين : سالفه طويله ، لا تروحون لشوق بعدين تتعلق
الهنوف : لا أصلا جيت أناديك بتنزل الحين
ماجد ( اسمها حنيين ، وتعرف الهنوف بعد اجل أكيد تعرف شوق )
نزلت شوق ع نغمة اغنية حسين الجسمي
والمصورة تصور
والكل منهبل ع شكلها
وصلت الكوشة ونبأوهم انه العريس بيدخل الحريم تغطو ودخل سعود بهيبتة مع ماجد
ماجد سلمه شوق وحب اخته برأسها وَبَارك لها ومشى
سعود باسها مع راسها وايدينها
: اخيراً صرتي لي
شوق استحت : بس فيه ناس
سعود : وإذا فيه ناس
شالها ومشى نزل من الكوشة وطلع
والناس تنحو
شوق : سعوووود نزلني شوف الناس كيف يطالعون
سعود : ماعلي منهم
شوق: والكيكة والعصير
سعود : مب لازم او بعدين لحالنا
بعد شهور
ماجد تقدم لحنين ووافقت وقررو يكون عرسهم بعد البنات ب شهرين
شوق وسعود استقرت حالتهم بأمريكا و زي العسل مع بعض
بالمطار
شوق : افف طولو مانادو ع رحلتنا
سعود : ادري بروح اسأل
شوق : بنتاخر مايمدينا نرتاح ونلبس ونتجهز لعرسهم 13 ساعه الطياره
لمن وقف سعود اعلنو انه تأجلت الرحلة لبكرا علشان الأحوال الجوية
شوق : لاااااااااااااا يمزحوووووون
سعود : وقته ( يرفع جواله وهو حاط يده ورا راسه ) مشاري ، اجلو الرحلة لبكرا يعني ما بنوصل الا بعد العرس ، ايه الجو مطر وهوا قوي ، يالله ، اعتذر لي منهم ، يلا سلام
شوق مادة بوزها ومتكتفه : والله مو وقته
سعود : خلاص حبيبتي يصورون لك أكيد
بعد ست سنين
في المطار تنزل شوق وهي ماسكة ولدها عبدالعزيز و سعود شايل راكان اللي نايم بحضنة
واحد عمره 5 سنوات والثاني سنة
شوق : اخيراً رجعنا
حنين و ماجد استقرو ببيت جميل وعندهم بنت وولد توام عمرهم 3 سنوات
هند وحمد استقروا لكن واجهو صعوبة بالحمل وحاليا هند حامل ب بنت بشهرها السابع
العنود ومشاري عندهم ولد ومكتفين فيه وحياتهم جميلة
الهنوف ومشعل ، اجلو سالفة الحمل ، وحاليا الهنوف حامل بالشهر الاول
جمان وطلال عندهم 4 عيال 3 اولاد وبنت وحاليا حامل ببنت .، حياتهم متعبتهم شوي لان عيالهم اشقياء
خلود وسلطان ❤️عندهم بنت وحده ولا يبون غيرها عمرها 4 سنين
سامي وهنادي ، عندهم بنت عمرها 6 سنين ، وكل شوي تحمل وتسقط مايمسك حملها ، لكن سامي مكتفي فيها وفي بنتهم
انتهت الرواية
اعتذر عن كل شي وادري أني مو قدها ومعد اكتب روايات ع أني كتبت كثير وراحو لان جهازي خرب
واعرف أني ما استحق الوسام اللي كان
اعتذررر جداً جداً
مع تحياتي / سلطان الصمت
|
|
|
10-19-2014, 10:29 PM
|
#94
|
رد: اصدق الحزن ابتسامه في عيون دامعه (خاص للمسابقة)
اصفق لك بحرآره . على موضوعك الرائع
والمميز ولاعجب في ذلك مميز في أختيآرك دائما..
كلماتي تعجز عن وصف مدى ورووعة موضووعك..
أسأل الله لك التوفيق والسعادة
مع خالص احترامي وتقديري
|
|
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن » 06:49 AM.
Powered by vBulletin® Version 3.8.11 Copyright ©2000 - 2024, Jelsoft Enterprises Ltd. new notificatio by 9adq_ala7sas HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
| | | |