اليوم ودي افتح موضوع يعني مادري صار موضه ولا وباء منتشر ؟
المشكلة ان البعض او الاغلب طايح فيه الله يستر علينا و على الجميع
بداية ً :
كلمة ما احلل ؟
الي تنحط ف كل مكان و خصوصا الزاوية الي ودي نتكلم فيها اليوم هي الصور ,
طبعا كلمة ما احلل صارت سلاح او عذر لكل بنت ودها تطلع مفاتنها
و كأنها ماسكه عذر انها تقدر تطلع الي تبي من مفاتنها و الكلمة نفسي ولا مره سمعتها
الا اول مره من البي بي عرفتها و كنت اتسآئل من وين الخوات الكريمات مطلعينها ؟
لها اساس ؟ مذكورة فالقران ؟ و طبعا اللي معروف من قبل و الي اتوقع اغلبهم عارفين هالشي
لكن عندي ( ما احلل ) اقدر اطلع و اصور الي ابي ..
قال تبارك و تعالى :
في آية النور :
" وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها
وليضربن بخمرهن على جيوبهن ولا يبدين زينتهن إلا لبعولتهن أوآبائهن .."
و عن رسول الله صلى الله عليه و سلم قال :
" " نساء كاسيات عاريات , مائلات مميلات , رؤوسهن كأسنمة البخت المائلة , لا يدخلن الجنة ولا يجدن ريحها "
ي بنت الحلال انتي فاهمه شنو الي قاعده تقرينه , الجنة ماتشمين ريحتها بسبب صورة ؟
لا منها فايده ولا عايده ! مادري شلون تبيعين اغلى ما تملكين و اذا قلتي لي بس الي عندي بنات شنو يعني ؟
البنات ملائكة ؟ ترى الصاحب اخطر من العدو ولا عشان يقولون لج البنات :
" انتي حلوة انتي كشخه انتي جميلة ! " صدقيني الي ماتنشر صورتج ب ترويها لاحد اغلى منج عندها !
رفيجتها ولا اخوها ولا ترسلها لحد شوفي فلانه حاطه صورتها !!
و عاد غير الي ما يمسحون الصورة اساسا ..
و الطامة الكبرى !
انج تكتبين ما احلل وانتي عارفه و واثقه ان في ناس بتاخذ الصورة لو ما كتبتي ( ما احلل )
لكن في ناس ماعليها منج والله لو تموتين ما حركتي فيها شعره !
وبتنشر الصورة بفضل الاخت ولا افتكرت في ( ما احلل ) و دليل واحد ماتقدرين تمسكينه عليها ,
و فالنهايه ترى مو البشر الي يحللون و يحرمون الله فوقج ويصدر الاحكام .
عن نفسي والله وايد صادفت بنات من هالنوع ولاني يوم القيامه مابي اكون شفت الغلط و سكت عنه ,
و طبعا الي حذفتني من كلامي الي عور راسها و الي تقولي الله يجزاج خير و الكلام يدخل من اذن و يطلع من الاذن الثانية ,
و الي تابت من كلامي الله يثبتها و غيرهم كثير الي تابو لكن بعد ما فات الاوان و طارت الطيور ب ارزاقها ..
يوم لا ينفع ندم ولا حتى اتوقع حياتج ما تسوى شي عقب ما تنتشر الصورة .
كلمة ما احلل ما لها اي اساس و الي عندها دليل تعطيني اياه انا مستعده
و لا اصلا من البداية ليش نلبس العباة و نتغطى و حرام نختلي بالرجال ولا انا غلطانة ؟
ولا شرايكم بعد نغطي الوجه و نطلع بدون عباة اهم شي الوجه ما يبين صح ؟
هالكلام للبنات الي للحين فيهم ذرة خوف من الله و فاهمين كلامي
و عقلهم ف راسهم و يعرفون وين مصلحتهم تكون , فكروا قبل اي حركة اي كلمة ..
الله يهدي الجميع يارب و يغفر للجميع و يتوب عليهم ..
بنات الاسلام و احفاد الرسول والله شيء يعني يقههر و يضيق الصدر .
و اخيراً للمناقشة :
- هل ترى/ين عادة تصوير الفتاه لنفسها حرية شخصية ؟
- ما اثر هذه الظاهرة على المجتمع ؟
- ب ماذا تنصح/ين ؟
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف