عشق الجسد فانى .............. .....تلقاه كله تراب
عشق الروح عالى ................ مفهوش اى ملام
حبيب الجسد كداب .............. ودائماّ يكون خاين
حبيب الروح ملاك .............. عمره ماكان خاين
عيون حبيب الجسد بتعرى . تشوف اللى مش ظاهر
عيون حبيب الروح ماتعرى .... الحب فيها حكاوى
ياحلاوة عشق الروح للروح ... لما تكون بأخلاص
تلقى الحبايب سوى .... بيغنوا ويا الهوى بأحساس
يتطهروا بالحب ............... ويغتسلوا بالنسمات
فراشهم هوه الامل ................. تجمعهم الكلمات
حبهم يكون مدرسه ................... وتعلم العشاق
ذريتهم تكون غنوه .................... تكبر بالالحان
عاشق الجسد ثعبان ......... مغشوش ورى الالوان
عايز يشوف عشيقه .......... من الراس الى الاقدام
ويوم ما ياخد مراده ......................... يقول له
اففففففففف .......................... ريحتك مش تمام
عاشق الروح ....................... قصره فيه ابيات
مكتوبه ببلسم الهوى ..................... كأنها اّيات
اللى فى قلبه تلقاه ............... مكتوب فى الابيات
صريح مايخبى ................. ولايخدع فى الكلمات
يبنى بيوت الهوى ............... ويرفع عليها رايات
وتفضل بيوت الهوى .............. تحكى احلى كلام
يابخت اللى اتحد معاه ...... حب الجسد ويا الروح
يعيشوا حبايب وفى الاخره ........ حبهم فى الروح
يبقوا اثنين والاخلاص ثالثهم ...... وربك رب قلوب
يزرعوا الموده بينهم ...... وحياتهم اّمان وبلا خوف
لاشيطان يدخل وسطهم ... والخصام ملهوش وجود
احساسهم يكون واحد ... وحب الجسد فرحه وشوق
والحب ياصاحبى كلمه ............ اصلها من حرفين
وأصل الهوى غنوه ............. مكتوبه على الجبين
كداب يللى تقول الهوى ............. له ميعاد أو يوم
يللى بتسأل ع الهوى ............ هوه نصيب مكتوب
العشق بين الجسد والروح
العرض الشجري