غيرت نظرات عيني فيك كليه
وشلون حبل الثقه بيديك تغتاله
*
وش عاد باقي تقول تظن بالنيه
ياللي طعنت بكلامك خافق شا له
*
عطاـك حلـو الغلا شوق وحنية
واخذك في عالمه ماغيرك اصفاله
*
يهيم في عالمك في روحه وجية
ما همه الارضاه وغاية اوصاله
*
حبك ملك خافقه مليون بالميه
متربع في الحنايا جالس لحاله
*
واليوم اشوفك تصدد بالنظر فيه
يا قو نظرتك فيها الغدر قتاله
*
والله لو جات عينك صوب عينيه
ماعاد تفرق معي واقول محتاله
*
الله يجـازيك علقت السهم فيه
الجرح جرحك وقلبي انت مغتاله
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف