وصدّقت في حاجةٍ ماكنت اصدقها .. كيف الاوادم تموت وبعدها حيّه

الدمعه اللي لي اسبوعين خانقها ..........طاحت قصيدة غرام بروح مرثيه وانا عشان أمسح الدمعات اوثّقها ...........عسى دموعي تخفّف حرّ مافيّه لو كل الاحلام نحلمها نحققها ..........ماكان شفت الفراق وجبت طاريه فارقت مجبور مافكّرت افارقها ...........لاشك حكم القدر مايعرف النيّه من قبل ما احب ضحكتها وارافقها ...........من قبل نار العنا تطغى على الفيّه يوم ان شمس المعرفه لاح بارقها ...........حسّيت فيها دلع طيبه وعفويه وبديت أرتّب من ابياتي وأذوّقها ...........واقول من ذوقها ماهي طبيعيه لين سرقتني غلا واصبحت سارقها .............وبدا غلانا يزود شويّه شويّه شهرين لين استوت فيني مطارقها .............وقيمة شهر من غلاها دور حوليّه ونكّست كل البيارق من بيارقها ...............تفنى بيارق غرام لعين مهويّه صارت تشفّق لوصلي واتشفّقها ...............ونبادل الحب حنيّه بحنيّه لكن ردآ الحظ ضايقني وضايقها ............يوم ابتدت قصّة الحزن الحقيقيّه يوم اشتكت والبكا والدّمع مغرقها .............وبان الخبر ياهي الاقدار مخفيه حاولت اخفّف حزن روحي واروّقها ...............محروق لكن بكاها زادني كـيّـه وصدّقت في حاجةٍ ماكنت اصدقها .............كيف الاوادم تموت وبعدها حيّه أو كيف تفلت من يديني وانا اعشقها .............أو كيف تعشقني وتفلت من يديّه أو كيف ابن عمها يقدر يعلّقها .............ياعل ابن عمّها تفنى مساعيه تأخيرها حاجةٍ ماكنت طايقها ............وشلون ابتحمل الروحه بلا الجيه وشلون ابلقى بهالارض ومناطقها ...........من فيه عقل الملاك بحسن حوريّه منهو يعوّض خفوقي حسن منطقها ...........منهو يزيد الحكي لمسات سحريه يوم اتبلّى على نفسي واضايقها ...........تقول ياعل مافيك يحصل فيّه ماني بقاوي عقب هذي مفارقها ............ولاني بناقص تعب والروح مبليه ولاني أناني واقول الله يوفقها ............واحيان من حبها كلّي أنانيه احيان لاجيت لجل الحشمه اعتقها .............تصيح في داخلي مليون جنيّه ياعل منهو فرح فيها يطلّقها .............حتى تردّ ونعيش احلام ورديه والكلمه اللي بتحرجني وابنطقها ............ماينفع البدو حب بدون حريّه ولو الرجل ماتهزّه بنت عاشقها ............ماكان دمعي يطيح لخاطر بنيّه راقت لي

الموضوع الأصلي: وصدّقت في حاجةٍ ماكنت اصدقها .. كيف الاوادم تموت وبعدها حيّه || الكاتب: فخامه اميره || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر