ياقربهم لا قلت طلعه على تيس

ياقربهم لا قلت طلعه على تيس
ويابعدهم لا قلت محتاج حاجه

اهل اللجاجه والوجيه المفاليــــــس
مامن وراهم غير كثر اللجاجه

ياهاجسي تكفى تعوذ من ابليس
الصقر ماياكل فروخ الدجاجه

يكرم لساني عن علوم الحماليس
اهـــل العقول الفارغه والعواجـــه

عيني تطالع فوق واشوف واقيس
ويشوش راسي للقاء والمواجـــه

عليك بااللي دايمن مرخي الكيس
اللي ليامن جوه يضحك حجاجـــــه

اللي تناسب له جميع التضاريس
يمدح مطرها لو مطرها عجاجه

صدره وسيع ولا تجيه الوساويس
هــــذا دوى قلبي وهذا علاجــــه

زيزوم حلال الامور الواليـس
لو ينزعج ما احدن يحس انزعاجه

واما العفون اهل الوجيه المكاويس
بفراقهــــم قلبي يزيد ابتهــــــــاجه

من راح ياجعله مراح النسانيس
وكلن على ماقيل عارف خراجه

ارفع جنابي عن علوم الدنافيس
واللوم في بعض المواقف سماجه

اللي يلوم الهيس في زلته هيــــــــــس
هذا الوكاد وكل شخص ومزاجه



.. للكاتبه ..
كارزما بنت صنيتان بن صنهات المنصهت

الموضوع الأصلي: ياقربهم لا قلت طلعه على تيس || الكاتب: دفرنت || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر