عرش السحاب

عرش السحاب




أرجوك ياللي بالملامة تسلا
ترى العذل واللوم مابه تسلي

كانك ببعض الهرج ودك تحلا
ماشوف في زود الملامة تحلي

تلومني في صاحب ٍ ماتخلا
وشلون تبغاني لحبه أخلي

وش عاد لو هو من دلالة تغلا
يحق له بعض الدلع والتغلي

ليتك معي يوم الجمال يتجلا
وتشوف شوف العين هاك التجلي

والا سمعته يوم ضحكه تعلا
أوآه ليتك واقف في محلي

كان العذل واللوم والهرج ولى
واصبحت في دنيا غرامك مولي

سيد الحلى والملح ماينتخلا
بدر على عرش السحاب متعلي

سبحان من سوى وكمل وخلا
جنسه عديم وصحبته ماتملي

لاشفت زوله فز قلبي وهلا
وان جيت يمه قام واقبل يهلي

وان غاب عني كل شي يملا
وان صار عندي كل شي ٍ حصل لي

الموضوع الأصلي: عرش السحاب || الكاتب: فارس الشهباء || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر