مع السلامه باب الاصحاب سده

الــبارحة دارت علــى الرآس ذكراك
,,, والقلب منك مآخذ الفين قده

ياصويحبي ماكآن في وسعي اجفاك
,,, واليوم في وسعي لك الفين صده

ياصاحــبي حدك تماديت بخطاك
,,, والصبر ماينطــآاق لازآآاد حـده

صبري نفذ ماعـادت النفس تبغاك
,,, مالي على درب المعاتيب شده

بحاول انسى ذيك الايام وانساك
,,, وانسى اللذي قد كآن مزحه وجده

واندم على كلمة(ترى القلب يفداك)
,,, واندم على كلمة (لك الفين ورده)

بدلتني فــي صحبــةٍ دوم تشــناك!
,,, بــد اللذي يشناك ياصــاح بده

وش جاك مني يابن الاجواد وش جاك
,,, ابديت لك كـل احتـرامٍ تــوده

كنت احسب اني دايم الدوم يمناك
,,عزي على اللي من شمالك تعده

بودعك رب السمـــاوات يــرعـــاك
,,, مع السلامه باب الاصحاب سده

الله يقويني على فراق شــرواك
,,, واللـي يبيع القــلب مايسترده

الصاحب اللي حزت الضيق يجفاك
,,, بــاكر يجيــله يوم ويعــض يـده

الموضوع الأصلي: مع السلامه باب الاصحاب سده || الكاتب: دفرنت || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر