الـشـاعــر مـحـمـد بـن فـطـيـس

التقرير

حي الله اللي يغيب ويسرع الـرده
اللي يجينـي الـى منـه تباطانـي
البيت ذا خابرن مضنونـي يعـده
وان غبت بالبيت ذا قام وتولانـي
واليوم مضنون عيني غاب له مـده
وأرسل له البيت والتقرير ماجانـي
وأقول في خاطري هو صد من جده
وأرب عـاده يروعنـي ويلعانـي
يعني جميع الغلا اللي جاه ماسـده
ولا كفاه إن حبه شـرب شريانـي
جعل الحزن والسهر والضيقه تحده
يطلع ارقام ربعي واصغر اخوانـي
ثم يتصل بي واشوف الرقم واسـده
وأقول ياموت ذق ماذقت بلسانـي
وأنا تراني من الشحنه علـى حـده
لكن خله جزا لـه يـوم يجفانـي

الموضوع الأصلي: رد: الـشـاعــر مـحـمـد بـن فـطـيـس || الكاتب: مجروح الخاطر || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر

كثر الغلا كثراه

كثر الغلا كثراه يامتلف الحال
أظن ربعه كان سد الخليقه
ماينتظر لزيادته منك أفعال
ايزيد ماهو بالشهر بالدقيقه.
وصلك ربيع و غيم و طيور وهجال
وبعدك ارياح من جنوب ,, وحريقه.
والبعد ماينقص غرامك ولاحال
دون الوفا اللي ماخلق ما يعيقه.
الوقت حاول فيه وافلس ولا طال
اقفال بيبان الحصون العتيقه
والقلب في حبك على الود لازال
ايجدد اعهود الغرام الوثيقه
زولك وقف توي ومن دون الازوال
ما اشوف غيرك كان تبغي الحقيقه
وطيفك لهاجس من شرب حبك اظلال
الى اللتفت شافه معه في طريقه .
يمسي على ذكراك واحواله احوال
ويصبح يفك بما بقا منك ريقه.
واللي بقا ذكرى لمافات وامال
اسقي بها في خافقي لك حديقه.
حديقة " احلام لها سور وأقفال
وطيور حبك في سماها طليقه.

ودي أخفيك
فديتك والله إن ودي عن عيون العباد أخفيك
أو أخليك وعيون البشر عن شوفك أعميهـا
دعاني خافقك وأنا خفوقـي جاوبـه لبيـك
ولبت روحـي وفـزت لداعيهـا ومغليهـا
عسى عيني على طول الزمن يازين ماتبكيك
وعسى دارن تضمك رايح الوسمي يساقيهـا

يا طـيـــــــــــر

ياطير لو سامـوك عـام وراء عـام
لا نـي بلايمهـم ولا نـي ببـيـاع
لو وصلوك اهل النظر ستـة ارقـام
مابعت طمـعٍ فيـك مانـي بطمـاع
على كبيـر الجـول عـازم وهمـام
وصيدتك ف المخلاه في كل الاوضاع
«لا انته بصياحٍ ولا انتـه بحـوام»
على ما قال اللي يوصف لك اطبـاع
وسهيل قد له من ظهر قطعـه ايـام
وف العيد لو تكفخ لحق موسك القاع
انا لو انـك عندهـم رحـت سـوام
واللي سواتـك ماهقيـت انّـه يبـاع

ذالليل كن نجومه شوي واشتات

ذاالليل كن نجوومه شووي واااشتات
من كثر مـا راقبتهـا قبـل ذالليـل
فيها عـن البـارح وقبلـه تفيـوات
اعّدها مـن يـوم غيبـت ياسهيـل
ذالليل لبسه صمت وفراشـه سكـات
كنـه يشجعنـي لجـر المـواويـل
لكـن يكـدر صفـوة الجـو دقـات
دقات منفصله وهي مـا لهـا ذيـل
اروح ادورهـا بسمعـي تصـنـات
وتطلع عقارب ساعـة بايـدة حيـل
مسيرهـا دقـات واكثـره وقفـات
هي ريضه وانا ارقب الصبح واخيل
الزبده ان الليل ذا مـا بـه اصـوات
كني لحالي والعرب من ورى النيـل
الناس مدري وينهـم كنهـم امـوات
كنهم تمالوا فـي وكنـي مـع سيـل
سيل الهجوس اللي الى جاتني جـات
كتها على عقلي من الماضـي تهيـل
تظهر من الشاعر تنهـات وابيـات
واللي مهو شاعـر يظهـر مناديـل
تعيد لـي ذكـرى غـرام البدايـات
وتحلل ايـام مضـت فيـه تحليـل
وتاخذ بصدري مثل كل ليل صولات
ومضمونها معروف راعي المظاليـل
اللي فتحت الصدر له مـن سنيـات
وخذ في فوادي ركن لازال ما زيـل
قافي لو يوصـف لزينـه حركـات
قامـوا بتقليـده بنـيـات ذالجـيـل
وعينه الى منـه صدقنـي بنظـرات
دريت وين الضعف فـي يارياجيـل
ابختصر وصفي له بخمـس كلمـات
دله....صباح و ليل...سيف وفناجيل
قطعت من شانه طـوال المسافـات
الميل متر يسير لاشتقـت لـه ميـل
يشتاق لي مره وانـا عشـر مـرات
ويعطي وانا معطيه هيل بـلا كيـل
اعرف قولة هاك ولا اعـرف هـات
ويخطي علي بالصد واصـد واشيـل
عنده على تبريـر صـده مهـارات
وعندي لقبل اعـذار صـده تعاليـل
حبه قعـدت ابنيـه عـدة سنـوات
وفرقاه في كسرة عصا دون تعليـل
فجئه ولانـي بيـن دمـع وتنهـات
وقد كل ما قد فات ذكـرى واقاويـل
وقعد بين اسج ..مـا اسـج فتـرات
عقلي يحاسبني وقلبـي مـع الخيـل
قلبي يقول اللي مضى كذب ما مـات
لونه ميت ما قعـد جرحـك يسيـل
يقعـد يذكرنـي ديـار ومـحـلات
ويعيد لي ما فـات جملـه وتفصيـل
ويقول لي معذور والا انـت بالـذات
مالك عذر في طيحتك في المحابيـل
وعقلي يقول اللي مضى ماضي وفات
ما من ورى طرد المشاعر محاصيل
اعطيتـه عيونـك وشـح يتلـفـات
وخلاك شربك هـم واكلـك بهاذيـل
هيهات زيد تشوف له زول هيهـات
انـس المدابيـر وتلـق المقابـيـل
اقنعنـي العـقـل بـكـلام ودلالات
اني علـى درب الخطـا والمهابيـل
الحزن مـا يذبـح كـلام ودعايـات
هذا انا ما مـت فـي تالـي ابريـل
والصد مهما كان حجمـه سلامـات
هذا البدو مـا ماتـوا لغيبـة سهيـل

عمري مراحل

أواجه أحزانـي بحبـك ولا أخـاف
وأصبح قوي لو شافوا الحال ناحـل
عمري مراحل يحمل أشكال وأصناف
وحبـك يعدينـي جميـع المراحـل
ما أبغي معي في بحر الأيام مجداف
مادمت لي طوق النجـاة وسواحـل

جمايل وطنا

والله مـا تحصـى جمايـل وطنّـا
والفضل للي خصنا بيـن الاوطـان
خيـرات ربـي فيـه منّـا ومنّـا
بر وبحـر مـا ينتثيمـن بالاثمـان
رمله ذهب قبـل التطـور حضنّـا
وحصاه فيه الخيرلو كـان صيـوّان
من قسوة احجاره صفـات معدنـا
ولانه اساس صروح الامجاد ما لان
اجدادنـا عاشـو بظلـه واهلـنـا
في بحره وبره على الشده أخـوان
بـره منـازل بـدو منـا وعـنـا
وبحره مـلاه الله لولـو ومرجـان
أنشـد برياضـه ونتبـع ضعـنـا
إبل وغنم تذبح إلـى حـل ضيفـان
ان جا الشتاء في كل خايـع نزلنـا
وفي القيظ غاصه كل صعبٍ لنا هان
ان شان وقت الناس بالطيـب زنـا
وأن زان زنا فـوق زينـه الا زان
يوم العسـر صنـا ثـراه وشملنـا
بالامن والخيرات حضر ٍ وبـدوان
والديـن وحدنـا وفضلـه كفلـنـا
وعشنا اخوان بوجة الايام جـدران
واليـوم نـور العلـم بـدد جهلنـا
ودرب العلا نمشيه لو كان ماكـان
ونستشرف المستقبـل بقـو املنـا
بالله الاول ثـم مجهـود الانسـان
أنراهـن ونتعـب وتكسـب رهنـا
والواقع الحالـي دلايـل وبرهـان
اصبح على الواقـع يشاهـد علمنـا
ورؤية الامير نشوفها شوف الانسان
كانت مجـرد حلـم كانـت وكنـا
واليـوم حققنـا الامانـي بالايمـان
بعزومنـا صرنـا نسابـق زمنـا
ونسبـق وننجـز ماعملنـا بأتقـان
علـى عواتقنـا الامانـه حملـنـا
وحن قدها في كل محفـل وميـدان
ومن قو صملة عزمنـا لا صملنـا
بالغصب عسفنا الصعايب بالارسان
وللمجـد حثينـا المثيـر ووصلنـا
حتى بلغنا مطلـع النجـم لا بـان
والخيـر كلـه بـأذن ربـي قبلنـا
ومستقبل ٍ زاهر نشوفـه مـن الأن

العّلم

ياقطر لـش فـي سمـا العـز منـزال ومـدار
ولش رجال ن دون عرضش ودون ارضش سهوم
يلمعـون بطيـب الافعـال حتـى ف النـهـار
ومن طمع بمنش يجونـه علـى راسـه نجـوم
للعدو من دونـش المـوت وان عـاش الفـرار
وللصديـق الوقفـه الصادقـه عـنـد الـلـزوم
كهلنـا فـي الحـرب والسلـم راس ن يستشـار
وشبلنـا فـي الخـط الاول وف العليـا يحـوم
الوطن غالـي ويرخـص لـه امـوال وعمـار
لـو فنينـا كلنـا فـي سبـيـل انــه يــدوم
الحضر والبـدو حصنـاً علـى الـدار وستـار
كلهـم فـي خدمـة الـدار بقلـوب وعــزوم
ياقطر لـش فـي سمـا العـز منـزال ومسـار
والعلـم يكفـخ مـن العـز مـن فـوق الغيـوم

الله ولا غيره يدنق براسي

الله ولاغـيـره يـدنـق بـراسـي
وبا أموت مادنقـت بالـراس للنـاس
للإسـم وألا المـال مـا لان باسـي
والمال ماعمره شرى قلب وإحسـاس
ساسي كذا وأنا على سـاس ساسـي
ساسٍ وأساس الساس ساسٍ على ساس
نـاسٍ لنـا فـوق الثريـا كراسـي
وعلى الثرى بالعز والمجد مجـلاس
شوف الجبل وش لون شامخ وراسي
أنا سواته بـس بأنفـاس وإحسـاس
لاعـاد تجرحنـي وترجـع تواسـي
حاسب ترى ضنك مثل رمح جساس