يا مسافر .. وعيني لك مداها

يا مسافر .. وعيني لك مداها .. بلاد
جدب أرهق أراضيها .. حنين المطر


قام لك كلّ غصنٍ .. من شعوري يناد
كيف .. ما هزّ غيمتك .. إنحناء الزهر


مووت .. صلّت مشاعرنا لوصلك عباد
وإنت قطّاع وصل .. وأرضنا تحتضــر


مـ إرتوت .. من مواسم ريّها للحصاد
لين يبّس ضماها .. كل عودٍ خضـر


ما رجيتك سوى للعمر .. فرحه وزاد
وما لقيتك سوى غايب .. بليا عـذر


إيه أقسى شعور العاشقين .. البعاد
لكن البعد أقسى لو خيالك حضر


كنّ هـ العمر بستان وغزاه الجراد
يوم ما رحت وأسراب الليالي تمر


ليلتي جرح يا كبر الجروح الجداد!!
كيف لو صارت الليله تساوي عمر؟!


إيه شاعر .. يجوز آهيم في كلّ واد
بس مـ آهيم في وادٍ بليا [ شجــر ]


كل حيّ بغيابك في عيوني .. جماد
وكل شيّ بغيابك .. خلّى قلبك حجــر


ماإثنى غصن أشواقك .. حنين المداد
ولا كسر عود من صبري غيابك دهـر


ناطرك .. لين يكتب للمصافح أياد
ناطرك .. لين يرسم للمعانق صــور


ناطرك .. لين تروى بك عيوني بلاد
يوم تجرح ضماها وإنت شوفك مطـر

الموضوع الأصلي: يا مسافر .. وعيني لك مداها || الكاتب: تاج الروح || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر