جزر الدلع فيك ياخذني

جــزر الدلــع فيــك ياخـذنــي
يا ناعم الخد سلملي على خدك..
وبلغ تحيات قلبي خدك الثاني..

والله لو لا الحيا واخاف من صدك..
لجيك طاير وضمك بين ذرعاني...

في انسكب لونك الباهي على قدك..
واهتز عرش الخفوق وطاحت اركاني..

جزر الدلع فيك ياخذني على مدك..
وموج المتاهات يأمرني وينهاني..

مدري دلع مكتسب والا أنت من جدك..
ولا تسوي كذياني على شاني..

اسج عن شوفتك واعيد والدك..
وانك مركز على كنك تحداني..

لن كان موتي نهاية كل ماودك..
أرجوك فارق ترى يكفيني ماجاني..

وان كان لك قصد ثاني هات ماعندك..
شفني فتحت لك قلبي قبل بيباني..

اطلب وانا لو طلبت الروح ماردك..
ياغايتي ياغناتي ياأخر أوطاني..

هذي بقايا سنيني كلها حدك..
وهذي بطاقه عليها أسمي وعنواني..

واذ كان ما كفتك سلم على خدك..
وبلغ تحيات قلبي خدك الثاني..

الموضوع الأصلي: جزر الدلع فيك ياخذني || الكاتب: فارس الشهباء || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر