حطيت مكياجي وكحلي وعطري

فتحت لك باب الغلا والـف شباك
وحطيت مكياجي وكحلي وعطري

وجلست في قمة غلاي اتحراك
الشوق فاضح والغلا شق صدري

ارسم ملامح فرحتي في محياك
واقول يانفسي ترى الوقت بدري

وانباح نور الصبح وانا انطر شفاك
تثني على ذوقي وشوقي وسحري

بس انت سالي بين ذولا وذولاك
وانا نفذ صبري على طول صبري

ياكثر ما صديت لا مر طرياك
خوفي من العذال بالشوق تدري

باصك باب الشوق واحاول انساك
ما انت بكفو قلبي ولا حب عذري

يكفيك مني بالهوى كل ماجاك
ياما كتبت الشعر والدمع حبري

غروك مدري غرتك حلو دنياك
حفظت قدرك لكن أهملت قدري

الموضوع الأصلي: حطيت مكياجي وكحلي وعطري || الكاتب: دفرنت || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر