ليه المساء في طلّتك يبهج الروح

ليه المساء في طلّتك يبهج الروح؟ وكنك تزيده فوق ضو القمر ضَي وليه أنت وحدك همستك تبري جروح؟ وكنك لها بلسم ولي الزاد والمَي وليه إن حكيت بجد وإلا حكي مزوح؟ كن الحروف إستحرمت مسلك الغَي ودي أجاري منطقك واطلق البوح لكن شبيهك في البشر ما بعد حَي كل القصيد اللي أحاسيسه تفوح يحلف أحاسيسك معه مالها زَي يانبض قلبي كيف حالي لو تروح البُعد شمسه حارقه وشوفتك فَي يبقى فراقك جرح في الجوف مفتوح ما ينفعه طِب المداوي ولا الكَي خلك هنا ولي معك حلم وطموح أمسك يدينك وتهتني بممسك إيدَي نبني من أشواقي مع أشواقك صروح ونِرقى على هآم المشاعر بها رقَي خل الغرام وخافي العشق مفضوح وإروي ضُما صدري | بضمة غلآ | ي

الموضوع الأصلي: ليه المساء في طلّتك يبهج الروح || الكاتب: عطري انفاسه || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر