والله مدري وين اوجه

والله مدري وين أوجه وين أروح

الكون ضيق من الجهات الأربعة

آلله من هم يزوح القلب زوح

قطع شراييني عسى آلله يقطعه

ياهند شوفي بأرق الفرقى يلوح

سحبه تزود وبارقه له شعشعه

ياهند وجه القطع شوفيه بوضوح

بين ولايحتاج يشر باصبعه
أحبابي إللي بين قلب وبين روح

اقفوا وخلوني بوسط المعمعه

الصدر يا هندا كما المرجل يفوح

والعين ياهندا لهيبه تدمعه

ياهند وآلله مابقى عندي طموح

ولا بالدواء لا امراض جسمي منفعه
ياكثر صدقان السوالف والمزوح
وياقل صدقان الظروف الموجعه

ياليتها ضيقه تجي يوم وتروح

ياليتها ضيقه توصلني سعه

اقبال ل احزاني ول افراحي نزوح
هم ن يباشرني والآخر يتبعه
لك بح صوتي يالمسيكين الشفوح
لكن ولاكنك كلامي تسمعه

وآلله لوتبني على البيداء صروح

ما يكتبه لي خالقي ماتمنعه
اصعد بك القمه وتنزل للسفوح

من نزله ربه تحت من يرفعه

لو مر فيك إنسان يغليك ونصوح

علمك ب أن الماء يرد لمنقعه

وأن البنادم لو يعيش بعمرنوح
ياقرب ساعة مولده من مصرعه
ياهند يابلسم همومي والجروح
أبوك مايشكي وجع وأنتي معه
ياضاق صدره ماح عسر القاف موح

وشل العنيد الصعب منه وطوعه

وغناه ل اسراب الحمام بكل دوح

شعرن يعرف أنه شعر من يسمعه

ياهند باقي بيت من عقبه بروح
ابعثر الشعر الحقيقي واجمعه

تدرين ليه العين (ياهندا) تنوح

الفارسي هدت عليه القوبعه


الشاعر فرحان قيران العنزي

ريآن معجب بهذا

الموضوع الأصلي: والله مدري وين اوجه || الكاتب: محروم || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر