عايش ونوره

قصـــه شعبيـــه حصلت في قريه قريبـــه من مدينه الرياض


كان هناك شاب اسمـــــــــــــــــــــه (( عــــــــــــــايش ))
يعيش في هذه القريه وكان يحب بنت اسمهــــــــــــــــــا (( نـــــــــــــــــوره ))

في يوم من الايام ذهب عايش لـ يخطب نوره ولكن ابو نوره رفض >>>>كـ العاده الحب عذاب
لأن عايش كان على قد حاله وما عنده حلال ولا عنده فلوس كثيره فـ شاف عايش نوره عقب ما طلع
من عند ابوها وقالها : نوره انا راح يصير عندي فلوس و راح اشتغل و راح ارجع اخطبك واتزوجك .
و نورة كانت تحب عايش فـ وافقت انها تنتظره.


سافر عايش الى منطقة مرموقة في السعودية وصار يشتغل في التجارة

ومرت الايام وصار عنده فلوس و رجع لـ قريتة عشان يطلب يد نورة من جديد ويتزوجها


ولكن لما رجع القرية تفاجى ان نورة تزوجت لأن ابوها أصر عليها انها تتزوج.


وكان عندهم البنت لازم تتزوج اذا جاه شاب قادر على الزواج.

وتفاجى ايضا انه مو بس تزوجت بل هاجرت الى مكان ثاني مع زوجها ولا أحد من القرية يعرف المكان

وقرر عايش يسافر >>>> ونعم الرجال ونعم الحب , ويدور على نوره .

ومر على القريه الأوله و راح وسلّم على أمير القرية وقاله: أنا عندي لغز واللي يجاوب عليه
بعطيه كل حلالي.

فقال الامير :

وشنو اللغز ؟

قال :

بــنـشـدك عن نـور القمـر وشلــون نــوره؟

احد الجالسين قال له ابيض واحد ثاني قال له اصفر وكل الاجوبه غلط !

محد عرف حل اللغز فـ سافر الى قرية ثانية وطرح عليهم نفس اللغز , ولا احد عرف الجواب .

مر بـ عدة قرايا ولكن لم يجد من يحل اللغز ...

ومر عايش على قرية وهو تعبان مره من السفر..

فقال لهم : انا عندي لغز واللي يعرف الحل بعطيه كل حلالي

بــنـشـدك عن نـور القمـر وشلــون نــوره؟

محد عرف الجواب ..

فقال لهم : انا اليوم بنام عندكم لأني تعبان واللي يعرف الجواب يقوله لي الصبح .

ومن بين الحضور كان زوج نوره موجود,

فـ رجع للـ بيت قام يسولف مع زوجته نوره..

قال : جانا اليوم واحد خبل يقول عندي لغز واللي يحله بعطيه حلالي كله .

فقالت له: قول لي وشو اللغز يمكن احله

قالها :
بــنـشـدك عن نـور القمـر وشلــون نــوره؟


فـ ابتســــمت نوره..

وقالت له عرفت الجواب
قال لها : صدق
قالت له:
قوله مثل السمــــك في البحـــر وشـــلون عايــــــش؟

فقام الصبح زوج نوره و راح وقاله : انا عرفت الجواب .[/color]
فقال له: وشو الجواب
قال له :
مثل السمــــك في البحـــر وشـــلون عايــــــش؟

فـ ابتســـــم عايش وقاله : هذا مالي وحلالي وسلم لي على نـــــوره

الموضوع الأصلي: عايش ونوره || الكاتب: غيوم نجد || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر