لي عم عنده معرض للصوالين

سبحان مـن يـرزق بتـوع الملاييـن
الـرازق اللـي مـا يخيـب الـرجـا بــه
لـي عـم عـنـده مـعـرض للصوالـيـن
أموت واعرف بس مـن ويـن جابـه
وإذا سألـتـه قــال بـعــت الدكـاكـيـن
مـا يـدري إنـي مـا هضمـت الإجابـه
الشاهـد إنـي رحـت لـه قبـل يوميـن
فــي قـصـره العـامـر ودقـيـت بـابـه
قال ارحب ارحب عدّ ورد البساتيـن
يــا مرحـبـا بالـلـي لـفـا يــا هـلابــه
قلـت البقـا عــدّ النـفـل والرياحـيـن
يا شيـخ شمـل اهـل الكـرم والذرابـه
قال اسلم الله يحفظك لـي مـن العيـن
وآمـر أوامــر حضـرتـك مستجـابـه
قلـت الصراحـة طالـبٍ قـرب غاليـن
ودي تـزوجـنــي كـريـمـتـك يــابــه
ثـنّـى وقــال اهلـيـن والله وسهلـيـن
والكون ترخـص لجـل عينـك رقابـه
لكـن تـرا عنـدي شــروط وقوانـيـن
قلت اشرط اشرط يـا حبيـب الغلابـه
قــال أولاً مـهـر العـروسـة ثمانـيـن
غيـر الرسـوم وغيـر حـق العصابـه
والثانيـة عمـك يبـي مـنـك سبعـيـن
رســم الأبــوّة والنـسـب والقـرابـه
وام العـروسـة حقـهـا مـنـك ستـيـن
عشانـهـا ســت الحـسـن والمهـابـه
واخوانهـا كلـن يبـي منـك خمسـيـن
عــداً ونـقـداً تـنـدرج فــي حـسـابـه
وخواتها الخمس اعطهن من ثلاثين
عـشـان تتـوثـق عــروق النـسـابـه
وتجيب طقم عيـار واحـد وعشريـن
وخاتـم مـن المـاس المصفـى ترابـه
واكياس متروسـة كعـوب وفساتيـن
ألـوانـهـا واشكـالـهـا مـــا تـشـابــه
ومـوتـر بسـواقـه وفـيـلا بـدوريــن
أثـاثـهـا مــــن بـطـرتــه ينـحـكـابـه
واحجز لنـا قاعـة بقصـر السلاطيـن
واحـجـز بـهـا رقاصتـيـن وربـابــه
ومنع دخول اهـل اللحـى والبزاريـن
واعــزم أمـيـر المنـطـقـة بالنـيـابـه
هذي الشروط اللي على بالي الحيـن
وذكرنـي اللـي مــا حسبـنـا حسـابـه
قلـت اذكـر الله يـا عــدو المساكـيـن
واسـتـغـفـره لا يبـتـلـيـك بـعــذابــه
الظاهـر إنـك منـت عـارف أنـا ميـن
أنـا لـو ارقــا فــوق مـتـن السحـابـه
ما جبت حتـى نـص درزن مواعيـن
واضحـك بكيفـك واعتبرهـا دعـابـه
شروطكـم هـذي شــروط المجانـيـن
شروطـكـم شـغـل ابـتـزاز ونـهـابـه
شروطكـم تقصـم ظـهـور البعـاريـن
شـروطـكـم هـمّــن وغـــم وكــآبــه
شروطكـم والله سـيـوف وسكاكـيـن
تذبـح بـنـات المجتـمـع مــع شبـابـه
وين الرضا والعطف واليسر واللين
الـلــي ذكـرهــا الله بمـحـكـم كـتـابـه
وين الصفات اللي أمرنـا بهـا الديـن
وين اختفـى نهـج النبـي والصحابـه
يا عـم جعـل اللـي خلقنـا مـن الطيـن
يــرد عقـلـك مــن خـطـاه لصـوابـه
ويجعل نصيبي عند غيرك قـل آميـن
ويحسن عزا الصابر ويجـزل ثوابـه
قال انـت لـو فكـرت تفكيـر صاحيـن
ما شفت في مجمل شروطـي غرابـه
حـنـا بعـصـر العولـمـة والمـزايـيـن
ماهـوب عصـر الفلسفـة والخطابـه
النـاس تسـعـى للـرتـب والنياشـيـن
وانـت اهتمامـك بالشـعـر والكتـابـه
والشعر مـا ينفعـك لـو هـو دواويـن
مـا دام جيـبـك مـثـل بـيـت الخـرابـه
يـا بـوك لا تسمـع كـلام المصاخـيـن
واسأل مجرب عاش في وسط غابـه
قلـت الله اكبـر يـا مـحـرر فلسطـيـن
مـن يسمعـك يحسبـك ذيـب الذيـابـه
تـراك شـايـب راس مـالـك ريالـيـن
والبنـت مـا تسـوى جـنـاح الذبـابـه
قال انقلع مالت علـى وجهـك الشيـن
لا عـــاد اشـوفــك عندنـايـالـزلابـه
قلـت ابشـر لكـن الـبـاب مــن ويــن
واقفيت من عنده علـى صـوت بابـه

الموضوع الأصلي: لي عم عنده معرض للصوالين || الكاتب: دفرنت || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر