أبكي وعيني تسهر الليل يا ريم ,,,, مدري بلاها الشوق والاالظليمه
ياريم دمع العين مدري على الريم ,,,, والاعلى قلبن تواكل صميمه
تقول لاطمني على نونها سيم ,,,, ابكي وعندي لزرق الدمع قيمه
ويمكن يكون الدمع للعين تكريم ,,,, ويمكن يكون الها عذاب وحريمه
والله يا لولا دمعتن كنها الديم ,,,, راحت ضلوعي من عذابي حطيمه
ودام البكاء يا ريم ما فيه تحريم ,,,, يا عنك والله لارخص الدمع شيمه
وابكي على حالي من الوجد واهيم ,,,, لين الزمن يخلف عليه نسيمه
ابكي حياتي صافيه ما بها غيم ,,,, وين المحبه والقلوب السليمه
ابكي قهر وابكي من الغبن والضيم ,,,, وابكي من طعونن بقلبي قديمه
غدر الزمن خلى بوجهي مراسيم ,,,, ومايذبح الرجال مثل الهزيمه
بعض المصايب شرها ياكل الهيم ,,,, وشلون بكبود الرجال الكريمه
وبعض المصايب يخلفن المفاهيم ,,,, تبغي على ماقيل صبر وعزيمه
مظلوم بالدنيا غيري مظالـــــــيم ,,,, من عرض ناسن لبسوهم جريمه
ماعاد ابي من سود الايام تعليم ,,,, عقب العذاب اللي كلاني جحيمه
ولو تصفي الدنيا علي الملازيم ,,,, ماعاد ادور من وراها غنـــــيمه
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
دام البكاء يا ريم مافيه تحريم
العرض الشجري