05-16-2018, 04:57 PM
لوني المفضل
Cadetblue
♛
عضويتي
»
2026
♛
جيت فيذا
»
May 2018
♛
آخر حضور
»
04-12-2019 (11:23 PM)
♛
آبدآعاتي
»
3,959
♛
الاعجابات المتلقاة
»
0
♛
الاعجابات المُرسلة
»
0
♛
حاليآ في
»
♛
دولتي الحبيبه
»
♛
جنسي
»
♛
آلقسم آلمفضل
»
الاسلامي
♛
آلعمر
»
26سنه
♛
الحآلة آلآجتمآعية
»
اعزب
♛
التقييم
»
♛
♛
♛
♛
مَزآجِي
»
بيانات اضافيه [
+
]
كر العجوز وذكى الراعى
السلام عليكم ورحمة الله وبركاته
.
.
مكر العجوز وذكاء الراعي ؟!
سالفتنا اليوم .......
عن رجال كان يعاني من الفقر
ما تحمل فقره وقرر إنه يدور ع شغل يسترزق الله من وراه
طلع من ديرته طالب للرزق وبعد جهد جهيد جاه الفرج
لقى عجوز عندها غنم فوق الخمسين راس طلبها يشتغل
عندها راعي ....
العجوز ما صدقت خبر قالت بس بشرط ؟
قال الرجال وش الشرط ؟
قالت تاخذ أجرتك بعد سنه ؟!
تحوش الغنم هنا عند بيت الشعر
واللي تقدر تشيلها وتحذفها
من فوق البيت تصير لك و أنت وقوتك !!
فرح الرجال واثق من قوته وقالها موافق ..
وبدأ يسرح ويروح في الغنم
وإذا جاء من المسراح إلا العجوز مجهزه له الغداء
وإذا جا ءفي الليل العشاء جاهز ...
وع هـ الحال ويمر الأسبوع الأول والشهر الأول ..
إستغرب الرجال من العجوز ؟؟
كل مالها تنقص الملح في الأكل ؟!
لين صارت تسويه بدون ملح !!
إستحى لا يقولها شي وحمد ربه
إنها تذكره بالأكل ..
وبدا ينزل وزنه قال في نفسه يمكن من الشقاء والتعب ..
وإلا من هم البعد عن أهلي ...
ومرت السنه بسلام ..
يوم جاء من المسراح وهي تنادي عليه يافلان يافلان ؟
حش الغنم هنا عند البيت وتعال .........
طار عقله من الفرح اخيرآ
إنتهت هالسنة وبيرجع لأهله .....
قالت
يالله الغنم قدامك اللي تقدر حذفه إحذفه واللي ما تقدره خله!!
كان أقرب شي له عنز عجوز ضعيفه شالها ورماها
من فوق البيت ضحك من الفرح ..
وقرب لثانيه وحاول يشيلها ما قدر ؟
والثالثه ماقدر والرابعه والخامسه ؟!!
إنهد حيله من كثر ما يحاول ....
قالت العجوز :
خلاص خذ عنزتك والله يستر عليك ويرزقك ..!!
إنقهر الرجال يرعى سنه كامله متغرب عن أهله وديرته
وآخرتها عنز عوده عجوز ؟
جلس يفكر ويفكر .....................
تنبه إن سبب نزول وزنه من قلة الملح في الأكل !!
وإن العجوز ضاحكه عليه
رجع لها وقال ياعمه ودي أشتغل عندك سنه ثانيه ؟
عسى الله يرزقني وهو ناويها هـ المره ...
ما صدقت العجيز
قالت :
بس شرطي هو هو
قال موافق
وبدا يسرح ويروح وإذا رجع
لين أكله جاهز بس ماعليه ملح ؟
إشترى خيشة ملح وحطها عنده ...
وصار كل ما جابت الأكل اخذ شوي من الملح
وحطه ع الأكل ..
دارت السنه وصحته هالمره زينه ..
نادت عليه يافلان هات الغنم عند البيت ..
حاشها عند البيت ...
و قالت يالله وهي واثقه
بدأ الرجال بالسمينه وحذفها ووحده
وراء الثانيه لين أخذ غنمها كلها
وهي تناظر عرفت إنه كشف خطتها
قال :
الحين بروح لأهلي وأنا كسبان
يوم جاء يمشي لأهله قام ورد العنز العوده ..
وقال للعجوز هذي عطيه مني لك
.. وإنتهت سالفتنا ..
كلمات البحث
العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر