رغم السنين اللي مضت

للحين / وجهي منكسر في مراياه ! .............. للحين / اذكر كيف ضقت وبكيته ! قبل الحنين يجيب دمعي من اقصاه .............. اخذت .. دمعي في يديني وجيته ! جيت المكان اللي شهد يوم فرقاه .............. معي كلام ( يموت بي ماحكيته ) ! كني طفل راجع لحضنه ومربآه ! .............. يدوّر .. امّه بين ( حيّه وميته ) ! محروم .. الا من جروحه وذكراه ! ..............( فقير ) الا من شموخه وصيته ! من يومها وانا ادوّر على اشباه ! .............. ترد لي عمراً قضى , ما ابتديته ! ياكثر مافيني من الضيق وال ( آه ) .............. اكثر من الحرمان , لامن طريته ! كثر العذاب اللي سكن في هداياه ! .............. كثر الأمل ( لاقلت بأني لقيته ) ! رغم ( السنين ) اللي مضت اتحراه .............. عجزت اقول اني [ كبرت ونسيته ] ! مديت له قلبي .. وروّح وخلاه .............. الظاهر انه : ماعرف وش عطيته !

الموضوع الأصلي: رغم السنين اللي مضت || الكاتب: فارس الشهباء || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر