في مرّة دخّلوا محشّش على ضابط في الشرطة
قالوا له هذا المحشش قتل 26 رجال بسيارته
الضابط ما اقتنع بالسالفة راح وسأل المحشش
قال له الضابط : كيف قتلت 26 راجل ؟
رد عليه المحشش بكل أدب وثقة بالنفس : إسمعني ياحضرة الضابط ، أنت رجال
فاهم ومتعلم وان شاء الله راح تفهم السالفة ؟
انبسط الضابط من ردّه وقال له : طيّب قول لي كيف سوّيت ؟
رد عليه بنفس الثقة بالنفس : شوف يا حضرة الضابط ، أنا الحين داعس
في خطّ سريع ، حلو الكلام ؟
قال الضابط : حلو .
قال المحشش : تخيّل على الرصيف اللي على اليمين واحد جالس،
وعلى الرصيف اللي على يساري 25 شخص جالسين.
قال الضابط : طيب.
قال المحشش : وعلى يسار الخطّ فيه قصر أفراح ، وال25 رجّال رايحين القصر ،
اتّضحت الصورة؟
قال الضابط : إلى الحين كلامك معقول.
قال المحشش : فجأة وأنا ماشي ضرب عليّ التاير، والسيارة بتروح عليّ يا يمين يا يسار .
قال الضابط : أي نعم.
قال المحشش : يعني فيه خيارين ، يا أدعس الرجّال اللي لوحده ،
يا أدعس الخمسة والعشرين رجال الثانين ، صح والا أنا غلطان ؟
قال الضابط : فعلا موقف محرج .
قال المحشش : طيب يا ضابط ، ألحين أنت رجّال عاقل وواعي ،
وانحطيت لا قدّر الله في مثل هذا الموقف ، وش راح يكون تصرّفك ؟
قال الضابط : والله أنا بادعس الرجّال اللي لوحده .
قال المحشش : عين العقل ، أنا فكّرت نفس تفكيرك وقلت بدعس الرجّال اللي لوحده .
قال الضابط : طيّب كيف قتلت الباقين ؟
قال المحشش : خلّك معي يا حضرة الضابط لا تستعجل ،
أنا قرّرت ألفّ على الرجّال اللي بروحه ،
لكن النذل راح هرب عند جهة الخمسة وعشرين ولحقته ودعستهم كلهم
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
محشش قصده شريف
العرض العادي
