عشق بلا قيود للكاتبة رشا الخياليه

في البيت..
انتهت سلهام من صلاة الظهر في غرفة وصايف ونزلت تبحث عن البقيه، اين ذهبوا لماذا البيت هادئ؟!
رآت في المرآه عجايب أتيه من خلفها قادمه من المطبخ تريد إخافتها..ابتسمت قبل ان تلتفت/شفتك يالخبله

عجايب ضربتها على كتفها/يمه منتس يالجنيه

سلهام وهي تمثل الدور/انتبهي لا اطلع لتس بأي مكان ههه

عجايب/بسم الله علي ..اخيراً قمتي يالقطوه

كشرت وهي تشير إلى نفسها/كل هالطول الفارع وتقولين قطوه، يا عصير ابو نص.

ضحكت/يممممه منتس صدق انتس ملسونه، امشي افطري

سلهام وهي تذهب وتجلس باسترخاء/مالي نفس

جلست امامها بابتسامه بلهاء/حااامل؟!!!

شعرت بتملل، ارادت الضحك وممازحتها/ايه ارتحتي؟

عجايب/مبرووووك،ياااارب تجي بنووته وازوّجها حمود ولدي

عدلت جلستها، وهي تستنكر/يخسي والله ما زوجه بنتي

عجايب صغرت عينيها/نعم نعععم.. وش فيه ولدي.. وش يعيبه هاااه

سلهام وهي تكتم ضحكتها/وش ترجين من واحد من وهو ابو 6سنوات يصيد ضبان ويراكض وراء الجرابيع؟ اااسسسفه خلي ولدتس القناص لتس..

عجايب بفخر/اي نعم قناص.. وازيدتس من الشعر بيت يعرف يرمي بالرشاش ويصووب بالشوزن بعد..تشوفين بكرا البنات مثل النمل عليه

سلهام بسخريه/نمل!!!!.. ههههه حشى صرصور ميت مو ولد ..

همت بالهجوم عليها/بتفقع مرارتي ببنتها اللي مابعد جت على الدنيا، والله يابنتتس بتطلع ملقوفه بشكل

سلهام كتمت ضحكتها بابتسامه وهي تضع يدها على بطنها و "بسخريه"/وخري عني تراني ماني رايقه..حامل وتعبانه مابي اتوحم عليتس واجيب بنت تشبهك<<< كتمت ضحكتها بابتسامه

عجايب عادت لتجلس مكانها/تذكرت انتس حامل والا جلدتس.. وبعددين ووش فيني هاااه؟ يااازززيني احمدي ربتس ان جت تشبهني

سلهام ضحكت وهي تراها تصدق/اي ززين يصير خير.. وين العرب بس؟

عجايب/اييه غيري السالفه احسن لتس.. ام عناد وبنتها راحوا قبل صلاة الظهر وتوق طلعت مشوار الصباح بدري وماقالت وين.. شيهانه رجعت الصبح وللحين نايمه

طرق الباب الداخلي وهو ينادي/يـــا ولد..

سلهام وقفت وهي تسمع صوت حاكم/انا رايحه المطبخ اسويلي كبتشينو..

اتجهت له عجايب وهي تسابق خطاها ..ابتسمت بدمعه وهي تعانقه/الحمدلله على سلامتك يا الغالي

حاكم بابتسامه ذابله/الله يسلمتس ..

امسكت بيده بهدوء/تعاال ارتاح داخل محد هنا

رد بكسل/لا لا.. بروح ارتاح بغرفتي.. بس وين أمي

عجايب/بغرفتها صلت الظهر و قالت بتنسدح شوي.. روح لها طمنها تراها تعبت علينا البارح ..ويدوب ارتاحت بعدما عرفت انك صرت احسن

تركها وهو يذهب للسلم/انا رايح لحد يصحيني للغداء.. ايه وتذكرت روحي لتميم يبيتس

عجايب ابتسمت ووجدتها فرصه/طيب يا حبيبي

تركت الصاله متجهه للمجلس.. وتراه يجلس و يتابع التلفزيون/السلام عليكم

تميم/وعليكم السلام.. هلا عجوبه

عجايب/هلا براعي الاسرار…

استغرب/راعي اسرار!!

عجايب وهي ترمي عليه الخديده الصغيره/ليه ماعلمتني ان سلهام حامل ..ماعندك ساالفه.. تدري بستانس بهالخبر

انفجر ضحك وحاول الهدوء/تطقطق عليتس يالخبله

عجايب مافهمت/وش قصدك

وهو يضحك/يعني تكذب عليتس..شكلتس مطفشتها وقالت اسوي عليها فلم ههههههه

عجايب وهي تقف/والله ماخليها ام عيون، لا وتهاوشنا قبل شوي اقولها بخطب بنتتس للولدي حمود ورفضت..

تميم وهو يضحك يعجبه الحديث عنها/ناديها خلينا نلعب كيرم.

عجايب وهي ترفع اكمامها للاعلى/والغداء من بيقابله؟..عن اذنك بروح اكسر راس مرتك واشوف غداي لا يحترق

تميم/طيب ناديها لي.

… /لا تنادينها..

التفت الجميع للصوت..!!
تميم لم يرتاح ابداً لنبرة الجد، يا ترى ماذا يريد منه بعد هذا الجفاء وطلبه لـ سلهام، وقف ليسلم عليه/ارحب يابو مسفر

جلس الجد وهو ما زال يرمقه بنظرات عجز تميم عن فهمها..

قرر المبادره فالشك أبتدأ بالنخر في تفكيره/سَم يا جدي.. وش العلم.

الجد بطريقه غير مباشره/شلون سلهام معك.. عساها ماهي بمقصره

استغرب بل دهش من السؤال/لا.. ليش السؤال

الجد/اجل ليش ناوي تتزوج عليها.. وش السبب اللي يدفعك تتزوج عليها،

رفع حاجبه/هي اشتكت لك مني؟

الجد/والله ودي انها تشتكي لو مره.. علشان اقدر اتصرف معك ززين..انا مفوضك على الله واظن انك تعاملها كزوجه محترمه.. لاتظن ما وراها ظهر.. ترى والله لن جتني لو مره تقول مابيه ماني بمخليها ترجع لك ابد الا اذا طلبت هي ترجع انا حلفت

تميم/المطلوب يا جدي؟..يعني دامها ماشتكت مني ليش تقولّي هالكلام؟!!

الجد/امك تمشي بين العرب و تقول انها،خطبتلك لجل البزارين،انا مامنعك وهذا شرع الله.. بس حبيبت اني انبهك …لو تزوجت.. سلهام ماتنقص مكانتها.. اعدل لا تجي يوم القيامه شقك مايل.. وتذكر ان جتني سلهام تقول ماتبيك والله معاد ترجع تاخذها..

سكت تميم وتنفسه يضطرب من هذا الوعيد،…

الجد لاحظ قبضة يد تميم يتضح انه تحت ضغط كبير،لماذا كل هذا التوتر من اجل سلهام وهو سيتزوج عليها../اسمعني انا ابي اطلب منك طلب

تميم التفت اليه مستغرباً ماهو هذا الطلب ياترى/انت تامرني يا جدي ماتطلب

الجد بابتسامه/اجل ابيك تخلي سلهام عندي هالاسبوعين هذي.. ابيها حولي انت تخبر ان شيهانه تبي تروح مع رجلها الله يشفيه..انت اكيد بتنشغل بالتجهيز للعرس. منت فاضي لها يعني

وكأنما سُكب عليه ماء بارد/بس زواجي بعد اسبوعين..

الجد/وانت قلتها ..خل سلهام عندي تونسني لبى عيونها.. وانت هذي فرصه تنشغل بالجديده..

وقف يريد الخروج وهو يشعر بالورطه.. ماذا سيفعل تشتت* أمه من جهه وظنونه بسلهام من جهه اخرى..

ناداه وهو يقف عند الباب/تميم

التفت/لبيه

الجد وهو يتحامل على قلبه الذي يحب حفيدته/ترى معونتك وعشاء العرس علي..و اي شي ينقص عليك تجيني

ابتسم ببرود وسرعان ماختفت ابتسامته/ماتقصر عسى عمرك طويل.. عن اذنك

الجد/وين رايح؟

تميم/بروح ابدل ملابسي،الشرطه يبوني بخصوص اللي صار

الجد/ماصار شي جديد؟

تميم بجديّه/انا عندي كذا واحد شاك فيه.. بقول اساميهم كود يطلعون هم.واذا تحسن ذيب يبون يستجوبونه بعد اليوم الصباح كانوا عند حاكم في المستشفى. .اللي صار البارح ماراح يمر بالساهل

الجد/عساك ع القوه

ابتسم بخيبه و خرج وهو يشعر بتشتت وضياع.. كيف سيتزوج بأخرى وقلبه معلق بتلك المتمرده؟!!..كيف يوافق ان لا يأخذها معه لبيته اسبوعين..كيف سيستغني عن صاحبة العيون الضاحكه،واحاديثها ومشاكستها له!!..
لكن هكذا افضل لعلّه ينساها وتبتعد عن ناظريّه..لا يريد من تخلت عن شرفها.. وان تعلق قلبه بها!!
انتعل حذاءه ثم اصطدم بها عند باب الملحق.. وسقطت ظل واقفاً كالصنم!!

وقفت من سقوطها وهي عابسه/هييه ماتشووف انت!! ماشي مثل القطار

عقد حاجبه/وش جاابتس الملحق انتي

تخصرت وهي كاذبه/ماجيت ادورك.. جايه لجدي

بهدوء/طيب تراني وافقت تجلسين هنا اسبوعين

لاحظت لبسه وابتسمت/اووكي. بس وش هاللبس ما شاااء الله يابو سروال وفنيله.. اثاريك تعرف تلبس جينز!! ههههه

ابتسم لا ارادياً/افا عليتس انا اعجبتس.

اقتربت منه بابتسامه وهي تحاول ان تهمس بعدما شاهدت حذاءه/اي بس ثاني ياحظي مره اذا لبست جينز لا تلبس زبيريه برجولك هههه <<الزبيريه حذاء رجالي تقليدي تشتهر بصناعته الاحساء

لم يغضب بل مازال مبتسماً، منتظراً لأي ردة فعل ولو قليله/خلاص بروح اسمع نصيحتك وبتكشخ لان خلاص زواجي بعد اسبوعين ما يمدي

تجمدت ابتسامتها على ثغرها، تفاجأت لماذا بهذه السرعه،حاولت ان لا يتضح تأثرها ولكن انخفضت رغماً عنها نبرتها/جد والله؟

ليغيضها اكثر/مافي مبروك؟!

حاولت المحافظه على ابتسامتها البارده ولكن احساسها بالذل يزداد مع استمرار ظلمه لها/كيف ما ابارك لك؟.ابارك لك وارقص بعرسك بعد لو تبي ..بس قول امين.. عساك ماتشوف الذريه منها.

استغرب هده الدعوه،لربما لأنه حرمها من معاملتها كزوجه وبالتالي لن ترزق باطفال/هذي غيره؟!

ضحكت بسخريه وهي تريد انهاء هذا الحوار المرهق معه/قلتلك الوحده ماتغار الا على زوجها.. سلام


نظر اليها بتحدي وهو يراها تذهب بلا مبالاه/اوكي اثبتيلي انتس ماغرتي

التفتت اليه مستغربه/كيف تبيني اثبت لك يعني؟!!

بنظرة تحدي/ابيك ترقصين بعرسي

سكتت قليلاً ثم عادت اليه/بدون تطلب، اكيد برقص في عرسك ياخوي، شدعوه
"اقتربت منه طبعت على خده قبله سريعه وذهبت"

تركته واقفاً مصدوماً يضع يده على خده وهي تدخل للجد ..كم هو لذيذ الحديث معها ولكنه مرهقاً للقلب.!! .
،
.
خرجت عجايب من المطبخ وهي تحدث نفسها (مدري ليه اذا جيت هالبيت احس كني ماكبرت وماتزوجت وماصرت أم.. اصير انا راعية البيت وكأنهم مايستغنون عني.. فديتهم من غيري يضيعون، صدقت نفسي لبيهم هم اهلي)
شاهدت توق تدخل ويتضح عليها الحزن من عقدت حاجبها.. مرت من بعيد وصعدت السلم للاعلى.. بالتأكيد لم تراها..
.
،
.
اتجهت صوب غرفتها وهي غارقه بهمومها.. تريد ان تفرد وجهها بابتسامه لتعرف تجامل الناس ولكن دون جدوى.. كيف تبتسم وكل فكرة سيئه عن الذي حاول قتل زوجها تطاردها.. من يكون ان لم يكن عبدالرحمن؟!!

فتحت باب الغرفه ودخلت وهي ترمي بحقيبتها و تنزع عبائتها.. فتحت ازرار قميصها الابيض لتنزعه وترميه جانباً بفوضويه توضح مدى يأسها..
..اخذت مشبك الشعر من فوق التسريحه ورفعت شعرها للاعلى واضافت مشبك آخر نظراً لكثافته..
وقفت امام مرآتها وهي ترتدي البدي الذي تلبسه تحت القميص الذي نزعته .. ترى ملامح التعب والارهاق تبدو واضحه على وجهها..
تمتمت بدعاء يريح قلبها (ربِ اشرح لي صدري ويسر لي أمري).

كان شبه مستلقياً يرفع رأسه ويراقبها منذ ان دخلت، اراد رؤيتها براحه.. تكفيه لذة النظر إليها ..

رن هاتفها ونظرت الاسم بابتسامه وردت/هلا مهاوي ..حبيبت قلبي ..الله يبارك فيك.. حياك الله بكل وقت.. اكيد بفرح بشوفتك بنت عمو..

انهت المكالمه بابتسامه ذابله.. تلك الفتاة النقيه لم تتأثر بكراهية محيطها..

تحدث بتعب بعد ان مل الانتظار/متى ناويه تتصلين علي يعني؟

التفتت للسرير مصدر الصوت،ابتسمت بسعاده وهي تضع يدها على ثغرها دليل مفاجأه/حااكم!!!

حاكم بابتسامه/لا شبحه..

لم تستطيع السيطره على نفسها لتقفز له على السرير وتعانقه بدموع الفرح والخوف/الحمدلله على سلامتك حبيبي

حاول ان يسمو على صداعه،/الله يسلمتس

لاحظت ملامح التعب تبدو واضحه عليه وتلك الشاشه تلف راسه رق قلبها وهي تحاول ان لا تبكي ولكن دموعها خذلتها/الله لا يسامح اللي كان السبب..راسك يوجعك بالحيل ياقلبي؟

أرمش بخمول، ولكن لا يمنعه من محاسبتها/لا ما عليتس مني..ماقلتي وين كنتي رايحه بدون اذني؟

اتضح عليها الارتباك من حركة يديها و محاولة الابتعاد عنه/هاه!

استغرب جوابها الذي جعله يتحامل على تعبه ويعدل جلسته/انطقي وين رحتي من دون اذني؟!!

خافت من نبرته التي لم تسمعها من قبل،لماذا تضع نفسها في موقف محرج كهذا/كنت عند اهلي

بغرابه اكثر عقد حاجبيه بغضب/مهما كان المكان اللي تبين تروحين له.. ماسمحلتس تطلعين من دون اذني.. فااهمه؟!!!

اقتربت منه لتمسك بيده محاولةً تهدئته/حبيبي اخر مره بلييز

بشده لم ينسى الموضوع،اتضح الغضب في نبرته الهادئه/من اللي وصلتس لهم و من جابتس؟

اقتربت من حافة البكاء،استغربت غضبه في وجهها وهو الحبيب/سواقي

نفض يدها عن يده/اي سوااق هذا؟!

خافت من كثرة اسئلته لم تعهده هكذا/سواقي اللي عند اهلي والسياره اللي معه سيارتي أنا، انا كفيلته علشان دوامي واعمالي شفيك عصبت كل هالقد

حاول تهدئة نفسه، لا يعلم لماذا لم يستطيع كبح جماح غضبه ،رفع صوته قليلاً حتى لا يسمعهم احد/شلوون ماعصب شلووون وزوجتي رايحه مع سايقها بدون علمي هاااه ..

حاولت النطق بكلمه ولكنه قاطعها/توق اطلعي برا.. يلاا برا

اجتمع الدمع في عينيها و تحركت شفتيها لتبدأ بالبكاء، وكأنها انخرست، كل ذاك كان من اجله، لم تذهب لأهلها في زياره خاصه بل من اجله هو لم تحاول الدفاع عن نفسها وهو غاضب هكذا، تركت له السرير و ذهبت لاخذ قميصها من على الاريكه وتدخل الحمام.. غسلت وجهها وحاولت انعاش نفسها ..لتخرج وتتركه كما طلب.. كانت صامته مصدومه..

بـ "غيرة رجل شرقي" شد على قبضة يده ليتحكم في غضبه ،لا يستطيع ان لا يغار ..تمنى لو لم يطردها ولكن هكذا افضل وهو غاضب، يجب ان تعلم انها اصبحت على ذمة رجل قبل ان يكون عاشق..
،

وقفت خارج جناحهها تحاول ان تستجمع نفسها وتمسح دمعتها. كانت في حالة صدمه ،حاولت ان تسيطر على مشاعرها ودموعها.. فمن جرحها يساوي روحها.. هي تعلم انها اخطأت ولكن هذا اول خطأ ولم يتزوجا الا من يومين.. كان من المفترض ان لا يجرحها بهذا الحجم.. لدرجة ان يطردها من الغرفه .. الجرح من الحبيب اشد وطأه من غيره..
.
،